ꤜꤢꤨꤊꤢ꤬ 12:48 - ลีเทส่อพ๊าอาเซ เร๊อ เห่ขุทวาลู๊

⁴⁸ หม่าแน๊เรอ หลู่ กู่กล๊อ เด๊อ อา ซิเง อาแบ่เจ่ อา เตซิหยื่อ โต่ เตเพร เนอ, อา เก่ เมซื๊อ เต๊อเจ่อเจ่อ เด๊อ อา โตเบ่ ปลี๊ ลู เฮ๊เนอ, อาแบ่เจ่ เก่ เมจากาคยา ปลี๊เช หย่าเข่เล๊อ ลู ปา. แกแย เด๊อ อา พย๊าหนิ เอ๊ เตลีแมลีเพ๊ เตเพรเพรเนอ, จอแปแหร่ แม๊ชือหนิ ลู เด๊อ อา เก่ เบ่เม เอ๊เล๊อ เร๊อ อู. แกแย เด๊อ จอแปแหร่ หยื่อเอ่หนิ ลู เร๊อ อา เด๊อ เอ๊เล๊อ ลู เตเพรเนอ, จอแปแหร่ กุย เอ๊เล๊อ ลู ปา.

Eastern Kayah Shadaw Dialect

⁴⁸ ꤗꤢ꤬ꤔꤢꤧꤚꤣꤧ꤬ ꤜꤢꤨ꤬ꤜꤢꤩꤊꤢꤨ꤬ꤊꤜꤢꤪ ꤘꤣ ꤢ꤬ ꤞꤤꤑꤢꤩ꤭ ꤢ꤬ꤙꤢꤧ꤬ꤡꤢꤩ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤒꤥ꤬ ꤒꤣ꤬ꤖꤚꤢꤩ꤬ꤔꤣꤧ꤬, ꤊꤢꤩ꤬ ꤢ꤬ ꤗꤢꤩ꤬ꤞꤢꤦ ꤒꤢꤩ꤬ ꤒꤣ꤬ꤡꤣ꤬ꤡꤣ꤬ ꤘꤣ ꤢ꤬ ꤒꤥ꤭ꤙꤢꤩ꤬ ꤕꤜꤤ ꤜꤢꤨ꤭ ꤟꤢꤩꤔꤣꤧ꤬, ꤢ꤬ꤙꤢꤧ꤬ꤡꤢꤩ꤬ ꤊ꤫ꤢꤦ꤬ ꤘꤣꤧꤡꤢ꤭ ꤕꤜꤤꤏꤢꤩ꤭ ꤛꤢ꤬ꤋꤢꤩ꤬ꤜꤣ ꤜꤢꤨ꤭ ꤕꤢ꤭꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤢꤩ ꤒꤢꤩ꤬ꤡ꤫ꤢꤧ꤬ ꤒꤣ꤬ꤖꤚꤢꤩ꤬ꤖꤚꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤗꤢꤧꤏꤢꤦ꤭ꤚꤣꤧ ꤜꤢꤨ꤭ ꤘꤣ ꤢ꤬ ꤊ꤫ꤢꤦ꤬ ꤙꤢꤩ꤬ꤗꤢꤩ꤬ ꤢꤩꤜꤣ ꤔꤢꤧ ꤢꤨ꤭꤯ ꤊꤣꤧ꤬ꤛꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤛ꤫ꤢꤦ꤬ꤢꤩ꤬ꤚꤣꤧ ꤜꤢꤨ꤭ ꤚꤣꤧ꤬ ꤢ꤬ ꤘꤣꤧ ꤢꤩꤜꤣ ꤜꤢꤨ꤭ ꤒꤣ꤬ꤖꤚꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊꤝꤤ꤭ ꤢꤩꤜꤣ ꤜꤢꤨ꤭ ꤕꤢ꤭꤯

ꤜꤢꤨꤊꤢ꤬ 12:48 ပူးပေါင်းရင်းမြစ်များ

ꤡꤛꤢꤩ꤭ꤗꤢ꤬ꤎꤣ꤬ 3:1

แว โป่แหว่ ซี๋, ซี โต ทวา โหร่เอ๊ ซ๊าร๊า โต่, เมเตเฮ๊เรอ ฮู๊ ซี ซิเง โทดื่อเนอ เฮ๊อ, เป เด๊อ อา ทวา ซ๊าร๊า เต๊เห่เนอ, จอแปแหร่ เก่ เมจากาคยา ชอเล๊อ เป เน๊อ แกแย เด๊อ อาโร เนอเต๊เห่ ปา.

