ꤜꤢꤨꤊꤢ꤬ 12:37 - ลีเทส่อพ๊าอาเซ เร๊อ เห่ขุทวาลู๊

³⁷ หลู่ เด๊อ อาแบ่เจ่ กาแม๊เถอะ เหย่ซี เร๊อ อา โอ่ส่าเซ, อา โอ่ตี๊หรี่แตเร หนื่ออื่อ แลแค อาเหน่ เต๊เห่เนอ, อา พย๊าหนิ แลแค เตบุ๊ยเตเตอเรอ. แว เฮ๊ หม่าแหน่ เจ๊อ ซี, แบ่เจ่ เออเตเพรเนอ อา เก่ กือแถ่แซ๊แถ่ เพรเมเออเนอ อาเห่อจา เร๊อ อา เก่ นอโอ่แนโอ่ เหย่ซี แซ่เร๊อ ซิเผระ เต๊เห่เนอ ปา, เร๊อ อา เก่ โบ่เอ่โบ่โอ่ เหย่ซี ปา.

Eastern Kayah Shadaw Dialect

³⁷ ꤜꤢꤨ꤬ꤜꤢꤩ ꤘꤣ ꤢ꤬ꤙꤢꤧ꤬ꤡꤢꤩ꤬ ꤊꤢ꤬ꤗꤢꤧꤓ꤫ꤣꤧ꤬ ꤛꤢꤩ꤬ꤞꤤ꤭ ꤔꤢꤧ ꤢ꤬ ꤥ꤬ꤞꤢ꤬ꤞꤢꤩ꤭, ꤢ꤬ ꤥ꤬ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤜꤢ꤭ꤋꤢꤧ꤭ ꤢ꤬ꤔ꤫ꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤔ꤫ꤤ꤬ꤙꤢꤩ꤬ ꤜꤢ꤭ꤋꤢꤧ꤭ ꤒꤢꤩ꤬ꤏꤢꤪ꤭ꤚꤤ꤬꤯ ꤠꤢꤧ꤭ ꤟꤢꤩ ꤗ꤫ꤢ꤬ꤔꤤꤔꤢꤧ꤬ ꤡꤣꤧ ꤞꤤ꤭, ꤙꤢꤧ꤬ꤡꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤊꤢꤦ꤭ꤓꤢꤧ꤬ꤞꤢꤧꤓꤢꤧ꤬ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤢ꤬ꤟꤣꤧ꤬ꤡꤢ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤔꤢꤪ꤭ꤥ꤬ꤔꤢꤧ꤭ꤥ꤬ ꤛꤢꤩ꤬ꤞꤤ꤭ ꤞꤢꤧꤔꤢꤧ ꤞꤤꤖꤚ꤫ꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤕꤢ꤭, ꤚꤣꤧ꤬ ꤢ꤬ ꤊ꤫ꤢꤦ꤬ ꤙꤥ꤬ꤢꤩ꤬ꤙꤥ꤬ꤥ꤭ ꤛꤢꤩ꤬ꤞꤤ꤭ ꤕꤢ꤭꤯

ꤜꤢꤨꤊꤢ꤬ 12:37 ပူးပေါင်းရင်းမြစ်များ

เปโตร เนอบ่า ต๊าบ่า 3:14

ฮู๊เนอเรอ โคแบ๊ซว๊าโม ซี๋, เด๊อ ซี โอ่ป่อแม๊ชือ เตเออ อาขว่าอาคยา, แซ่ฮู๊ จอแปแหร่ เก่ แม๊เถอะ แต่ ซี เร๊อ แกแย เด๊อ อา โตโพร๊วี๊ เร๊อ เตซื๊อ แต่เหม่, โทเรอ แซ่ฮู๊ อาเหล่แด่ เตซื๊อ เด๊อ ซีโอ่ เก่ โอ่ แต่เหม่, โท๊โต่ แซ่ฮู๊ ซี เก่ โอ่เปดวา เต่อเร๊อ อา ปา เนอ, แอ๊จื๊อแอ๊เหร่ ตื๊อดื่อ แลแค นี๋.

มัทธิว 24:42

“เมฮู๊เนอเรอ โอ่ส่าเซ แลแค, เมเตเฮ๊เรอ ซีแบ่เจ่ เก่ แฮ เบ๊อะเตอเนอ ปา เนอ ซี ซิเง โต่.

