ꤜꤢꤨꤊꤢ꤬ 16:28 - ลีเทส่อพ๊าอาเซ เร๊อ เห่ขุทวาลู๊

²⁸ แว โป่แหว่ เพรคู โอ่แก ปา เจ๊อ ซิแง เจ๊อ. แซ่ฮู๊ อา เก่ แฮโตเกอ แต่ เบ๊อะเตจาเตจือ อาเหล่โอ่ เออโต๊โผ่ แต่เม เนอ, ปลวากา เหร่อเป่ แว คูลาซารัส เนอ. เร๊อ นอกา เด๊อ แด๊โฉ่ เด๊อะรอเด๊อะเร เร๊อเป่ เน๊อ เหย่ซี เนอเต๊เห่.’

Eastern Kayah Shadaw Dialect

²⁸ ꤠꤢꤧ꤭ ꤕ꤫ꤥ꤬ꤗ꤫ꤢꤧ꤬ ꤖꤚꤢꤩ꤬ꤋꤢꤨ꤭ ꤥ꤬ꤊꤢꤧ꤭ ꤕꤢ꤬ ꤡꤣꤧ ꤞꤤꤍꤢꤧ꤭ ꤡꤣꤧ꤯ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤟꤢꤧ꤭ꤒ꤫ꤥ꤬ꤊꤣꤧ꤭ ꤒ꤫ꤢꤧ꤬ ꤙꤣꤧ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤢ꤬ꤜ꤫ꤢꤩ꤬ꤥ꤬ ꤣꤧ꤭ꤒꤣ꤬ꤖꤥ꤬ ꤒ꤫ꤢꤧ꤬ꤗꤢꤩ꤬ ꤔꤣꤧ꤬, ꤕꤜꤝꤢ꤭ꤊꤢ꤬ ꤕ꤫ꤢꤩ꤬ꤚꤣꤧ ꤠꤢꤧ꤭ ꤋꤢꤨ꤭ꤜꤢ꤬ꤎꤢ꤬ꤚꤢꤨ ꤔꤣꤧ꤬, ꤚꤣꤧ꤬ ꤔꤢꤪ꤭ꤊꤢ꤬ ꤘꤣꤧꤚꤢꤪ꤬ꤘꤣꤧꤚꤢꤩ꤭ ꤕ꤫ꤢꤩ꤬ꤚꤣꤧ ꤔꤢꤧ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯’

ꤜꤢꤨꤊꤢ꤬ 16:28 ပူးပေါင်းရင်းမြစ်များ

เพรโด่แนพู๊ เต๊เห่ 20:23

แว ซิเง แพ๊ เต๊อเจ่อเจ๋อ แพ๊ เน๊อ, เด๊อ วี ปว๊าตีวี อากูเนอ, แหย่โยบูโพ๊แบ่เจ่ เด๊อะรอ แว เน๊อ อู เบ่ จอกลอ หม่า แว ปา. เร๊อ เพร เมแป่เมเชแว เต๊เห่เนอ, อา โอ่ป่อ หนื่ออื่อเฮ๊อ แวแกล๊ เฮ๊อ.

เพรโด่แนพู๊ เต๊เห่ 2:40

คูเปโตร เฮ๊รอเฮ๊เร หนื่ออื่อ เอ๊ลา เหย่ซี, โท๊โต่ อา เด๊อะอ๊าเด๊อะเหร่ เหย่ซี เน๊อ, “เมแลเปล๊กา แลแค ซีเหน่ เร๊อ เตเมจากาคยา เด๊อ อา เตเร แฮเบ่ แกแย มู๊แหม่รีแจ่ เออตือทือ เนอเต๊เห่ นี่!”

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:6

ซี โตเบ่ เมซื๊อหนิ ซี โป่แหว่ ครี๊พู๊ เต๊เห่ เร๊อ เต ฮู๊เนอเต๊เห่ เตเพร่ว โต่. ซี โตเบ่ อี๊หล่า แลโฮเอ่หนิ เด๊อ ซี โป่แหว่ ครี๊พู๊ เต๊เห่ อาขุ เตเพร่ว โต่. แกแย เด๊อ อา เมฮู๊เนอ เต๊เห่เนอ, แบ่เจ่ เก่ เมจากาคยา เหย่ซี ปา. ฮู๊เออ เต๊เห่เนอ เป เฮ๊โฉ่โด่แนโล เป่ โทลอเฮ๊อ ซี, เป เด๊อะรอเด๊อะเร โทลอเฮ๊อ ซี เฮ๊อ.

