ꤜꤢꤨꤊꤢ꤬ 16:23 - ลีเทส่อพ๊าอาเซ เร๊อ เห่ขุทวาลู๊

²³ เบ๊อะแกแย ดุแหย่ ข่าเบ่ แหน่เจ๊อ เตจา เด๊อ ปอรากยากู เบ๊อะเนอ, อา แม๊แถ่ เด๊อ ม๊อขุ เร๊อ อา แม๊เถอะ แถ่จว๊าโล เพอับราฮัม, เร๊อ คูลาซารัส โอ่เกอ เด๊อ ลู ช๊า.

Eastern Kayah Shadaw Dialect

²³ ꤙꤣꤧ ꤢ꤬ ꤋꤢꤧꤙꤢꤩ꤬ ꤔꤢꤧ꤬ꤡꤣꤧ ꤒꤢꤩ꤬ꤡꤢ꤭ ꤘꤣ ꤍꤢ꤬ꤚꤢ꤬ꤊꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤗꤢꤧꤓꤢꤧ꤬ ꤘꤣ ꤗꤢꤪꤋꤢꤨ꤬ ꤚꤣꤧ꤬ ꤢ꤬ ꤗꤢꤧꤓ꤫ꤣꤧ꤬ ꤓꤢꤧ꤬ꤡꤝꤢꤏꤢꤔꤢꤩꤜꤥ꤭ ꤖꤢꤩ꤭ꤢ꤬ꤙꤚꤢ꤬ꤟꤢ꤬, ꤚꤣꤧ꤬ ꤋꤢꤨ꤭ꤜꤢ꤬ꤎꤢ꤬ꤚꤢꤨ ꤥ꤬ꤊꤣꤧ꤭ ꤘꤣ ꤜꤢꤨ꤭ ꤊꤢꤧ꤭ꤏꤢ꤯

ꤜꤢꤨꤊꤢ꤬ 16:23 ပူးပေါင်းရင်းမြစ်များ

เปโตร เนอบ่า ต๊าบ่า 2:4

ม๊อขุ เตเน่วพู๊ เด๊อ อา เมซื๊อเต เต๊เห่เนอ, จอแปแหร่ แด่ลว๊าแก เหย่ซี โต่. อา วีตาแก เหย่ซี เด๊อ ง่าหร่าปอรากยากู. อา ด๊อโน เหย่ซี เด๊อ เห่กู คี๊ตือรือ เต๊เห่ อากู เร๊อ อา แด่โอ่ โต่ เหย่ซี เด๊อ เตเมจากาคยา อาม๊อเนอ เนอเตอเนอ ปา.

ꤜꤢꤨꤊꤢ꤬ 16:28

แว โป่แหว่ เพรคู โอ่แก ปา เจ๊อ ซิแง เจ๊อ. แซ่ฮู๊ อา เก่ แฮโตเกอ แต่ เบ๊อะเตจาเตจือ อาเหล่โอ่ เออโต๊โผ่ แต่เม เนอ, ปลวากา เหร่อเป่ แว คูลาซารัส เนอ. เร๊อ นอกา เด๊อ แด๊โฉ่ เด๊อะรอเด๊อะเร เร๊อเป่ เน๊อ เหย่ซี เนอเต๊เห่.’

มัทธิว 23:33

“หรู่มู๊แหม่ซี๋, หรู่ซิ อาพู๊อาเลอ ซี๋, จอแปแหร่ เตเรเมจากาคยา ซี เด๊อ หง่าหร่าปอรากยากู ปาเนอ ซีจว๊า แลเปล๊ เบ๊ แจ่ ฮู๊ เต?

มัทธิว 18:9

เนเป๊เส่ เก่ นอเม เน เตซื๊อ เฮ๊เรอ ก๊ออูเถ่แก เร๊อ วีแก แก อาเนอ. เนเป๊เส่ โอ่แพ๊ ตากยา เร๊อ เน กาโนเบ๊ เด๊อ ม๊อขุ เนอ อาแร๊เล๊อ ปา เจ๊อ เน๊อ เนเป๊เส่ โอ่ปวาโอ่ดวา ลอเนอโค๊ เร๊อ อู เบ่ วีตาแก เน เด๊อ หง่าหร่าปอรากยากู ปาเนอเจ๊อ.”

เตเด๊อะโลแถ่ 20:10

โลเน๊มู๊แหม่รีแจ่ กู่กล๊อ เด๊อ อา อิลออี๊โหล่ แลโฮ เหย่ซี เออโตโดเนอ, อู วีตาแก ลู เด๊อ หมิเผ่ เด๊อ อู ชื๊ออือ เร๊อ หย่าซู๊แบ เออเนอ เต๊เผ่อากู. หมิเออ เต๊เผ่ เนอหม่า หม่าเฮ๊อ อู เหล่วีตา เตมีเตแหม่ เนอโตโด เร๊อ เพรโพร แลโฮ เนอเต๊เห่ อาเหล่โอ่ เนอ เฮ๊อ. เร๊อ เหย่ซี เก่ ข่าเบ่ เตจาเตจือ เหมาะคี๊คี๊ เหมาะเชเกลเกล ตูจูเพร แตแลเคร๊ เจ๊อ ปา.