ฟีลิปปี 1:23

แว โต นว๊าพย๊า เบ๊อะเต๊อเจอะเต เนอ แว ซิเง โต่, อาแหย่ แหน่เจ๊อ เด๊อ แวเง เจ๊อ. แว ซิหยื่อ แด่แก แว เตเซอเพร เออตือทือ เร๊อ แว ซิหยื่อ กาโอ่ เต่อเกอ เฮ๊อ เร๊อ ครี๊ เฮ๊อ, ฮู๊เออเนอหม่า เตเด๊อ อาแร๊เล๊อเฮ๊อ เด๊อ แวเง เฮ๊อ.

โครินธ์ อาเหร่อเล๊อ ต๊าบ่า 2:9

ฮู๊ ลีเทส่อพ๊า เฮ๊แก เด๊อ เนอเค เน๊อ, “เต เด๊อ จอแปแหร่ ตี๊หรี่แตแร หนื่ออื่อ เด๊อ อา เก่ เม เป่ แกแย เด๊อ อา โมเร๊อ ลู เต๊เห่ อาเงเนอ, อู แม๊เถอะน๊อ เตเพร๋ ล๋าย โต่, อู หนิโฮน๊อ เตเพร๋ ล๋าย โต่, อู เตเนเต่อน๊อ อา เตเพร๋ ล๋าย โต่.”

เตเด๊อะโลแถ่ 14:13

โทเรอ แว หนิโฮ เตพราแถ่ เด๊อ ม๊อขุ เร๊อ อา เฮ๊ เน๊อ, “ราม๊าแก เออเนอ, เป๊อแถ่ กู๊แหน่เออ ตาแฮเง เนอ, แกแย เด๊อ อา เซอ เด๊อ จอแปแหร่ อา เตเอ่เตแร อากู เต๊เห่เนอ, อา เก่ พย๊าหนิ เตเด๊อะบุ๊ยเด๊อะเตอเรอ” แบ่เจ่ อา แหย่โยบูโพ๊ เฮ๊ เน๊อ, “อา หม่าแหน่ เจ๊อ. เมเตเฮ๊เรอ เหย่ซี เก่ โอ่โก๊แก แลแค เฮ๊อ เด๊อ อา เตเอ่เตแร เต๊เห่ อากู เร๊อ อา เตจาเตจือ เต๊เห่ อากู เฮ๊อ. โท๊โต่ เหย่ซี อาเตเอ่เตแร เด๊อ อาบุ๊ยอาเตอเรอ โอ่ เต๊เห่เนอ, อา เก่ ครวาเกอ เหย่ซีคยา ปา.”

เปโตร เนอบ่า ต๊าบ่า 1:11

ฮู๊เนอเรอ จอแปแหร่ เก่ ซิครือซิลอ เอ๊โมฉื่อ ซี เด๊อ เป แบ่เจ่ เหย่ซู่ครี๊ เด๊อ อา หม่าเฮ๊อ เพรเมแลเปล๊กา เป เออเตเพร อาเทออาเก่ เด๊อ อา โอ่ ตูจูเพร แตแลเคร๊ อากู เออเนอ ปา.

ꤛꤥ꤭ꤟꤢ꤬ 12:26

อูเปเป๋ เบ่เบ่, เด๊อ อา ทวา แว หลู่เล๊ เนอ, อา เบ่ครวา เกอ แว. ตื๊อหม่า, แว โอ่เบ๊อะเต๋ โต๊โผ่ เบ่เบ่, อา เก่ โอ่เกอ เบ๊อะเนอ ปา. แวเพ เก่ แด่ดุแด่ทู แกแย เด๊อ อา ทวา แว หลู่เล๊ เนอเตเพร ปา.

ꤜꤢꤨꤊꤢ꤬ 21:36

แซ่ฮู๊ ซี เก่ แลเปล๊ แร๊แร๊แจ่ เน๊อ เต เตเร ทวาแถ่ เออเต๊เห่ ปา. โท๊โต่ แซ่ฮู๊ ซี เก่ ก๊อถ่อ เด๊อ แกแยพู๊คู หม่าเฮ๊อ แวเออ เป๊เส่เง ปา เนอเรอ, ส่าเซ เร๊อ กุยจ๊อเบ แลแค ปว๋า โตโพ นี๋.”

เตเด๊อะโลแถ่ 7:17

เมเตเฮ๊เรอ ซิหมิพู๊ โอ่ เด๊อ จ๊อแผ่ กู่แกล๊เท แถ่โล อากล๊าเมกู เนอโตโด เก่ เก่ เหย่ซี เร๊อ อา เก่ ซูจว๊า เหย่ซี เด๊อ เทอ เด๊อ อา เด๊อะ เหย่ซี ซิปล่อเซอเพร อา เทอเถ่ขุ เต๊เห่ อาโอ่ ปา. โทเรอ จอแปแหร่ เก่ ทื๊อซูแก เป่ เหย่ซี เป๊เส่เทอ ปว๊าเตเม๊ เจ๊อ ปา.”

