ꤜꤢꤨꤊꤢ꤬ 12:32 - ลีเทส่อพ๊าอาเซ เร๊อ เห่ขุทวาลู๊

³² “เก๋อ ซิหมิเป๊หมู่ ปีตี๊ ซี๋, ซิอิเช แต่เหม่ นี๋, เมเตเฮ๊เรอ ซีเพ ซิปล่อโอ่ เด๊อ อาเก่ เด๊อ ซี เร๊อ อาเทออาเก่ เฮ๊อ.

Eastern Kayah Shadaw Dialect

³² “ꤊꤣ꤮ ꤞꤤꤗꤤ꤬ꤗꤢꤨ꤬ ꤕꤣꤧ꤬ꤒꤤꤟꤢꤨ ꤞꤤ꤭꤮, ꤞꤤꤤ꤬ꤏꤢꤩ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤤ꤭ꤖꤢꤩ꤭ ꤞꤤꤕꤜꤢꤪ꤬ꤥ꤬ ꤘꤣ ꤢ꤬ ꤊ꤫ꤢꤦ꤬ ꤘꤣꤧ ꤞꤤ꤭ ꤔꤢꤧ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ ꤟꤣꤧ꤯

ꤜꤢꤨꤊꤢ꤬ 12:32 ပူးပေါင်းရင်းမြစ်များ

ꤟꤤꤙꤚꤢꤨ 12:28

ฮู๊เนอเรอ, เป เฮ๊บุ๊ยเฮ๊เตอเรอ โหร่ลู จอแปแหร่ โป๋, เมเตเฮ๊เรอ เป พย๊าหนิเฮ๊อ เทอเก่ เด๊อ อา โกโย แจ่โต่ เออเต๊เก่เฮ๊อ. เป เก่ จ๊อเบแถ่ จอแปแหร่ เน๊อ เตจ๊อเบ เด๊อ อาโต เน๊อ ลูซิปล่อ เน๊อ เตซิอิเช แดดุแด่ทู อากู เออเนอโป๋.

เตเด๊อะโลแถ่ 1:6

โทเรอ แซ่ฮู๊ เป เก่ เม อาเพ จอแปแหร่ อา เตเอ่เตแร อาเงเนอ, เหย่ซู่ครี๊ เด๊อะทวาแถ่ เป เร๊อ เพรหลู่แตเต เต๊เห่ เด๊อ อาเทออาเก่กู. เตลีเตตาเค เร๊อ เตโพรฉว่าชอ เก่ โอ่ เกอดื่อ เร๊อ เหย่ซู่ครี๊ ตูจูเพร นี๋. อาเมน.

ฟีลิปปี 2:13

เมเตเฮ๊เรอ, แซ่ฮู๊ ซี เก่ ซิปล่อฉว่า ซิหยื่อ หนิดา ครวาเม เกอ ฮู๊ จอแปแหร่ อา เตซิหยื่อ เด๊อ อาแร๊ เต๊เห่ อาเงเนอ, อา เม เป่เฮ๊อ เต เด๊อ ซีกู ปว๋า โต๊โพ๊ เจ๊อ เฮ๊อ.

ꤜꤢꤨꤊꤢ꤬ 10:21

เบ๊อะเนอเค, เด๊อ แหย่โยบูโพ๊แบ่เจ่ อาขว่าอาคยา, เร๊อ เหย่ซู่ เล๊อบา เร๊อ เตซิครือซิลอ เร๊อ อา เฮ๊ เน๊อ, “เก๋อ ม๊อขุ แบ่เจ่, เห่ขุ แบ่เจ่, แวเพ จอแปแหร่, แว เฮ๊บุ๊ยเฮ๊เตอเรอ เน, เต เด๊อ เน แด่ ด๊อโอ๊ด๊อบี๊ เป่ เพรลีแมลีเพ๊ เต๊เห่ เร๊อ เพรแม๊ปูซิเง เต๊เห่เนอ, เน เด๊อะโลแถ่ เป่เฮ๊อ เร๊อ แกแย เด๊อ อา เตเนปีตี๊ เกอเร๊อ อาเหน่ แซ่เน๊อ เป๊เจ่พู๊ เนอเต๊เห่เฮ๊อ อาขว่าอาคยา, แว เฮ๊บุ๊ยเฮ๊เตอเรอแถ่ เน. เก๋อ เพ๋, เน ซิปล่อโอ่ ซิปล่อโต หม่าแหน่เฮ๊อ เร๊อ อาเก่เบ่ ทวาแถ่แหน่ ฮู๊เออเฮ๊อ อาขว่าอาคยา, แว เฮ๊บุ๊ยเฮ๊เตอเรอ แหน่เจ๊อ เน.