ꤜꤢꤨꤊꤢ꤬ 16:27

“เร๊อ แกแย ดุแหย่แถ่เซ เออเตเพร เฮ๊ฉื่อ เน๊อ, ‘เก่ เมฮู๊เนอ เฮ๊เรอ, เพอับราฮั๋ม, แว กุยซิยอ เน, นอกาเร๊อ คูลาซารัส เด๊อ แวเพ อาหี่ เนอ.

เพรโด่แนพู๊ เต๊เห่ 8:25

เบ๊อะคูเปโตร เร๊อ คูยอห์น แด๊โฉ่โล เป่ อู เร๊อ เต เด๊อ อา ซิเง แม๊เถอะน๊อ โทเฮ๊อ เหย่ซู่ครี๊ อาหรี่อาแก เนอเต๊เห่ เร๊อ โด่แนโล เป่ โท อู เร๊อ แบ่เจ่ อาลาอาโหง่ เบ๊อะเนอ, เหย่ซี กาคยา คยาแซ๊ เด๊อ วีเยรูซาเล็ม. เบ๊อะเหย่ซี กา เด๊อ แกล๊ลู เบ๊อะเนอ, อา เลกา เด๊อ สะมาเรีย ดอโอ่เอ๊ลู เร๊อ อา โน ตอดอ เถ่ ตอดอ เร๊อ อา เล แด๊โฉ่โด่แน โล กา เป่ อู เตซิครือมีลา.

เพรโด่แนพู๊ เต๊เห่ 10:42

เร๊อ อา เฮ๊แก โป่ เป เร๊อ เป เก่ จว๊า แด๊โฉ่โด่แน เป่ อู เร๊อ เตซิครือซิลอมีลา, โทเรอ เป เก่ จว๊า ข่าเฮ๊โล เป่ อู เร๊อ อา หม่า แกแย เตเพร เด๊อ จอแปแหร่ นว๊าแถ่ ลู เร๊อ อา หม่า อา เก่ ทวา เป่แกแย เซอเพร เต๊เห่ เร๊อ แกแยเซอ เต๊เห่ อา เพร เมจากาคยา ปา.

เพรโด่แนพู๊ เต๊เห่ 18:5

เบ๊อะคูสิลาส เร๊อ คูทิโมธี อาโอ่ เด๊อ มาซิโดเนียเก่ เถ่จว๊า เร๊อ อา แฮโต่ เด๊อ คูเปาโล โอ่ เบ๊อะเนอ, คูเปาโล เด๊อะแล ลอปลี อา ม๊อเนอม๊อเซ เด๊อ อา เก่ แด๊โฉ่โด่แน เป่ อู เร๊อ เตซิครือมีลา อาหรี่อาแก. เร๊อ อา ข่าเฮ๊โล เร๊อ แด๊โฉ่โด่แน โล เป่ แกแยยิวพู๊ เต๊เห่ เร๊อ เหย่ซู่ หม่า ครี๊, อา หม่า เพร เด๊อ จอแปแหร่ นว๊าแถ่ ลู เนอ เด๊อ อา เก่ เมแลเปล๊กาซี แกแยเห่ขุพู๊ เนอเตเพร เฮ๊อ, อา เฮ๊ ฮู๊เนอ เด๊อ อู ปว๋า เตเพร อา เป๊เส่เง.

เพรโด่แนพู๊ เต๊เห่ 20:21

แกแยยิวพู๊ เต๊เห่ เบ่เบ่, แกแยยิวพู๊ หม่าโต่ เต๊เห่ เบ่เบ่, แว เฮ๊ตาชอ แหน่เจ๊อ เหย่ซี เนอหมู่ลอ เน๊อ, ถู่แหล่ เต๊เปล่ แลแค ซี ซิปล่อ เร๊อ หยื่อเอ่แหน่ เกอ แลแค แบ่เจ่ เหย่ซู่, แว เฮ๊ เป่ เหย่ซี ฮู๊เนอ เนอ.

เพรโด่แนพู๊ เต๊เห่ 20:24

หม่าแน๊เรอ แซ่ฮู๊ แว เก่ เมโทแก เตเม เด๊อ แบ่เจ่ เหย่ซู่ เด๊อะแลแก แวเออ อาเงเนอ, แว แด่ดุ ซิโล เกอ เร๊อ ปา เจ๊อ แว ซิปล่อ เซอเพร เออเนอ โต่ เฮ๊อ. เตเม เด๊อ อา นอเม แว เออเต๊เห่ เนอหม่า หม่าเฮ๊อ แว เบ่ ข่าเฮ๊โล เน๊อ จอแปแหร่ อาบุ๊ยอาเตอเรอ อา เตซิครือมีลา เออ อาหรี่อาแก เออเนอ เฮ๊อ.

