ꤜꤢꤨꤊꤢ꤬ 14:27 - ลีเทส่อพ๊าอาเซ เร๊อ เห่ขุทวาลู๊

²⁷ แกแย เตเพร เพร เด๊อ อา แย๊ เกอเร๊อดื่อ อาอี๊ถื่อดีเต่ โต่โต่, เร๊อ อา ครวา เกอ แวคยา โต่โต่ เตเพรเนอ, อา ทวาแถ่ แจ่ แว โคเจ่ โต่.

Eastern Kayah Shadaw Dialect

²⁷ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤘꤣ ꤢ꤬ ꤟꤤ꤬ꤓꤢꤦ꤬ꤘꤤꤊꤢꤩ꤬ ꤚꤣꤧ꤬ ꤢ꤬ ꤛꤢꤧ ꤚꤣꤧꤘꤢꤦ꤬ ꤒꤥ꤬ꤒꤥ꤬, ꤠꤢꤧ꤭ꤋꤛꤢ꤭ ꤚꤣꤧ꤬ ꤢ꤬ ꤋꤚꤝꤢ꤭ ꤒꤥ꤬ꤒꤥ꤬ ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤓꤝꤢ꤭ꤓꤢꤧ꤬ ꤡ꤫ꤢꤧ꤬ ꤠꤢꤧ꤭ ꤋꤥ꤭ꤖꤢꤨꤡ꤫ꤢꤩ꤬ ꤒꤥ꤬꤯

ꤜꤢꤨꤊꤢ꤬ 14:27 ပူးပေါင်းရင်းမြစ်များ

มัทธิว 10:38

แกแย เตเพรเพร เด๊อ อา แย๊ เกอเร๊อดื่อ อา อี๊ถื่อดีเต่ โต่โต่, แวคยา เร๊อ อา ครอครวา โต่โต่ เตเพรเนอ, อา ต่า เกอ เร๊อ แว โต่.

ꤗꤢ꤬ꤊꤢꤨ 10:21

เร๊อ เหย่ซู่ แม๊ตา ต๋า ลู เร๊อ อา ซิยอเร๊อ ลู เร๊อ อา เฮ๊ เน๊อ, “เตเด๊อ เน โหล่เม เนอ อา โอ่ปา เต๊อเจ่อ, กา อิเชแกลอ เน ตาหมื่อตาเต เนอเต๊เห่ เร๊อ เด๊อะแก เร๊อ แกแย โซพ๊าโซแรพู๊ เนอ. เน เก่ เมฮู๊เนอ เฮ๊เรอ เน อา พย๊าหนิ เตดุแหย่แถ่เซ เด๊อ ม๊อขุ ปา. กาเมโทเฮ๊อ ฮู๊เนอ เร๊อ แฮครวา เกอแวคยา.”

ทิโมธี เนอบ่า ต๊าบ่า 3:12

แกแย ปว๋า เตเพร เด๊อ อา ซิหยื่อ โอ่เซอเพร โต ฮู๊ จอแปแหร่ อาซิปล่อ อา เตซิหยื่อ เด๊อ เหย่ซู่ครี๊ อากู เต๊เห่เนอ, อู เก่ เมจาเมจือ หม่าแหน่ เจ๊อ เหย่ซี ปา.

เพรโด่แนพู๊ เต๊เห่ 14:22

แซ่ฮู๊ เพรหยื่อเอ่ เต๊เห่ เก่ โอ่หม่าโอ่กลอ เด๊อ อา เตหยื่อเตแหน่ อากู อาเงเนอ, คูเปาโล เร๊อ คูบารนาบัส เด๊อะอ๊าเด๊อะเหร่ แถ่หนิ เหย่ซี, โท๊โต่ ครอครวาเกอ เหย่ซีคยา. เหย่ซี อิซว๊าอี๊แส่ เป่ อู เน๊อ, “เป เตเร จว๊าโน ล๊อปลู๊เบ๊ โต่เด๊อ จอแปแหร่ อาเทออาเก่กู เออเนอหม่า, เป เบ่ จว๊าตาลว๊า เอ๊ลา เร๊อ เตแป่เตเช ซีเต๊เห่ เจ๊อ.”

