ꤜꤢꤨꤊꤢ꤬ 16:16 - ลีเทส่อพ๊าอาเซ เร๊อ เห่ขุทวาลู๊

¹⁶ “คูโมเสส เตซว๊าเตแส่ เด๊อ เพรโพร อา เตราแก เต๊เห่เนอ, อู แด๊โฉ่โด่แน โต่ ตื๊อดื่อ อา เบ๊อะเจเทอ คูยอห์น อา ทือเค เนอแพ๊. เด๊อคยาเออ แว แด๊โฉ่โด่แน เป่ อู เร๊อ จอแปแหร่ เทอเลเก่กู เตซิครือมีลา อาหรี่อาแก เร๊อ อู แอ๊จื๊อ โนเผ่ ลอ เจ๊อ ลู ปว๋า เตเพร เจ๊อ.

Eastern Kayah Shadaw Dialect

¹⁶ “ꤋꤢꤨ꤭ꤗꤢꤪꤎꤢꤧ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤔꤢꤧ ꤖꤚꤢꤩ꤬ꤖꤚꤥ꤬ ꤢ꤬ ꤒꤢꤩ꤬ꤚꤢ꤭ꤊꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢꤨ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤒ꤫ꤥ꤬ ꤒꤣꤧ꤬ꤘꤢꤦ꤬ ꤢ꤬ ꤙꤣꤧ ꤖꤚꤢꤩ꤬ꤡꤢꤩ꤬ ꤢꤨ꤭ ꤋꤢꤨ꤭ꤛꤥ꤭ꤟꤢ꤬ ꤢ꤬ ꤓꤢꤦ꤭ꤋꤢꤩ꤭ ꤔꤣꤧ꤬ꤖꤢꤧ꤯ ꤘꤣꤋꤛꤢ꤭ꤣꤧ꤭ ꤠꤢꤧ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤓꤣꤧ꤭ꤜ꤫ꤢꤩ꤬ꤊ꤫ꤢꤩ꤬ꤊꤢꤨ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤚꤣꤧ꤬ ꤢꤨ꤭ ꤢꤧꤡꤢꤦ ꤔꤥ꤭ꤖꤢꤩ꤬ ꤜꤢꤪ꤭ ꤡꤣꤧ ꤜꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤡꤣꤧ꤯

ꤜꤢꤨꤊꤢ꤬ 16:16 ပူးပေါင်းရင်းမြစ်များ

มัทธิว 21:32

เมเตเฮ๊เรอ คูยอห์น แฮ เด๊อะโล ซี เร๊อ เต จ๊อ เตเต อาแกล๊ ตื๊อดื่อเรอ ซี หยื่อเอ่ ลู โต่. หม่าแน๊เรอ เพรกุยอาหมู่อาร๊า เร๊อ แม๊เผ่โหมะ เต๊เห่ หยื่อเอ่ ลู. ซี แม๊เถอะ เจ๊อ แกแย เออเต๊เห่ อาซิปล่อ แต๊แกละ กา เจ๊อ ตื๊อดื่อเรอ ซี ซิปล่อแต๊แกละ กา เกออู โต่, โท๊โต่ ซี หยื่อเอ่ เกอ เจ๊อ อู ตีกี๋ โต่.

ꤛꤥ꤭ꤟꤢ꤬ 1:45

คูฟีลิป แม๊เถอะ คูนาธานาเอล เร๊อ อา เฮ๊ ลู เน๊อ, “เป แม๊เถอะเฮ๊อ แกแย เด๊อ คูโมเสส รา ลูหรี่ลูแก เด๊อ ลี เตซว๊าเตแส่ อากูเนอ เร๊อ เพรโพร เต๊เห่ ราเกอ ลูหรี่ลูแก เนอ เตเพร เฮ๊อ. อา หม่า เพโยเซฟ อาพู๊คู เหย่ซู่ เร๊อ อา หม่า แกแย วีนาซาเร็ธพู๊.”

