หนิดา แลแค ซี เตจ๊อบู่จ๊อเบ อา ทวาดุทวาเต เต๊เห่ อาโหง่ เร๊อ ครวาเมเกอ ฮู๊ เหย่ซี เฮ๊ตา เนอ นี๋. เหย่ซี โอ่ป่อ แม๊ตู่หนิ ซี ซิปล่อเซอเพร เร๊อ เต เด๊อ เหย่ซี เม เต๊เห่เนอ, อา เบ่ เฮ๊โล กาคยา คยาแซ๊ จอแปแหร่ ปา. ซี เก่ หนิดา โต่ เฮ๊เร๊อ อา เก่ เม เน๊อ เตซิเปลซิหย่อ ปา. เร๊อ อา ทวาบุ๊ยทวาเตอเรอ เด๊อ ซีเง เตอเจ๋อ โต่.
ꤜꤢꤨꤊꤢ꤬ 12:42 - ลีเทส่อพ๊าอาเซ เร๊อ เห่ขุทวาลู๊42 แบ่เจ่ เหย่ซู่ เฮ๊ฉื่อ ลู เน๊อ, “ฮู๊เนอเรอ, อา ทวา หลู่เล๊กู่กล๊อ เด๊อ อาจ๊อ เร๊อ อา โอ่ เร๊อ เตลีแม เตเพรหม่า อูเป? หลู่เล๊กู่กล๊อ เด๊อ อาจ๊อ เออเตเพร เนอหม่า หม่าเฮ๊อ อาแบ่เจ่ เด๊อะตา ลอ อาหลู่เล๊ เด๊อ อาโรเต๊เห่ เด๊อ ลู กู๊ยากู เนอเตเพร เฮ๊อ. เร๊อ อา เก่ นอแม๊นอตู่หนิ ลู เร๊อ เหย่ซี, เร๊อ อา เก่ เด๊อะเอ่โตเด๊อะโอเบ่ เป่ อู เบ๊อะโตโพ๊ เร๊อ โตโพ๊ เนอเตเพร ปา หม่าโต่ แอ? အခန်းကိုကြည့်ပါ။Eastern Kayah Shadaw Dialect42 ꤙꤢꤧ꤬ꤡꤢꤩ꤬ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤟꤢꤨꤔꤣꤧ꤬ꤚꤣꤧ꤬, ꤢ꤬ ꤓꤝꤢ꤭ ꤜꤢꤨ꤬ꤜꤢꤩꤊꤢꤨ꤬ꤊꤜꤢꤪ ꤘꤣ ꤢ꤬ꤡꤢꤪ ꤚꤣꤧ꤬ ꤢ꤬ ꤥ꤬ ꤔꤢꤧ ꤒꤢꤩ꤬ꤞꤤꤖꤢꤩ ꤒꤣ꤬ꤖꤚꤢꤩ꤬ꤗꤢ꤬ ꤢꤨ꤭ꤕꤢꤩ꤭? ꤜꤢꤨ꤬ꤜꤢꤩꤊꤢꤨ꤬ꤊꤜꤢꤪ ꤘꤣ ꤢ꤬ꤡꤢꤪ ꤣꤧ꤭ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤘꤣ ꤢ꤬ꤙꤢꤧ꤬ꤡꤢꤩ꤬ ꤊ꤫ꤢꤦ꤬ ꤘꤣꤧꤒꤢ꤭ ꤜꤢꤪ꤭ ꤢ꤬ꤜꤢꤨ꤬ꤜꤢꤩ ꤢ꤬ꤚꤥ꤬ꤒꤣꤧ꤬ꤟꤢꤩ꤬ ꤘꤣ ꤜꤢꤨ꤭ ꤊꤢꤨꤛꤢ꤭ꤊꤢꤨ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤔꤢꤪ꤭ꤗꤢꤧꤔꤢꤪ꤭ꤡꤢꤧ꤬ꤚꤣꤧ ꤜꤢꤨ꤭ ꤔꤢꤧ ꤛꤢꤩ꤬ꤞꤤ꤭, ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤣꤧꤢꤩ꤬ꤒꤥ꤭ꤘꤣꤧꤥ꤭ꤙꤢꤩ꤬ ꤕ꤫ꤢꤩ꤬ ꤢꤨ꤭ ꤢ꤬ꤏꤣꤧꤢ꤬ꤋꤢꤩ꤭ ꤒꤣ꤬ꤖꤥ ꤔꤢꤧ ꤒꤣ꤬ꤖꤥ ꤔꤣꤧ꤬ꤒꤣ꤬ꤖꤚꤢꤩ꤬ ꤕꤢ꤭ ꤗ꤫ꤢ꤬ꤒꤥ꤬ ꤟꤢꤧ꤭? အခန်းကိုကြည့်ပါ။ |
ꤜꤢꤨꤊꤢ꤬ 12:42
29 ပူးပေါင်းရင်းမြစ်များ
โหมะพรูโหมะเผระ เด๊อ อา ทวา ทวาดุทวาเต เด๊อ อา เมแร๊เต เต๊เห่เนอ, ซี โตเบ่ แด่หยื่อแด่แหน่ เหย่ซี, โท๊โต่ เหย่ซี โตเบ่ พย๊าหนิ โป่เอ่โป่โอ เลคว๊าเลเก่. โหมะพรูโหมะเผระ เด๊อ อา ทวา ทวาดุทวาเต เด๊อ อา ครือเม จอแปแหร่ อาเตเม เต๊เห่, เร๊อ อา แด๊โฉ่โด่แน เป่ อู เน๊อ จอแปแหร่ อาลาอาโหง่ เร๊อ อา อิซว๊าอี๊แส่ เป่ อู เน๊อ จอแปแหร่ อาลาอาโหง่ เต๊เห่เนอ, ซี โตเบ่ แด่หยื่อแด่แหน่ เหย่ซี, เด๊อะโป่เอ่โป่โอ เป่ เหน่เจ๊อ เหย่ซี เลคว๊าเลเก่ เจ๊อ.
