ꤜꤢꤨꤊꤢ꤬ 1:35 - ลีเทส่อพ๊าอาเซ เร๊อ เห่ขุทวาลู๊

³⁵ เร๊อ เตเน่วม๊อขุ เฮ๊ฉื่อ อา เน๊อ, “แหย่โยบูโพ๊แบ่เจ่ เก่ แฮแล ดื่อ เด๊อ เนลู ปา. เร๊อ เตดุเตทู ตื๊อดื่อ จอแปแหร่ อา เตโพรเตเตอเรอ เก่โอ่เกอดื่อเนปา. เร๊อ เป๊เจ่พู๊เด๊ออาเกเรโอ่ เป๊เจ่ ปา เออเตเพรเนอ อาโพ๊แปละบูโพ๊ปา. เร๊อ อู เก่ เอ๊ ลู เร๊อ จอแปแหร่ อาพู๊คู ปา.

Eastern Kayah Shadaw Dialect

³⁵ ꤚꤣꤧ꤬ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤟꤢꤩꤏꤢꤦ꤬ ꤢ꤬ ꤔꤢꤧ, “ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤊ꤫ꤢꤦ꤬ ꤟꤢꤧ꤭ꤜꤢꤧ꤬ ꤘꤢꤦ꤬ ꤘꤣ ꤔꤢꤧ꤬ꤜꤥ꤬ ꤕꤢ꤭ ꤚꤣꤧ꤬ ꤘꤣ ꤒꤢꤩ꤬ꤘꤢꤨ꤬ꤒꤢꤩ꤬ꤓꤢꤨ꤭ ꤒꤣꤧ꤬ꤘꤢꤦ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤕꤢ꤭ ꤚꤣꤧ꤬ ꤖꤢꤨꤡ꤫ꤢꤩ꤬ꤟꤢꤨ ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤟꤢꤧ꤭ꤥ꤬ ꤖꤢꤨꤡ꤫ꤢꤩ꤬ꤜꤢꤧ꤬ ꤕꤢ꤭꤯ ꤘꤣ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤖꤢꤨꤡ꤫ꤢꤩ꤬ꤟꤢꤨ ꤘꤣ ꤢ꤬ꤖꤥꤢ꤬ꤏꤣꤧ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬ ꤢꤨ꤭ ꤊ꤫ꤢꤦ꤬ ꤢꤩ ꤜꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤕꤢ꤭꤯

ꤜꤢꤨꤊꤢ꤬ 1:35 ပူးပေါင်းရင်းမြစ်များ

มัทธิว 1:18

เหย่ซู่ครี๊ เนอ อา ตาแล โอ่เป๊เจ่แล ฮู๊เต เฮ๊เนอหม่า, คูโยเซฟ เนอ อา แฮ แด๊เฮอ เด๊อะม๊า โทเฮ๊อ เหย่ซู่ครี๊ อาโหมะ มารีย์ เด๊อ อา เก่ พย๊า ลู. หม่าแน๊เรอ เบ๊อะอา พย๊า แต่ล๋าย ลู โต่ เบ๊อะเนอ, จอแปแหร่ เด๊อะโหมะดอแถ่ ลู เร๊อ แหย่โยบู๊โพ๊ แบ่เจ่.

ꤛꤥ꤭ꤟꤢ꤬ 1:49

คูนาธานาเอล เฮ๊ฉื่อ ลู เน๊อ, “รับบี เน หม่า จอแปแหร่ อาพู๊คู หม่าแหน่ เฮ๊อ, เน หม่า อิสราเอล อาคุ๊ยจ๊อแผ่ หม่าแหน่ เจ๊อ เฮ๊อ.”

ꤛꤥ꤭ꤟꤢ꤬ 1:34

เตทวาแถ่ ฮู๊เออเนอ, แว แม๊เถอะ โทเฮ๊อ อาขว่าอาคยา, แว เฮ๊โฉ่จ๊อ เป่เฮ๊อ ซี เร๊อ อา หม่า จอแปแหร่ อาพู๊คู หม่าแหน่ เตเพร เฮ๊อ.”