ꤛꤥ꤭ꤟꤢ꤬ 15:22

แว เก่ แฮ แด๊โฉ่โด่แน เป่ เหย่ซี โต่. เก่เฮ๊เนอ, จอแปแหร่ แด่ เน๊อ เหย่ซี เตซื๊อ โต่. หม่าแน๊เรอ กู๊แหน่เออ แว แฮ แด๊โฉ่โด่แน โล เป่ เหย่ซี อาขว่าอาคยา, อาเหล่เฮ๊ แลเปล๊ เกอเร๊อ อาโหง่ เร๊อ อาเตซื๊อ อาเงเนอ อา โอ่ปา ตือมื๋อ โต่ เฮ๊อ.

มัทธิว 13:12

เมเตเฮ๊เรอ แกแย เด๊อ อา โอ่ เร๊อ เตซิคว๊าซิเง หม่าดื่อ ม๊อขุ เทอเลเก่กู อาหรี่อาแก เต๊เห่เนอ จอแปแหร่ เก่ เด๊อะ ซิเง เอ๊แถ่ เล๊อโป่ ลู ปา. แกแย เด๊อ อา โอ่ เกอ เน๊อ เตซิคว๊าซิเง หม่าดื่อ ม๊อขุ เทอเลเก่กู อาหรี่อาแก โต่ เต๊เห่เนอ, อา เก่ โอ่ แพ๊ ตี๊กิแพ๊ เบ่เบ่, จอแปแหร่ เก่ พย๊าแกลอเผ่ ลู ปา.

ทิโมธี อาเหร่อเล๊อ ต๊าบ่า 1:13

เด๋อ อาเหร่อเค เนอหม่า, แว เฮ๊ มู๊แหม่รีแจ่ เหย่ซู่ครี๊, แว เมจาเมจือ อา, แว เป๊อเจ่ออิแช๊ อา หม่าแน๊เรอ แบ่เจ่ ซิยอเกอเร๊อ แว, เมเตเฮ๊เรอ แว ย๋อ หยื่อเอ่แหน่ แต่เกอล๋ายโต่, เร๊อ แว เมเต เออเต๊เห่เนอ, แว ย๋อ ซิเง ล๋ายโต่ อาขว่าอาคยา, อา ซิยอเกอเร๊อ แว แพ๊.

เพรโด่แนพู๊ เต๊เห่ 17:30

เบ๊อะอู ซิเง แล๋ จอแปแหร่ โต่ เบ๊อะเนอ, อา แม๊ เบ๊ขุตาโผ่แก แกแย เห่ขุพู๊ อาเตซื๊อ ฮู๊เนอ เต๊อเจ่อ แพ๊. หม่าแน๊เรอ กู๊แหน่เออเนอ, อา เฮ๊ตาเฮ๊อ อาโหง่ เร๊อ แกแย ปว๋า เตเพร เด๊อ อา โอ่ เด๊อ เหล่โอ่ เบ๊อะเต๋ โต๊โผ่เบ่เบ่ อา โตเบ่ ถู่แหล่เต๊เปล่กา แลแค อาซิปล่อ เร๊อ อา โตเบ่ ตีรี๊แม๊ กาคยาโต คยาแซ๊ เด๊อ จอแปแหร่ อา โอ่ ปว๋า เตเพร อา เฮ๊โท ฮู๊เนอ เฮ๊อ.

ทิโมธี อาเหร่อเล๊อ ต๊าบ่า 1:11

เตอิซว๊าอี๊แส่ เด๊อ อาจ๊ออาเต เออเนอหมา, แม๊เถอะ แพ๊ เด๊อ เตซิครือมีลา อากู เออเนอ แพ๊. จอแปแหร่ หยื่อเอ่หนิ แว เร๊อ อา เด๊อะ แว เตซิครือมีลา เออ เด๊อ แว เก่ เบ่ เฮ๊โฉ่ตา อาเง เนอแพ๊. เตอิซว๊าอี๊แส่ อาจ๊ออาเต เออเนอหมา อา แฮ เด๊อ เตเด๊อะบุ๊ยเด๊อะเตอเรอ อา จอแปแหร่ ดุ เด๊อ อู ถู่เซ๊แถ่ ลู เออเตเพร อา โอ่.

