ꤜꤢꤨꤊꤢ꤬ 11:39 - ลีเทส่อพ๊าอาเซ เร๊อ เห่ขุทวาลู๊

³⁹ ฮู๊เนอ อาขว่าอาคยา, แบ่เจ่ เหย่ซู่ เฮ๊ฉื่อ ลู เน๊อ, “ฟาริสี ซี, ซี ซู๊ปลี แร๊ แหน่เจ๊อ เบหล่อ เร๊อ ดีเบ เด๊อ อากลอ เนอตากยา เจ๊อ. หม่าแน๊เรอ เด๊อ ซี ซิปล่อกูเนอ, อา เล๊อบา เจ๊อ เร๊อ เตกู๊หว่ากู๊เว เอ่ หนิเร๊อดื่อเง เร๊อ เตมู๊แหม่รีแจ่ ซีเต๊เห่ เจ๊อ.

Eastern Kayah Shadaw Dialect

³⁹ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤖꤢ꤬ꤚꤤ꤬ꤏꤛꤢꤧꤖꤢꤨ ꤞꤤ꤭, ꤞꤤ꤭ ꤞꤢꤨꤕꤜꤤ꤭ ꤚꤢꤧ ꤔꤢꤧ꤬ꤡꤣꤧ ꤙꤢꤩ꤭ꤜ꤫ꤢꤪ꤬ ꤔꤢꤧ ꤘꤤ꤭ꤙꤢꤩ꤭ ꤘꤣ ꤢ꤬ꤊꤜꤢꤪ꤭ ꤔꤣꤧ꤬ꤒꤣ꤬ꤊꤛꤢ꤭ ꤡꤣꤧ꤯ ꤗꤢ꤬ꤔꤢꤧꤚꤣꤧ꤬ ꤘꤣ ꤞꤤ꤭ ꤞꤤꤕꤜꤢꤪ꤬ꤊꤢꤨ꤭ꤔꤣꤧ꤬, ꤢ꤬ ꤜꤣꤙꤢ꤭ ꤡꤣꤧ ꤔꤢꤧ ꤒꤢꤩ꤬ꤊꤢꤨꤠ꤫ꤢ꤬ꤊꤢꤨꤠꤢꤩ꤭ ꤢꤩ꤬ ꤚꤣꤧꤘꤢꤦ꤬ꤑꤢꤩ꤭ ꤔꤢꤧ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤞꤤ꤭ꤒꤣꤧ꤬ꤟꤢꤩ꤬ ꤡꤣꤧ꤯

ꤜꤢꤨꤊꤢ꤬ 11:39 ပူးပေါင်းရင်းမြစ်များ

ꤡꤛꤢꤩ꤭ꤗꤢ꤬ꤎꤣ꤬ 4:8

ซ๊าซื๊อ แฮผื่อ แลแค ซีเหน่ เร๊อ จอแปแหร่ ตื๊อหม่า อา ซ๊าซื๊อ แฮผื่อเกอ อาเหน่ เร๊อ ซี แพ๊. เพรเมเตซื๊อ ซี๋, ซู๊ปลีแก แลแค ซี กู๊ขุเนอ. แกแย ซิปล่อ โอ่เอ๊ ซี๋, เมโพ๊เมแปละ แลแค ซี ซิปล่อเนอ.

ꤒꤤꤒꤢꤨ 1:15

แกแย เตเพรเพร เด๊อ อา โพ๊แปละอาโพ๊อาแปละ เฮ๊อ เด๊อ จอแปแหร่ อา เป๊เส่เง เนอ, เตล๋อ ปลี โพ๊แปละอาโพ๊อาแปละ ลอ เฮ๊อ เด๊อ อาเง เฮ๊อ. หม่าแน๊เรอ แกแย เด๊อ อา โพ๊แปละอาโพ๊อาแปละ เกออู โต่ เร๊อ อา หยื่อเอ่แหน่ เกออู โต่ เนอเต๊เห่เนอ, เด๊อ อาเงเนอ อา โพ๊แปละอาโพ๊อาแปละ เตอเจ๋อ โต่. เหย่ซี เตซื๊อ เต๊เห่เนอ อา เม โตโพร๊ มู๊แหม่ ลอ หนิคยาดื่อ เหย่ซี อาเหล่เตเน เร๊อ อาซิปล่อ เด๊อ อา ซิเง เร๊อดื่อ เตแร๊ เร๊อ เตมู๊แหม่ เออเนอเฮ๊อ.

