ꤜꤢꤨꤊꤢ꤬ 19:12 - ลีเทส่อพ๊าอาเซ เร๊อ เห่ขุทวาลู๊

¹² ฮู๊เนอ อาขว่าอาคยา, อา แด๊เป่ เหย่ซี เน๊อ, “เบ๊อะเตอโพ๊ แกแย ทวาดุ โอ่เตเพร. แซ่ฮู๊ อู เก่ แด่แถ่ ลู เร๊อ คุ๊ย เร๊อ อา เก่ ทวา เป่ อู คุ๊ย เด๊อ อาเทออาเก่กู เร๊อดื่อ อาเงเนอเนอ, อา เถ่จว๊า เด๊อ เทอโรเก่กลอ ต๊าบ่า. โทเรอ อา กาคยา คยาแซ๊ เด๊อ อาเก่.

Eastern Kayah Shadaw Dialect

¹² ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤘꤢꤧ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ, “ꤒꤣ꤬ꤖꤥꤢ꤬ꤋꤢꤩ꤭ ꤊꤣꤧ꤬ꤛꤢꤧ꤭ ꤓꤝꤢ꤭ꤘꤢꤨ꤬ ꤥ꤬ꤒꤣ꤬ꤖꤚꤢꤩ꤬꤯ ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤘꤢꤧ꤬ꤓꤢꤧ꤬ ꤜꤢꤨ꤭ ꤔꤢꤧ ꤋꤝꤤ ꤚꤣꤧ꤬ ꤢ꤬ ꤊ꤫ꤢꤦ꤬ ꤓꤝꤢ꤭ ꤕ꤫ꤢꤩ꤬ ꤢꤨ꤭ ꤋꤝꤤ ꤘꤣ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ꤊꤢꤨ꤭ ꤚꤣꤧꤘꤢꤦ꤬ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤢ꤬ ꤓꤢꤩ꤬ꤡꤝꤢ ꤘꤣ ꤓꤣꤧ꤭ꤚꤥ꤬ꤊ꤫ꤢꤩ꤬ꤊꤜꤢꤪ꤭ ꤒꤣ꤬ꤙꤢ꤬, ꤓꤥ꤭ꤚꤣꤧ꤬ ꤢ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤘꤣ ꤢ꤬ꤊ꤫ꤢꤩ꤬꤯

ꤜꤢꤨꤊꤢ꤬ 19:12 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 3:22

เหย่ซู่ครี๊ กา กี๊แถ่เฮ๊อ เด๊อ ม๊อขุ เร๊อ อา กา โอ่แนโอ่ เด๊อ จอแปแหร่ อากู๊ขุ จ๊อทว๊า ตากยา เฮ๊อ. เร๊อ อา เป๊อตี๊หรี่ ลอ เตเน่วพู๊ เต๊เห่ เร๊อ เตเตอเรอฉว่าชอ เต๊เห่, เร๊อ เตโพรเตเตอเรอ เต๊เห่ เฮ๊อ.

ꤟꤤꤙꤚꤢꤨ 9:28

ฮู๊เนอเฮ๊อ แซ่ฮู๊ ครี๊ เก่ พย๊าจว๊า ตาพาแก ลอ แกแย โอ่โร๊ เต๊เห่ อาเตซื๊อ เต๊เห่เนอ เร๊อ อา ข่าเซอ แพ๊ โตโพ๊ แพ๊. อา แฮ คยาแซ๊ ปา หม่าแน๊เรอ อา เก่ แฮ พย๊าจว๊า ตาพาแก เป่ เป เตซื๊อ ปาเนอ หม่าโต่. อา เก่ แฮ เมแลเปล๊กา แกแย เด๊อ อา โอ่ป่อแม๊ชือ ลู เนอเต๊เห่ ปา แพ๊.

