ꤜꤢꤨꤊꤢ꤬ 20:37 - ลีเทส่อพ๊าอาเซ เร๊อ เห่ขุทวาลู๊

³⁷ เร๊อ คูโมเสส แด๊โฉ่ หล่าหล่า ลีลี เจ๊อ เร๊อ แกแย เด๊อ อา เซอ โทเฮ๊อ เต๊เห่เนอ, อา เก่ ก๊อถ่อ เซอเพร กาคยา ปา, เมเตเฮ๊เรอ เพอับราฮัม เร๊อ เพอิสอัค เร๊อ เพยาโคบ เออเต๊เห่เนอ, อา เซอโท อา งย๊า ลาเฮ๊อ ตื๊อดื่อเรอ ลีเทส่อพ๊ากู เฮ๊ โอ่ โต๊โต่ เน๊อ เบ๊อะหมิแกแถ่ แจ๊โจ่ โต๊โจ่ เบ๊อะเนอ, คูโมเสส เอ๊ แบ่เจ่ เออเนอ เน๊อ, ‘เพอับราฮัม อาจอแปแหร่, เพอิสอัด อาจอแปแหร่, เร๊อ เพยาโคบ อาจอแปแหร่,’ ฮู๊เนอ.

Eastern Kayah Shadaw Dialect

³⁷ ꤚꤣꤧ꤬ ꤋꤢꤨ꤭ꤗꤢꤪꤎꤢꤧ ꤋꤢꤧꤟꤢꤩꤏꤥ꤬ꤜꤥ꤭ ꤜ꤫ꤢ꤬ꤜ꤫ꤢ꤬ꤜꤤ꤭ꤜꤤ꤭ ꤡꤣꤧ ꤒꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤣꤧ꤭ ꤓꤥ꤭ꤟꤣꤧ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤊꤣꤧ꤬ꤓꤢꤪ꤬ ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤕꤢ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤔꤢꤧ ꤖꤢꤩ꤭ꤢꤎꤢꤧ ꤔꤢꤧ ꤖꤢꤩ꤭ꤛꤢ꤬ꤊꤥ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤞꤣꤧ꤭ꤓꤥ꤭ ꤑꤢ꤭ꤜꤥ꤬ꤟꤣꤧ ꤒꤣꤧ꤬ꤘꤢꤦꤚꤣꤧ꤬ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩ ꤥ꤬ ꤒꤣ꤬ꤒ꤫ꤥ꤬ ꤔꤢꤧ ꤙꤣꤧ ꤗꤤ꤬ꤊꤢꤧ꤭ꤓꤢꤧ꤬ ꤡꤢꤧꤡ꤫ꤥ꤬ ꤒꤣ꤬ꤡ꤫ꤥ꤬ ꤢ꤬ꤋꤢꤩ꤭ꤔꤣꤧ꤬, ꤋꤢꤨ꤭ꤗꤢꤪꤎꤢꤧ ꤢꤩ ꤙꤢꤧ꤬ꤡꤢꤩ꤬ ꤣꤧ꤭ꤔꤣꤧ꤬ ꤔꤢꤧ, ‘ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤢ꤬ꤡꤢꤪꤗꤣꤧ꤬ꤚꤢꤧ꤬, ꤖꤢꤩ꤭ꤢꤎꤢꤧ ꤢ꤬ꤡꤢꤪꤗꤣꤧ꤬ꤚꤢꤧ꤬, ꤔꤢꤧ ꤖꤢꤩ꤭ꤛꤢ꤬ꤊꤥ꤬ ꤢ꤬ꤡꤢꤪꤗꤣꤧ꤬ꤚꤢꤧ꤬,’ ꤟꤢꤨꤔꤣꤧ꤬꤯

ꤜꤢꤨꤊꤢ꤬ 20:37 ပူးပေါင်းရင်းမြစ်များ

เห่ขุทวาลู่ 32:9

โทเร๊อ เพยาโคบ กุยจ๊อเบ เน๊อ, “เก๋อ แวโพ เพอับราฮัม เน๊อ แวเพ เพอิสอัค อาจอแปแหร่ดุ, เน หม่า จอแปแหร่ ตูจูเพร เด๊อ อา เฮ๊ แว เน๊อ, ‘กาคยา คยาแซ๊ มอ เด๊อ เนเทอเหน่เก่ เน๊อ เนกลุยเนแล เต๊เห่ อาโอ่เนอ, แว เก่ นอ เอ่เบ่โอโท ดื่อ เน ปา, เน อ๊อแล แว ฮู๊เนอ.’”

เห่ขุทวาลู่ 28:21

โท๊โต่ แว เก่ กาโตโม กาโต่แร๊ เบ๊ คยาแซ๊ เด๊อ แวเพ อาหี่ เฮ๊หม่า, จอแปแหร่ ตูจูเพร เออ อา เก่ ทวา แวจอแปแหร่ดุ ปา.

เห่ขุทวาลู่ 28:13

เร๊อ จอแปแหร่ ตูจูเพร ก๊อถ่อ โอ่ เด๊อ กู่โบเคอ เร๊อ อา เฮ๊ เน๊อ, “แว หม่า จอแปแหร่ ตูจูเพร เด๊อ อา หม่าเฮ๊อ เนโพ เพอับราฮัม อาจอแปแหร่ดุ เน๊อ เนเพ เพอิสอัค อาจอแปแหร่ดุ เตเพรเฮ๊อ. เก่ เด๊อ เน โอ่เมอ เกอเร๊อ อา กู๊แหน่เออ เต๊เก่เนอ, แว เก่ เด๊อะ เน๊อ เน เน๊อ เนกลุยเนลุ๊ย เต๊เห่ ปา.

เห่ขุทวาลู่ 17:7

แว ซิหยื่อ เมหม่าเมกลอ หนิ แวเตอ๊อแล โหง่ เออ ตูจูเพร เน๊อ เน เน๊อ เนกลุยเนแล ตากาแล เด๊อคยา เต๊เห่ ตือทือ โท ตือทือ. แว เก่ ทวา เนจอแปแหร่ดุ ปา โท๊โต่ แว เก่ ทวา เกอดื่อ เนกลุยแล ตากาแล เด๊อคยา เต๊เห่ อาจอแปแหร่ดุ ปาปา.