ꤜꤢꤨꤊꤢ꤬ 18:43 - ลีเทส่อพ๊าอาเซ เร๊อ เห่ขุทวาลู๊

⁴³ โตโพ๊โต อา แม๊เถอะ แจ่ เร๊อ อา ครวาเกอ เหย่ซู่ อาคยา, เร๊อ อา เฮ๊บุ๊ยเฮ๊เตอเรอ จอแปแหร่, เร๊อ เบ๊อะแกแย เบ๊หมู่ แม๊เถอะ เตเมทวาแถ่ ฮู๊เออ เบ๊อะเนอ, อา ถู่เซ๊แถ่ ลอปลี เจ๊อ จอแปแหร่ ปว๋า เตเพร เจ๊อ.

Eastern Kayah Shadaw Dialect

⁴³ ꤒꤣ꤬ꤖꤥꤒꤥ꤬ ꤢ꤬ ꤗꤢꤧꤓ꤫ꤣꤧ꤬ ꤡ꤫ꤢꤧ꤬ ꤚꤣꤧ꤬ ꤢ꤬ ꤋꤚꤝꤢ꤭ꤊꤣꤧ꤭ ꤛꤢꤩ꤬ꤏꤛꤢꤨ ꤢ꤬ꤋꤛꤢ꤭, ꤚꤣꤧ꤬ ꤢ꤬ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤡꤢꤪꤗꤣꤧ꤬ꤚꤢꤧ꤬꤯ ꤚꤣꤧ꤬ ꤙꤣꤧ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤗꤢꤧꤓ꤫ꤣꤧ꤬ ꤒꤢꤩ꤬ꤗꤢꤩ꤬ꤓꤝꤢ꤭ꤓꤢꤧ꤬ ꤟꤢꤨꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤓꤢꤨ꤬ꤞꤢꤩꤓꤢꤧ꤬ ꤜꤢꤪ꤭ꤕꤜꤤ꤭ ꤡꤣꤧ ꤡꤢꤪꤗꤣꤧ꤬ꤚꤢꤧ꤬ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤡꤣꤧ꤯

ꤜꤢꤨꤊꤢ꤬ 18:43 ပူးပေါင်းရင်းမြစ်များ

ꤊꤢ꤬ꤜꤢ꤬ꤒꤤ 1:24

เด๊อ แวขว่าแวคยา, เร๊อ เหย่ซี ถู่เซ๊แถ่ แลแค เฮ๊อ จอแปแหร่ เฮ๊อ.

เพรโด่แนพู๊ เต๊เห่ 26:18

เน เบ่ บ๊าโมแถ่ เป่ เหย่ซี เต๊เห่ อาเป๊เส่ ปา, โทเร๊อ เน นอตีรี๊ กาคยา คยาแซ๊ เหย่ซี เด๊อ เตคี๊เตตาปา อาเล ปา. เร๊อ เน เก่ ซูจว๊า เหย่ซี เด๊อ เตลี ปา, โท๊โต่ เน เก่ ซูจว๊าโน เหย่ซี เด๊อ อา โอ่ เด๊อ โลเน๊มู๊แหม่รีแจ่ กู่กล๊อ อา เตอเรอฉว่าชอ อาเล เออเนอเต๊เห่ เด๊อ จอแปแหร่ อา เตโพรเตเตอเรอ อาเล ปา. เด๊อ เหย่ซี หยื่อเอ่ แว อาขว่าอาคยา, จอแปแหร่ เก่ ปลวาแก เหย่ซี เตซื๊อ ปา, โท๊โต่ เด๊อ จอแปแหร่ นว๊าแถ่ เกอเร๊อ อาแกแย เนอเต๊เห่อาเหล่โอ่ เออเนอ, เหย่ซี เก่ พย๊าหนิ เกอดื่อ ปา, อา เฮ๊ แว ฮู๊เนอ.’

