ꤜꤢꤨꤊꤢ꤬ 15:22 - ลีเทส่อพ๊าอาเซ เร๊อ เห่ขุทวาลู๊

²² “หม่าแน๊เรอ อาเพ เฮ๊ อาหลู่เล๊ เต๊เห่ เน๊อ, ‘เมแพรแพร! พย๊าแฮ จาจวา เด๊อ อาแร๊เล๊อ เนอตือปือ, เร๊อ แซ๊แถ่ เป่ แลแค เร๊อ อา เออ, เร๊อ โตโปล๊ โน เป่ อา กู๊นอโตโปล๊ เตเม เด๊อ อา กู๊นอลูเนอ, เร๊อ เด๊อะแด๊ เป่ อา แข่แด๊พ๊า เนอ.

Eastern Kayah Shadaw Dialect

²² “ꤗꤢ꤬ꤔꤢꤧꤚꤣꤧ꤬ ꤢ꤬ꤖꤢꤩ꤭ ꤟꤢꤩ ꤢ꤬ꤜꤢꤨ꤬ꤜꤢꤩ ꤒꤣꤧ꤬ꤟꤢꤩ꤬ ꤔꤢꤧ, ‘ꤗꤢꤩ꤬ꤖꤚꤢꤧ꤭ꤖꤚꤢꤧ꤭, ꤖꤛꤢꤟꤢꤧ꤭ ꤡꤢ꤬ꤡꤝꤢ꤬ ꤘꤣ ꤢ꤬ꤚꤢꤧꤜꤣ ꤔꤣꤧ꤬ꤒꤣ꤬ꤕꤢꤦ꤬, ꤚꤣꤧ꤬ ꤞꤢꤧꤓꤢꤧ꤬ ꤕ꤫ꤢꤩ꤬ ꤜꤢ꤭ꤋꤢꤧ꤭ ꤔꤢꤧ ꤢ꤬ ꤣꤧ꤭, ꤚꤣꤧ꤬ ꤒꤣꤧ꤬ꤕꤜꤥ ꤔꤥ꤭ ꤕ꤫ꤢꤩ꤬ ꤢ꤬ ꤊꤢꤨꤔꤢꤪ꤭ꤒꤣꤧ꤬ꤕꤜꤥ ꤒꤣ꤬ꤗꤢꤩ꤭ ꤘꤣ ꤢ꤬ ꤊꤢꤨꤔꤢꤪ꤭ꤊꤢꤨ꤭ꤔꤣꤧ꤬, ꤚꤣꤧ꤬ ꤘꤣꤧꤘꤢꤧ ꤕ꤫ꤢꤩ꤬ ꤢ꤬ ꤋꤢꤧ꤬ꤖꤢ ꤔꤣꤧ꤬꤯

ꤜꤢꤨꤊꤢ꤬ 15:22 ပူးပေါင်းရင်းမြစ်များ

เตเด๊อะโลแถ่ 6:11

อู เด๊อะ เหย่ซี จาจวาบู ปว๋า เตเพร, โทเรอ อู เฮ๊ เหย่ซี เน๊อ เหย่ซี เก่ โอ่โก๊ เตเบ๊ซิพร๊า โป่ เตอเปลอฮู๊. เร๊อ เหย่ซี เก่ โอ่โก๊ โต่เด๊อ อู เมเซอ บาแถ่ เฮ๊อ เหย่ซี อาโคหลู่เล๊ เต๊เห่ เร๊อ อาโป่แหว่ เด๊อ อา หยื่อเอ่แหน่เอ่เต เต๊เห่ ฮู๊ อู เมเซอโทเฮ๊อ เหย่ซี เนอ ปา.

เห่ขุทวาลู่ 41:42

โทเร๊อ คุ๊ยโปล๊เถ่ อาก๊อนอโตโปล๊ เด๊อ อา โอ่เต่อ เน๊อ คุ๊ยอาเตม๊าเตแด เนอเตเม เด๊อ อากู๊นอลู เร๊อ อา โปล๊โน เป่ เน๊อ คูโยเซฟ. อา แซ๊แถ่ เป่ ลู จาจวาทูแปล๊ เด๊อ อาแร๊, เร๊อ อา กู๊ลาแถ่ เป่ ลู เทเปลอดุ เตอเปลอ เด๊อ อาแกโบลู.

