ꤜꤢꤨꤊꤢ꤬ 10:22 - ลีเทส่อพ๊าอาเซ เร๊อ เห่ขุทวาลู๊

²² “แวเพ เด๊อะตาลอ เฮ๊อ แว เตปว๋า เต๊อเจ่อ เฮ๊อ. พู๊คู หม่า อูเปเนอ อู ซิเง เตเพร่ว โต่. ซิเง ตื๊อแพ๊ เพ เตเพร แพ๊. เร๊อ เพ หม่า อูเปเนอ อู ซิเง เตเพร่ว โต่, ซิเง ตื๊อแพ๊ พู๊คู เร๊อ แกแย เด๊อ พู๊คู นว๊าแถ่ ลู เด๊อ อา เก่ เด๊อะโล เป่ ลู ปา เนอเต๊เห่ แพ๊.”

Eastern Kayah Shadaw Dialect

²² “ꤠꤢꤧ꤭ꤖꤢꤩ꤭ ꤘꤣꤧꤒꤢ꤭ꤜꤢꤪ꤭ ꤟꤣꤧ ꤠꤢꤧ꤭ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤟꤣꤧ꤯ ꤖꤢꤨꤖꤚꤢꤩ꤬ꤋꤢꤨ꤭ ꤗꤢ꤬ ꤢꤨ꤭ꤕꤢꤩ꤭ꤔꤣꤧ꤬ ꤢꤨ꤭ ꤞꤤꤑꤢꤩ꤭ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤞꤤꤑꤢꤩ꤭ ꤒꤢꤦꤖꤢꤧ ꤖꤢꤩ꤭ꤒꤣ꤬ꤖꤚꤢꤩ꤬ ꤖꤢꤧ꤯ ꤚꤣꤧ꤬ ꤖꤢꤩ꤭ ꤗꤢ꤬ ꤢꤨ꤭ꤕꤢꤩ꤭ꤔꤣꤧ꤬ ꤢꤨ꤭ ꤞꤤꤑꤢꤩ꤭ ꤒꤣ꤬ꤖꤚꤢꤩ꤬꤮ ꤒꤥ꤬, ꤞꤤꤑꤢꤩ꤭ ꤒꤢꤦꤖꤢꤧ ꤖꤢꤨꤖꤚꤢꤩ꤬ꤋꤢꤨ꤭ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤖꤢꤨꤖꤚꤢꤩ꤬ꤋꤢꤨ꤭ ꤔꤝꤢꤓꤢꤧ꤬ ꤜꤢꤨ꤭ ꤘꤣ ꤢ꤬ ꤊ꤫ꤢꤦ꤬ ꤘꤣꤧꤜꤥ꤭ ꤕ꤫ꤢꤩ꤬ ꤜꤢꤨ꤭ ꤕꤢ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯”

ꤜꤢꤨꤊꤢ꤬ 10:22 ပူးပေါင်းရင်းမြစ်များ

มัทธิว 11:27

เร๊อ จอแปแหร่ เหย่ซู่ เฮ๊ เหย่ซี เน๊อ, “แวเพ เด๊อะตาลอ เฮ๊อ แว เตปว๋า เต๊อะเจ่อ เฮ๊อ. แกแย ซิเง แว เตเพร๊โต่, ซิเงตื๊อแพ๊ แวเพ จอแปแหร่ เตเพรเพร แพ๊” เร๊อ แกแย เด๊อ อา ซิ เง เพ จอแปแหร่ เนอหม่า ตื๊อแพ๊ อา พู๊ เพรคู เน๊อ แกแย เด๊อพู๊ คู นว๊า แถ่ลู เด๊อ อา เก่ เด๊อะโล เป่ ลู เนอ เต๊เห่ แพ๊.

ꤛꤥ꤭ꤟꤢ꤬ 1:18

อู แม๊เถอะน๊อ จอแปแหร่ เตเพร่ว โต่ ตื๊อดื่อเร๊อ, อาพู๊คู โอ่ตื๋อ เตเพรเออ, อา หม่า จอแปแหร่ เฮ๊อเฮ๊อ เร๊อ อา โอ่เต่อเกอ เร๊อ อาเพ เออ เด๊อะโลแถ่เฮ๊อ เป่ เร๊อ จอแปแหร่ เฮ๊อ.

ꤛꤥ꤭ꤟꤢ꤬ 10:15

อาแซ่เน๊อ เนอเฮ๊อ, แวเพ ซิเง แว เร๊อ แว ซิเง แวเพ, เร๊อ แว เด๊อะแลแก แว ซิปล่อ เด๊อ แว ซิหมิ เต๊เห่ อาเง.