เพรโด่แนพู๊ เต๊เห่ 11:18

เบ๊อะเหย่ซี หนิโฮ เตหรี่เตแก เออ เบ๊อะเนอ, เหย่ซี เป๊อเจ่ออิแช๊ ปา คูเปโตรโต่, เร๊อ อา ถู่เซ๊แถ่ แลแค จอแปแหร่ เน๊อ, “เก่ อา หม่าแหน่ ฮู๊เนอเฮ๊เรอ จอแปแหร่ เด๊อะเป่เกอเฮ๊อ แกแยยิวพู๊ หม่าโต่ เต๊เห่ เตค๊าขิโตแร๊ เด๊อ อา เก่ ถู่แหล่ เต๊เปล่กา แลแค อาซิปล่อ เร๊อ อา เก่ พย๊าหนิ เกอ แลแค แหย่โยบูโพ๊เซอเพร เฮ๊อ.”

เพรโด่แนพู๊ เต๊เห่ 4:21

ฮู๊เนอเร๊อ แกแยยิวพู๊ เด๊อ อา ทวา ทวาดุทวาเต เต๊เห่ ลื๋อ เด๊อะรอเด๊อะเร ฉว่าชอ แฮเล๊อะ โป่ เหย่ซี เน๊อ เด๊อ อาเหร่อเค เนอ เจ๊อ, โทเรอ อา ปลวากาแก เหย่ซี แพ๊. เหย่ซี ซิเง เร๊อ แกแย ถู่เซ๊แถ่ ลอปลี จอแปแหร่ เร๊อ เหย่ซี เมทวาแถ่ เตเออเต๊เห่ อาขว่าอาคยา, อา เก่ เมจากาคยา คูเปโตร เน๊อ คูยอห์น ฮู๊เตเนอ, อา เตเนโปล แลแค โต่.

ꤜꤢꤨꤊꤢ꤬ 13:17

เบ๊อะเหย่ซู่ เฮ๊ฉื่อ โหง่ เออตือมือ เบ๊อะเนอ, ล๋อ แกแย เด๊อ อา แม๊ปู ลู เตซื๊อ เนอเต๊เห่ ซิเตเร แล เกอเร๊อ ลอปลี อาเหน่. หม่าแน๊เรอ เหย่ซู่ เม เตโค๊ตีกลี๊เจ๊อ ลอปลี เออ อาขว่าอาคยา, แกแย เบ๊หมู่ ซิปล่อโม ลอปลี เจ๊อ ปว๋า เตเพร.

ꤜꤢꤨꤊꤢ꤬ 5:26

อู คย๊าอายื๊อ ลอปลี เจ๊อ ปว๊า เพร เจ๊อ. เร๊อ เหย่ซี ถู่เซ๊แถ่ แลแค จอแปแหร่ เร๊อ อา เฮ๊ แลแค เน๊อ, “เออเตอเนอ, เป แม๊เถอะเฮ๊อ เตโค๊ตีกลี๊เจ๊อ เต๊เห่ เฮ๊อ!”

ꤜꤢꤨꤊꤢ꤬ 4:39

เร๊อ เหย่ซู่ จว๊า โอ่ก๊อถ่อ เบ๊อะแกแยชุ๊ย เออเตเพร อาเหล่เมอ อาช๊า เร๊อ อา เฮ๊ ลู เน๊อ, “เน โอ่โม กาคยา แร๊คยาแซ๊ ดื่อนี๋” อา เฮ๊ เร๊อ โตโพ๊โต อาเหน่กู่ ตา เร๊อ อา ก๊อถ่อ เมเอ่เมโอฉื่อ เป่ เหย่ซี.

มัทธิว 21:14

แกแย เป๊เส่คี๊ กู๊โด่ด๊า เต๊เห่ แฮโนโต แบ่เจ่ เหย่ซู่ เด๊อ เตหลู่แต โฮกู, เร๊อ อา แหย่โอ่เหม่ เป่ลอ เหย่ซี.

