ꤜꤢꤨꤊꤢ꤬ 14:13 - ลีเทส่อพ๊าอาเซ เร๊อ เห่ขุทวาลู๊

¹³ หม่าแน๊เรอเบ๊อะเน เมป่วย เบ๊อะเนอ, เซเร เหล่เอ่เหล่โอ เร๊อ เอ๊ เป่ แกแย เด๊อ อา โซพ๊าโซแร เนอเต๊เห่, แกแยด๊าโอ่ตือรือ เนอเต๊เห่, แกแย กู๊โด่ด๊า เนอเต๊เห่ เด๊อ แกแย เป๊เส่คี๊ เนอเต๊เห่ นี๋.

Eastern Kayah Shadaw Dialect

¹³ ꤗꤢ꤬ꤔꤢꤧꤚꤣꤧ꤬ ꤙꤣꤧ ꤔꤢꤧ꤬ ꤗꤢꤩ꤬ꤕꤝꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤏꤢꤩ꤬ꤢꤩ꤬ꤏꤢꤩ꤬ꤥ꤭ ꤚꤣꤧ꤬ ꤢꤩ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤏꤥ꤭ꤖꤢꤏꤥ꤭ꤚꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬, ꤊꤣꤧ꤬ꤛꤢꤧ꤭ꤘꤢꤒꤣꤧ꤬ꤚꤢꤨ꤬ ꤔꤣꤧ꤬ꤒꤣꤧ꤬ꤟꤢꤩ꤬, ꤊꤣꤧ꤬ꤛꤢꤧ꤭ ꤋꤢꤧꤘꤥ꤬ꤘꤢ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤕꤣꤧꤞꤢꤩ꤬ꤋꤤ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯

ꤜꤢꤨꤊꤢ꤬ 14:13 ပူးပေါင်းရင်းမြစ်များ

ꤜꤢꤨꤊꤢ꤬ 14:21

“หลู่ เออเตเพร กาคยา คยาแซ๊ เร๊อ อา กาแด๊โฉ่ เป่ อาแบ่เจ่ เร๊อ ล๊อ เตหรี่เตแก เออเต๊เห่. เร๊อ หี่แบ่เจ่ เออเตเพร ซิปล่อดุ เร๊อ อา เฮ๊ อาหลู่ เน๊อ, ‘เถ่จว๊า แพรแพร เจ๊อ เด๊อ แกล๊ดุกู เนอ เร๊อ เด๊อ แกล๊ฮู๊ เนอเต๊เห่ กู, เร๊อ เอ๊กา แลแค แกแย โซพ๊าโซแรพู๊, แกแยด๊าโอ่ตือรือ, แกแย เป๊เส่คี๊, เร๊อ แกแย กู๊โด่ด๊า เนอเต๊เห่ นี๋.’

ꤟꤤꤙꤚꤢꤨ 13:2

โชตาปา เอ๊ฉื่อ แต่ แลแค ซิเผระซิแม แต่เหม่ นี๋. แกแย เต๊เห่เห่เนอ เหย่ซี เอ๊ฉื่อ แลแค ซิเผระ เร๊อ เด๊อ อา เตเตเน เต่อโต่ อากูเนอ, อา เอ๊ฉื่อ ตาโต ม๊อขุ เตเน่วพู๊ เต๊เห่.

มัทธิว 22:10

ฮู๊เนอเรอ อาหลู่ เต๊เห่ เถ่จว๊า เด๊อ แกล๊ดุ เต๊เห่อากู เร๊อ อา จว๊าเอ๊กา ปล๊อลอ ล๋อ แกแย เด๊อ อา แม๊เถอะ เนอเต๊เห่. แกแยแร๊เบ่เบ่, เร๊อ แกแยแร๊โต่ เบ่เบ่, อาเฮ๊ปาโต่. อา เอ๊แฮ ลอปลี เจ๊อ เร๊อ เด๊อป่วย กาฉู่แด่ หี่ดุกูเนอ, ซิเผระ บาตีปี๋ เจ๊อ.