มัทธิว 13:21

หม่าแน๊เรอ อา หยื่อเอ่ แลแค เตอเปลอฮู๊ แพ๊, เมเตเฮ๊เรอ จอแปแหร่ อาลาอาโหง่ เนอ, อา โน โอ่หม่าโอ่กลอ เด๊อ เหย่ซี ซิปล่อกู โต่. เด๊อ อา หยื่อเอ่ จอแปแหร่ อาลาอาโหง่ เออ อาขว่าอาคยา, อา ข่าเบ่ เตแป่เตเช, เตเมจาเมจือ เร๊อ อา วีแก คยาแซ๊ อา เตหยื่อเตแหน่.

ทิโมธี เนอบ่า ต๊าบ่า 1:12

เมฮู๊เนอเรอ เด๊อ เตเออเต๊เห่ อาขว่าอาคยา, แว ข่าเบ่เฮ๊อ เตเออ เต๊เห่ เฮ๊อ. หม่าแน๊เรอ แว ซิเตเร โต่, เมเตเฮ๊เรอ, แว ซิเงเฮ๊อ เพร เด๊อ แว หยื่อเอ่ อา เออเตเพร เฮ๊อ. โทเรอ แว หยื่อเอ่เฮ๊อ เน๊อ เต เด๊อ อา เด๊อะแล เด๊อ แว กู๊ยากู เออเต๊เห่เนอ, อา เก่ โอ่ป่อหม่า หนิโต่เร๊อดื่อ เด๊อ ม๊อเนอ ตื๊อดื่อปา เนอเตอเนอ ปา.

ꤛꤥ꤭ꤟꤢ꤬ 19:17

เร๊อ อา แย๊จว๊า เกอเร๊อดื่อ อา อี๊ถื่อดีเต่ เร๊อ อา เถ่จว๊า เด๊อ กู่กล๊อครุ๊ย อาเหล่โอ่. เหล่โอ่ เออโต๊โผ่ หม่า ฮีบรูโหง่ เฮ๊ เน๊อ, “กลโกธา.”

ꤗꤢ꤬ꤊꤢꤨ 15:21

แกแยเมอไซรีน เด๊อ อามุย เร๊อ คูซีโมน เนอ อา โอ่ เตเพร, เร๊อ คูซีโมน เออเนอ, อา พู๊โอ่ ซิเนอ, เตเพร เร๊อ อามุย เร๊อ คูอเล็กซานเดอร์, เตเพรปา เร๊อ อามุย เร๊อ คูรูฟัส. เบ๊อะเนออาเค อา โอ่ เด๊อ อาดอ อาโฉ่ เร๊อ อา เตเร แฮโน เด๊อ วีกู เค, อา แฮ ตาฉื่อ เร๊อ เกลอฮู๊ เต๊เห่ เร๊อ เหย่ซี นอแย๊ตื๊อดื่อ ลู เร๊อ เหย่ซู่ อี๊ถื่อดีเต่ลู.

ꤜꤢꤨꤊꤢ꤬ 14:28

“เฮ๊โก๊เหร่อ, เด๊อ ซีเกล เตเพร เพร เนอ, อา เก่ เตเนหนื่ออื่อเฮ๊อ เน๊อ อา เก่ แบ๊แถ่ หี่แถ่โล เตเม เก่เฮ๊เรอ, อา เก่ ลอ บ๋า เต ปา เนอ อา เบ่ โอ่แน แด๊แม๊ เหร่อ. โต่เด๊อ อา เมโทเมปลื๊อ ลอ หี่ เออเตเม เนอหม่า, อารือ อา โป่ ปา แอ หม่า อา โป่โต่ แอ เร๊อ อา เบ่ ซิเง เหร่อ.