ꤜꤢꤨꤊꤢ꤬ 8:28

เบ๊อะอา แม๊เถอะ เหย่ซู่ เบ๊อะเนอ, อา จ่าเพรอ เอ๊โท เร๊อ อา จว๊า แด๊งือแล เด๊อ เหย่ซู่ แบ๊เส่เง เร๊อ อา จ่าเพรอ เอ๊โทเฮ๊เบ่ เน๊อ, “เตดุเตทู ตื๊อดื่อ จอแปแหร่ อาพู๊คู เหย่ซู่, เน เตเร แฮเม แคร๋ แว อิเต? แว กุยซิยอ เน, เมจาเมจือ แต่ แว แต่เหม่ นี๋.”

มัทธิว 5:29

เนเป๊เส่ จ๊อทว๊า ตากยา เก่ นอเม เน เตซื๊อ เก่เฮ๊เรอ, ก๊ออูเถ่แก เร๊อ วีแก แก อา เนอ. เก่เม เนอ พื๋อ อู เก่ วีตาแก ลอ เน ซีเหน่กล่อ ชีเพร ลอ เด๊อ หง่าหร่าปอรากยากู เนอ, เนเป๊เส่ เลปย๊าแก ตากยา หม่า อาแร๊เล๊อ ปา เจ๊อ.

มัทธิว 5:22

หม่าแน๊เรอ แว เฮ๊ ซี เน๊อ, แกแย เตเพรเพร เด๊อ อา ซิปล่อดุ อา โคแบ๊ซว๊า เต๊เห่เนอ, อู โตเบ่ เมจากาคยา อา. โท๊โต่ แกแย เตเพรเพร เด๊อ อา เฮ๊ แกแยจอครอ อา โคแบ๊ซว๊า เต๊เห่เนอ, อู โตเบ่ เอ๊จว๊า เมจากาคยา ลู. เด๊อ แกแยยิวพู๊ อา กู่กล๊อดุกู๊ฉู่ทู เต๊เห่ อาเป๊เส่เง. หม่าแน๊เรอ แกแย เตเพรเตเพร เก่ เฮ๊ อู เน๊อ, ‘โอ่เล๊อโอ่กลอ’ ฮู๊เนอ เฮ๊เนอหม่า, อา โต รอ เกอเร๊อ อาเหน่, เมเตเฮ๊เรอ อา แฮโต ผื่อเฮ๊อ เร๊อ หง่าหร่าปอรากยา อากูเฮ๊อ.

โครินธ์ อาเหร่อเล๊อ ต๊าบ่า 15:55

“เก๋อ เตเซอ, เน เมเป่แจ่ ปา อู โต่. เน โจ๊โกโจ๊เบ อาฉว่าอาชอ เด๊อ อา เก่ เมหน่าเมจา อู เต๊เห่เนอ อา โอ่โต เบ๊อะเต?”

มัทธิว 11:23

เก๋อ วีคาเปอรนาอูมพู๊ ซี๋, ซี เตเน แลแค เร๊อ จอแปแหร่ อา แด่แถ่โล โต่ เจ๊อ เน เด๊อ ม๊อขุ ปา เน เตเน ฮู๊เนอ แอ? อา เก่ วีตาแก เน เด๊อ หง่าหร่าปอรากยากู ปา. เตโค๊ ตีกลี๊ เด๊อ แว เด๊อะโล เด๊อ เนกู เออเต๊เห่เนอ, แว เก่ เด๊อะโล บย่า เด๊อ วีโสโดม กู เฮ๊เนอหม่า วีเนอตีวีอา โอ่ โต่ปา โต่กู๊แหน่ เจ๊อ.

มัทธิว 8:29

เหย่ซี เอ๊โท เน๊อ, “จอแปแหร่ อาพู๊คู, เร๊อ ซิหยื่อ เม เป ฮู๊เต? จอแปแหร่ อาม๊อเนอ เมจากาคยา อู เออ โต่ แต่ล๋ายโต่ เบ๊อะเนอ, เน เตเร แฮเม แคร๋ เป อิเต?”

ꤜꤢꤨꤊꤢ꤬ 16:24

เร๊อ อา เอ๊โทแถ่ เน๊อ, ‘เก๋อ เพอับราฮัม! ซิยอเร๊อ แว นี๋, นอเจโนเร๊อ คูลาซารัส อา กู๊นอเคอ เด๊อ เทอกู เร๊อ นอปลวาตาเม๊ เตอเจ๊อ เร๊อเป่ แว ปลีเออ นี๋, เมเตเฮ๊เรอ แว ข่าเบ๊ เต เด๊อ หมิกู เออเนอ อาจาอาจือ แหน่เจ๊อ แว เฮ๊อ.’