เมเตเฮ๊เรอ, เพรหยื่อเอ่ตู๊หมู่ตอกล๊อ ทวาดุทวาเต เตเพรเนอ, แรเต ตาเบ่ อา เด๊อ อา โตเบ่ เม จอแปแหร่ อา เหล่เอ่เหล่แร อาขว่าอาคยา, อู เหล่แด่ อา เตซื๊อ หม่า อา โตเบ่ โอ่หนิเกอ โต่. กู่กล๊อเพรอ เร๊อ ซิปล่อ ดุแถ่แพร เต๊เห่เนอ อา โตเบ่ โอ่หนิเกอ โต่, เบ่ เอ่มือโอแพร๊ หนิโต่, เบ่มือเบ่ปอหนิ อูโรโต่, เบ่ เอ่ตือโอตือ หนิ อูขุ โต่.
แม๊ตู่ เร๊อ ดื่อ แลแค ซีเหน่ เร๊อ แม๊ตู่ เกอเร๊อ แลแค ล๋อ ซิหมิ เด๊อ แหย่โยบูโพ๊ เด๊อะตาแก เป่ ซี เด๊อ ซี เบ่ แม๊ตู่หนิ เออเนอ เต๊เห่ นี๋. ทวา แลแค เพรเกซิหมิพู๊ เด๊อ อา แม๊ตู่หนิ อาซิหมิ เออเต๊เห่ เนอ เต๊เห่ นี๋ แม๊ตู่หนิ แลแค จอแปแหร่ อา เพรหยื่อเอ่ ตู๊หมู่ตอกล๊อ เด๊อ อาพู๊คู พรีกา โทเฮ๊อ เน๊อ อาสุ่ย เร๊อดื่อ เออเนอ นี๋.
หม่าแน๊เรอ แว เก่ แฮ แป่เหย่ลา เฮ๊เรอ เป โตเบ่ โอ่เซอเพร เด๊อ จอแปแหร่ อา หี่ด๊อหี่แพกู อาเง ฮู๊เต เนอ, แว ลี เออ เก่ เด๊อซิเง เน ปา. หี่เออ เนอหม่า หม่า เฮ๊อ จอแปแหร่ เด๊อ อา เซอเพร เตเพร อา เพรหยื่อเอ่ตู๊หมู่ตอกล๊อ เออเนอเฮ๊อ. เพรหยื่อเอ่ตู๊หมู่ตอกล๊อ เออเนอหมา อา เด๊อ ชอแถ่ เตจ๊อเตเต อา เตอิซว๊า เต๊เห่ เด๊อ อาแซ่เน๊อ อี๊ถื่อ เร๊อ หี่แกแร เด๊อ อา ช๊าต๊อป่อ หม่าหนิ หี่เออ เตเม เนอเฮ๊อ.
เร๊อ คูยอห์น เอ๊แฮ เด๊อ อา โคเจ่ เต๊เห่ อาเกลซิเนอเร๊อ อา นอจว๊า เหย่ซี เด๊อ เหย่ซู่ อา โอ่ เร๊อ อา นอจว๊าแด๊เฮอ ลู เน๊อ, “เน หม่าเมซิหย่า เด๊อ เมแลเปล๊กา อูปา เด๊อ เพรโพร เต๊เห่ เฮ๊หนื่ออื่อแก เร๊อ อา เก่ แฮ ปา เนอเตเพร เฮ๊อ แอ? หม่าโต่เร๊อ เป โตเบ่ โอ่ป่อ แม๊ชือโป่ปา เด๊อ อาโรเตเพร เก่ จว๊า ปา อาเง เนอ แอ? จว๊าแด๊เฮอ ฮู๊เนอ นี๋,” อา เฮ๊จว๊า เหย่ซี ฮู๊เนอ.
ကြော်ငြာတွေ