เตเด๊อะโลแถ่ 19:8

กาฉู่แด่ เพรเหมาะ เออเนอ อู เด๊อะกือเด๊อะแซ๊ ลู เร๊อ เห่อจา แบ๊ปลี บูโพ๊ แปล๊เตเค แร๊ ตือปือ.” เห่อจา แบ๊ปลี บูโพ๊ แปล๊เตเค แร๊ หม่า หม่าเฮ๊อ จอแปแหร่ อาแกแย เต๊เห่ อา เตเอ่เตแร เด๊อ อาจ๊ออาเต เต๊เห่เนอ เฮ๊อ.

เตเด๊อะโลแถ่ 7:9

เตเมอาเหน่ ฮู๊เออ โทเรอ แว แม๊เถอะ แกแย โอ่โหร่โอ่เอ๊ แหน่เจ๊อ ตู๊หมู่ เร๊อ อู แด๊ ลอเป่ เหย่ซี เตเพร่ว โต่. เหย่ซี โอ่ เด๊อ เมวเจอะ ปว๊าเต๊อเจ่อ, กลุยแล ปว๊าโต๊โหมะ, แกแย ปว๊าตู๊หมู่, เร๊อ โหง่ ปว๊า เต๊อเจ่อ แฮ เร๊อ เหย่ซี แฮก๊อถ่อโอ่ เด๊อ ซิหมิพู๊ เร๊อ อาจ๊อแผ่ กู่แกล๊เท แถ่โล อาเป๊เส่เง. โทเรอ เหย่ซี อากือแซ๊หนิ จาจวาบูทู เร๊อ ปื่อหม่าหนิ แลแค กอน๊อเหมาะแพ เต๊เห่.

ꤚꤥꤗꤢꤩ꤬ 8:15

เมเตเฮ๊เรอ แหย่โยบูโพ๊ แบ่เจ่ เด๊อ จอแปแหร่ เด๊อ ซี เออเนอ, อา นอโต๊โหร่ ซี, อา นอซิอิเช คยาแซ๊ ซี ฮู๊ หลู่เล๊ เนอ หม่าโต่. หม่าแน๊เรอ, แหย่โยบูโพ๊ แบ่เจ่ เมทวาแถ่ เป่โทเฮ๊อ ซี เน๊อ ซี ทวาเฮ๊อ จอแปแหร่ อา พู๊เหมาะพู๊คู อาขว่าอาคยา, อา แด่ เฮ๊อ ซี ฮู๊ อา พู๊เหมาะพู๊คู เต๊เห่เนอ เฮ๊อ. เด๊อ แหย่โยบูโพ๊ แบ่เจ่ อาขว่าอาคยาเร๊อ, เป เอ๊ จอแปแหร่ เน๊อ, “อับบา, เพ” ฮู๊ ซีเพ เน๊อซีเหน่ เตเพร เนอหม่า อาหนิ เฮ๊อ.

เตเด๊อะโลแถ่ 2:17

“เน กู๊หลิโกะ เก่ โอ่ เร๊อ หนิดา เต เด๊อ จอแปแหร่ อา แหย่โยบูโพ๊ แด๊โฉ่ เพรหยื่อเอ่ตู๊หมู่ตอกล๊อ เออเต๊เห่เนอ. อา เฮ๊ ฮู๊เตเฮ๊เร๊อ, ล๋อ แกแย เด๊อ อา เมเป่ เต เต๊เห่เนอ แว เก่ เด๊อะ อา ค๊อมูมานา เด๊อ อู แด่โอ๊ อา เออเนอต๊อกล่อ ปา. โทเรอ แว เก่ เด๊อะ เหย่ซี หล่อบู เตเพร เตเม ปา, เร๊อ อู ราโอ่ มุยเซ เด๊อ อาลู เออเนอ ปา. มุยเซ เออเนอ อู ซิเง อา เตเพร่ว โต่, ซิเง ตื๊อแพ๊ แกแย เด๊อ อา พย๊าหนิ หล่อเออเนอ เตเพรเพร่ว แพ๊.”