ทิโมธี อาเหร่อเล๊อ ต๊าบ่า 5:10

โทเรอ อา เบ่ ทวาดื่อ เพร เหมาะ เด๊อ อามีลา โลแร๊ เน๊อ อา เมเตแร๊ เต๊เห่ อาคยา. อา เบ่ ทวาดื่อ เพร เหมาะ เตเพร เด๊อ อา แม๊ตู่ ดุแถ่ หนิ แร๊โท ดื่อเฮ๊อ อาพู๊อาเลอ เต๊เห่, อา เบ่ เอ๊โมฉื่อ ซิเผระ เต๊เห่ เด๊อ อา หี่ด๊อหี่แพกู, อา เบ่ ทวาดื่อ เพรเหมาะ เตเพร เด๊อ อา ซู๊ปลี จอแปแหร่ อาแกแย เต๊เห่ อากู๊โด่, อา เบ่ เมจว่า แกแย เบ่แป่เบ่เช เต๊เห่ โทเรอ อา เบ่ทวา เพรเหมาะ เตเพร เด๊อ อา เด๊อะแล อาซิปล่อ เด๊อ อา เมเตแร๊ เต๊เห่ อาเง.

ทิโมธี อาเหร่อเล๊อ ต๊าบ่า 3:2

แกแย เด๊อ อา ทวา เพรหยื่อเอ่ตู๊หมู่ตอกล๊อ ทวาดุทวาเต เตเพรเนอ, อู แด่ลู เตซื๊อ เนอ อา เบ่ โอ่หนิ โต่, อา เมเบ่โอ่แพ๊ เตเพรเพร่ว แพ๊, อา เบ่จ่า ซาแรชาเผร่ อาเหน่, อา เบ่ เป๊อแลแจ่ เกอเร๊อ อาเหน่, อา เบ่ ก๊อถ่อโอ่แน ตาโต่ตาเบ่แร๊, อา เบ่ เอ๊โมฉื่อ ซิเผระซิแม เด๊อ อาหี่, อา เบ่ อิซว๊าอี๊แส่แจ่ เต.

ꤒꤤꤒꤢꤨ 1:8

หม่าแน๊เรอ, อา โตเบ่ ทวา แกแย เด๊อ อา เอ๊โมฉื่อ ซิเผระซิแหม่, อา โตเบ่ ทวา แกแย เด๊อ อา โม เต เด๊อ อาแร๊, อา โตเบ่ ค๊อเบ๊แจ่ อาซิปล่อ, อา โตเบ่ โอ่จ๊อโอ่เต เร๊อ บูโพ๊ เร๊อ อารอ เบ๊หนิ อาเหน่,

ฟีเลโมน 1:7

โคแบ๊ซว๊า โม, เน เตโม เนอ, อา เม ซิครือซิลอ แหน่เจ๊อ แว เร๊อ อา เด๊อะ ชอแถ่ แหน่เจ๊อ แวอ๊าแวเหร่. เด๊อ หม่าเต อาขว่าอาคยา เฮ๊เร๊อ, เน เมโม โทเฮ๊อ ล๋อ แกแย หยื่อเอ่ จอแปแหร่ เนอเต๊เห่ อาซิปล่อ เฮ๊อ.

