ꤜꤢꤨꤊꤢ꤬ 2:37 - ลีเทส่อพ๊าอาเซ เร๊อ เห่ขุทวาลู๊

³⁷ อาเว เซอแก ลูเหล่ เร๊อ อา โอ่แคร๊แก เร๊อดื่อ แพ๊. กู๊แหน่เรอ อาหน่า โอ่ เฮ๊อ เชอลุยซว๊า เร๊อ ลุยหน่า เฮ๊อ. อา เถ่จว๊า โตโพ๋ โต่, อา โอ่แพ๊ เบ๊อะเตหลู่แตโฮกูเนอ แพ๊. อา จ๊อบู่จ๊อเบแถ่ จอแปแหร่ เด๊อ เตเตหลู่แตโฮกู เหมาะคี๊คี๊ เหมาะเชเกลเกล เจ๊อ, โท๊โต่ อา โด่เอ่ เหล่เอ่เหล่โอ เร๊อ อา กุยจ๊อเบ ปวาเนอปวาเซ เจ๊อ.

Eastern Kayah Shadaw Dialect

³⁷ ꤢ꤬ꤠꤢꤩ꤬ ꤞꤣꤧ꤭ꤊꤢꤧ꤭ ꤜꤢꤨ꤭ꤜ꤫ꤢꤩ꤬ ꤚꤣꤧ꤬ ꤢ꤬ ꤥ꤬ꤋꤚꤢꤧꤊꤢꤧ꤭ ꤚꤣꤧꤘꤢꤦ꤬ ꤖꤢꤧ꤯ ꤊꤢꤨꤔ꤫ꤢꤧ꤬ꤚꤣꤧ꤬ ꤢ꤬ꤔꤢ꤬ ꤥ꤬ ꤟꤣꤧ ꤏꤣꤧ꤭ꤜꤝꤤ꤭ꤞꤝꤢ ꤔꤢꤧ ꤜꤝꤤ꤭ꤔꤢ꤬ ꤟꤣꤧ꤯ ꤢ꤬ ꤓꤢꤩ꤬ꤡꤝꤢ ꤒꤣ꤬ꤖꤥ꤮ ꤒꤥ꤬, ꤢ꤬ ꤥ꤬ꤖꤢꤧ ꤙꤣꤧ ꤒꤢꤩ꤬ꤜꤢꤨ꤭ꤒꤢꤧ꤭ ꤟꤥ꤭ꤊꤢꤨ꤭ꤔꤣꤧ꤬ ꤖꤢꤧ꤯ ꤢ꤬ ꤡꤢꤪꤙꤢꤨ꤬ꤡꤢꤪꤙꤢꤩ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ ꤟꤥ꤭ꤊꤢꤨ꤭ ꤗ꤫ꤢꤪ꤬ꤋꤤꤋꤤ ꤗ꤫ꤢꤪ꤬ꤞꤤ꤭ꤊꤜꤢꤩ꤭ꤊꤜꤢꤩ꤭ ꤡꤣꤧ, ꤓꤥ꤭ꤒꤥ꤬ ꤢ꤬ ꤘꤥ꤬ꤢꤩ꤬ ꤏꤢꤩ꤬ꤢꤩ꤬ꤏꤢꤩ꤬ꤥ꤭ ꤚꤣꤧ꤬ ꤢ꤬ ꤊꤝꤤ꤭ꤡꤢꤪꤙꤢꤩ꤭ ꤕꤝꤢ꤭ꤔꤣꤧ꤭ꤕꤝꤢ꤭ꤞꤢꤩ꤭ ꤡꤣꤧ꤯

ꤜꤢꤨꤊꤢ꤬ 2:37 ပူးပေါင်းရင်းမြစ်များ

ทิโมธี อาเหร่อเล๊อ ต๊าบ่า 5:5

เพรเหมาะ เตเพร เด๊อ อา โอ่แคร๊ หม่าแหน่ เร๊อ อู เพรแม๊เพรตุ ลู โอ่โต่ เตเพรเนอ, อา แม๊ชือ อา เตเมจว่า เด๊อ จอแปแหร่ อา โอ่. โทเรอ เหมาะคี๊คี๊ เหมาะเชเกลเกล อา กุยจ๊อเบ โตโมโม เจ๊อ. โท๊โต่ อา กุยซิยอ จอแปแหร่ เร๊อ อา เก่ เมจว่า ลู.