ꤛꤥ꤭ꤟꤢ꤬ 18:37

คุ๊ยปีลาต เฮ๊ ลู เน๊อ, “เก่ เฮ๊ฮู๊เนอ เฮ๊เรอ เน ทวา คุ๊ย เตเพร เฮ๊อ เนอ?” อา แด๊เฮอ ลู ฮู๊เนอ. แบ่เจ่ เหย่ซู่ เฮ๊ฉื่อ ลู เน๊อ, “แว หม่า คุ๊ย เตเพร หม่าแหน่ ฮู๊ เน เฮ๊ เนอเฮ๊อ. แซ่ฮู๊ แว เก่ เฮ๊โฉ่เป่ อู เร๊อ เตหมะเตจ๊อ เนอเรอ, แว แฮ อากาโอ่พู๊เจแล เด๊อ เห่ขุเออ เฮ๊อ. ล๊อ แกแย โอ่เกอ เด๊อ เตหมะเตจ๊อ ตากยา เต๊เห่เนอ อา เก่ หนิดา แวโหง่ ปา” อา เฮ๊ ฮู๊เนอ.

ꤜꤢꤨꤊꤢ꤬ 20:9

เร๊อ เหย่ซู่ แด๊โฉ่โล เป่ เอ๊ ลา แกแย เร๊อ โหง่ค๊าโข่ ตือมือ เร๊อ อา เฮ๊ เน๊อ, “เบ๊อะโตโพ๊ แกแย โอ่ เตเพร, เร๊อ เตโหล่เตโช เด๊อ อา อาช๊อ เกอเร๊อ เน๊อ แท๊ทือเหมาะ เต๊เห่เนอ อา โอ่ เต๊เหล่ เร๊อ อา เด๊อะแร เอ่แก เร๊อ อา เด๊อะ เมเอ่โก๊ เน๊อ เพรเมเอ่โก๊ เตโหล่เตโช เต๊เห่. โทเรอ อา เถ่จว๊า โอ่ งยาแก เด๊อ เก่อาโร เต๊เก่.

เตเด๊อะโลแถ่ 1:7

แม๊มอ แลแค, อา เตเร แฮเต่อเฮ๊อ เร๊อ อ๊อโหล่ เฮ๋อ. แกแย ปว๋า เตเพร เก่ แม๊เถอะ ลอ อา ปา. แกแย เด๊อ อา ชือเซอ ลู เนอเต๊เห่ เบ่เบ่, อา เก่ แม๊เถอะ ลู ปาปา. เมวเจอะ ปว๊า เตอเจ๊อ เด๊อ เห่ขุเออ เก่โหง่เก่เห่ ลอ เร๊อ อา อาขว่าอาคยา ปา. เต เก่ ทวาแถ่ หม่าแหน่ ฮู๊เออเนอ ป๋า อาเมน.

โครินธ์ อาเหร่อเล๊อ ต๊าบ่า 15:25

เมเตเฮ๊เรอ ครี๊ เบ่ เป๊อ โต่ เต ช๋า จอแปแหร่ เมเป่ ลอหล่าตี๊กลิ โทลอเฮ๊อ เพร เด๊อ อา ซิเถ่ ครี๊ เออเต๊เห่เนอ, เร๊อ อา แด่ตา ลอ เฮ๊อ เหย่ซี เด๊อ ครี๊ อา กู๊โด่เล เฮ๊อ ปา.

เพรโด่แนพู๊ เต๊เห่ 17:31

เมเตเฮ๊เรอ, อา แด่หม่าแด่กลอ โทเฮ๊อ ม๊อเนอม๊อเซ เด๊อ อา เก่ เมโตเต จ๊อจ๊อเตเต ลอ เจ๊อ เห่ขุต๊าบ่า ปา. จอแปแหร่ นว๊าแถ่ โทเฮ๊อ เพรเมโตเต เตเพร เฮ๊อ. เร๊อ อา เด๊อะโล เป่ โทเฮ๊อ อูปว๋า เตเพร เร๊อ อาเตข่าเฮ๊โล เฮ๊อ. เร๊อ อา เตข่าเฮ๊โล เออ อาหรี่อาแก หม่า หม่าเฮ๊อ อา เมก๊อถ่อ เซอเพร กาคยา คยาแซ๊ แกแย เนอเตเพร เด๊อ เตเซอ เออเนอเฮ๊อ.”