เพรโด่แนพู๊ เต๊เห่ 9:39

เร๊อ คูเปโตร ตี๊หรี่แตแรแถ่หนิ อาเหน่ เร๊อ อา เถ่จว๊า เต่อโหร่เกอ เร๊อ เหย่ซี. อา จว๊าโต่ เด๊อ เหย่ซีโอ่ เบ๊อะเนอ, เหย่ซี เอ๊แถ่ ลู เด๊อ หี่ด๊อกู เด๊อ อาขุ โต๊โต่. เร๊อ ล๋อ เพรเหมาะโอ่แคร๊ เต๊เห่ โอ่ แลแค เบ๊อะเนอ เร๊อ เหย่ซี ก๊อถ่อ โหง่ ตาวา ลอปลี เร๊อ คูเปโตร. เร๊อ อา เด๊อะโล เป่ คูเปโตร เร๊อ จา เร๊อ อาจากลอ ซีเต๊เห่ เด๊อ เหมาะโดรคัส เช๊ เป่ เหย่ซี เบ๊อะอา โอ่เซอเพร เต่อเกอปา เร๊อ เหย่ซี เค เนอเต๊เห่.

ꤜꤢꤨꤊꤢ꤬ 11:41

เต เด๊อ อา โอ่ เด๊อ ซี เบหล่อกู เร๊อ ซี ดีเบกู เนอเต๊เห่เนอ, เด๊อะแก เร๊อ แกแย โซพ๊าโซแรพู๋ เนอ ตื๊อหม่า เต ล๊อ ปลี เก่ โพ๊แปละอาโพ๊อาแปละ ลอ เด๊อ ซีเง แพ๊.

มัทธิว 15:30

แกแย เต๊เห่ แฮปลู่แฮเผ่ เด๊อ เหย่ซู่โอ่. เร๊อ เหย่ซี แย๊แฮหนิ, แย๊แฮหนิ แลแค แกแยด๊าตือรือ, แกแย เป๊เส่คี๊, แกแยด๊าตอ, แกแย เป๊ เร๊อ เด๊อ อาโร เต๊เห่ เอ๊ลา เร๊อ เหย่ซี แฮแด่ตา เด๊อ แบ่เจ่ กู๊โด่ช๊า เร๊อ เหย่ซู่ แหย่โอ่เหม่ เป่ ลอ เป่ เหย่ซี.

ꤜꤢꤨꤊꤢ꤬ 14:12

โทเร๊อ เหย่ซู่ เฮ๊ เกอลาติ หี่แบ่เจ่ เน๊อ, “เบ๊อะเน เซเร เหมาะโถ่ เหล่เอ่เหล่โอ เบ๊อะเนอ เบ่เบ่, เก่หม่าโต่เรอ เหมาะเฮ๊ เหล่เอ่เหล่โอ เบ๊อะเนอ เบ่เบ่, เน โคแบ๊ซว๊า เต๊เห่ เบ่เบ่, เนโป่เนแหม่ เต๊เห่ เบ่เบ่, เนกลุยแล เต๊เห่ เบ่เบ่, เนหี่ หี่แพหี่ช๊า เด๊อ อา ดุแหย่แถ่เซ เต๊เห่เนอ เบ่เบ่, เอ๊ แต่ เหย่ซี แต่เหม่. เน เก่ เอ๊เอ่ เหย่ซี ฮู๊เนอ เฮ๊เรอ เหย่ซี อา เอ๊เอ่ กาคยาฉื่อ ลาติ เน ปา. เร๊อ ซี เมเลอเมเก่ เร๊อ แพ๊ ลู แพ๊.

ꤜꤢꤨꤊꤢ꤬ 14:14

เร๊อ เน เก่ เอ๊เอ่ แกแย ฮู๊เออ เต๊เห่ เฮ๊เนอ, เน เก่ พย๊าหนิ เตเด๊อะบุ๊ยเด๊อะเตอเรอปา, เมเตเฮ๊เรอ เหย่ซี เอ๊เอ่ กาคยาฉื่อเบ๊ เกอ เน เตอเจ๋อ โต่. เบ๊อะแกแยจ๊อเต เต๊เห่ ก๊อถ่อเซอเพร กาคยา เด๊อ เตเซอ เบ๊อะเนอ ปาเนอ, จอแปแหร่ เก่ เด๊อะคยา เน เตบุ๊ยเตเตอเรอ ปา.”