ꤜꤢꤨꤊꤢ꤬ 11:9 - ลีเทส่อพ๊าอาเซ เร๊อ เห่ขุทวาลู๊

⁹ “ฮู๊เนอ อาขว่าอาคยา แว เฮ๊ ซี, กุย มอ แลแค, ซี เก่ พย๊าหนิ ปา! แม๊ปู มอ แลแค, ซี เก่ แม๊เถอะ ปา, ด่อมอ แลแค กู่ดาเนอ, จอแปแหร่ เก่ บ๊าโม เป่ดื่อ ซี ปา.

Eastern Kayah Shadaw Dialect

⁹ “ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤠꤢꤧ꤭ ꤟꤢꤩ ꤞꤤ꤭, ꤊꤝꤤ꤭ ꤗꤣꤧ꤭ ꤜꤢ꤭ꤋꤢꤧ꤭, ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤕꤢ꤭! ꤗꤢꤧꤕꤢꤨ꤭ ꤗꤣꤧ꤭ ꤜꤢ꤭ꤋꤢꤧ꤭, ꤞꤤ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤕꤢ꤭꤯ ꤘꤢꤪ꤬ꤗꤣꤧ꤭ ꤜꤢ꤭ꤋꤢꤧ꤭ ꤊꤣꤧ꤬ꤘꤢ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤙꤢꤗꤥ꤭ ꤕ꤫ꤢꤩ꤬ꤘꤢꤦ꤬ ꤞꤤ꤭ ꤕꤢ꤭꤯

ꤜꤢꤨꤊꤢ꤬ 11:9 ပူးပေါင်းရင်းမြစ်များ

ꤗꤢ꤬ꤊꤢꤨ 11:24

ฮู๊เนอ อาคยา แว เฮ๊ ซี, ซี กุยเต เด๊อ เพ จอแปแหร่ อา โอ่ อิเตเต๋ เบ่เบ่เนอ หยื่อเอ่ เร๊อ ซี พย๊าหนิเฮ๊อ เนอ, เร๊อ ซี เก่ พย๊าหนิ หม่าแหน่แหน่ปา.

มัทธิว 21:22

ซี เก่ หยื่อเอ่ เนอ, ซี กุยเต เด๊อ เพ จอแปแหร่ อา โอ่ อิเตเต๋ เบ่เบ่ ซี พย๊าหนิ ปา.”

ꤛꤥ꤭ꤟꤢ꤬ 15:16

ซี นว๊าแถ่ แว หม่าโต่. แว นว๊าแถ่ ซี เร๊อ แว แด่แถ่เฮ๊อ ซี เด๊อ ซี เก่ เถ่จว๊า แลแค เร๊อ จว๊า เส่แถ่อาโพแถ่ เอ๊ แลแค. แว แด่แถ่เฮ๊อ ซี เร๊อ ซี เก่ เส่จิจือหมะ แลแค เด๊อ อาตื๊อดื่อ. ซี เก่ เมฮู๊เนอ ตื๊อหม่า ซี กุย อิเตเต๊ เบ่เบ่, ซี เก่ กุย เร๊อ แวมุย เฮ๊เนอ, เพ เก่ เด๊อ ซี ปา.

ꤛꤥ꤭ꤟꤢ꤬ 15:7

ซี เก่ โอ่จิจือหมะ เด๊อ แวกู, เร๊อ แวลาแวโหง่ เก่ โอ่จิจือหมะ เด๊อ ซีกู เก่เฮ๊เรอ ซี ซิหยื่อกุย อิเตเต๋ เบ่เบ่ เนอ, แว เก่ เด๊อะ ซี ปา.

ꤛꤥ꤭ꤟꤢ꤬ 14:13

เด๊อ แวขว่าแวคยา, เร๊อ แซ่ฮู๊ อู เก่ แม๊เถอะ แวเพ อาเตอเรอดุเตอเรอทู อาเงเนอ, ซี กุย เต อิเตเต๋ เบ่เบ่, ซี เก่ กุย เร๊อ แวมุย เฮ๊เนอ, แว เก่ เด๊อ ซี ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:22

โท๊โต่ เป ย๋อ จูเอ่ อาโหง่เฮ๊แก เร๊อ เป ย๋อ เมโต ลูซิปล่อ อาขว่าอาคยา, เป กุย เต อิเตเต๋ เบ่เบ่ เนอ, เป เก่ พย๊าหนิ เต เด๊อ อา โอ่ เนอเต๊เห่ ปา.