ꤜꤢꤨꤊꤢ꤬ 16:31

“หม่าแน๊เรอ เพอับราฮัม เฮ๊ฉื่อ ลู เน๊อ, ‘เหย่ซี เก่ ครวาเม เกอ ฮู๊ คูโมเสส เร๊อ เพรโพร ราแก เนอเต๊เห่ โต่ เฮ๊เรอ, แกแย เตเพร เพร อา ก๊อถ่อเซอเพร กาคยา เป่ เจ๊อ เหย่ซี เจ๊อ หม่า, อา หยื่อเอ่ เป่ เน๊อ เน โต่โต่.’”

มัทธิว 3:2

เร๊อ อา เฮ๊ เน๊อ, “ถู่แหล่แต๊แกละ แลแค ซีซิปล่อ, เมเตเฮ๊เรอ ม๊อขุ อาเทออาเก่ ผื่อแถ่เฮ๊อ.”

เพรโด่แนพู๊ เต๊เห่ 3:18

จอแปแหร่ เฮ๊หนื่ออื่อโทลอเฮ๊อ อาโหง่ เน๊อ เพรโพร เต๊เห่ ล๋อ ปลี เฮ๊อ. เร๊อ อา เฮ๊หนื่ออื่อ เป่ เหย่ซี เน๊อ ครี๊ เบ่ ข่าเซอแหน่ เตจาเตจือ ปา. เร๊อ อา เล๊อแถ่บาแถ่ เฮ๊อ ฮู๊ อา เฮ๊ เออเนอ เฮ๊อ.

ꤜꤢꤨꤊꤢ꤬ 16:29

“เพอับราฮัม เฮ๊ฉื่อ ลู เน๊อ, ‘คูโมเสส เร๊อ เพรโพร เต๊เห่ ราหนื่ออื่อ ดื่อ เฮ๊อ เด๊อ อา เก่ เด๊อะรอเด๊อะเร เป่ เน โป่แหว่ เพรคู เนอเต๊เห่ เฮ๊อ. เหย่ซี โตเบ่ หนิดา ดื่อเฮ๊อ เหย่ซีโหง่ ปา.’

ꤜꤢꤨꤊꤢ꤬ 10:11

‘ซี วีกู เห่หมื่อ เด๊อ อา แบ๊หม่า เป กู๊ยาเล เออเต๊เห่เนอ, เป โซตาแก เป่เฮ๊อ ซี เฮ๊อ. เป ซิหยื่อ นอซิเง ซี เร๊อ เป แด่แกเฮ๊อ ซี เฮ๊อ. หม่าแน๊เรอ เตเนหม่า แลแค เร๊อ จอแปแหร่ เตเร เป๊อเทอเป๊อเก่ อาม๊อเนอม๊อเซ เนอ อา แฮโต่ผื่อ เฮ๊อ.’

ꤜꤢꤨꤊꤢ꤬ 10:9

แหย่โอ่เหม่ เป่ แกแย เด๊อ อาชุ๊ยอาเช เบ๊อะวีเนอ ตีวี อากู เนอ. เร๊อ แด๊โฉ่ เป่ แกแย โอ่ เบ๊อะเนอ เต๊เห่ เน๊อ, ‘จอแปแหร่ เตเร เป๊อเทอเป๊อเก่ อาม๊อเนอม๊อเซ เนอ อา แฮโต่ผื่อ เฮ๊อ เร๊อ ซี เฮ๊อ.’

มัทธิว 4:17

ตาเป่แฮ เบ๊อะเนอเรอ เหย่ซู่ เป๊อแถ่ แด๊โฉ่โด่แน เป่ อู เน๊อ, “ถู่แหล่แต๊แกละ แลแค ซีซิปล่อ, เมเตเฮ๊เรอ ม๊อขุ อาเทอ อาเก่ ผื่อแถ่เฮ๊อ.”

ꤜꤢꤨꤊꤢ꤬ 9:2

โทเร๊อ อา ปลวาจว๊าแก เหย่ซี เด๊อ อา เก่ จว๊า แด๊โฉ่โด่แน เป่ อู เร๊อ จอแปแหร่ อาเทออาเก่, เร๊อ อา เก่ แหย่โอ่เหม่ เป่ แกแยชุ๊ยแกแยเช เต๊เห่.

