ꤜꤢꤨꤊꤢ꤬ 18:12 - ลีเทส่อพ๊าอาเซ เร๊อ เห่ขุทวาลู๊

¹² โซซว๊าเตอเนอ อากูเนอ, แว โด่เอ่ เหล่เอ่เหล่โอ เนอเนอ ปว๋า โตโพ๊ เจ๊อ, โทเร๊อ ล๋อ แว พย๊าหนิ เต เต๊เห่เนอ, แว เด๊อ กาคยา เจ๊อ เน ปุ๊ยเฉ๊อ ตีปุ๊ย เจ๊อ.’

Eastern Kayah Shadaw Dialect

¹² ꤞꤥ꤭ꤞꤝꤢꤒꤣ꤬ꤔꤣꤧ꤭ ꤢ꤬ꤊꤢꤨ꤭ꤔꤣꤧ꤬, ꤠꤢꤧ꤭ ꤘꤥ꤬ꤢꤩ꤬ ꤏꤢꤩ꤬ꤢꤩ꤬ꤏꤢꤩ꤬ꤥ꤭ ꤔꤣꤧ꤭ꤔꤣꤧ꤭ ꤕꤝꤢ꤭꤮ ꤒꤣ꤬ꤖꤥ ꤡꤣꤧ, ꤓꤥ꤭ꤚꤣꤧ꤬ ꤜꤢꤪ꤭ ꤠꤢꤧ꤭ ꤔ꤫ꤤ꤬ꤙꤢꤩ꤬ ꤒꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤘꤣꤧ ꤊꤢ꤬ꤋꤛꤢ꤭ ꤡꤣꤧ ꤔꤢꤧ꤬ ꤕꤝꤤꤏꤣꤧꤒꤣ꤬ꤕꤝꤤ ꤡꤣꤧ꤯’

ꤜꤢꤨꤊꤢ꤬ 18:12 ပူးပေါင်းရင်းမြစ်များ

ꤜꤢꤨꤊꤢ꤬ 11:42

“ฟาริสี ซี๋, เมจากาคยา เก่ เบ่ หม่าแหน่ เจ๊อ ซี ปา, เมเตเฮ๊เรอ ซี พย๊า หล่อแวเหล่, อี๊บ่อเข่เหล่ เร๊อ ล๋อ ส่อตอส่อเหล่ เออเต๊เห่ เนอเรอ ซี หลู่แต เร๊อ จอแปแหร่ ปุ๊ยเฉ๊อ ตีปุ๊ย. หม่าแน๊เรอ ซี แม๊ เบ๊ขุตาโผ่แกเฮ๊อ เตจ๊อเตเต เร๊อ เตโม จอแปแหร่ เต๊เห่ เฮ๊อ. ซี เด๊อ ปุ๊ยเฉ๊อ ตีปุ๊ย เนอหม่า อาหม่า เฮ๊อ. ตื๊อเนอโทโต่, ซี โตเบ่ แด่แกหนิ เตจ๊อเตเต เน๊อ เตโม จอแปแหร่ เออเนอเต๊เห่ โต่.

มัทธิว 9:14

โทเร๊อ คูยอห์น เพรเจเทอ อา โคเจ่ เต๊เห่ แฮ เด๊อ แบ่เจ่ เหย่ซู่ อา โอ่ เร๊อ อาแฮ แด๊เฮอ แบ่เจ่ เหย่ซู่ เน๊อ, “เป เร๊อ ฟาริสี เต๊เห่เนอ, เป โด่เอ่เฉ่, หม่าแน๊เรอ เน โคเจ่ เออเต๊เห่ อา โด่เอ่ เกออู เฉ่ โต่ เมเต?”

ꤜꤢꤨꤊꤢ꤬ 17:10

ซี เบ่เบ แซ่ฮู๊เนอ เฮ๊อ. เบ๊อะซี เมโทลอเฮ๊อ. ล๋อ เต เด๊อ อู นอ ซี เนอเต๊เห่ เบ๊อะเนอ, ซี โต เฮ๊ เน๊อ, ‘เป หม่า หลู่ เด๊อ อาโตอาเบ่ โต่ เต๊เห่ เร๊อ อา เมโทแก จ๊อจื้อ แพ๊ เตเม เด๊อ อา โตแลเบ่ เป เออเนอเต๊เห่ แพ๊.’”

ทิโมธี อาเหร่อเล๊อ ต๊าบ่า 4:8

เตอิซว๊า แจ่แถ่ เนเหน่ เด๊อ เหน่กล่อพ๊าหย่า ตากยา เนอหม่า, อาบุ๊ยอาเตอเรอ โอ่ เต๊เห่. หม่าแน๊เรอ อิซว๊า แจ่แถ่ หนิ เนเหน่ ฮู๊ จอแปแหร่ ซิหยื่อ นอ โอ่เซอเพร เน เนอหม่า อาบุ๊ยเตอเรอ โอ่ ลอปลี เจ๊อ. เป จว๊าอิซว๊า แจ่แถ่ หนิโต่ เปเหน่ ฮู๊ จอแปแหร่ อา เตซิหยื่อ เนอ เมเตเฮ๊เรอ, เตเออเนอ อา เก่ ทวาบุ๊ยทวาเตอเรอ หม่าแหน่ ตื๊อเออ ตือทือ อาเงเนอ หม่าโต่, ช๋า เนอปา ตือทือ อาเง เบ่เบ่, อา ทวาบุ๊ยทวาเตอเรอ หม่าแหน่ เจ๊อ ปา.