มัทธิว 25:34

“เบ๊อะเนอปาเนอ, คุ๊ย เออเตเพร เก่ เฮ๊ แกแย เด๊อ อากู๊ขุ จ๊อทว๊า เออเต๊เห่ ปา เน๊อ, ‘แฮมอ แลแค, ซี หม่า แกแย เด๊อ อา พย๊าหนิ แวเพ จอแปแหร่ อา เตเด๊อะบุ๊ยเด๊อะเตอเรอ เต๊เห่, แฮโน พย๊าดว้า แลแค ม๊อขุ เทอเลเก่กู อาอู่เจ เต๊เหย่ เด๊อ อู ตี๊หรี่แตแร โอ่หนื่ออื่อ เป่ ซี เด๊อ เห่ขุทวาลู่ ม๊อขุทวาเซปา เนอ.

เธสะโลนิกา เนอบ่า ต๊าบ่า 1:11

ฮู๊เนอเร๊อ แซ่ฮู๊ จอแปแหร่ เก่ เมจว่า ซี เร๊อ ซี เก่ โอ่เซอเพร โตเบ่เกอ เร๊อ อาเอ๊ ซี อาเงเนอ, เป กุยจ๊อเบ เป่ เด๊อ ซิเง ปว๋า โตโพ๊เจ๊อ. เป กุยจ๊อเบ เป่ โป่ เด๊อ ซิเง เร๊อ จอแปแหร่ เก่ เมเล๊อบา เป่ ซี ล๋อ ซี เตเมแร๊ เด๊อ ซี ซิหยื่อเม เนอเต๊เห่, เร๊อ เตเม เด๊อ ซี เม เร๊อ เตหยื่อ เนอเต๊เห่. เร๊อ จอแปแหร่ เก่ เม เป่ดื่อ ซี เร๊อ อา เตโพรเตเตอเรอ ปา.

เปโตร เนอบ่า ต๊าบ่า 1:11

ฮู๊เนอเรอ จอแปแหร่ เก่ ซิครือซิลอ เอ๊โมฉื่อ ซี เด๊อ เป แบ่เจ่ เหย่ซู่ครี๊ เด๊อ อา หม่าเฮ๊อ เพรเมแลเปล๊กา เป เออเตเพร อาเทออาเก่ เด๊อ อา โอ่ ตูจูเพร แตแลเคร๊ อากู เออเนอ ปา.

มัทธิว 14:27

หม่าแน๊เรอ โตโพ๊โต, แบ่เจ่ เหย่ซู่ เฮ๊ เหย่ซี เน๊อ, “แด่คือแด่ฮา แลแค ซี ซิปล่อ. ซิอิเช แลแค แต่เหม่, เออ หม่า แว แพ๊.”

เตเด๊อะโลแถ่ 22:5

เหมาะคี๊ โอ่ ปา โต่ อาขว่าอาคยา, เหย่ซี โหล่ปา หมิเคว๊กอ โต่. เหย่ซี โหล่ปา ต๊อเหมาะ อาเตลี โต่, เมเตเฮ๊เรอ แบ่เจ่ จอแปแหร่ หม่า หม่าเฮ๊อ เหย่ซี อาเตลี ปา เฮ๊อ, เร๊อ เหย่ซี เก่ เป๊อ เต ตูจูเพร แตแลเคร๊ ฮู๊ จ๊อแผ่ เต๊เห่เนอ ปา.

เธสะโลนิกา เนอบ่า ต๊าบ่า 1:5

ล๋อ เตเออเต๊เห่ ข่าเฮ๊โล เร๊อ จอแปแหร่ เต เมจากาคยา เนอหม่า อาจ๊ออาเต แพ๊. ฮู๊เนอ อาขว่าอาคยา, จอแปแหร่ เก่ แด่โตแด่เบ่ เฮ๊อ ซี เร๊อ อาเทออาเก่กู ปา. ซี ข่า เบ่ เตจาเตจือ กู๊แหน่เออ เนอหม่า, เด๊อ จอแปแหร่ เทอเก่ อาเง แพ๊.

ꤚꤥꤗꤢꤩ꤬ 6:23

เมเตเฮ๊เรอ, เตซื๊อ อาคว๊าอาเก่ หม่า เตเซอ. หม่าแน๊เรอ เตบุ๊ยเตเตอเรอ อาเชหยู่ เด๊อ จอแปแหร่ เด๊อะตาครา เป เออเนอหมา หม่าเฮ๊อ ซิปล่อเซอเพร ตูจูเพร เด๊อ เป แบ่เจ่ เหย่ซู่ครี๊ อากู เออเนอเฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 2:5

โป่แหว่โม ซี๋, หนิดา แลแค. แกแย เด๊อ อา โซพ๊าโซแร เด๊อ เห่ขุ เออเต๊เห่ เนอหม่า, แซ่ฮู๊ เหย่ซี เตหยื่อเตแหน่ เก่ฉว่าเก่ชอแถ่ เร๊อ เหย่ซี เก่ เมหนิ เทอเก่ เด๊อ จอแปแหร่ อ๊อแล หนื่ออื่อ เป่ แกแย เด๊อ อา โมเร๊อ ลู เนอเต๊เห่ อาเงเนอเรอ, จอแปแหร่ นว๊าแถ่ เหย่ซี เฮ๊อ เนอหม่า ซี ซิเง ตาเต ดื่อ เฮ๊อ.