ꤗꤢ꤬ꤊꤢꤨ 1:14

เบ๊อะอู ปื่อด๊อตา คูยอห์น เด๊อ ทอกู เบ๊อะเนอ, เหย่ซู่ จว๊า เด๊อ กาลิลีเก่ เร๊อ อา แด๊โฉ่โด่แน เป่ อู เร๊อ จอแปแหร่ อา เตซิครือซิลอมีลา เบ๊อะเนอ.

มัทธิว 10:7

เบ๊อะซี จว๊า เบ๊อะเนอ, แด๊โฉ่โด่แน เป่ อู เน๊อ, ‘ม๊อขุ อาเทอ อาเก่ ผื่อกาเฮ๊อ,’ ฮู๊เนอ นี๋.

ꤛꤥ꤭ꤟꤢ꤬ 12:19

ฮู๊เนอเรอ ฟาริสี เต๊เห่ เฮ๊ เกอเร๊อ ลู เตเพร เร๊อ เตเพร ฮู๊เต เฮ๊เรอ, “แม๊มอเล๊! เป เฮ๊เป่ ปา เหย่ซี โต่เฮ๊อ. เห่ขุ ต๊าบ่าลอ ครวาเกอ ลอ ลูคยา เฮ๊อ!”

ꤛꤥ꤭ꤟꤢ꤬ 11:48

เป เก่ แด่โอ่ เป่แฮ ตื๊อดื่อ อา ฮู๊เออ เฮ๊เนอหม่า, อู หยื่อเอ่ เกอลอ ลู เฮ๊อ. โทปาเร๊อ โรมัน เกลอฮู๊ เต๊เห่ เก่ แฮ ปา เร๊อ แฮ เมโพร๊แก ลอ เป เตหลู่แตโฮโฮ, เป เมวเจอะพู๊พู๊ เนอเจ่อลอ ปา.”

ꤗꤢ꤬ꤊꤢꤨ 1:45

หม่าแน๊เรอ อา เถ่จว๊า แด๊โฉ่โล เป่ ลอปลี อู อาคยา, เหย่ซู่ อาจว๊าโน โล๊ลี หนิปา อาเหน่ เด๊อ วีกู โต่. อา เบ่ จว๊าโอ่ แพ๊ เด๊อ วีกลอ เด๊อ เหล่โอ่โส่เคร เต๊เห่เนอ แพ๊. หม่าแน๊เรอ แกแย โอ่ เด๊อ เหล่โอ่ ปว๊า โต๊โผ่ แฮโต ลอ เด๊อ ลูโอ่.

มัทธิว 4:23

เหย่ซู่ เลจว๊า ลอ กาลิลี เต๊เก่เล เร๊อ อา เลจว๊า อิซว๊าอี๊แส่ อู เด๊อ เตจ๊อเบ โฮกู ปว๋า โต๊โผ่. อา แด๊โฉ่โด่แน เป่ แกแยยิวพู๊ เต๊เห่ เร๊อ จอแปแหร่ อาเทอ อาเก่ เตซิครือมีลา อาหรี่อาแก. เร๊อ อา แหย่โอ่เหม่ เป่ ลอ อู เตชุ๊ย ปว๊าโตเมว เตเช ปว๊าเต๊อเจ่อ.

มัทธิว 15:11

เต เด๊อ อา โน เด๊อ แกแย แกกูเนอ, อา เม โตโพร๊มู๊แหม่ ลู เด๊อ จอแปแหร่ อาเป๊เส่เง โต่ เร๊อ แกแยแกกู เต๊เห่ เนอ, หม่าแน๊เรอ เต เด๊อ อา เถ่ เด๊อ แกแย แกกูเต๊เห่เนอ, อา เมโตโพร๊มู๊แหม่ ลู.”

ꤛꤥ꤭ꤟꤢ꤬ 5:4

(เหย่ซี โอ่ป่อ แลแค เทอโกโย เมเตเฮ๊เรอ จอแปแหร่ อา เตเน่ว แฮแล เมโกลโกโย โตโมโม เทอเออ เร๊อ เบ๊อะเทอ โกโย เบ๊อะเนอ, แกแย เด๊อ อา จว๊าโน เหร่อเล๊อ เด๊อ เทอกู เตเพรเพร เนอ, อาเตชุ๊ย โอ่เหม่แก.)