มัทธิว 11:5

แกแย เป๊เส่คี๊ เต๊เห่ แม๊เถอะ แจ่เฮ๊อ, แกแย กู๊โด่ด๊า เต๊เห่ จว๊าแจ่เฮ๊อ, แกแย จุมู๊แหม่ เต๊เห่ โอ่เหม่ กาคยา ลอเฮ๊อ, แกแยกู๊หลิโกะ กอออ เต๊เห่ หนิโฮกาคยาเฮ๊อ, แกแยเซอ เต๊เห่ ก๊อถ่อเซอเพร กาคยา คยาแซ๊เฮ๊อ, แกแย โซพ๊าโซแรพู๊ เต๊เห่ หนิโฮเบ่ เกอเฮ๊อ เตซิครือซิลอมีลา เฮ๊อ.

มัทธิว 9:8

จอแปแหร่ เด๊อะตาเป่แกแย อา เตอเรอฉว่าชอ ฮู๊เออ อาขว่าอาคยา, เบ๊อะแกแย เบ๊หมู่ แม๊เถอะ เตเมอาเหน่ ฮู๊เนอ เบ๊อะเนอ, เหย่ซี ซิอิเช ซิแหน่ซิเตเร แลแค จอแปแหร่ เร๊อ ถู่เซ๊แถ่ แลแค จอแปแหร่.

เปโตร อาเหร่อเล๊อ ต๊าบ่า 2:9

หม่าแน๊เรอ ซี หม่าเมวเจอะ เต๊อเจ่อ เด๊อ จอแปแหร่ นว๊าแถ่ อา, เพรหลู่แตเต เด๊อ อาแซ่เน๊อ คุ๊ย เต๊เห่, เมวเจอะ เด๊อ อา บูโพ๊, โท๊โต่ จอแปแหร่ อาแกแย เร๊อดื่อ เจ๊อ เต๊เห่ เฮ๊อ. แซ่ฮู๊ ซี เก่ แด๊โฉ่โล จอแปแหร่ อา เตเมแร๊ โค๊ดื่อ เต๊เห่ อาเงเนอ, จอแปแหร่ นว๊าแถ่ ซี เฮ๊อ. จอแปแหร่ เอ๊เถ่แก ซี เด๊อ เตคี๊ อาเล เร๊อ อา ซูโน ซี เด๊อ อา เตลีเตเค โม อากู เฮ๊อ.

ꤜꤢꤨꤊꤢ꤬ 19:37

เบ๊อะอา แฮผื่อเฮ๊อ เด๊อ วีเยรูซาเล็ม, เบ๊อะแกล๊ โอ่ เด๊อ โต๊โฉ่โฉ่ขุ เร๊อ อา แกลวาตา โนเฮ๊อ เด๊อ วีกู เออ เบ๊อะเนอ, ล๋อ อา โคเจ่ เด๊อ อา ครวา ลอ ลู เนอตู๊หมู่ เป๊อแถ่ เอ๊โทถู่เซ๊ ตอปลอแถ่ ลอ จอแปแหร่, เมเตเฮ๊เรอ เหย่ซี ย๋อ แม๊เถอะ ลอ เตโค๊ตีกลี๊เจ๊อ เต๊เห่ อาขว่าอาคยา, อา เอ๊โท แลแค ฮู๊เนอ.

ꤜꤢꤨꤊꤢ꤬ 9:43

แกแย โอ่ เบ๊อะเนอ ปว๋า เตเพร คย๊าอายื๊อ ลอปลี เจ๊อ จอแปแหร่ อา เตโพรเตเตอเรอ ฉว่าชอ เออเนอ เจ๊อ. เบ๊อะอู ปว๋า เตเพร คย๊าอายื๊อ ลอปาแพ๊ ล๋อ เหย่ซู่ เม เตโค๊ตีกลี๊เจ๊อ เออเต๊เห่ เบ๊อะเนอ, เหย่ซู่ แด๊โฉ่โล เป่ อา โคเจ่ เต๊เห่ เนอ,