ꤜꤢꤨꤊꤢ꤬ 11:49 - ลีเทส่อพ๊าอาเซ เร๊อ เห่ขุทวาลู๊

⁴⁹ เด๊อ เตหรี่เตแก เออเต๊อเจ่อ อาขว่าอาคยา, จอแปแหร่ โอ่ เร๊อ อา เตลีแม เร๊อ อา เฮ๊ เน๊อ, ‘แว เก่ นอจว๊า เป่ เหย่ซี เพรโพร เต๊เห่, เร๊อ เพรโด่แนพู๊ เต๊เห่ ปา, เร๊อ เหย่ซี เก่ เมเซอแก เต๊เห่เห่ ปา, เต๊เห่เห่เรอ เหย่ซี เก่ เมจาเมจือ ลู ปา.’

Eastern Kayah Shadaw Dialect

⁴⁹ ꤘꤣ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤒꤣ꤬ꤡꤣ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤥ꤬ ꤔꤢꤧ ꤢ꤬ ꤒꤢꤩ꤬ꤞꤤꤖꤢꤩ ꤚꤣꤧ꤬ ꤢ꤬ ꤟꤢꤩ ꤔꤢꤧ, ‘ꤠꤢꤧ꤭ ꤊ꤫ꤢꤦ꤬ ꤔꤢꤪ꤭ꤟꤢꤧ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬, ꤔꤢꤧ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤒꤣꤧ꤬ꤟꤢꤩ꤬ ꤕꤢ꤭, ꤚꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤗꤢꤩ꤬ꤞꤣꤧ꤭ꤊꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤕꤢ꤭, ꤒꤣꤧ꤬ꤟꤢꤩ꤬ꤟꤢꤩ꤬ꤚꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤜꤢꤨ꤭ ꤕꤢ꤭꤯’

ꤜꤢꤨꤊꤢ꤬ 11:49 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 1:30

จอแปแหร่ เมทวาแถ่ โต่เฮ๊อ ซี เน๊อ เหย่ซู่ครี๊ เตอเจ๋อ โต เฮ๊อ. อา เมทวา เป่ เฮ๊อ ซี เต๊อะเจ้อ แพ๊ เน๊อ ครี๊ เออเนอ, อา เก่ ทวาแถ่ เฮ๊อ เป เตลีแมลีเพ๊ เฮ๊อ. เด๊อ ครี๊ อาขว่าอาคยาเร๊อ, จอแปแหร่ แด่ เฮ๊อ เป ฮู๊ แกแยจ๊อแกแยเต เต๊เห่เนอ เฮ๊อ. โท๊โต่ เป ทวาแถ่ เฮ๊อ จอแปแหร่ อาแกแย บูโพ๊ เร๊อ ครี๊ ปลวาเถ่ ปาลา เฮ๊อ เป เน๊อ เตซื๊อ เฮ๊อ.

โคโลสี 2:3

เตลีแม เน๊อ เตซิคว๊าซิเง ล๋อ ปลี หม่าดื่อเฮ๊อ เตเด๊อะบุ๊ยเด๊อะเตอเรอ งูดุงูชอ เออเนอ, อา โอ่โอ๊โอ่บี๊ เด๊อ ครี๊ อากู.

เอเฟซัส 4:11

แซ่ฮู๊ อู เก่ ทวา เพรโดแนพู๊ เต๊เห่, อู เก่ ทวา เพรโพร เต๊เห่, อู เก่ ทวา เพรโด่แน เตซิครือมีลา เต๊เห่, อู เก่ ทวา เพรหยื่อเอ่ตู๊หมู่ตอกล๊อ ซ๊าร๊า เต๊เห่, อู เก่ ทวา เพรอิซว๊า ลีเทส่อพ๊า อาซ๊าร๊า เต๊เห่เนอเรอ, เพร เด๊อ อา เด๊อะตา อู เตแจ่เตลีแม เด๊อ อา โค๊คยาดื่อ ลู เต๊เห่ เออเตเพร เนอหม่า หม่าเฮ๊อ ครี๊ เฮ๊อ.

โครินธ์ อาเหร่อเล๊อ ต๊าบ่า 1:24

หม่าแน๊เรอ แกแย เด๊อ จอแปแหร่ เอ๊ โค๊ลู เด๊อ อา เก่ หยื่อเอ่ เตซิครือมีลา เออเต๊เห่ อาเงเนอ, แกแยยิวพู๊ เต๊เห่ เบ่เบ่, แกแยยิวพู๊ หม่าโต่ เต๊เห่ เบ่เบ่, ครี๊ เซอ เด๊อ อี๊ถื่อดีเต่ลู เออเนอหมา หม่าเฮ๊อ จอแปแหร่ อา เตโพรเตเตอเรอ ฉว่าชอ เร๊อ อา เตลีแมลีเพ๊ เฮ๊อ.

เพรโด่แนพู๊ เต๊เห่ 22:20

เร๊อ เบ๊อะอู เมเซอ คูสเทเฟน เด๊อ อา ข่าเฮ๊โล เน๊อ เนหรี่เนแก เออเตเพร เบ๊เนอ, แว โอ่เกอ เบ๊อะเนอ, เร๊อ แว ครวาโป่ เกอเร๊อ เกอ แกแย เด๊อ อา เมเซอ ลู เนอเต๊เห่ ตากยา เร๊อ แว โอ่ป่อแม๊ หนิ เป่เกอ แกแย เด๊อ อา เมเซอ ลู เนอเต๊เห่ อาจากลอ เต๊เห่.’

