ꤜꤢꤨꤊꤢ꤬ 16:2 - ลีเทส่อพ๊าอาเซ เร๊อ เห่ขุทวาลู๊

² แกแย ดุแหย่ เออเตเพร เอ๊แฮ อาเพร แม๊ตู่ ตาหมื่อตาเต เออเตเพร เร๊อ อา เฮ๊ ลู เน๊อ, ‘เนหรี่เนแก เด๊อ แว หนิโฮ เออเนอหม่า ฮู๊เต เต๊อเจ่อเต? เน เบ่ แด่โอ่โล เน ราม๊าราแด, เน แม๊ตู่เกอเร๊อ แว ตาหมื่อตาเต เนอเต๊เห่ อาหรี่อาแก, เมเตเฮ๊เรอ แว นอ ทวา แจ่ ปา เน เร๊อ เพรแม๊ตู่ แว ตาหมื่อตาเต เตเพร ปาโต่ เฮ๊อ.’

Eastern Kayah Shadaw Dialect

² ꤊꤣꤧ꤬ꤛꤢꤧ꤭ ꤘꤢꤨ꤬ꤛ꤫ꤢꤧ꤬ ꤣꤧ꤭ꤒꤣ꤬ꤖꤚꤢꤩ꤬ ꤢꤩꤟꤢꤧ꤭ ꤢ꤬ꤖꤚꤢꤩ꤬ ꤗꤢꤧꤡꤢꤧ꤬ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤚꤣꤧ꤬ ꤢ꤬ ꤟꤢꤩ ꤜꤢꤨ꤭ ꤔꤢꤧ, ‘ꤔꤢꤧ꤬ꤚꤤ꤬ꤔꤢꤧ꤬ꤊꤢꤧ꤭ ꤘꤣ ꤠꤢꤧ꤭ ꤔ꤫ꤤ꤬ꤟꤥ꤭ ꤣꤧ꤭ꤔꤣꤧ꤬ꤗꤢ꤬ ꤟꤢꤨꤒꤢꤩ꤭ ꤒꤣ꤬ꤡꤣ꤬ꤒꤢꤩ꤭? ꤔꤢꤧ꤬ ꤙꤢꤩ꤬ ꤘꤢꤧ꤬ꤓꤢꤧ꤬ꤜꤥ꤭ ꤔꤢꤧ꤬ ꤚꤢ꤭ꤗꤢꤚꤢ꤭ꤒꤢꤩ꤭, ꤔꤢꤧ꤬ ꤗꤢꤧꤡꤢꤧ꤬ꤚꤣꤧ ꤠꤢꤧ꤭ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤠꤢꤧ꤭ ꤔꤢꤪ꤭ ꤓꤝꤢ꤭ ꤡ꤫ꤢꤧ꤬ ꤕꤢ꤬ ꤔꤢꤧ꤬ ꤔꤢꤧ ꤖꤚꤢꤩ꤬ꤗꤢꤧꤡꤢꤧ꤬ ꤠꤢꤧ꤭ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤒꤣ꤬ꤖꤚꤢꤩ꤬ ꤕꤢ꤬ꤒꤥ꤬ ꤟꤣꤧ꤯’

ꤜꤢꤨꤊꤢ꤬ 16:2 ပူးပေါင်းရင်းမြစ်များ

เตเด๊อะโลแถ่ 20:12

เร๊อ แว แม๊เถอะ แกแย เด๊อ อามุย โลเทอโลเก่ เร๊อ แกแย เด๊อ อู เตเน ปีตี๊ ลู เร๊อ อา เซอโทเฮ๊อ เต๊เห่ ก๊อถ่อโอ่ เด๊อ จ๊อแผ่ กุแกล๊บูดุ แถ่โล เออ อาเป๊เส่เง เนอ. อู โบ๊โมแถ่ ลีเต๊เห่ โทเรอ อู โบ๊โมแถ่ ลี เด๊อ อาโร ต๊าบ่า เด๊อ อู เอ๊ เร๊อ ลีเซอเพร เออ. แกแยเซอ เออเต๊เห่เนอ, อู เมจากาคยา เหย่ซี ฮู๊ อา เมน๊อ โทเฮ๊อ เนอ เร๊อ ฮู๊ อู ราม๊าโอ่ เด๊อ ลีเออ อากูเนอ เต๊เห่.

เปโตร อาเหร่อเล๊อ ต๊าบ่า 4:10

จอแปแหร่ เด๊อะโทเฮ๊อ ซี เชหยู่ เตเพร เร๊อ เตเพรเฮ๊อ. เร๊อ นอเอ่ เป่เกอ แลแค ซี เชหยู่ เออเนอ เร๊อ แกแย เด๊อ อาโร เต๊เห่ อาเง เนอ. เป๊อตี๊หรี่ ตาเตหนิ แลแค เชหยู่ เด๊อ จอแปแหร่ เด๊อะตา โค๊ลู เตเพร เร๊อ เตเพร เออเนอ นี๋.