ꤜꤢꤨꤊꤢ꤬ 16:2

แกแย ดุแหย่ เออเตเพร เอ๊แฮ อาเพร แม๊ตู่ ตาหมื่อตาเต เออเตเพร เร๊อ อา เฮ๊ ลู เน๊อ, ‘เนหรี่เนแก เด๊อ แว หนิโฮ เออเนอหม่า ฮู๊เต เต๊อเจ่อเต? เน เบ่ แด่โอ่โล เน ราม๊าราแด, เน แม๊ตู่เกอเร๊อ แว ตาหมื่อตาเต เนอเต๊เห่ อาหรี่อาแก, เมเตเฮ๊เรอ แว นอ ทวา แจ่ ปา เน เร๊อ เพรแม๊ตู่ แว ตาหมื่อตาเต เตเพร ปาโต่ เฮ๊อ.’

ทิโมธี อาเหร่อเล๊อ ต๊าบ่า 6:20

คูทิโมธีซี๋ ปื่อหม่า เร๊อ เตเกบี๊แร๊หนิ เต เด๊อ จอแปแหร่ หยื่อเอ่หนิ เน เด๊อ เน เก่ แม๊ตู่ หนิ แร๊ เตเนอเต๊เห่ นี๋. จว๊าวอ เควอ แก แกแย เด๊อ อา แด่หยื่อแด่แหน่ เกออู จอแปแหร่ โต่ เนอเต๊เห่ อา เตโด่แน เน๊อ อา เตเคร๊แขระ แกเด ลู เด๊อ แกแย เต๊เห่เห่ เตเนซื๊อ แจ่ เจ๊อ เน๊อ “เตซิเง” เนอเต๊เห่ นี๋.

ꤒꤤꤒꤢꤨ 1:3

จอแปแหร่ เด๊อ อา เมแลเปล๊กา เป เออเตเพร เด๊อซิเง เป่ เป เตหรี่เตแก เออเนอหมา, อา ม๊อเนอม๊อเซโตเบ่เฮ๊อ เร๊อ อา หยื่อเอ่เกอ แว เร๊อ อา นอตา แว เด๊อ แว เก่ เด๊อซิเง เป่ ซี เร๊อ เตหรี่เตแก เออเนอ เฮ๊อ.

ꤜꤢꤨꤊꤢ꤬ 12:41

คูเปโตร เฮ๊ เน๊อ, “แบ่เจ๋ เน เฮ๊ โหง่ค๊าโข่ เออเนอหมา เด๊อ เปเง แอ? หม่าโต่หม่า, แกแย ปว๋า เตเพร อาเง แอ?”

ꤜꤢꤨꤊꤢ꤬ 12:49

“แว พย๊าแฮ เตจาเตจือ ตื๊อดื่อ เด๊อ อา แก แซ่ เร๊อ หมิ เด๊อเห่ขุเออ เฮ๊อ. แว ซิหยื่อ นออือแถ่ ลอ เฮ๊อ ลู.

มัทธิว 23:14

แกแยยิวพู๊ อา เพรอิซว๊า เตซว๊าเตแส่ อาซ๊าร๊า ซีเต๊เห่ เร๊อ ฟาริสีพู๊ ซี๋, เตหร่าเตดวา เก่ เบ่ ดื่อ ซี ปา. ซีหม่า แกแย เด๊อ เกล แอ๊จ๊อแอ๊เต อาเหน่ เต๊เห่, เมเตเฮ๊เรอ ซี จว๊า พย๊าเผ่ แก ลอ เพรเหมาะโอ่แคร๊ อาหี่ เน๊อ ตาหมื่อ ตาเต เต๊เห่, เร๊อ แซ่ฮู๊ อู เก่ แม๊เถอะ ซีฮู๊ แกแยจ๊อ แกแยเต เต๊เห่เนอเรอ ซีกุย จ๊อเบทู ฮู๊เนอเรอ จอแปแหร่ เก่ เมจากาคยา จาเล๊อ เจ๊อ ซี เร๊อ อู ปา.