ꤛꤥ꤭ꤟꤢ꤬ 18:36

แบ่เจ่ เหย่ซู่ เฮ๊ฉื่อ ลู เน๊อ, “แวเทอแวเก่ หม่า เบ๊อะเห่ขุเออ หม่าโต่. เก่ อา หม่า เบ๊อะเห่ขุเออ เฮ๊เนอ, แซ่ฮู๊ แว เก่ โต่เด๊อ แกแยยิวพู๊ อา ทวาดุทวาเต เออเต๊เห่ อา กู๊ยากู แต่เหม่ เนอ, แวโค เด๊อ อา ครวาเกอ แว เต๊เห่ เก่ วื๊อฉื่อ โทเฮ๊อ เหย่ซี กอ. ฮู๊เนอเรอ แวเทอแวเก่ หม่า เบ๊อะเห่ขุเออเนอ หม่าโต่” อา เฮ๊ ฮู๊เนอ.

มัทธิว 20:16

“ฮู๊เนอเรอ แกแย โอ่ เด๊อ คยาเล๊อ อู อา เก่ โอ่ เด๊อ เง เร๊อ แกแย โอ่ เด๊อ เงเล๊อ อู ปา. อา เก่ โอ่ เด๊อ คยาเล๊อ อู ปา.”

มัทธิว 7:15

“รอหนิ แลแค ซีเหน่ เร๊อ เพรกลว่า แลโฮ อาเหน่ ฮู๊ เพรโพร เนอเต๊เห่ นี๋. เหย่ซี หม่า แกแย กลว่า แหล่โฮ แซ่เน๊อ ซิหมิ เด๊อ อาซิโดซิงาเนอ หม่าแน๊เรอ เหย่ซี หม่า แกแย มู๊แหม่รีแจ่ แซ่เจ๊อเร๊อ ถุ่ยมี เนอ เจ๊อ.

เพรโด่แนพู๊ เต๊เห่ 20:28

แม๊ตู่ เร๊อ ดื่อ แลแค ซีเหน่ เร๊อ แม๊ตู่ เกอเร๊อ แลแค ล๋อ ซิหมิ เด๊อ แหย่โยบูโพ๊ เด๊อะตาแก เป่ ซี เด๊อ ซี เบ่ แม๊ตู่หนิ เออเนอ เต๊เห่ นี๋. ทวา แลแค เพรเกซิหมิพู๊ เด๊อ อา แม๊ตู่หนิ อาซิหมิ เออเต๊เห่ เนอ เต๊เห่ นี๋ แม๊ตู่หนิ แลแค จอแปแหร่ อา เพรหยื่อเอ่ ตู๊หมู่ตอกล๊อ เด๊อ อาพู๊คู พรีกา โทเฮ๊อ เน๊อ อาสุ่ย เร๊อดื่อ เออเนอ นี๋.

เพรโด่แนพู๊ เต๊เห่ 20:29

แว เถ่จว๊าแก โทเฮ๊อ ปาเนอ, แว ซิเง เร๊อ แกแย เด๊อ อา แซ่ เน๊อ ถุ่ยมี เด๊อ อาฮาอาเฮ เต๊เห่ เก่ แฮโน เด๊อ ซีเกล ปา, เร๊อ อา เก่ โนเมเช ลอ ซิหมิ ตู๊หมู่ เออเต๊เห่ ปา.

โครินธ์ อาเหร่อเล๊อ ต๊าบ่า 1:21

จอแปแหร่ อา เตลีแมลีเพ๊ หม่า อาดุอาแย หม่าแหน่ เจ๊อ. ฮู๊เนอเรอ แกแยเห่ขุพู๊ เออเต๊เห่ เก่ แม๊ปูซิเงเบ๊ จอแปแหร่ เน๊อ เหย่ซี เตซิคว๊าซิเง เต๊เห่เนอ, อา เบ๊แตแค๋ โต่. โท๊โต่ จอแปแหร่ ซิปล่อโอ่ เด๊อ อา เก่ เมแลเปล๊กา แกแย เด๊อ อา หยื่อเอ่ ครี๊ อา เตซิครือมีลา เด๊อ เป แด๊โฉ่โด่แน เป่ อู เออเนอ เต๊เห่ ปา. หม่าแน๊เรอ แกแย เด๊อ อา หยื่อเอ่ เตซิครือมีลา เออ โต่ เต๊เห่เนอ, อา เตเนซื๊อ แลแค เน๊อ เตเฮ๊โฉ่โด่แน เออเต๊เห่ เนอหม่า อา โอ่เล๊อโอ่กลอ แพ๊, อา เตเน แลแค ฮู๊เนอ.