เปโตร อาเหร่อเล๊อ ต๊าบ่า 4:5

หม่าแน๊เรอ เหย่ซี เมโทเฮ๊อ แคร๋ อิเตเนอ, เหย่ซี โตเบ่ กา แด๊โฉ่โลโปล คยาแซ๊ จอแปแหร่ เร๊อ อาเหน่ ปา. จอแปแหร่ โอ่ ตี๊หรี่แตแร หนื่ออื่อ เฮ๊อ อาเหน่ เร๊อ อา เก่ เมจากาคยา แกแย เซอเพร เต๊เห่ เร๊อ แกแยเซอ เออเต๊เห่ เฮ๊อ.

ทิโมธี อาเหร่อเล๊อ ต๊าบ่า 5:24

แกแย เต๊เห่เห่ อา เตซื๊อเตปล๊า เนอ อา โอ่โล หล่าลี แร๊เจ๊อ, เร๊อ อู ปว๋า เตเพร แม๊เถอะ ซิเง ล๊อปลี เหย่ซี เตซื๊อ เออเนอ เน๊อ จอแปแหร่ เก่ เมจากาคยา เหย่ซี ปา หม่าแน๊เรอ แกแย เด๊อ อาโร เต๊เห่เห่ อา เตซื๊อเตปล๊า เนอ, กู๊แหน่เคเออ อู แม๊เถอะแจ่ อา โต่. หม่าแน๊เรอ อู เก่ แม๊เถอะเนอ อา เด๊อคยา ปา.

ทิโมธี อาเหร่อเล๊อ ต๊าบ่า 4:14

แม๊ตาเบ๊แก แต่ แหย่โยบูโพ๊ แบ่เจ่ อาเชหยู่ เด๊อ จอแปแหร่ เด๊อะโทเฮ๊อ เนเนอ แต่เหม่ นี๋. เบ๊อะเพรหยื่อเอ่ตู๊หมู่ตอกล๊อ โหมะพรูโหมะเผร่ เด๊อ อา ทวา ทวาดุทวาเต เต๊เห่ แด่แถ่ เฮ๊อ อากู๊ขุ เด๊อ เนโอ่ เบ๊อะเนอ, เน พย๊าหนิ แฮเงเฮ๊อ เชหยู่ เออเนอ เด๊อ แกแย เฮ๊โพร หนื่ออื่อ เนหรี่เนแก เนอเต๊เห่ อา โอ่ เฮ๊อ.

โครินธ์ เนอบ่า ต๊าบ่า 5:10

เมเตเฮ๊เรอ, ช๋า โหน่ปาหม่า เป ปว๋า เตเพร เบ่แฮ โอ่ ลอ เด๊อ ครี๊ เหล่เมจากาคยา กู่แกล๊เท แถ่โล อาเป๊เส่เง ปา. เบ๊อะเป โอ่ เด๊อ เห่ขุเออ อาเค, ล๋อ เป เมโทเฮ๊อ เต เด๊อ อาแร๊ เต๊เห่เนอ เบ่เบ่, เต เด๊อ อาซื๊อ เต๊เห่เนอ เบ่เบ่, เป เก่ พย๊าหนิ เด๊อคยา เตเมหนิคว๊าเก่ ปา แอ, หม่า เป พย๊าหนิ โต่ แอ? เนอ, อา เก่ เจแม๊ ลอ เป ปว๋า เตเพร ปา.

โครินธ์ อาเหร่อเล๊อ ต๊าบ่า 4:5

ฮู๊เนอเรอ เตเมจากาคยา เบ๊อะแฮเบ่ แต่ล๋ายโต่ เนอ, จว๊า เมจากาคยา แต่ อู เตเพร๊ แต่เหม่. โอ่ป่อ โต่ แลแค เด๊อ แบ่เจ่ แฮ เมจากาคยา อู ปา โตโพ๊ เนอ. เตโอ่โอ๊โอ่บี๊ เด๊อ เตคี๊ อากู เต๊เห่เนอ, อา เก่ เด๊อะแถ่โล ปา. เร๊อ แกแย อา เตเตเน ด๊อโอ๊ด๊อบี๊ เด๊อ อา นอเม โค๊ลู เต๊เห่เนอ, จอแปแหร่ เก่ เด๊อะโล ซิเง ปา. เบ๊อะเนอเค ปา เนอ, ฮู๊ แกแย เตเพร เร๊อ เตเพร เม เต เนอ, จอแปแหร่ เก่ ถู่เซ๊หนิ เหย่ซี ปา.

โครินธ์ อาเหร่อเล๊อ ต๊าบ่า 4:2

แกแย เด๊อ อู เด๊อะตา โค๊ลู เตเม เต๊เห่เนอ, อา โตเบ่ จ๊อเต เร๊อ อาเตเม.