ꤡꤛꤢꤩ꤭ꤗꤢ꤬ꤎꤣ꤬ 1:5

หม่าแน๊เรอ เด๊อ ซีเกล เนอ, แกแย เตเพรเพร เก่ โหล่เบ่ เตลีแมแจ่ เก่เฮ๊เรอ, อา โตเบ่ กุยแถ่ เด๊อ จอแปแหร่ อา โอ่ เร๊อ จอแปแหร่ เก่ เด๊อะตา ดื่อ อา ปา เมเตเฮ๊เรอ, จอแปแหร่ ซิพรวาฉื่อ แกแย เด๊อ อา กุยแถ่ ลู เนอ อา โอ่เตเพร๋ โต่. อา ซิยอเกอเร๊อ อู ปว๋า เตเพร, เร๊อ อา ซิหยื่อ เด๊อะ เป่ อู ปว๋า เตเพร เจ๊อ.

ꤟꤤꤙꤚꤢꤨ 11:6

เตหยื่อ เก่ โอ่โต่ เนอ, เตเพร่ว หม่า อู เมโตเบ๊ จอแปแหร่ อาซิปล่อ โต่, เมเตเฮ๊เรอ, ล๋อ แกแย เด๊อ อา แฮ เด๊อ จอแปแหร่ อา โอ่ เต๊เห่เนอ, อา เบ่ หยื่อเอ่ เน๊อ จอแปแหร่ เนอ อา โอ่เซอเพร. เร๊อ แกแย เด๊อ อา ซิปล่อฉว่า แม๊ปู ลู เต๊เห่เนอ, อา เบ่ หยื่อเอ่ เร๊อ จอแปแหร่ เก่ เด๊อ เหย่ซี เตเมหนิคว๊าเก่ ปา ฮู๊เนอ.

ꤡꤛꤢꤩ꤭ꤗꤢ꤬ꤎꤣ꤬ 5:15

เตหยื่อเตแหน่ อา เตกุยจ๊อเบ เออ อา เก่ แหย่โอ่เหม่แก แกแยชู๊ย เออเตเพร ปา. แบ่เจ่ เก่ แหย่โอ่เหม่ กาคยา คยาแซ๊ ลู ปา เร๊อ อา เก่ เมซื๊อ เต เฮ๊เรอ แบ่เจ่ เก่ ปลวาแก คยาแซ๊ ลู เตซื๊อ ปา.

ꤟꤤꤙꤚꤢꤨ 4:16

ฮู๊เนอเรอ, เป โหล่เบ่ เต เบ๊อะเกเต๋ เบ่เบ่เนอ, เป โต แฮโน ฮาฮา เด๊อ เป จอแปแหร่ เด๊อ อา ซิยอเร๊อ อู เออเตเพร อา เหล่โอ่แน อาเป๊เส่เง เนอ. เร๊อ เป เก่ พย๊าหนิ อา เตซิยอ ปา เร๊อ เป เก่ แม๊เถอะเบ่ อาบุ๊ยดุอาเตอเรอทู เด๊อ อา เก่ เมจว่า เป เออเนอ ปา.

ꤛꤥ꤭ꤟꤢ꤬ 4:10

เหย่ซู่ เฮ๊ฉื่อ ลู เน๊อ, “เน เก่ ซิเงบย่า จอแปแหร่ อา เตเด๊อะครา เชหยู่ โทเรอ เพร เด๊อ อา กุยโอ เนเทอ เออเตเพร หม่า อูเป เนอ เน เก่ ซิเง โป่บย่า เฮ๊หม่า, เน เก่ กุยโอ แว เทอ ปา เร๊อ แว เก่ เด๊อะโอ เน เทอ เด๊อ อา เด๊อะ อู ซิปล่อเซอเพร เออเนอ ปา.”

มัทธิว 6:29

หม่าแน๊เรอ แว เฮ๊ ซี๋, คุ๊ยคูซาโลมอน เด๊อ อา โอ่ เจ๊อ เน๊อ อา เตดุแหย่แถ่เซ ล๋อ ปลี เจ๊อ เออเตเพรเนอ, อา เห่อจา เด๊อ อาตว่า ครือแน เล๊ เกอ เตโพ เนอโตโพ แพ๊เนอ อา โอ่โต่.

