ꤜꤢꤨꤊꤢ꤬ 13:15 - ลีเทส่อพ๊าอาเซ เร๊อ เห่ขุทวาลู๊

¹⁵ เร๊อ แบ่เจ่ เฮ๊ฉื่อ กาคยา ลู เน๊อ, “เพร จ่าจ๊อจ่าเต บย่าแพ๊ อาเหน่ ซี๋, ซี ปว๋า เตเพร ฉิโล๊ แลแค ซี ปู่เปลอ, หม่าโต่เรอ ซี ตีซิเปลอ เด๊อ อาโปกู เร๊อ ซี จุ่ยเถ่จว๊า โบ่โอ อาเทอ เบ๊อะแกแยยิวพู๊ ม๊อเนอโด่ เบ๊อะเนอ หม่าโต่ แอ?

Eastern Kayah Shadaw Dialect

¹⁵ ꤚꤣꤧ꤬ ꤙꤢꤧ꤬ꤡꤢꤩ꤬ ꤟꤢꤩꤏꤢꤦ꤬ ꤊꤢ꤬ꤋꤛꤢ꤭ ꤜꤢꤨ꤭ ꤔꤢꤧ, “ꤖꤚꤢꤩ꤬ ꤢꤧꤡꤢꤪꤢꤧꤒꤢꤩ꤬ ꤙꤛꤢ꤬ꤖꤢꤧ ꤢ꤬ꤔ꤫ꤢꤩ꤬ ꤞꤤ꤭꤮ ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤏꤤ꤬ꤜꤥ ꤜꤢ꤭ꤋꤢꤧ꤭ ꤞꤤ꤭ ꤕ꤫ꤢꤨ꤬ꤕꤜꤣꤧ꤬, ꤗ꤫ꤢ꤬ꤒꤥ꤬ꤚꤣꤧ꤬ ꤞꤤ꤭ ꤒꤣꤧ꤬ꤞꤤꤕꤜꤣꤧ꤬ ꤘꤣ ꤢ꤬ꤕꤥ꤬ꤊꤢꤨ꤭ ꤚꤣꤧ꤬ ꤞꤤ꤭ ꤡꤝꤤ꤬ꤓꤢꤩ꤬ꤡꤝꤢ ꤙꤥ꤬ꤥ꤭ ꤢ꤬ꤓꤣꤧ꤭ ꤙꤣꤧ ꤛꤢꤨꤘꤢ꤬ꤖꤢꤨ ꤢ꤬ꤗ꤫ꤢꤪ꤬ꤔꤣꤧ꤭ꤘꤥ꤬ ꤢ꤬ꤋꤢꤩ꤭ꤔꤣꤧ꤬ ꤗ꤫ꤢ꤬ꤒꤥ꤬ ꤟꤢꤧ꤭?

ꤜꤢꤨꤊꤢ꤬ 13:15 ပူးပေါင်းရင်းမြစ်များ

ꤜꤢꤨꤊꤢ꤬ 14:5

โทเร๊อ เหย่ซู่ เฮ๊ เหย่ซี เน๊อ, “เบ๊อะแกแยยิวพู๊ อา ม๊อเนอโด่ เบ่ เบ๊อะเนอ, ซี พู๊คู เตเพร เพร เก่หม่าโต่เรอ ซี ปู่ โตโดโด อา แลตา เด๊อ เทอกลื่อกู เฮ๊เนอ, ซี เก่ จว๊าพย๊าเถ่ เจ๊อ ลู โตโพ๊พย๊าแถ่ เจ๊อ ปา แอ? หม่า โต่ แอ?”

มัทธิว 23:28

ฮู๊เนอเฮ๊อ เด๊อ อากลอ เร๊อ อู แม๊เถอะ ซี เร๊อ แกแยจ๊อแกแยเต แร๊ลา ตื๊อดื่อเรอ เด๊อ อากู เร๊อ อา โอ่ บาตีปี๊ เจ๊อ เร๊อ เกล แอ๊จ๊อ แอ๊เต เร๊อ เตซื๊อ เต๊เห่ เจ๊อ.

ꤜꤢꤨꤊꤢ꤬ 12:1

เบ๊อะเนอเค แกแย เบ๊หมู่ เด๊อ อารี๊กู แฮ โอ่ปล๊อโอ่ปลู บาตีปี๊ ลอ เจ๊อ, อาโต่ เจ๊อ เด๊อ เตเพร เร๊อ เตเพร หยิเบ่ คยา เจ๊อ ลู เบ๊อะเนอ, เหย่ซู่ เฮ๊โฉ่หนื่ออื่อ อา โคเจ่ เต๊เห่ เน๊อ, “รอหนิ แลแค ซีเหน่ เร๊อ ฟาริสี เต๊เห่ อาโฮหมื่อกลุย เด๊อ เหย่ซี จ่าจ๊อจ่าเต บย่าแพ๊ อาเหน่ เนอเต๊เห่ อาหรี่อาแก.