ꤊꤢ꤬ꤜꤢ꤬ꤒꤤ 3:27

เมเตเฮ๊เรอ แกแย เด๊อ อา เจเฮ๊อ อาเหน่ เร๊อ เทอ เต๊เห่เนอ, อา ทวาแถ่เฮ๊อ เตเตอเจ๋อโต เร๊อ ครี๊ เฮ๊อ เต๊เห่ เนอหม่า หม่าเฮ๊อ อา กือแถ่แซ๊แถ่เฮ๊อ ครี๊ แซ่เน๊อ อา อากืออาแซ๊ เห่อจา เด๊อ อาเซ เนอเต๊เห่ เฮ๊อ.

ꤚꤥꤗꤢꤩ꤬ 13:14

ครวา แม๊บือเกอ เหย่ซู่ครี๊ อา เตโอ่เซอเพร เออเนอ นี๋. ฮู๊ ซี กือแซ๊แถ่ เห่อจา เนอ, กือแซ๊แถ่ เต๊เปล่ เกอลาติ เด๊อ แบ่เจ่ เหย่ซู่ครี๊ เร๊อ เตเน ปา แต่ แลแค เตลือ เมโม สุ่ยหย่าเทอ อา เตซิหยื่อซิลอ อาแกล๊อาโกล เต๊เห่ แต่เหม่ นี๋.

เตเด๊อะโลแถ่ 3:18

เมฮู๊เนอเรอ แว เด๊อะซิเง จว่าเป่เกอ เน เร๊อ แซ่ฮู๊ เน เก่ ดุแหย่แถ่เซ เกออู เนอ, แฮ พรีเกอ เท เด๊อ แวโอ่ เออ. เท เออเนอหม่า อู โล โทเฮ๊อ เร๊อ หมิ. โท๊โต่ แฮ พรี เกอดื่อ เห่อจาบู เหล่กือเหล่แซ๊ เด๊อ แวโอ่ เออ เร๊อ กือบี๊แซ๊บี๊ เกอเร๊อ เน โอ่กาโกล ซิเตเร ดื่อเง เออเนอ. แซ่ฮู๊ เน เก่ แม๊เถอะ ลีโพ๊แร๊ เกออู อาเงเนอ, แฮ พรีเกอ เตขุ เป๊เส่เช เด๊อ แวโอ่ เออ เร๊อ จีโน เด๊อ เน เป๊เส่ปล่อกู เนอ.

เอเฟซัส 6:15

แซ่เน๊อ เกลอฮู๊ ตี๊หรี่แตแร แด๊แถ่ หนื่ออื่อ แลแค อา แข่แด๊พ๊า โตโปล๊ เด๊อ อา เก่ เถ่จว๊า อาเงเนอ, ตี๊หรี่แตแร หนื่ออื่อ แลแค ซีเหน่ เร๊อ เตซิครือมีลา เด๊อ อา เด๊อะ ซี เตโส่เตเคร เตเพรเตดือ เออเนอ นี๋.

ꤚꤥꤗꤢꤩ꤬ 3:22

แกแย เด๊อ อา หยื่อเอ่ เร๊อ เหย่ซู่ครี๊ เมโท เป่เฮ๊อ ลูเง เต๊เห่เนอ, จอแปแหร่ แด่ เฮ๊อ ลู ฮู๊ แกแยจ๊อแกแยเต เนอเฮ๊อ. เออ หม่า แกล๊ เด๊อ จอแปแหร่ เม เป่ ล๋อ แกแย เด๊อ อา หยื่อเอ่ เหย่ซู่ครี๊ เนอเต๊เห่ อาเง เฮ๊อ. เด๊อ จอแปแหร่ อา เป๊เส่เงเนอ อาโค๊อาคยา เร๊อ ลู เตเพร่ว โต่.

ꤜꤢꤨꤊꤢ꤬ 15:21

“อาพู๊เพรคู เฮ๊ฉื่อ ลู เน๊อ, ‘เพ๋, แว เมซื๊อเฮ๊อ จอแปแหร่ เร๊อ เน เฮ๊อ, อู เก่ เอ๊ แว เร๊อ เนพู๊คู เตเพร เน๋อ อา โต ปา เจ๊อ โต่ เฮ๊อ.’

ꤜꤢꤨꤊꤢ꤬ 15:23

โทเร๊อ จว๊าจุ่ยแฮ ปู่พู๊ เด๊อ เป โบ่บื่อ ตีปี๊เล๊อ เกอเร๊อ อา เนอโตโด เร๊อ เมเซอ อา เนอ. เป เก่ เมป่วยเมลา, เร๊อ โตโครเอ่โตโรโอ โหร่ลอ ลู โป๋.