ꤜꤢꤨꤊꤢ꤬ 14:23 - ลีเทส่อพ๊าอาเซ เร๊อ เห่ขุทวาลู๊

²³ “ฮู๊เนอ อาขว่าอาคยา แบ่เจ่เฮ๊ อาหลู่เล๊ เน๊อ, ‘จว๊า เกอลาติ เด๊อ ดอพู๊โฉ่พู๊ เนอเต๊เห่ อากู เร๊อ นอแฮ โอ่บา ลอ เด๊อ แว หี่กูเออ.

Eastern Kayah Shadaw Dialect

²³ “ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤙꤢꤧ꤬ꤡꤢꤩ꤬ ꤟꤢꤩ ꤢ꤬ꤜꤢꤨ꤬ꤜꤢꤩ ꤔꤢꤧ, ‘ꤡꤝꤢ ꤊꤣꤧ꤭ꤜꤢ꤭ꤒꤢꤩ꤬ ꤘꤣ ꤘꤢꤪ꤭ꤖꤢꤨꤏꤥ꤬ꤖꤢꤨ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭ ꤚꤣꤧ꤬ ꤔꤢꤪ꤭ꤟꤢꤧ꤭ ꤥ꤬ꤙꤢ꤭ ꤜꤢꤪ꤭ ꤘꤣ ꤠꤢꤧ꤭ ꤟꤤ꤬ꤊꤢꤨ꤭ꤣꤧ꤭꤯

ꤜꤢꤨꤊꤢ꤬ 14:23 ပူးပေါင်းရင်းမြစ်များ

โคโลสี 1:28

แซ่ฮู๊ เป เก่ ซูโน แกแย ปว๋า เตเพร เด๊อ จอแปแหร่ เป๊เส่เง ฮู๊ แกแย เด๊อ อา ทวาแถ่ เฮ๊อ เตเต๊อเจ๋อ โต เน๊อ ครี๊ เร๊อ อา ดุเผร่ ตาเต เฮ๊อ เด๊อ แหย่โย ตากยา เต๊เห่ อาเงเนอ, เป แด๊โฉ่โด่แน เป่ เฮ๊อ อู ปว๋า เตเพร เน๊อ ครี๊ อาหรี่อาแก เฮ๊อ. โท๊โต่ เป เด๊อะรอเด๊อะเร เฮ๊อ อู ปว๋า เตเพร, เร๊อ เป อิซว๊าอี๊แส่ เป่ เฮ๊อ อู ปว๋า เตเพร เน๊อ ล๋อ ลีแมลีเพ๊ เออเนอเต๊เห่ เฮ๊อ.

โครินธ์ เนอบ่า ต๊าบ่า 5:11

เมเตเฮ๊เรอ เป ซิเง เร๊อ ช๋า โหน่ปา เนอ, แบ่เจ่ เก่ เจแม๊ ลอ แกแย เต๊เห่ อาเตเม ฮู๊เนอ ปา อาขว่าอาคยา, เป เก่ ซิอิเช เบ่หยื่อเบ่แหน่ แหน่เจ๊อ ลู ปา. ฮู๊เนอเรอ แซ่ฮู๊ อู เก่ หยื่อเอ่แหน่ กา แบ่เจ่ เหย่ซู่ อาเงเนอ, เป ซิปล่อฉว่า แด๊โฉ่โด่แน เป่ อู เฮ๊อ. แคร๋ หม่าอิเต โอ่ เด๊อ เป ซิปล่อกู เนอ จอแปแหร่ ซิเง ลอปลี เร๊อ อาเหน่ แพ๊. ฮู๊เนอเฮ๊อ, เป หม่า แกแย ฮู๊เต เต๊เห่เนอ, แว แม๊ชือ เร๊อ ซี เกล๊ ซิเงแฮ แหน่ ปา แพ๊.

ทิโมธี เนอบ่า ต๊าบ่า 4:2

แด๊โฉ่โด่แน แลแค เตซิครือมีลา นี๋. ค๊าขิ แร๊ เบ่เบ่, ค๊าขิ แร๊โต่ เบ่เบ่, ตูรู๊ โด่แน แฮเง ตื๊อดื่อ ลาโป่ เตซิครือมีลา เออเนอ นี๋. โทเร๊อ ซิพรวาหนิ เหย่ซี นี๋, อิซว๊าอี๊แส่ แร๊กาคยา เหย่ซี นี๋, เร๊อ เด๊อะอ๊าเด๊อะเหร่ เหย่ซี, อิซว๊าอี๊แส่ เหย่ซี เน๊อ เตแด่ทูซิปล่อ เนอ นี๋.

