ꤜꤢꤨꤊꤢ꤬ 2:10 - ลีเทส่อพ๊าอาเซ เร๊อ เห่ขุทวาลู๊

¹⁰ หม่าแน๊เรอ เตเน่วม๊อขุ เฮ๊ เหย่ซี เน๊อ, “ซิอิเช แต่เหม่! แว แฮเฮ๊โล เป่เฮ๊อ ซี เตซิครือมีลา เด๊อ อา เก่ เม ซิครือ หม่าแหน่ เจ๊อ อูปว๊า เพร ปา เออเนอเฮ๊อ.

Eastern Kayah Shadaw Dialect

¹⁰ ꤗꤢ꤬ꤔꤢꤧꤚꤣꤧ꤬ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤞꤤꤤ꤬ꤏꤢꤩ꤭ ꤒ꤫ꤢꤧ꤬ꤗꤢꤩ꤬! ꤠꤢꤧ꤭ ꤖꤛꤢꤟꤢꤧ꤭ꤔ꤫ꤤ꤬ ꤟꤣꤧ ꤕ꤫ꤢꤩ꤬ ꤞꤤ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ ꤞꤤꤋꤚꤢꤦ꤭ ꤗ꤫ꤢ꤬ꤔꤤꤔꤢꤧ꤬ ꤡꤣꤧ ꤢꤨ꤭ꤕꤝꤢ꤭꤮ ꤖꤚꤢꤩ꤬ ꤕꤢ꤭ ꤣꤧ꤭ꤔꤣꤧ꤬ꤟꤣꤧ꤯

ꤜꤢꤨꤊꤢ꤬ 2:10 ပူးပေါင်းရင်းမြစ်များ

มัทธิว 28:18

เร๊อ แบ่เจ่ เหย่ซู่ แฮ เด๊อ เหย่ซี โอ่ เร๊อ อา เฮ๊ เหย่ซี เน๊อ, “เตอเรอฉว่าชอ เด๊อ ม๊อขุ เบ่เบ่, เด๊อ เห่ขุเออเนอ เบ่เบ่, อู เด๊อะ ลอเฮ๊อ เน๊อ แว เฮ๊อ.

เห่ขุทวาลู่ 12:3

แว เก่ เด๊อะบุ๊ยเด๊อะเตอเรอ แกแย เด๊อ อา เด๊อะบุ๊ยเด๊อะเตอเรอ เน เนอเต๊เห่ ปา. แว เก่ อิชอฮา แกแย เด๊อ อา อิชอฮา เน เนอเต๊เห่ ปา. โทเร๊อ แกแย ล๋อ ปลี โอ่ เด๊อ เห่ขุ เออเต๊เห่เนอ, แว เก่ เด๊อะบุ๊ยเด๊อะเตอเรอ แฮเง เหย่ซี เน๊อ เน ปา.”

มัทธิว 14:27

หม่าแน๊เรอ โตโพ๊โต, แบ่เจ่ เหย่ซู่ เฮ๊ เหย่ซี เน๊อ, “แด่คือแด่ฮา แลแค ซี ซิปล่อ. ซิอิเช แลแค แต่เหม่, เออ หม่า แว แพ๊.”

ꤜꤢꤨꤊꤢ꤬ 1:30

เตเน่วม๊อขุ เฮ๊ ลู เน๊อ, “เหมาะมารี๋ย์ ซิอิเช แต่เหม่ นี๋! จอแปแหร่ เด๊อะบุ๊ยเมเตอเรอ เฮ๊อ เน เฮ๊อ.

โคโลสี 1:23

แซ่ฮู๊ ซีเป๊เส่ เก่ โอ่ เกอดื่อ เด๊อ จอแปแหร่ อา เป๊เส่เง เนอเรอ, ตูรู๊ หยื่อเอ่ เป่แฮ ลาโป่ แลแค ฮู๊เนอเฮ๊อ. หยื่อเอ่ฉว่า หยื่อเอ่ชอ แลแค, เร๊อ โอ่หม่าโอ่กลอ แลแค เด๊อ ซี เตหยื่อ อากู นี๋. เบ๊อะซี หนิโฮ ลู่ เตซิครือมีลา เบ๊อะเนออาเค, ซี พย๊าหนิ โทเฮ๊อ เตแม๊ชือ เฮ๊อ. เร๊อ ซิปล่อ ลูโทลูแล แต่ แลแค เด๊อ ซี เตแม๊ชือ เออ อากู เนอ แต่เหม่ นี๋. เตซิครือซิลอมีลา เด๊อ จอแปแหร่ เมแร๊ กาคยา คยาแซ๊ แกแย เต๊เห่ เร๊อ อาเหน่ เร๊อดื่อ เออเนอ, อู โด่แน จว๊าเฮ๊อ ลู เด๊อ แกแย ปว๋า เตเพร อา โอ่, เร๊อ เด๊อ เห่ขุ ชีบ่า อา โอ่ เฮ๊อ. แว หม่าเฮ๊อ คูเปาโล, แว ทวา หลู่เล๊ เตเพร แว โด่แน เกอ เตซิครือซิลอมีลา เออเนอ เฮ๊อเฮ๊อ.