เตเด๊อะโลแถ่ 3:21

“แว เมเป่ โทเฮ๊อ เร๊อ แว โอ่แนหนิ เต่อเกอ เฮ๊อ เร๊อ แวเพ เด๊อ กู่แกล๊เท แถ่โล อาขุ เฮ๊อ. ฮู๊เนอเรอ แกแย เด๊อ อา เมเป่เต เต๊เห่เนอ, แว เก่ นอโอ่แนโอ่ เต่อเกอ เหย่ซี เร๊อ แว เด๊อ แว กู่แกล๊เท แถ่โล อาขุ เออเนอ ปา.

ฟีลิปปี 1:21

เตโอ่เซอเพร เด๊อ แวเง หม่า อิเต เฮ๊เรอ, แว ซิหยื่อ โอ่เซอเพร เป่ตื๊อแพ๊ เด๊อ ครี๊ อาเง แพ๊, เร๊อ แว เก่ เซอ เฮ๊เนอหม่า เตบุ๊ยเตเตอเรอ โอ่เอ๊ เล๊อ เจ๊อ เด๊อ แวเง เจ๊อ.

ꤜꤢꤨꤊꤢ꤬ 17:8

ซี เก่ เฮ๊ อา เน๊อ, ‘โพเอ่ มอ ดี, ถู่แหล่ เต๊เปล่ มอ เน เห่อจาเนอ, เร๊อ คว๊าเอ่ เป่ แว ดี. เร๊อ โอ่ป่อแม๊ตู่ เล๊เอ่เล๊โอ่หนิ แว เบ๊อะเออ, แว เอ่โทปา เร๊อ เนเอ่เนอ เด๊อคยา ปา.’

ꤜꤢꤨꤊꤢ꤬ 12:43

อาแบ่เจ่ เก่ กาแม๊เถอะ เร๊อ อา หลู่กู่กล๊อ เออเตเพร อา แรเต เก่เฮ๊เรอ อา เก่ เด๊อ ลู แรเตหนิคว๊าเก่ ปา.

ꤜꤢꤨꤊꤢ꤬ 12:36

เม แลแค ฮู๊ หี่แบ่เจ่ โอ่ เด๊อ ป่วย พย๊าพู๊พย๊าเม กา เร๊อ อาหลู่เล๊ เต๊เห่ โอ่ป่อฉื่อเกอเร๊อ ลูเนอ. เบ๊อะอา กา ด่อโน กู่ดา เบ๊อะเนอ, อาหลู่เล๊ เต๊เห่ บ๊าโม เป่ ลู กู่ดา โตโพ๊โต.

ꤜꤢꤨꤊꤢ꤬ 22:27

แกแย เห่ขุพู๊ เต๊เห่ เตเน เร๊อ แกแย โอ่แนโอ่ อาเอ่อาโอ เด๊อ ดีเหร่ช๊า เนอหม่า อา ทวา ดุเล๊ออู เฮ๊อ. เร๊อ เพร เมเตพู๊ เด๊อ อา โบ่เอ่ แกแย เด๊อ อา โอ่แน เอ่เฉ่ เนอเต๊เห่ หม่า อา ทวา แกแย เด๊อ อา ปีตี๊เล๊ออู เฮ๊อ อา เตเน แลแค ฮู๊เนอ. หม่าแน๊เรอ, แวเร๊อ แว โอ่ เด๊อ ซีเกล ฮู๊ หลู่เล๊ เด๊อ อา เล๊เอ่เล๊โอ อู เตเพร เนอแพ๊.

เตเด๊อะโลแถ่ 16:15

เหย่ซู่ครี๊ เฮ๊ เน๊อ, “หนิดา แลแค, แว เก่ แฮ แซ๊เร๊อ เพรเอ่โห่ แฮ เนอ ปา. แกแย เตเพรเพร เด๊อ อา โอ่ ส่าเซ เร๊อ อา โอ่ ตี๊หรี่แตแร หนื่ออื่อ อา เตกือเตแซ๊ เต๊เห่เนอ, อา เก่ พย๊าหนิ เตเด๊อะบุ๊ยเด๊อะเตอเรอ ปา. เหย่ซี เก่ โอ่ตี๊หรี่แตแร หนื่ออื่อ อา เตกือเตแซ๊ ปา เฮ๊เร๊อ, เหย่ซี เก่ จว๊า กะโกล โต่, โท๊โต่ เหย่ซี เก่ ซิเตเร เด๊อ อูเกล โต่.”