เพรโด่แนพู๊ เต๊เห่ 5:3

เร๊อ คูเปโตร เฮ๊ ลู เน๊อ, “เพอานาเนี๋ย เน จว๊า นอเป๊อเต่อ เนเหน่ เร๊อ โลเน๊ มู๊แหม่ กู่กล๊อ เมเต? เน แลโฮแกเฮ๊อ แหย่โยบูโพ๊ แบ่เจ่ เฮ๊อ. เน จว๊า เบ่ดว๊า โอ๊แก โต่ เห่ขุ งู เด๊อ เน อิเช หนิ เออ เนอเต๊เห่ เมเต?

มัทธิว 15:19

เมเตเฮ๊เรอ, เต เด๊อ อาโอ่ แถ่ เด๊อ ซิปล่อกู เต๊เห่ เนอหม่า หม่า เหล่ เตเน มู๊แหม่ รีแจ่. แคร๋ หม่าเต เฮ๊เรอ, เมเซอ แกแย, จว๊าซื๊อ อูพู๊ อูเม, จว๊าซื๊อ เพรเหมาะ เพรคู, เอ่โห่เอ่ฮี๊, ข่าแหล่โฮ แลแห่ เต, แด๊อู แหย่โย, เน๊อ เตเน โพร๊มู๊แหม่ เต๊เห่, เออ เต๊เห่เฮ๊อ.

มัทธิว 7:15

“รอหนิ แลแค ซีเหน่ เร๊อ เพรกลว่า แลโฮ อาเหน่ ฮู๊ เพรโพร เนอเต๊เห่ นี๋. เหย่ซี หม่า แกแย กลว่า แหล่โฮ แซ่เน๊อ ซิหมิ เด๊อ อาซิโดซิงาเนอ หม่าแน๊เรอ เหย่ซี หม่า แกแย มู๊แหม่รีแจ่ แซ่เจ๊อเร๊อ ถุ่ยมี เนอ เจ๊อ.

เห่ขุทวาลู่ 6:5

จอแปแหร่ ตูจูเพร แม๊เถอะ แกแยเห่ขุพู๊ ซีเต๊เห่ เน๊อ อาจาอาจือ อา, มู๊แหม่รีแจ่ อาก่าอาแปล่ แหน่เจ๊อ, โทโต่ เหย่ซีซิปล่อ เต๊เห่เนอ อา เตเนเครเม โชชื่อ เตมู๊แหม่รีแจ่ ่ ปว๋า โตโพ๊ เจ๊อ.

ꤊꤢ꤬ꤜꤢ꤬ꤒꤤ 1:14

โทเรอ ฮู๊ แกแยยิวพู๊ เต๊เห่ อา เตจ๊อบู่จ๊อเบ เหล่โกลเหล่แบ่ โอ่เนอ, แว แม๊ปูซิเง แจ่เล๊อ เร๊อ แกแยยิวพู๊ เด๊อ อาหน่า ครือแน เร๊อ แว เนอเต๊เห่ เด๊อ เงเจ๊อ, โท๊โต่ เด๊อ แว โหมะเพเพอโพ หม่าเฮ๊อ แกแยยิวพู๊ อาเหล่โกล เต๊เห่ อาเงเนอ, แว ซิปล่อฉว่า แหน่เจ๊อเจ๊อ.

ꤛꤥ꤭ꤟꤢ꤬ 12:6

อา ซิยอเร๊อ หม่าแหน่ แกแย โซพ๊าโซแรพู๊ เร๊อ อา เฮ๊ ฮู๊เออเนอ หม่าโต่, เมเตเฮ๊เรอ อา หม่า อาทวา เพรเอ่โห่. อา เบ่ กู๊กลอ เป่ อู รือ, ชาเป่ อู รือปยา เร๊อ อา บ๊อพย๊าโห่ โตโมโม รือ เร๊อ อา นอเอ่ เกอเร๊อดื่อ เร๊อ อาเงแพ๊.