เพรโด่แนพู๊ เต๊เห่ 13:32

“กู๊แหน่เร๊อ เป แด๊โฉ่ เป่ ซี เตซิครือมีลา. เร๊อ เตซิครือมีลา เออเนอหมา จอแปแหร่ อ๊อแล เป่ โทเฮ๊อ เน๊อ เปเพอเปโพ เด๋อ งย๊าเค เนอเต๊เห่ เฮ๊อ,

ꤜꤢꤨꤊꤢ꤬ 24:47

โทเรอ เด๊อ อามุย อากู เร๊อ อู เก่ แด๊โฉ่โด่แน ถู่แหล่แต๊แกละกา ซิปล่อ อาหรี่อาแก เน๊อ เตปลวาแก เตซื๊อเตปล๊า เออเนอเต๊เห่ อาหรี่อาแก ปา. อู เก่ แด๊โฉ่โด่แน อา เด๊อ เก่โร ปวาเต๊อเจ่อ อาเง ปา, เร๊อ อู เก่ เป๊อแถ่ เฮ๊โฉ่เหร่อเล๊อ เด๊อ วีเยรูซาเล็ม อากู เนอปา.

ꤜꤢꤨꤊꤢ꤬ 8:1

เด๊อเง งยาแต๋โต่ เนอ, เหย่ซู่ เถ่จว๊าแก เร๊อ อา จว๊าโน ตอดอ โท ตอดอ, ตีวี โท ตีวี, เร๊อ อา จว๊าเล แด๊โฉ่โด่แน เป่ อู เร๊อ จอแปแหร่ อาเทออาเก่ อา เตซิครือมีลา อาหรี่อาแก. เร๊อ อา โคเจ่ เช๊อซิเนอ ครวาจว๊า เกอ ลูคยา.

เอเฟซัส 3:8

เด๊อ จอแปแหร่ แกแย เออเต๊เห่ อาเกลเนอ, แว หม่า แกแย เด๊อ อาโตอาเบ่ เกอ เจ๊อ อู ตีกี๊โต่ เตเพร. ฮู๊เนอ เจ๊อ ตื๊อดื่อเรอ จอแปแหร่ เด๊อะตา แว เตบุ๊ยเตเตอเรอ เออ เร๊อ แว เก่ เบ่ แด๊โฉ่โล เป่ แกแยยิวพู๊ หม่าโต่ เต๊เห่ เร๊อ ครี๊ อา เตงูดุงูชอ เด๊อ แม๊ปูซิเง เบ๊ เจ๊อ อาหรี่อาแก โต่ เออเต๊เห่.

ꤜꤢꤨꤊꤢ꤬ 1:19

เร๊อ เตเน่วม๊อขุ เฮ๊ฉื่อ ลู เน๊อ, “แว หม่า กาเบรียล, แว ก๊อถ่อ เด๊อ จอแปแหร่ อา เป๊เส่เง เร๊อ อา นอตาแล แว เด๊อ แว เก่ แฮ แด๊โฉ่ เป่ เน เร๊อ โหง่ เตซิครืออามีลา เออเต๊อเจ่อ เนอแพ๊.

ꤜꤢꤨꤊꤢ꤬ 1:13

หม่าแน๊เรอ เตเน่วม๊อขุ เฮ๊ ลู เน๊อ, “เพเศคาริยาห์ ซิอิเช แต่เหม่! จอแปแหร่ หนิโฮ เฮ๊อ เน เตกุยจ๊อเบ อาขว่าอาคยา, เนเม โหมะเอลีซาเบธ เก่ พู๊โอ่ เป่ เน พู๊เพรคู เตเพร ปา เร๊อ เน โตเบ่ เอ๊ เร๊ออามุย เร๊อ คูยอห์น ปา.

ꤗꤢ꤬ꤊꤢꤨ 1:15

เร๊อ อา เฮ๊ เน๊อ, “เบ๊อะแฮโต่เฮ๊อ. จอแปแหร่ อาเทออาเก่ ผื่อแฮเฮ๊อ เร๊อ เม เต๊เปล่ แลแค ซี ซิปล่อ เร๊อ หยื่อเอ่ แลแค มอ แลแค เตซิครือซิลอมีลา เออ.”

ꤚꤥꤗꤢꤩ꤬ 10:15

อู เก่ ปลวาแฮ เพรโด่แนพู๊ เต๊เห่ แด๊โฉ่ เป่ เหย่ซี โต่ เฮ๊เรอ เหย่ซี จว๊า โด่แน แด๊โฉ่แจ่ เป่ อู ฮู๊เต? ลีเทส่อพ๊ากู เฮ๊ เน๊อ, “แกแย เด๊อ อา พย๊าแฮ เป่ เตซิครือมีลา เต๊เห่ อากู๊โด่ เนอ อาตว่า แหน่เจ๊อ.”

ꤗꤢ꤬ꤊꤢꤨ 16:15

เร๊อ อา เฮ๊ เหย่ซี เน๊อ, “จว๊าปีชีลอ เด๊อเห่ขุต๊าบ่าลอ เร๊อ จว๊าเล แด๊โฉ่โด่แน เป่ ลอ อู ปว๋า เตเพร เร๊อ เตซิครือซิลอมีลา เออเนอ นี๋.

มัทธิว 28:5

เร๊อ ม๊อขุ เตเน่ว เฮ๊ เพรเหมาะ เออซิเนอ เน๊อ, “ซิอิเช แลแค แต่เหม่, เมเตเฮ๊เรอ ซี แม๊ปู เหย่ซู่ เด๊อ อู มือเซอแถ่ ลู เด๊อ อี๊ถื่อดีเต่ลู เนอเตเพร เนอหม่า แวซิเง.

ꤜꤢꤨꤊꤢ꤬ 2:11

เออเตเซ เด๊อ คูดาวิด อาวีกู เนอ, เพรเมแลเปล๊กา อา แบ่เจ่ หม่าเฮ๊อ ครี๊ เออ แฮ โอ่ เป๊เจ่แล เฮ๊อ.