ꤜꤢꤨꤊꤢ꤬ 18:9 - ลีเทส่อพ๊าอาเซ เร๊อ เห่ขุทวาลู๊

⁹ แกแย เด๊อ อา หยื่อเอ่ เกอเร๊อ อาเหน่ เน๊อ อาจ๊ออาเต เร๊อ อา เตเนปีตี๊ อูโร เต๊เห่เนอ, เหย่ซู่ แด๊ เป่ เหย่ซี เร๊อ เตแด๊ค๊าโข่ โต๊โต่.

Eastern Kayah Shadaw Dialect

⁹ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤔꤢꤧ ꤢ꤬ꤡꤢꤪꤢ꤬ꤒꤢꤩ꤬ ꤚꤣꤧ꤬ ꤢ꤬ ꤒꤣꤧ꤬ꤔꤢꤩ꤬ꤕꤣꤧ꤬ꤒꤤ ꤢꤨ꤭ꤚꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤛꤢꤩ꤬ꤏꤛꤢꤨ ꤘꤢꤧ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤍ꤫ꤥ꤬ꤋꤢꤋꤥ꤬ ꤒꤣ꤬ꤒ꤫ꤥ꤬꤯

ꤜꤢꤨꤊꤢ꤬ 18:9 ပူးပေါင်းရင်းမြစ်များ

ꤜꤢꤨꤊꤢ꤬ 10:29

หม่าแน๊เรอ อา ซิหยื่อ เด๊อะโล อาเหน่ ฮู๊ แกแย จ๊อ เตเพรเนอ อาขว่าอาคยา อา แด๊เฮอ เหย่ซู่ เน๊อ, “แกแย โอ่ เด๊อ แวหี่ หี่แพหี่ช๊า เต๊เห่ เร๊อ หม่า อูเปเป?”

ꤜꤢꤨꤊꤢ꤬ 15:2

ฟาริสี เต๊เห่ เร๊อ เพรอิซว๊า เตซว๊าเตแส่ อาซ๊าร๊า เต๊เห่ ตามวาเตเล เกอลอดื่อ เหย่ซู่ แหย่โย เน๊อ, “แกแย เออเตเพร เอ๊โมฉื่อ เพรเตเหล่ซื๊อโอ่ เต๊เห่, เร๊อ อา จว๊า เอ่เต่อโอเต่อเกอ เจ๊อ เร๊อ เหย่ซี ว๋า!”

ꤜꤢꤨꤊꤢ꤬ 16:15

เหย่ซู่เฮ๊ เหย่ซี เน๊อ, “ซี หม่า แกแย เด๊อ อา จ่าจ๊อจ่าเต แพ๊ อาเหน่ เด๊อ แกแย อา เป๊เส่เง เนอเต๊เห่ แพ๊, หม่าแน๊เรอ จอแปแหร่ ซิเง ลอปลี เฮ๊อ ซี ซิปล่อกู. เมเตเฮ๊เรอ, เต เด๊อ แกแย เตเน เร๊อ อางูดุงูชอเล๊อ อู เต๊เห่เนอ, เด๊อ จอแปแหร่ เป๊เส่เง เนอหม่า หม่า แพ๊ เตมู๊แหม่รีแจ่ เด๊อ อู เหล่ซิรอซิเร อา เนอเต๊เห่ แพ๊.

ꤜꤢꤨꤊꤢ꤬ 18:11

ฟาริสี เตเพร จว๊า ก๊อถ่อโอ่ กุยจ๊อเบ เร๊อ อา เฮ๊ เน๊อ, ‘เก๋อ จอแปแหร่, แว เฮ๊บุ๊ยเฮ๊เตอเรอ เน, เมเตเฮ๊เรอ ฮู๊ อูโร เต๊เห่ จว๊าปื่อเผ่ แหย่เปล๊ เอ่ อูเต่, แลโฮแลแห่ อู, จว๊าซื๊อ อูพู๊อูเม เนอ แว เมน๊อ เกออู โต่. แว แซ่เกอ เร๊อ เพรกุยเอ่ อาหมู่อาร๊า เนอเตเพร โต่ อาขว่าอาคยา. แว เฮ๊บุ๊ยเฮ๊เตอเรอ แหน่เจ๊อ เน.

ꤜꤢꤨꤊꤢ꤬ 19:7

ล๋อ แกแย เด๊อ อา แม๊เถอะ เหย่ซู่ จว๊า เกอ เด๊อ คูศักเคียส อาหี่ เต๊เห่เนอ, อา ตามวาเตเล ลอ แลแค เร๊อ อา เฮ๊ เน๊อ, “แกแย เออเตเพร จว๊าโอ่เล เต่อเกอ โต่เด๊อ เพรเตเหล่ซื๊อพู๊ อาหี่.”

ꤜꤢꤨꤊꤢ꤬ 7:39

เบ๊อะฟาริสี เด๊อ อา เอ๊โมฉื่อ เหย่ซู่ เออเตเพร แม๊เถอะ อา เมพู๊เออ เบ๊อะเนอ, อา เตเน เด๊อ อา ซิปล่อกู เน๊อ, “แกแย เออเตเพรเนอ, อา เก่ หม่าแหน่ เพรโพร เตเพร เก่เฮ๊เรอ, เพรเหมาะ เด๊อ อา เต่อเบ่ ลู เออเตเพร เนอหม่า เพรเหมาะ ฮู๊เต เต๊อเจ่อเต, เร๊อ เด๊อ อาเหร่ออาเนอ เนอหม่า อา โอ่เซอเพร เมแคร๋ ฮู๊เตเนอ อา โต ซิเง วา.”