โครินธ์ อาเหร่อเล๊อ ต๊าบ่า 1:11

เมเตเฮ๊เรอ, โป่แหว่ ซี๋, เหมาะคะโลเอ อา โคแบ๊ซว๊า อาเกล เต๊เห่เห่ แด๊โฉ่โลโปล เป่ แว เน๊อ, ซีกย๊าตางา ซีวื๊อ เกอเร๊อ ลอ ลู เตเพร เร๊อ เตเพร เฮ๊ ว๋า.

ꤚꤥꤗꤢꤩ꤬ 14:12

ฮู๊เนอเรอ, เป เมโท แคร๋ เฮ๊อ อิเตเนอ เป เบ่ เฮ๊โฉ่แถ่โล ลอ จอแปแหร่ ปว๋า เพร ปา.

ꤜꤢꤨꤊꤢ꤬ 12:42

แบ่เจ่ เหย่ซู่ เฮ๊ฉื่อ ลู เน๊อ, “ฮู๊เนอเรอ, อา ทวา หลู่เล๊กู่กล๊อ เด๊อ อาจ๊อ เร๊อ อา โอ่ เร๊อ เตลีแม เตเพรหม่า อูเป? หลู่เล๊กู่กล๊อ เด๊อ อาจ๊อ เออเตเพร เนอหม่า หม่าเฮ๊อ อาแบ่เจ่ เด๊อะตา ลอ อาหลู่เล๊ เด๊อ อาโรเต๊เห่ เด๊อ ลู กู๊ยากู เนอเตเพร เฮ๊อ. เร๊อ อา เก่ นอแม๊นอตู่หนิ ลู เร๊อ เหย่ซี, เร๊อ อา เก่ เด๊อะเอ่โตเด๊อะโอเบ่ เป่ อู เบ๊อะโตโพ๊ เร๊อ โตโพ๊ เนอเตเพร ปา หม่าโต่ แอ?

ꤜꤢꤨꤊꤢ꤬ 12:20

“หม่าแน๊เรอ จอแปแหร่ เฮ๊ ลู เน๊อ, ‘เพโอ่เล๊อโอ่กลอ, เออเตเซ ปา หม่า แว เก่ พย๊าเถ่แก เฮ๊อ เน ซิปล่อเซอเพร ปา. ฮู๊เนอเรอ ล๋อ เต เด๊อ เน แด่ปล๊อ หนื่ออื่อ เด๊อ เนเง เออเต๊เห่เนอ อูเป เตเพร อา พย๊าหนิ ปา เป?’”

มัทธิว 12:36

หม่าแน๊เรอ แว เฮ๊ ซี, ช๋า จอแปแหร่ เมจากาคยา แกแย อาเค ปาเนอ, อา เก่ เมจากาคยา ล๋อ แกแย เด๊อ อา เฮ๊ เบ่ เตเน เกอ อูโต่ เร๊อ อา เฮ๊ เบ่ โหง่ เด๊อ อา บุ๊ยเตอ เรอ โต่ ปว๊า ตือมือ เนอ อา ข่า เกอ เร๊อ ดื่อ ปา.

มัทธิว 20:8

“เบ๊อะเหมาะตาเฮ๊อ เบ๊อะเนอ, เพร๊ แบ่เจ่ เออ อา เฮ๊ เพร เป๊อ แม๊ตู่หนิ เพร๊ขุ เออเตเพร เน๊อ, ‘เอ๊แฮ เพรแรเต เนอเต๊เห่ เร๊อ เด๊อะเป่ เหย่ซี อาคว๊าอาเก่ เนอ, เด๊อะเหร่อเล๊อ อา แฮ ตาเนอเล๊อ อาโค เนอเตเพร นี๋ เร๊อ อา แฮ เหร่อเล๊อ เนอเต๊เห่ เร๊อ เด๊อเนอเล๊อ อู ปา.’

ꤜꤢꤨꤊꤢ꤬ 16:1

เหย่ซู่ เฮ๊ อา โคเจ่ เต๊เห่ เน๊อ, “เบ๊อะโตโพ๊ แกแย ดุแหย่แถ่เซ โอ่ เตเพร. เร๊อ อา โอ่ เกอเร๊อ เน๊อ เพรแม๊ตู่เร๊อ อา ตาหมื่อตาเต เตเพร. อู เฮ๊โล เป่ ลู เร๊อ อา เมลอ แกเด ลอ อาแบ่เจ่ตาหมื่อตาเต ปว๋า เต๊อเจ่อ.

ꤜꤢꤨꤊꤢ꤬ 16:3

“เพรแม๊ตู่ ตาหมื่อตาเต เออเตเพร เฮ๊ เกอเร๊อดื่อ อาเหน่ เน๊อ, ‘แวแบ่เจ่ นอเถ่แกเฮ๊อ แว เด๊อ อาแรเตกู เฮ๊อ เร๊อ แว เบ่เม ฮู๊เต? แว เก่ จว๊าโพ จว๊าเว เฮ๊เรอ, แวอ๊าแวเหร่ เล๊อบา โต่โต่, แว เก่ กุยเอ่ เฮ๊เรอ, แว ซิเตเร ลาลา.