โครินธ์ เนอบ่า ต๊าบ่า 5:20

ฮู๊เนอเรอ, กู๊แหน่เออ เป ทวา เป่ เพรเฮ๊เบ่เต เด๊อ ครี๊ อาเหล่โอ่. จอแปแหร่ อาเหน่แบ่เจ่ เร๊อดื่อ นอกุยซิยอ แฮเง เป เร๊อ ซี เด๊อ ซี เก่ หนิดา เป เตเฮ๊โฉ่โด่แน ซี เออ. เป กุยซิยอ ซี เด๊อ ครี๊ อามุยกู เร๊อ ครี๊ เก่ เมทวาแถ่ คยา ซี เร๊อ จอแปแหร่ อา โคแบ๊ซว๊า เต๊เห่.

โคโลสี 1:23

แซ่ฮู๊ ซีเป๊เส่ เก่ โอ่ เกอดื่อ เด๊อ จอแปแหร่ อา เป๊เส่เง เนอเรอ, ตูรู๊ หยื่อเอ่ เป่แฮ ลาโป่ แลแค ฮู๊เนอเฮ๊อ. หยื่อเอ่ฉว่า หยื่อเอ่ชอ แลแค, เร๊อ โอ่หม่าโอ่กลอ แลแค เด๊อ ซี เตหยื่อ อากู นี๋. เบ๊อะซี หนิโฮ ลู่ เตซิครือมีลา เบ๊อะเนออาเค, ซี พย๊าหนิ โทเฮ๊อ เตแม๊ชือ เฮ๊อ. เร๊อ ซิปล่อ ลูโทลูแล แต่ แลแค เด๊อ ซี เตแม๊ชือ เออ อากู เนอ แต่เหม่ นี๋. เตซิครือซิลอมีลา เด๊อ จอแปแหร่ เมแร๊ กาคยา คยาแซ๊ แกแย เต๊เห่ เร๊อ อาเหน่ เร๊อดื่อ เออเนอ, อู โด่แน จว๊าเฮ๊อ ลู เด๊อ แกแย ปว๋า เตเพร อา โอ่, เร๊อ เด๊อ เห่ขุ ชีบ่า อา โอ่ เฮ๊อ. แว หม่าเฮ๊อ คูเปาโล, แว ทวา หลู่เล๊ เตเพร แว โด่แน เกอ เตซิครือซิลอมีลา เออเนอ เฮ๊อเฮ๊อ.

ꤚꤥꤗꤢꤩ꤬ 10:18

หม่าแน๊เรอ แว เก่ แด๊เฮอ เน๊อ, “หม่า เหย่ซี หนิโฮน๊อ เกอ แหน่โต่ แอ?” แว เก่ เฮ๊ เน๊อ, เหย่ซี หนิโฮน๊อ วา. ลีเทส่อพ๊ากู เฮ๊ เน๊อ, “เหย่ซี โหง่พรา จว๊า ลอเฮ๊อ เด๊อ เห่ขุต๊าบ่าลอ เฮ๊อ. เหย่ซี อาลาอาโหง่ เออเนอ, อา จว๊าโต่ ลอเฮ๊อ เด๊อ เห่ขุ ตื๊อดื่อ เฮ๊อ.”

เพรโด่แนพู๊ เต๊เห่ 28:28

คูเปาโล เฮ๊ โป่ เน๊อ, ฮู๊เนอ อาขว่าอาคยา, ซี โตเบ่ ซิเง แลแค เน๊อ, จอแปแหร่ อา เตเมแลเปล๊แก อาหรี่อาแก เนอ, อู เก่ ซูจว๊าเฮ๊อ ลู เด๊อ แกแยยิวพู๊ หม่าโต่ เต๊เห่ อา โอ่ เฮ๊อ, เร๊อ แกแยยิวพู๊ หม่าโต่ เต๊เห่ เก่ หนิดา ลู ปา.”

เพรโด่แนพู๊ เต๊เห่ 18:6

หม่าแน๊เรอ แกแยยิวพู๊ เต๊เห่ เคร๊ฉื่อ เป๊อเจ่ออิแช๊ คูเปาโล อาขว่าอาคยา, คูเปาโล ท๊อโพร๊ ตาแก เห่หมื่อ เด๊อ อา เห่อจาลู. อา ท๊อโพร๊ ตาแก เห่หมื่อ ฮู๊เออเนอหม่า อา เด๊อะโลเฮ๊อ เตม๊าเตแด เต๊อเจ่อ เด๊อ อู เคร๊ฉื่อ เหย่ซี ฮู๊เนอ. โทเร๊อ อา เฮ๊ฉื่อ เหย่ซี เน๊อ, “ซี เก่ โต่เด๊อ เตปย๊าเตหลู่ เฮ๊เนอหม่า ซีเร๊อซี หนิดื่อเฮ๊อ เตซื๊อเตปล๊า โอ่ปา เด๊อ แวลู โต่ เฮ๊อ. เป๊อแถ่ กู๊แหน่เออ ตาเป่แฮ เนอ, แว เก่ จว๊า แด๊โฉ่โด่แน เป่ดื่อเฮ๊อ เด๊อ แกแยยิวพู๊ หม่าโต่ เต๊เห่ อาเกลเฮ๊อ.”