ꤛꤥ꤭ꤟꤢ꤬ 8:48

ฮู๊เนอเรอ แกแยยิวพู๊ เต๊เห่ เฮ๊ แบ่เจ่ เหย่ซู่ เน๊อ, “เป เฮ๊ เน เนอ, เน หม่า สะมาเรียพู๊ เตเพร, โทเร๊อ โลเน๊ เมเบ่ เน, เป เฮ๊ฮู๊เนอ หม่า อาหม่าแหน่โต่ แอ?”

ꤛꤥ꤭ꤟꤢ꤬ 9:28

เออโตโพ๊เรอ, เหย่ซี ซิปล่อดุ, เฮ๊ โตโมจู๊แก่ ลู เน๊อ, “เน หม่า อาโคฮู๊เจ่ เป หม่า คูโมเสส อา โคเจ่ ดื่อ,” อา เฮ๊ ลู ฮู๊เนอ.

ꤛꤥ꤭ꤟꤢ꤬ 9:34

ฟาริสี เต๊เห่ เฮ๊ฉื่อ กาคยา ลู เน๊อ, “เน เตซื๊อดุปา เจ๊อ เด๊อ เน เด๊อะโอ่เป๊เจ่แล ปาเจ๊อ เร๊อ เน จว๊า อิซว๊า กาคยา เป่ เป ฮู๊เต?” อา เฮ๊ ลู ฮู๊เนอเร๊อ อา เหว่เถ่แก ลู เด๊อ เตจ๊อเบ โฮกลอ.

เพรโด่แนพู๊ เต๊เห่ 22:21

“แบ่เจ่ เฮ๊ แว เน๊อ, ‘จว๊ามอ! เมเตเฮ๊เรอ, แว เก่ นอจว๊า ตาพายาแก เน เด๊อ แกแยยิวพู๊ หม่าโต่ เต๊เห่ อา โอ่.’”

ꤚꤥꤗꤢꤩ꤬ 10:3

จอแปแหร่ แด่จ๊อแด่เต อู อาแกล๊อาโกล เนอ เหย่ซี ซิเงโปล โต่. โท๊โต่ เหย่ซี แม๊ปู เมแถ่ เกอเร๊อดื่อ แลแค เร๊อ เหย่ ซีแกล๊เหย่ซีโกล แพ๊. ฮู๊เนอเรอ จอแปแหร่ แด่จ๊อแด่เต อู อาแกล๊อาโกล เออเนอ, เหย่ซี ซิปล่อซิหยื่อ ครวาเม เกออู ตีกี๋โต่.

ꤚꤥꤗꤢꤩ꤬ 14:10

ฮู๊เนอเรอ, เน จว๊า แด่ เตซื๊อ โต่ เน โป่แหว่ เมเต? หม่าโต่เรอ, เน จว๊า เตเน ปีตี๊โต่ เน โป่แหว่ เออเตเพร เมเต? ล๋อ เป เออเต๊เห่เนอ, เป เบ่ ก๊อถ่อลอ เด๊อ จอแปแหร่ เหล่เมจากาคยา อาเหล่โอ่ เนอ อาเป๊เส่เง ปา.

ꤚꤥꤗꤢꤩ꤬ 14:3

แกแย เด๊อ อา เอ่ ลอ เตปว๋า เต๊อเจ่อ เตเพรเนอ, อา เบ่ เตเน ปีตี๊หนิ แกแย เด๊อ อา เอ่ เกออู เตปว๋า เต๊อเจ่อ โต่ เออเนอ เตเพร โต่. ฮู๊เนอเฮ๊อ แกแย เด๊อ อา เอ่ เกออู ปว๋า เต๊อเจ่อ โต่ เออเตเพรเนอ, อา เบ่ แด่ เตซื๊อ หนิ แกแย เด๊อ อา เอ่ เตปว๋า เต๊อเจ่อ เออเต๊เห่เนอ โต่, เมเตเฮ๊เรอ จอแปแหร่ เอ๊โมฉื่อ แกแย เออเตเพร.

ꤚꤥꤗꤢꤩ꤬ 7:9

เด๊อ อาเหร่อเค เนอ, แว ซิเง จอแปแหร่ อา เตซว๊าเตแส่โต่ อาขว่าอาคยา, แว โอ่เซอเพร โต แพ๊ จอแปแหร่ อาซิปล่อ แพ๊, แว เตเน ซิปล่อเป่ เกอ เร๊อ ฮู๊เนอ. หม่าแน๊เรอ เบ๊อะโหง่เฮ๊แก แฮโต่เฮ๊อ เบ๊อะเนอ, เตซื๊อ อาแกล๊ แฮโนเฮ๊อ เด๊อ แว เตโอ่เซอเพร อากู เฮ๊อ, เร๊อ แว เซอ แก เฮ๊อ เด๊อ แหย่โย ตากยา เฮ๊อ.