เพรโด่แนพู๊ เต๊เห่ 23:11

เบ๊อะเนอเตเซ, แบ่เจ่ แฮ ก๊อถ่อโอ่ เด๊อ คูเปาโล อาช๊า เร๊อ อา เฮ๊ ลู เน๊อ, “แด่ฉว่าแด่ชอ เน ซิปล่อ นี๋. ฮู๊ เน ข่าจา โทเฮ๊อ เนเหน่ เนอ แวหรี่แวแก เบ๊อะวีเยรูซาเล็ม อากู เออเนอ, เน เก่ ข่าหนิเกอ โป่ดื่อ เตหรี่เตแก เออเนอ เด๊อ วีโรม อากู น๊อปา.”

เพรโด่แนพู๊ เต๊เห่ 26:22

หม่าแน๊เรอ, จอแปแหร่ เมจว่า แว อาขว่าอาคยา, โต่เด๊อ เออเตอ เนอ แว ก๊อถ่อ ข่าเฮ๊โล เป่ปา เน๊อ แกแย เด๊อ อา โอ่ เบ๊อะเออ ปว๋า เตเพร. แกแย เด๊อ อู เตเนดุ ลู เบ่เบ่, อู เตเน ปีตี๊ ลู เบ่เบ่ แว แด๊โฉ่โล แซ๊เป่ ลอ ลู. เตหรี่เตแก เด๊อ แว เฮ๊ เป่ เหย่ซี เออเนอหมา, เตอเจอเจ๋อ แพ๊ ลู เร๊อ เพรโพร เต๊เห่ เร๊อ คูโมเสส แด๊โฉ่หนื่ออื่อ โทเฮ๊อ เนอเต๊เห่ แพ๊, เร๊อ อา เฮ๊ แลแค เน๊อ,

เพรโด่แนพู๊ เต๊เห่ 28:23

ฮู๊เนอเรอ เหย่ซี เฮ๊โอ่ ลู ม๊อเนอม๊อเซ เด๊อ อา เก่ แม๊เถอะ ตาฉื่อ คยาแซ๊ เร๊อ คูเปาโล เร๊อ เบ๊อะเหย่ซี เฮ๊โอ่ ลู เนอเตอเนอเนอ, แกแยยิวพู๊ เต๊เห่ แฮ แลแค เบ๊อะคูเปาโล โอ่ เกอเร๊อ หี่ เนอเตเม อากู, เร๊อ เหย่ซี แฮโหร่ เอ๊เล๊อ เจ๊อ เน๊อ เด๊อ อาเหร่อเค เนอตื๊อหื่อ เจ๊อ. เร๊อ คูเปาโล เป๊อแถ่ เฮ๊โฉ่โด่แนโล เป่ เหย่ซี เร๊อ จอแปแหร่ อาเทออาเก่ อาหรี่อาแก เร๊อ อาข่าเฮ๊โล หนิ อาหรี่อาแก เด๊อ เหมาะลี โต่ เจ๊อ เด๊อ เหมาะคี๊ เจ๊อ. แซ่ฮู๊ เหย่ซี เก่ หยื่อเอ่ เหย่ซู่ อาหรี่อาแก เอออาเงเนอเร๊อ, อา แอ๊จื๊อ เฮ๊โฉ่ซิเงโปล เป่ เหย่ซี เร๊อ คูโมเสส อา เตซว๊าเตแส่ เนอเต๊เห่ เน๊อ เพรโพรเฮ๊หนื่ออื่อ เนอเต๊เห่.

ꤊꤢ꤬ꤜꤢ꤬ꤒꤤ 5:3

แว เด๊อะรอหนิ คยาแซ๊ ซี เร๊อ แกแย เตเพรเพร เด๊อ อา เก่ จูเอ่ เตดื๊อตีลี๊พ๊า เออเฮ๊เนอ อา โตเบ่ ลือครวาเม ลอ เตซว๊าเตแส่ ปว๋า ตามา.

เอเฟซัส 4:17

ฮู๊เนอเรอ, เด๊อ ครี๊ อามุย อากู เร๊อ แว เบ่ เฮ๊ชอชอ แหน่ ซี เร๊อ โอ่เซอเพร แลแค แต่ ฮู๊ แกแย เด๊อ อา ซิเง จอแปแหร่ โต่ เนอเต๊เห่ โอ่เซอเพร เนอ แต่เหม่. เหย่ซี อาเหล่เตเน เต๊เห่ เนอหม่า อาบุ๊ยอาเตอเรอ โอ่ เตอเจ๋อ โต่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:11

เป แม๊ตู่หนิ ซี เออเนอ, อา แซ่เจ๊อเร๊อ เพ เตเพร แม๊ตู่ เกอเร๊อ อาพู๊ เจ๊อ เนอหม่า ซี ซิเงดื่อเฮ๊อ.