เพรโด่แนพู๊ เต๊เห่ 8:3

คูเซาโล เฮ๊เออ เตเพรเนอ อา เมปย๊า เมหลู่แก ครี๊ อา เพร หยื่อเอ่เต ตู๊หมู่ตอกล๊อ เต๊เห่. อา จว๊าแถ่ โน เด๊อ หี่เตเม โท เตเม อากู, เร๊อ อา จว๊าจุ่ย ตู๊หรู่เถ่ เพรเหมาะหม่อ, เพรคูคู เด๊อ อา หยื่อเอ่แหน่เอ่รี เต๊เห่ เร๊อ ด๊อโน เหย่ซี เด๊อ ทอกู.

เพรโด่แนพู๊ เต๊เห่ 7:57

เออโตโพ๊เรอ แกแย ทวา กู่กล๊อ เต๊เห่ เอ๊โทเอ๊โม เร๊อ ตีบี๊ แลแค อากู๊หลิโก่ เร๊อ อาก๊อนอ. เร๊อ เตอโพ๊โต อา ตวย แฮโต เด๊อ คูสเทเฟน อาโอ่.

เพรโด่แนพู๊ เต๊เห่ 1:8

หม่าแน๊เรอ เบ๊อะแหย่โยบูโพ๊แบ่เจ่ ตากาแลโอ่เฮ๊อ เด๊อ ซีกู ปา เบ๊อะเนอ, ซี เก่ เล๊อบา เร๊อ เตฉว่าเตชอ ปา เร๊อ ซี เก่ ทวาแถ่ เป่แว เพรข่าเฮ๊โล เต๊เห่ เด๊อ วีเยรูซาเล็ม อากู, เร๊อ ยูดาห์เต๊เก๋ เล, เร๊อ สะมาเรียเก่, โท๊โต่ อา เก่ โต่ เจ๊อเด๊อ เห่ขุต๊าบ่า ลอ เจ๊อ ปา,” อา เฮ๊ฮู๊เนอ.

ꤛꤥ꤭ꤟꤢ꤬ 16:2

อู เก่ เหว่เถ่ แก ซี เด๊อ เตจ๊อเบโฮ เต๊เห่ อากลอ ปา. แกแย เด๊อ อา เมเซอ ซี เต๊เห่เนอ อา เตเน เกอเร๊อ อาเหน่ เน๊อ, ‘เป เม เฮ๊อ จอแปแหร่ อาเตเม เฮ๊อ,’ เบ๊อะฮู๊เออเนอ, อา เก่ แฮโต่ ปา.

ꤜꤢꤨꤊꤢ꤬ 24:47

โทเรอ เด๊อ อามุย อากู เร๊อ อู เก่ แด๊โฉ่โด่แน ถู่แหล่แต๊แกละกา ซิปล่อ อาหรี่อาแก เน๊อ เตปลวาแก เตซื๊อเตปล๊า เออเนอเต๊เห่ อาหรี่อาแก ปา. อู เก่ แด๊โฉ่โด่แน อา เด๊อ เก่โร ปวาเต๊อเจ่อ อาเง ปา, เร๊อ อู เก่ เป๊อแถ่ เฮ๊โฉ่เหร่อเล๊อ เด๊อ วีเยรูซาเล็ม อากู เนอปา.

มัทธิว 22:6

อา โอ่แก เต๊เห่ เกอลาติ หม่า แกแย เด๊อ ปื่อ เมจาเมจือ คุ๊ย อาหลู่เล๊ เต๊เห่, เร๊อ อาเมแร๊ ลูโต่ เร๊อ อาเมเซอ ลู เนอ.

ꤜꤢꤨꤊꤢ꤬ 11:48

ฮู๊เนอเร๊อ ซี ข่าเฮ๊โล โล๊ลี เจ๊อเฮ๊อ ซีเหน่ เร๊อ ซี ซิปล่อ โอ่จิจือ เต่อเกอ, ซี ซิปล่อ แซ่เกอเฮ๊อ เร๊อ ซีเพอซีโพ เด๋อ งย๊า เค เต๊เห่ เมเตซื๊อ เนอเต๊เห่ เฮ๊อ. เมเตเฮ๊เรอ ซีเพอซีโพ เต๊เห่ อา ย๋อ เมเซอ เพรโพร เนอเต๊เห่, ซี เร๊อ ซี อา แบ๊ เป่ เพรโพร เนอเต๊เห่ อาโลกู อา ย๋อ เมเนอ.

เพรโด่แนพู๊ เต๊เห่ 11:27

เบ๊อะเนอเค, เพรโพร เต๊เห่ โอ่ เด๊อ วีเยรูซาเล็ม เร๊อ อา แฮ เด๊อ วีอันทิโอก.

เตเด๊อะโลแถ่ 16:6

เด๊อ เหย่ซี เมสุ่ยแล เมเซอ เน แกแย เร๊อ เน เพรโพร เต๊เห่ อาขว่าอาคยา, เน เด๊อะโอ เลอ กาคยา เป่ คยาแซ๊ เฮ๊อ เหย่ซี เร๊อ สุ่ย เออเนอ เฮ๊อ. เหย่ซี แด่โอคยา ฮู๊เออ เนอหม่า อาโตอาเบ่ แพ๊.”

เตเด๊อะโลแถ่ 18:20

เก๋อ ม๊อขุพู๊ ซิครือมอ แลแค, เก๋อ จอแปแหร่ อาแกแย ซี, เพรโด่แนพู๊ เต๊เห่ ซี เร๊อ เพรโพร ซี๋, เด๊อ อาปย๊าอาหลู่ เฮ๊อ อาขว่าอาคยา, ซิครือมอ แลแค. เมเตเฮ๊เรอ เด๊อ อา เมจาเมจือ โทเฮ๊อ ซี อาขว่าอาคยา, จอแปแหร่ เมจากาคยา เฮ๊อ อา.’”