ꤜꤢꤨꤊꤢ꤬ 6:42

ซี จว๊าเฮ๊โต่ ซี โป่แหว่ เน๊อ, ‘โป่แว๋ แว ตาคว๊า เถ่แก เหร่อเป่ เน อาหมื่ออาม๊า โอ่ เด๊อ เน เป๊เส่ปล่อกู เออเนอ,’ ซี เฮ๊ ฮู๊เนอ ตื๊อดื่อเรอ ส่อเกลอ โอ่ เจ๊อ เด๊อ ซี เป๊เส่ปล่อกู เจ๊อ เรอ ซี แม๊เถอะ เกอเร๊อ อา โต่. ซี จว๊าเฮ๊ อู ฮู๊เนอ หม่า อาหนิ โต่. เพร จ่าจ๊อจ่าเต อาเหน่ ซี๋, พย๊าเถ่แก เหร่อเล๊อ ส่อเกลอ โอ่ เด๊อ ซี เป๊เส่ปล่อกู เนอ, ตื๊อเรอ ซี แม๊เถอะโลแร๊ เร๊อ ซี ตาคว๊า เถ่แก แจ่ เป่ อาหมื่ออาม๊า โอ่ เด๊อ ซี โป่แหว่ อา เป๊เส่ปล่อกู เออเนอ แพ๊.

มัทธิว 23:13

“แกแยยิวพู๊ อา เพรอิซว๊า เตซว๊าเตแส่ อาซ๊าร๊า ซีเต๊เห่ เร๊อ ฟาริสีพู๊ ซี๋, เตหร่าเตดวา เก่ เบ่ ดื่อ ซี ปา. ซีหม่า แกแย เด๊อ เกล แอ๊จ๊อ แอ๊เต อาเหน่ เต๊เห่. ซี เมบี๊ เผ่ แก ลอ ล๋อ แกแย เด๊อ อา แม๊ปูโน เด๊อ ม๊อขุ เทอเลเก่กู เนอเต๊ เห่ กู่ดา ซีแหน่ เบ่เจ่ เกอเร๊อดื่อ เจ๊อ เร๋อ ซีโน หนิโต่ ตื๊อดื่อ เรอ ซี เม ตาตือบี๊ แกลอ แกแย เด๊อ อา แม๊ปูโน เนอ เต๊เห่ อากู่ดา.

มัทธิว 15:14

เตเน แบ๊ซว๊า แบ๊โค เหย่ซี แต่เหม่, เหย่ซี หม่า แกแย เป๊เส่คี๊ เด๊อ อา ซูเป่ แกแย เป๊เส่คี๊ เต๊เห่ อาแกล๊ แพ๊. แกแย เป๊เส่คี๊ เตเพร เก่ ซูเป่ แกแย เป๊เส่คี๊ เด๊อ อาโรเตเพร แกล๊ เฮ๊เนอหม่า เหย่ซี อา ตาลอ เด๊อ ครอกู ซิเนอ ปา.”

มัทธิว 15:7

แกแย เกลแอ๊จ๊อ แอ๊เต อาเหน่ ซี๋, เพรโพร อิสยาห์ เฮ๊หนื่ออื่อ เร๊อ ซีคยา เร๊อหม่า อา โตตื๊อ เจ๊อ.

มัทธิว 7:5

เพร จ่าจ๊อจ่าเต อาเหน่ ซี๋, พย๊าเถ่แก เหร่อเล๊อ ส่อกว่า โอ่ เด๊อ ซี เป๊เส่ปล่อกู เนอ, ตื๊อเรอ ซี แม๊เถอะโลแร๊ เร๊อ ซี ตาคว๊า เถ่แก แจ่ เป่ อาหมื่ออาม๊า โอ่ เด๊อ ซี โป่แหว่ อา เป๊เส่ปล่อกู เออเนอ แพ๊.

ꤜꤢꤨꤊꤢ꤬ 7:13

เบ๊อะแบ่เจ่ แม๊เถอะ เพร เหมาะโอ่แคร๊ เออเตเพร เบ๊อะเนอ, อา ซิยอ เกอเร๊อ แหน่เจ๊อ ลู เร๊อ อา เฮ๊ ลู เน๊อ, “โหง่ แต่เหม่ นี๋.”

ꤜꤢꤨꤊꤢ꤬ 7:19

เร๊อ คูยอห์น เอ๊แฮ เด๊อ อา โคเจ่ เต๊เห่ อาเกลซิเนอเร๊อ อา นอจว๊า เหย่ซี เด๊อ เหย่ซู่ อา โอ่ เร๊อ อา นอจว๊าแด๊เฮอ ลู เน๊อ, “เน หม่าเมซิหย่า เด๊อ เมแลเปล๊กา อูปา เด๊อ เพรโพร เต๊เห่ เฮ๊หนื่ออื่อแก เร๊อ อา เก่ แฮ ปา เนอเตเพร เฮ๊อ แอ? หม่าโต่เร๊อ เป โตเบ่ โอ่ป่อ แม๊ชือโป่ปา เด๊อ อาโรเตเพร เก่ จว๊า ปา อาเง เนอ แอ? จว๊าแด๊เฮอ ฮู๊เนอ นี๋,” อา เฮ๊จว๊า เหย่ซี ฮู๊เนอ.