ꤜꤢꤨꤊꤢ꤬ 16:15

เหย่ซู่เฮ๊ เหย่ซี เน๊อ, “ซี หม่า แกแย เด๊อ อา จ่าจ๊อจ่าเต แพ๊ อาเหน่ เด๊อ แกแย อา เป๊เส่เง เนอเต๊เห่ แพ๊, หม่าแน๊เรอ จอแปแหร่ ซิเง ลอปลี เฮ๊อ ซี ซิปล่อกู. เมเตเฮ๊เรอ, เต เด๊อ แกแย เตเน เร๊อ อางูดุงูชอเล๊อ อู เต๊เห่เนอ, เด๊อ จอแปแหร่ เป๊เส่เง เนอหม่า หม่า แพ๊ เตมู๊แหม่รีแจ่ เด๊อ อู เหล่ซิรอซิเร อา เนอเต๊เห่ แพ๊.

ꤜꤢꤨꤊꤢ꤬ 7:13

เบ๊อะแบ่เจ่ แม๊เถอะ เพร เหมาะโอ่แคร๊ เออเตเพร เบ๊อะเนอ, อา ซิยอ เกอเร๊อ แหน่เจ๊อ ลู เร๊อ อา เฮ๊ ลู เน๊อ, “โหง่ แต่เหม่ นี๋.”

ทิโมธี เนอบ่า ต๊าบ่า 3:5

เหย่ซี จ่า ครวาเมเกอบย่า แพ๊ เป เตจ๊อบู่จ๊อเบ อาเหล่โกล เหล่แบ่ ปา. หม่าแน๊เรอ เหย่ซี เก่ โชโม๊บิแก เตจ๊อบู่จ๊อเบ อา เตอเรอฉว่าชอ เด๊อ อา หม่าแหน่ เออเนอเต๊เห่ ปา. จว๊า ตาพาแก เน๊อ แกแย ฮู๊เนอเต๊เห่ อาเหล่นี๋.

ꤛꤥ꤭ꤟꤢ꤬ 13:2

เบ๊อะเนอเค แบ่เจ่ เหย่ซู่ เร๊อ อา โคเจ่ เต๊เห่ เอ่ แลแค ปา ดี เหมาะเฮ๊. เร๊อ คูซีโมน อิสคาริโอท อาพู๊คูยูดาห์อิสคาริโอท เออเตเพรเนอ, แซ่ฮู๊ อา เก่ อิเชตาแก แบ่เจ่ เหย่ซู่ อาเงเนอ, โลเน๊มู๊แหม่รีแจ่ กู่กล๊อ ซาตาน เฮ๊เบ่โน โทเฮ๊อ อาโหง่ เด๊อ ลู ซิปล่อกู เฮ๊อ.

ꤜꤢꤨꤊꤢ꤬ 7:19

เร๊อ คูยอห์น เอ๊แฮ เด๊อ อา โคเจ่ เต๊เห่ อาเกลซิเนอเร๊อ อา นอจว๊า เหย่ซี เด๊อ เหย่ซู่ อา โอ่ เร๊อ อา นอจว๊าแด๊เฮอ ลู เน๊อ, “เน หม่าเมซิหย่า เด๊อ เมแลเปล๊กา อูปา เด๊อ เพรโพร เต๊เห่ เฮ๊หนื่ออื่อแก เร๊อ อา เก่ แฮ ปา เนอเตเพร เฮ๊อ แอ? หม่าโต่เร๊อ เป โตเบ่ โอ่ป่อ แม๊ชือโป่ปา เด๊อ อาโรเตเพร เก่ จว๊า ปา อาเง เนอ แอ? จว๊าแด๊เฮอ ฮู๊เนอ นี๋,” อา เฮ๊จว๊า เหย่ซี ฮู๊เนอ.