มัทธิว 6:1

รอหนิ แลแค ซีเหน่ เด๊อ ซี เก่ เมแร๊ แพ๊ เด๊อ แกแย เห่ขุพู๊ เป๊เส่เง เนอ เหม่นี๋. ซีเก่ เมฮู๊เนอ เฮ๊ หม่า เพจอแปแหร่ เด๊อ ม๊อขุ เตเพร เด๊อะ เป่ซี เตหนิ คว๊า เก่ โต่.

เอเฟซัส 2:9

เด๊อ ซี เม เตแร๊ เนอเต๊เห่ อาขว่าอาคยาเน๊อ, จอแปแหร่ เมแลเปล๊กา ซี หม่าโต่. ฮู๊เนอเรอ, ซี เหล่ถู่เซ๊ แด่ดุแถ่โล เร๊อดื่อ ซีเหน่เนอ, อาโอ่ เตอเจ๋อโต่.

ꤊꤢ꤬ꤜꤢ꤬ꤒꤤ 1:14

โทเรอ ฮู๊ แกแยยิวพู๊ เต๊เห่ อา เตจ๊อบู่จ๊อเบ เหล่โกลเหล่แบ่ โอ่เนอ, แว แม๊ปูซิเง แจ่เล๊อ เร๊อ แกแยยิวพู๊ เด๊อ อาหน่า ครือแน เร๊อ แว เนอเต๊เห่ เด๊อ เงเจ๊อ, โท๊โต่ เด๊อ แว โหมะเพเพอโพ หม่าเฮ๊อ แกแยยิวพู๊ อาเหล่โกล เต๊เห่ อาเงเนอ, แว ซิปล่อฉว่า แหน่เจ๊อเจ๊อ.

โครินธ์ อาเหร่อเล๊อ ต๊าบ่า 1:29

ฮู๊เนอเรอ, เด๊อ จอแปแหร่ อา เป๊เส่เงเนอ, อู พย๊าแถ่โล แจ่ อูเหน่ เตเพร่ว โต่.

ꤚꤥꤗꤢꤩ꤬ 3:27

เก่เฮ๊ฮู๊เนอเรอ, เป เหล่พย๊าแถ่โล เกอเร๊อ เปเหน่ เนอ อาโอ่ เตอเจ๋อ โต่. เมเตเฮ๊เรอ จอแปแหร่ แด่จ๊อแด่เต แกแย เด๊อ อา หนิดา จูเอ่ เตซว๊าเตแส่ ขว่าคยา เนอ หม่าโต่. หม่าแน๊เรอ, แกแย ย๋อ หยื่อเอ่หนิ ครี๊ เซอ เป่ เด๊อ เหย่ซีเง อาขว่าอาคยา, จอแปแหร่ แด่จ๊อแด่เต เหย่ซี แพ๊.

มัทธิว 6:16

“เบ๊อะซี โด่เอ่เฉ่ เบ๊อะเนอ, แอ๊โน๊ แอ๊กา แต่ ซีเป๊เส่ ฮู๊ แกแย จ่าจ๊อจ่าเต อาเหน่ เนอเต๊เห่ แต่เหม่ นี๋. แซ่ฮู๊ อู เก่ ซิเง เร๊อ เหย่ซี โด่เอ่เฉ่ เนอเรอ อา แอ๊โน๊ แอ๊กา อาเป๊เส่. แว เฮ๊จ๊อจ๊อ ซี, เด๊อ อู ถู่เซ๊ เหย่ซี อาขว่าอาคยา, เหย่ซี พย๊าหนิ เล๊อบา ลอเฮ๊อ อาคว๊าอาเก่เออ เฮ๊อ. คว๊าเก่ เด๊อ อาโร เนอ อา พย๊าหนิ ปาโต่เฮ๊อ.

มัทธิว 6:5

“เร๊อ เบ๊อะซี กุยจ๊อเบ เบ๊อะเนอ, เม แต่ ฮู๊ แกแย เกล จ่าจ๊อจ่าเต อาเหน่ เต๊เห่ แต่เหม่, เมเตเฮ๊เรอ, แซ่ฮู๊ อู เก่ แม๊เถอะ เหย่ซี เนอ, เหย่ซี ซิหยื่อ โอ่ ก๊อถ่อ กุยจ๊อเบ แลแค เด๊อ ยูดาห์ เตจ๊อเบโฮกู เน๊อ แกล๊ ทือแกล๊เด ฮู๊เนอ. แว เฮ๊จ๊อจ๊อ ซี, เหย่ซี พย๊าหนิ เล๊อบา โท ลอเฮ๊อ เตเมหนิคว๊าเก่ เต๊เห่เฮ๊อ.

มัทธิว 5:20

ฮู๊เนอเร๊อ แว เฮ๊จ๊อจ๊อ ซี, ซี เก่จ๊อเก่เตเล๊อ เร๊อ เพรอิซว๊า เตซว๊าเตแส่ อาซ๊าร๊า เออเต๊เห่ เร๊อ ฟาริสี เออเต๊เห่ โต่ เฮ๊เนอหม่า, ซี โนเบ๊ แจ่ เด๊อ ม๊อขุ เทอเลเก่กู ตีกี๋ โต่.”