โครินธ์ เนอบ่า ต๊าบ่า 6:1

เป หม่า เพรเมโหร่เต เร๊อ จอแปแหร่ เต๊เห่ อาขว่าอาคยา, เป กุย ซิยอ ฉว่า ซี เร๊อ ซี เก่ โอ่เซอเพร ฮู๊ จอแปแหร่ ซิหยื่อ นอโอ่เซอเพร ซีเนอ. ซี หม่า แกแย เด๊อ อา พย๊าหนิ โทเฮ๊อ จอแปแหร่ อาบุ๊ยอาเตอเรอ เต๊เห่ เฮ๊อ อาขว่าอาคยา, ซี เบ่ โอ่เซอเพร แลแค ฮู๊เนอ.

เพรโด่แนพู๊ เต๊เห่ 9:15

หม่าแน๊เรอ แบ่เจ่ เฮ๊ ลู เน๊อ, “จว๊ามอ, เมเตเฮ๊เรอ แว นว๊าแถ่ เฮ๊อ อา เด๊อ อา เก่ แด๊โฉ่โด่แน เป่ แกแยยิวพู๊ หม่าโต่ เต๊เห่ เร๊อ คุ๊ยจ๊อแผ่ เต๊เห่, เร๊อ อิสราเอลพู๊ เต๊เห่ เร๊อ แวหรี่แวแก ปา.

มัทธิว 21:43

“ฮู๊เนอเรอ แว เฮ๊ ซี ม๊อขุ เทอเลเก่กู เด๊อ ซี โต พย๊าหนิเนอ จอแปแหร่ พย๊าเผ่แก ซี ปา. เร๊อ อา เก่ เด๊อ เร๊อ แกแย เด๊อ อา จูเอ่ จอแปแหร่ อาโหง่ เนอเต๊เห่ ปา.

เพรโด่แนพู๊ เต๊เห่ 16:15

อา เร๊อ อา หี่พู๊แพพู๊ เร๊อ แกแย โอ่ ลอเกอ เบ๊อะเหมาะลิเดีย อาหี่กู เนอเต๊เห่ เจ แลแค อาเหน่ เร๊อ เทอ. โทเร๊อ อา เอ๊กา เป เร๊อ อา เฮ๊ เน๊อ, “ซี เก่ แด่แหน่เฮ๊อ แว เร๊อ แว หม่า แกแย เตเพร เด๊อ อา หยื่อเอ่แลแค ตาเต เตเพร เฮ๊อ เฮ๊เร๊อ ซี เบ่ กาโอ่เล โต่เกอ เด๊อ แวหี่,” อา เฮ๊ เร๊อ อา เอ๊ตื๊อดื่อ เป, เร๊อ เป เบ่ กาเกอ เจ๊อ ลู.

ꤜꤢꤨꤊꤢ꤬ 24:29

หม่าแน๊เรอ เหย่ซี เอ๊ ตื๊อดื่อ ลู เร๊อ อา เฮ๊ ลู เน๊อ, “โน โอ่โก๊เกอ เร๊อ เป เบ๊อะเออ เฮ๊อ, เหมาะ เตเร ผื่อตาเฮ๊อ, ปาหม่า เหมาะคี๊ ตีตีเล๊เน เห่.” ฮู๊เนอ อาขว่าอาคยา, เหย่ซู่ จว๊าโน โอ่โก๊เกอ เร๊อ เหย่ซี เบ๊อะเนอ.

มัทธิว 5:41

แกแย เด๊อ อาเป่เอ่ เป่โอ ซี เร๊อ อา นอแย๊จว๊า ยา ซี ตี กิโล เก่เฮ๊เรอ, แย๊จว๊า เป่ อา เนอ กิโลเนอ นิ.

ꤜꤢꤨꤊꤢ꤬ 14:22

“อา หลู่ กาโตคยา เร๊อ อา เฮ๊ อาแบ่เจ่ เน๊อ, ‘แบ่เจ๋ แว จว๊าเมโท ลอเฮ๊อ ฮู๊ เน เฮ๊ตาโหง่ เนอเต๊เห่ เฮ๊อ, หม่าแน๊เรอ เหล่โอ่ โอ่กอคูปา เต๊เห่.’

ꤜꤢꤨꤊꤢ꤬ 14:24

แว เฮ๊ ซี, แกแย เด๊อ แว หม่าแฮ อา เต๊เห่เนอ, แฮ เอ่น๊อ เกอ แว ป่วยเอ่โอดุเออ เตเพร่ว โต่!’”