ꤚꤥꤗꤢꤩ꤬ 1:4

เด๊อ แหย่โยบูโพ๊ แบ่เจ่ อาขว่าอาคยา, เร๊อ เบ๊อะจอแปแหร่ เมเซอเพร กาคยา เป แบ่เจ่ เหย่ซู่ครี๊ เด๊อ เตเซอ เร๊อ อา เตโพรเตเตอเรอ เบ๊อะเนอ, อา เด๊อะโล เฮ๊อ ลู เร๊อ อา หม่า จอแปแหร่ อาพู๊คู เตเพร หม่าแหน่ เฮ๊อ.

มัทธิว 1:20

อา เตเน ฮู๊เนอ ตื๊อดื่อเรอ, เบ๊อะอา โอ่เมอ เบ๊อะเนอ, อา โอ่เมอแหม่ แม๊เถอะ แบ่เจ่ จอแปแหร่ อา เตเน่วม๊อขุ เตเพร กาปย๊า เด๊อะโอ่โล เป่ ลู เร๊อ อา เฮ๊ ลู เน๊อ, “เพดาวิด อาพู๊คู คูโยเซฟ, เบ่ยอเบ่สี่ แต่ เด๊อ เน เก่ พย๊า เหมาะมารีย์ เออเนอ แต่เหม่ นี๋, หม่าเมเตเฮ๊เรอ, อา โหมะดอ เนอหม่า จอแปแหร่ อา แหย่โยบู๊โพ๊ แบ่เจ่ เด๊อะโหมะดอแถ่ ลู แพ๊.

ꤗꤢ꤬ꤊꤢꤨ 1:24

เร๊อ อา เอ๊โทแถ่ เน๊อ, “เก๋อ แกแย วีนาซาเร็ธพู๊ เหย่ซู๋, เน ซิหยื่อ เม เป ฮู๊เต? เน เตเร แฮ เมปย๊าเมหลู่ เมเซอเมเหม่ แกลอเฮ๊อ เป ปาแอ? เน หม่า อูเป เนอ หม่า แว ซิเง แพ๊, เน หม่า จอแปแหร่ อาพู๊คู บูโพ๊ เตเพร.”

มัทธิว 27:54

เบ๊อะโรมัน เกลอฮู๊เตเย กู่กล๊อ เออเตเพร เร๊อ แกแย เด๊อ อา โอ่ป่อแม๊เร๊อ เหย่ซู่โล เออเต๊เห่ แม๊เถอะ เตเน่วท๊อดี เร๊อ ล๋อ เตทวาแถ่ อาเหน่ เออเต๊เห่ เบ๊อะเนอ, เหย่ซี ซิอิเช เร๊อ อา เฮ๊ แลแค เน๊อ, “อา หม่า จอแปแหร่ อาพู๊ หม่าแหน่ แหน่ เฮ๊อ.”

ꤟꤤꤙꤚꤢꤨ 4:15

เป เพรหลู่แต กู่กล๊อดุเล๊อ เออเตเพรเนอ, อา ซิเง เป เตอ๊าเจ่เหร่เจ่ เต๊เห่ เร๊อ อา ซิยอ เกอเร๊อ เป. เมเตเฮ๊เรอ อา แม๊เถอะ ป่อชิเต่อเบ่ น๊อเฮ๊อ เน๊อ เตอิลออี๊โหล่ ปว๋า เต๊อเจ่อ ฮู๊ เป แม๊เถอะ ป่อชิเต่อเบ่ เออเนอ หม่าแน๊เรอ อา เมซื๊อเกอ เต โต่.

ꤜꤢꤨꤊꤢ꤬ 1:27

เตเน่วม๊อขุ แฮแด๊โล เป่เตหรี่เตแก เร๊อ เพรเหมาะพู๊เส่ เด๊อ อามุย เร๊อ เหมาะมารีย์. เหมาะมารีย์ อา อ๊อแล โทเฮ๊อ เด๊อ อา เก่ พย๊า เร๊อ เพรคู เด๊อ อามุย เร๊อ คูโยเซฟ เออเนอ เตเพร เฮ๊อ คูโยเซฟ หม่า คุ๊ยดาวิด อากลุยแล ตากาแล เตเพรเฮ๊อ.