เพรโด่แนพู๊ เต๊เห่ 14:23

เด๊อ เพรหยื่อเอ่ตู๊หมู่ตอกล๊อ ตู๊หมู่ เร๊อ ตู๊หมู่ อากูเนอ, คูเปาโล เร๊อ คูบารนาบัส นว๊าแถ่ เป่ เหย่ซี โหมะพรูโหมะเผระ เด๊อ อา เบ่ ทวา ทวาดุทวาเต เต๊เห่. เร๊อ อา กุยจ๊อเบ เป่ เหย่ซี, โทเรอ อา โด่เอ่ เหล่เอ่เหล่โอ, อา เมโท ฮู๊เนอเรอ อา เด๊อะตาแก แกแย เออเต๊เห่ เด๊อ แบ่เจ่ เด๊อ เหย่ซี หยื่อเอ่ เกอเร๊อ เออเตเพร อา กู๊ยากู.

เพรโด่แนพู๊ เต๊เห่ 13:3

เหย่ซี โด่เอ่ เหล่เอ่เหล่โอ เร๊อ อา กุยจ๊อเบ, โทเร๊อ เหย่ซี แด่แถ่ อากู๊ขุ เด๊อ คูเซาโล เร๊อ คูบารนาบัส อาลู เร๊อ อา นอเถ่จว๊า เหย่ซี.

เพรโด่แนพู๊ เต๊เห่ 26:7

จอแปแหร่ อา เตอ๊อแล เออเนอหมา หม่าเฮ๊อ กู๊แหน่เออ แกแยยิวพู๊ เช๊อเนอโหมะ เม เป่เฮ๊อ ลู อา เตเอ่เตแร, เร๊อ เหย่ซี โอ่ป่อแม๊ชือ เกอเร๊อเฮ๊อ เหมาะเฮ๊เหมาะลี เด๊อ อาแซ่เน๊อ แว แม๊ชือ เออเนอ เต๊อเจ่อเฮ๊อ. เพคุ๊ยดู๋ เด๊อ แว แม๊ชือเฮ๊อ เออเนอ อาขว่าอาคยา, แกแยยิวพู๊ เต๊เห่ แม๊ปู เก่ ลอเฮ๊อ แว เตซื๊อ เฮ๊อ.

เตเด๊อะโลแถ่ 7:15

ฮู๊เนอ อาขว่าอาคยา, เหย่ซี ก๊อถ่อโอ่ หนิเบ๊เฮ๊อ เด๊อ จอแปแหร่ อาจ๊อแผ่ กู่แกล๊เท แถ่โล อาเป๊เส่เง เฮ๊อ เร๊อ เหย่ซี เม เฮ๊อ ลู เตเม เหมาะคี๊คี๊, เหมาะเชเกลเกล เด๊อ เตหลู่แต โฮกู เนอ เฮ๊อ. เพร เด๊อะ อา โอ่แนโอ่ เด๊อ จ๊อแผ่ อา กู่แกล๊เท แถ่โล อาโอ่ เออเตเพรเนอ, อา เก่ โอ่เกอ เร๊อ เหย่ซี เร๊อ อา เก่ ตอกอเตเก เกอเร๊อ เหย่ซี ปา.

เตเด๊อะโลแถ่ 3:12

แกแย เด๊อ อา เมเป่ เตเนอ, แว เก่ เด๊อะทวาแถ่ อา เร๊อ แว จอแปแหร่ อา เตหลู่เเตโฮ อาอี๊ถื่อ ปา, โทเรอ อา เก่ โอ่ ตื๊อดื่อลา เบ๊อะเนอ ปา. แว เก่ ราโอ่หนิ แว จอแปแหร่ อามุย เด๊อ อาลู ปา. โทเรอ แว เก่ ราโอ่ แว จอแปแหร่ อาวี หม่าดื่อ เยรูซาเล็ม วีเซ อามุย เออเนอ เด๊อ อาลู ปา. เยรูซาเล็ม วีเซ เออเนอ, อา โอ่ เด๊อ ม๊อขุ เด๊อ แว จอแปแหร่ อาโอ่ เร๊อ อา แฮแล. เร๊อ แว เก่ ราโอ่เกอ แว มุยเซ เด๊อ อาลู ปา.

ꤜꤢꤨꤊꤢ꤬ 5:33

ฟาริสี เต๊เห่ เร๊อ เพรอิซว๊า เตซว๊าเตแส่ อาซ๊าร๊า เต๊เห่ เฮ๊ เหย่ซู่ เน๊อ, “คูยอห์น อา โคเจ่ เต๊เห่ เร๊อ ฟาริสี อา โคเจ่ เต๊เห่ โด่เอ่ เหล่เอ่เหล่โอ เร๊อ กุยจ๊อเบ โตโมโม เจ๊อ ตื๊อดื่อเรอ เน โคเจ่ เต๊เห่เร๊ออา โด่เอ่โด่โอ เกออู โต่ วา.”