ยอห์น เนอบ่า ต๊าบ่า 1:9

แกแย เด๊อ อา โอ่หม่าโอ่กลอ เกออู เด๊อ ครี๊ อา เตอิซว๊าอี๊แส่ อากู โต่, เร๊อ อา ฉู่โนเล๊อ โป่ อา เตอิซว๊าอี๊แส่ เต๊เห่ เด๊อ ครี๊ อา เตอิซว๊าอี๊แส่ อากู เต๊เห่เนอ, จอแปแหร่ โอ่เกอ เร๊อ เหย่ซี โต่. แกแย เด๊อ อา โอ่หม่าโอ่กลอ เด๊อ ครี๊ อา เตอิซว๊าอี๊แส่ อากู เต๊เห่เนอ, เพเร๊อพู๊ ซิเนอลอ เก่ โอ่เกอ เร๊อ เหย่ซี แพ๊.

โครินธ์ เนอบ่า ต๊าบ่า 4:6

เบ๊อะจอแปแหร่ แบ๊แล เตล๋อ ปลี เบ๊อะเนอ, อา เฮ๊ เน๊อ, “เตคี๊ เก่ ซ๊อซื๊อ ตาพา จว๊าแก เร๊อ เตลี เก่ โอ่โลแถ่ ดื่อ นี๋,” อา เฮ๊ ฮู๊เนอ. จอแปแหร่ เมโท เป่ เกอดื่อ เฮ๊อ เป ฮู๊เนอ เฮ๊อ. เบ๊อะเป ซิเง แต่ล๋าย ครี๊ โต่ เบ๊อะเนอ, เป ซิปล่อ เออ อา คี๊ตาปา แพ๊ หม่าแน๊เรอ จอแปแหร่ เมลีกา เป่ เป ซิปล่อ เฮ๊อ. แซ่ฮู๊ เป เก่ ซิเงโปลแร๊ จอแปแหร่ อา เตลีเตเตเค เด๊อ อา เด๊อะโลแถ่ แฮเง เร๊อ ครี๊ เออเต๊เห่เนอ, อา หม่า เพร เด๊อ อา อิชีลีแถ่ เป่ เป ซิปล่อ อา เตเตเน เต๊เห่ เตเพร เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:20

แซ่ฮู๊ เป เก่ ซิเง เกอดื่อ อู จอแปแหร่ เด๊อ อาโต เออเตเพรเนอ, เป ซิเงเฮ๊อ เร๊อ จอแปแหร่ อาพู๊คูเออ แฮ เด๊อะ ซิเงโปล เป่ เฮ๊อ. เป เฮ๊อ. เป โอ่ เด๊อ จอแปแหร่ เด๊อ อาโต เออเตเพร เร๊อ อาพู๊คู เหย่ซู่ครี๊ เออเตเพร อากู เฮ๊อ. อา หม่า จอแปแหร่ เด๊อ อาโต เตเพร, โท๊โต่ จอแปแหร่ เด๊อ อา เด๊อะ อู ซิปล่อเซอเพร ตูจูเพร เตเพร.

ꤛꤥ꤭ꤟꤢ꤬ 17:26

แซ่ฮู๊ เน เตโม แวเออ เก่ โอ่ เด๊อ เหย่ซี อากู, โท๊โต่ แซ่ฮู๊ แว เก่ โอ่เกอ เด๊อ เหย่ซี อากู อาเงเนอ, แว เด๊อะซิเง เป่เฮ๊อ เหย่ซี เร๊อ เน, เร๊อ แว เก่ เด๊อซิเง เป่แฮ เป่ โป่ เหย่ซี เร๊อ เน ปา,” แบ่เจ่ เหย่ซู่ กุยจ๊อเบ เร๊อ อา เฮ๊ ฮู๊เนอ.

ꤛꤥ꤭ꤟꤢ꤬ 17:2

เมเตเฮ๊เรอ แซ่ฮู๊ ล๋อ แกแย เด๊อ เน เด๊อะ แว เต๊เห่ เก่ พย๊าหนิ ซิปล่อเซอเพร ตูจูเพร อาเงเนอ, เน เด๊อะ โทลอเฮ๊อ แว เตเตอเรอฉว่าชอ เด๊อ แว เก่ เป๊อ ลอ แกแย เออเต๊เห่ เฮ๊อ.

มัทธิว 28:18

เร๊อ แบ่เจ่ เหย่ซู่ แฮ เด๊อ เหย่ซี โอ่ เร๊อ อา เฮ๊ เหย่ซี เน๊อ, “เตอเรอฉว่าชอ เด๊อ ม๊อขุ เบ่เบ่, เด๊อ เห่ขุเออเนอ เบ่เบ่, อู เด๊อะ ลอเฮ๊อ เน๊อ แว เฮ๊อ.

ꤛꤥ꤭ꤟꤢ꤬ 13:3

แบ่เจ่ เหย่ซู่ ซิเงดื่อเฮ๊อ เร๊อ อาเพ เด๊อะตา โทลอเฮ๊อ ลู เตโพรเตเตอเรอ ฉว่าชอ เด๊อ เตล๋อ ปลี อาขุ เฮ๊อ. อา ซิเง เร๊อ อา โอ่ เด๊อ จอแปแหร่ โอ่แฮ เร๊อ อา เก่ กาคยา คยาแซ๊ เด๊อ จอแปแหร่ อา โอ่ ปา.