ꤜꤢꤨꤊꤢ꤬ 24:51

เบ๊อะอา เด๊อะบุ๊ยเด๊อะเตอเรอ ปาแพ๊ เหย่ซี เบ๊อะเนอ, อู จอกากี๊แถ่ ตาพาแก ลู เด๊อ ม๊อขุ เร๊อ อา แด่โอ่แก แก อา โคเจ่ เต๊เห่.

ꤗꤢ꤬ꤊꤢꤨ 16:19

แบ่เจ่ เหย่ซู่ เฮ๊เบ่โท เร๊อ อา โคเจ่ เต๊เห่ เร๊อ จอแปแหร่ เอ๊กา กาแถ่แก ลู เด๊อ ม๊อขุ เร๊อ อา แถ่โอ่แนโอ่ เด๊อ จอแปแหร่ อากู๊ขุ จ๊อทว๊า ตากยา.

ꤗꤢ꤬ꤊꤢꤨ 12:1

เหย่ซู่ เป๊อแถ่ แด๊ เป่ เพรหลู่แต ทวาดุทวาเต เต๊เห่ เร๊อ เพรอิซว๊า เตซว๊าเตแส่ อาซ๊าร๊า เต๊เห่ เร๊อ แกแยยิวพู๊ ทวาดุทวาเต เต๊เห่ เร๊อ โหง่ค๊าโข่ เต๊เห่ ฮู๊เออ, “เบ๊อะเนอโตโพ๊, แกแย โอ่ เตเพร, อาโหล่อาช๊อ เกอเร๊อ อา แท๊ทือเหมาะ เต๊เห่ เด๊อ อาเตโหล่เตชูเผ่ขุ เออ เร๊อ อา ราตาวาบี๊ เกอเร๊อ ลอ อา แท๊ทือเผ่เออ, เร๊อ อา อาขื่อโอ่ เกอเร๊อ อาเห่กู ตูกู เด๊อ อา เหล่หยิดว้า เร๊อ แท๊ทือเส่เทอ, เร๊อ อา ช๊อแถ่หนิ เหล่สื่อแถ่โล เด๊อ อา เหล่โอ่ป่อแม๊ เร๊อ แท๊ทือเผ่ เออเนอ เตเม, โทเรอ อา เด๊อะเมเอ่แก โก๊ เร๊อ เพรพย๊าเมเอ่โก๊ เต๊เห่ เร๊ออา เถ่จว๊าแก เด๊อ เก่โร เต๊เก่.

มัทธิว 21:38

“หม่าแน๊เรอ เบ๊อะเพรเมเอ่ โก๊ เอ่เพร๊ เออเต๊เห่ แม๊เถอะ ลู เบ๊อะเนอ, เหย่ซี เฮ๊ เกอเร๊อลู เน๊อ, ‘อา หม่า เพร เด๊อ อา พย๊าหนิ อู่เจเต๊เหย่ เนอเตเพร เฮ๊อ, จว่า! จว๊าเมเซอแก ลู โป๋, เร๊อ เป เก่ พย๊า แกเผ่ อา อูเจเต๊เหย่ ปา,’ อา เฮ๊ แลแค ฮู๊เนอ.

มัทธิว 28:18

เร๊อ แบ่เจ่ เหย่ซู่ แฮ เด๊อ เหย่ซี โอ่ เร๊อ อา เฮ๊ เหย่ซี เน๊อ, “เตอเรอฉว่าชอ เด๊อ ม๊อขุ เบ่เบ่, เด๊อ เห่ขุเออเนอ เบ่เบ่, อู เด๊อะ ลอเฮ๊อ เน๊อ แว เฮ๊อ.