โครินธ์ เนอบ่า ต๊าบ่า 6:2

เมเตเฮ๊เรอ จอแปแหร่ เฮ๊ เน๊อ, “เบ๊อะ ม๊อเนอ แฮโต่เฮ๊อ เด๊อ แว โตเบ่ แม๊ดุ ซี เนอเตอเนอเนอ, แว หนิดา เฮ๊อ ซี เตกุยจ๊อเบ เฮ๊อ, เบ๊อะม๊อเนอ แฮโต่เฮ๊อ เด๊อ แว โตเบ่ เมแลเปล๊กา ซี เนอเตอเนอเนอ, แว เมจว่า เฮ๊อ ซี เฮ๊อ” ฮู๊เนอเรอ, แว เฮ๊ ซี, หนิดา แลแค, เออเตอเนอ หม่า ม๊อเนอ เด๊อ จอแปแหร่ แม๊ดุเร๊อ ซี อาม๊อเนอ เฮ๊อ. เออเตอเนอ หม่า เมแลเปล๊กา ซี อาม๊อเนอ เฮ๊อ.

ꤗꤢ꤬ꤊꤢꤨ 13:37

เต เด๊อ แว เฮ๊ เป ซีเออ เต๊เห่ เนอหมา, แว เฮ๊โฉ่เป่ เกอลอ อู ปว๋า เพร, ฮู๊เนอเรอ ‘โอ่ป่อ ส่าเซแม๊ฉื่อ แลแค นี๋.’”

ꤚꤥꤗꤢꤩ꤬ 2:7

แกแย เต๊เห่เห่ เนอ, อา เด๊อะโล อา เตซิหยื่อ หม่าแหน่ เน๊อ จอแปแหร่ เก่ ถู่เซ๊แถ่ หนิ เหย่ซี ปา. เร๊อ อา เก่ เด๊อะ ลู เตอเรอดุเตอเรอทู ปา, โท๊โต่ อา เก่ เด๊อะ เหย่ซี เตเซอเพร เด๊อ อา เซอแจ่ปาโต่ เออเนอ ปา อา แม๊ชือ แลแค ฮู๊เนอเรอ เหย่ซี แอ๊จื๊อแอ๊เหร่ เม แฮเง ตื๊อดื่อ แลแค เตแร๊. ฮู๊เนอเรอ จอแปแหร่ เก่ เด๊อะ ซิปล่อเซอเพร ตูจูเพร เออเนอ เร๊อ แกแย ฮู๊เนอเต๊เห่ ปา.

มัทธิว 21:31

“พู๊เพรคู เออซิเนอเนอ, อา หนิดา อา เพ เต เบ๊อะเต เตเพรเต?” เร๊อ เหย่ซี เฮ๊ฉื่อ ลู เน๊อ, “อาดุ เตเพร.” เร๊อ แบ่เจ่ เฮ๊ เหย่ซี เน๊อ, “แว เฮ๊จ๊อจ๊อ ซี, เพรกุยอาหมู่อาร๊า เร๊อ แม๊เผ่โหมะ จว๊าโน เผ่แก เฮ๊อ ซี เด๊อ ม๊อขุ เฮ๊อ.

เตเด๊อะโลแถ่ 2:24

หม่าแน๊เรอ ซี วีธิยาทิรา เพรหยื่อเอ่เออ ตู๊หมู่ตอกล๊อ เด๊อ อา โอ่แก เออเต๊เห่เนอ, ซี ครวาเม เกออู เพรเหมาะ เยเซเบล อา เตอิซว๊าอี๊แส่ มู๊แหม่รีแจ่ เด๊อ อู เอ๊ เร๊อ โลเน๊มู๊แหม่รีแจ่ กู่กล๊อ อาเต ด๊อโอ๊ด๊อบี๊ อาดุอาแย เออเต๊เห่ โต่. แว แด่แถ่ปา เร๊อ เตวี๊เตแย๊ เด๊อ ซีลู เตอเจ๋อ โต่.

ꤜꤢꤨꤊꤢ꤬ 11:10

เมเตเฮ๊เรอ ล๋อ แกแย เด๊อ อา กุยเต เต๊เห่เนอ, อา เก่ พย๊าหนิ ปา, เร๊อ ล๋อ แกแย เด๊อ อา แม๊ปู เต เต๊เห่เนอ, อา เก่ แม๊เถอะ ปา, เร๊อ ล๊อ แกแย เด๊อ อา ด่อ กู่ดา เต๊เห่เนอ, จอแปแหร่ เก่ บ๊าโม เป่ ลู ปา.