ꤛꤥ꤭ꤟꤢ꤬ 3:35

เพ จอแปแหร่ โมเร๊อ อาพู๊คู เร๊อ อา เด๊อะตาลอ ลู เตปว๋า เต๊อเจ่อ เด๊อ อา กู๊ยากู เฮ๊อ.

ꤟꤤꤙꤚꤢꤨ 2:8

เน นอเป๊อตี๊หรี่หนิ เหย่ซี ล๋อ ปลี,” อา เฮ๊ ฮู๊เนอ. เบ๊อะจอแปแหร่ นอเป๊อเฮ๊อ เตล๋อ ปลี เน๊อ เหย่ซี อาเคปาเนอ, เตเด๊อ อา เป๊อเต่อโต่ เนอ อาโอ่ แก ปา เตอเจ๋อ โต่ เฮ๊อ. หม่าแน๊เรอ กู๊แหน่เค เออเนอ เป แม๊เถอะแต่ลา แกแย เห่ขุพู๊ เป๊อลอแต่ลา เตล๋อ ปลี โต่.

เอเฟซัส 1:21

ล๋อ เพรเป๊อเต เด๊อ ม๊อขุ เต๊เห่, ล๋อ ม๊อขุ อา เตอเรอฉว่าชอ เต๊เห่, ล๋อ ม๊อขุ อา เตโพรเตอเรอ เต๊เห่ เร๊อ ม๊อเล อาแบ่เจ่ เออเต๊เห่ ล๋อ ปลี อาขุเนอ, ครี๊ ทวาดุเล๊อ ล๋อ ปลี เด๊อ เหย่ซีขุ เฮ๊อ. มีลาดุมีลาทู เออเนอ, มุย เด๊อ อู เก่ โป๊แถ่ อา เออตือทือ เนอเบ่เบ่, เด๊อคยาตือทือ ปา เนอเบ่เบ่, แถ่โล เล๊อ เจ๊อเฮ๊อ เร๊อ มุย เด๊อ อู เป๊อแถ่ อา เนอเต๊เห่ เจ๊อ เฮ๊อ.

โครินธ์ อาเหร่อเล๊อ ต๊าบ่า 15:24

โทปาเรอ, เห่ขุ เก่ ตื๊อดื่อแก ปา. เบ๊อะเนอเค ปา, ครี๊ เก่ เมเป่แก ลอ ล๋อ เพรเป๊อเต เต๊เห่, เตโพร เต๊เห่ เร๊อ เตเตอเรอฉว่าชอ เนอเต๊เห่ ปา. เร๊อ อา เก่ เด๊อะตาแก เทอเก่เออ เด๊อ เพ จอแปแหร่ อา กู๊ยากู ปา.

ꤛꤥ꤭ꤟꤢ꤬ 17:10

ล๋อ อา โอ่ เร๊อ แว เต๊เห่เนอ, เนเต่ เฮ๊อ, เร๊อ ล๋อ อา โอ่ เร๊อ เน เต๊เห่เนอหม่า, แวเต่ เฮ๊อ. แว พย๊าหนิ แฮเง เตเตอเรอดุ เตอเรอทู เด๊อ เหย่ซีโอ่.

ꤛꤥ꤭ꤟꤢ꤬ 17:5

เพ๋, ฮู๊ แว เตอเรอดุ เตอเรอทู โอ่เต่อเกอ เร๊อ เน เด๊อ เห่ขุ ทวาแถ่ แต่ล๋ายโต่ ปา เบ๊อะเนอ, เด๊อะคยามอ แว เตอเรอดุ เตอเรอทู เออเนอ เด๊อ เนเบ๊เส่เง กู๊แหน่เออ แต๋.”

มัทธิว 11:25

เบ๊อะเนอโตโพ๊ แบ่เจ่ เหย่ซู่ เฮ๊ จอแปแหร่ เน๊อ, “เก๋อ ม๊อขุ แบ่เจ่, เห่ขุ แบ่เจ่, แวเพ จอแปแหร่, แว เฮ๊บุ๊ยเฮ๊เตอเรอ เน, เต เด๊อ เน แด่โอ๊ แด่บี๊ เป่ เพรลีแมลีเพ๊ เต๊เห่ เนอ เพรแม๊ ตูปลู ซิเงเตพู๊ เต๊เห่เนอ, เน เด๊อะโลแถ่ เป่เฮ๊อ เร๊อ แกแย เด๊อ อา เตเนปีตี๊ อาเหน่ แซ่เน๊อ เป๊เจ่พู๊ เนอเต๊เห่เฮ๊อ อาขว่าอาคยา, แว เฮ๊ บุ๊ย เฮ๊ เตอเรอ แถ่เน”