ꤊꤢ꤬ꤜꤢ꤬ꤒꤤ 2:20

เออเนอหมา อา แซ่เฮ๊อ เน๊อ แว เซอ เต่อเกอ เร๊อ ครี๊ เด๊อ อี๊ถื่อดีเต่ อาลู เฮ๊อ. แว โอ่เซอเพร หม่าปาโต่ เฮ๊อ หม่าแน๊เรอ ครี๊ โอ่เซอเพร เฮ๊อ เด๊อ แวกู เฮ๊อ. เตโอ่เซอเพร เด๊อ แว โอ่เซอเพร กู๊แหน่ เออเนอหมา หม่าแพ๊ แว โอ่เซอเพร เด๊อ เตหยื่อเอ่ จอแปแหร่ อาพู๊คู เด๊อ อา โมเร๊อ แว เร๊อ อา เด๊อะแลแก อา ซิปล่อเซอเพร เด๊อ แวเง เออเนอ เตเพร อาคยา แพ๊.

เพรโด่แนพู๊ เต๊เห่ 8:36

เร๊อ เบ๊อะเหย่ซี เออซิเนอ จว๊า เป่แฮ โป่ เด๊อ เง เบ๊อะเนอ, เหย่ซี จว๊าโต่ เด๊อ เทอเหล่โอ่ โต๊โผ่. เออโตโพ๊เรอ แกแย ทวา กู่กล๊อ เออเตเพรเนอ อา เฮ๊ ลู เน๊อ, “เทอ โอ่ เบ๊อะเออ ว๊า! แว เก่ ซิหยื่อ เจ แวเหน่ เร๊อ เทอ เฮ๊เนอหม๋า เตเมดี๊แด ตาตือ แวแกล๊ โอ่ เต๊อเจ่อเจ่อ แอ?”

ꤛꤥ꤭ꤟꤢ꤬ 20:31

หม่าแน๊เรอ อู ราโอ่ ลี เออต๊าบ่า หม่า แซ่ฮู๊ ซี เก่ หยื่อเอ่ เร๊อ เหย่ซู่ หม่า เพรเมแลเปล๊กา เมสิยาห์, อา หม่า จอแปแหร่ อาพู๊คู เตเพร, เร๊อ เด๊อ ซี หยื่อเอ่ ลู อาขว่าอาคยา, เร๊อ ซี เก่ พย๊าหนิ ซิปล่อเซอเพร อาเงเนอ, อู รา เป่ ซี แพ๊.

ꤗꤢ꤬ꤊꤢꤨ 1:1

เออ หม่า เตซิครือมีลา อา แกช๊า เด๊อ อา แด๊โฉ่โล จอแปแหร่ อาพู๊คู เหย่ซู่ครี๊ อาหรี่อาแก.

เอเฟซัส 2:3

เด๋อ อาเหร่อเค เนอหม่า, เป โอ่เซอเพร แซ่เน๊อ เหย่ซี เนอเฮ๊อ. เป โอ่เซอเพร ฮู๊ เป่ ซิปล่อ เหล่โกล ซิหยื่อ เมเตซื๊อ เนอเต๊เห่ แพ๊. เป จว๊าเมโม เปเหน่ เร๊อ เปเหน่กล่อ สุ่ยเทอ เหล่โกล ซิหยื่อ มู๊แหม่ เนอเต๊เห่ เร๊อ เหล่เตเน มู๊แหม่ เต๊เห่. จอแปแหร่ โตเบ่เมจากาคยา เกอ เจ๊อ เป ฮู๊ เหย่ซี เนอ เจ๊อ.

มัทธิว 14:33

เบ๊อะเนออาเค แกแย โอ่ เด๊อ ส่อเกลอกู เนอเต๊เห่ จ๊อเบแถ่ แบ่เจ่ แบ่เจ่เหย่ซู่ เร๊อ อา เฮ๊ เน๊อ, “แน หม่า จอแปแหร่ อาพู๊คู เตเพร หม่าแหน่แหน่ เน เฮ๊อ.”

มัทธิว 4:3

เบ๊อะเนออาเค โลเน๊มูแหม่ กู่กล๊อ แฮ เด๊อ ลูโอ่ เร๊อ อา เฮ๊ ลู เน๊อ, “เน เก่ หม่า จอแปแหร่ อาพู๊ เตเพร เฮ๊เรอ, นอตาหล่อ เออเต๊เห่ เร๊อ นอทวาแถ่ อา เร๊อ ค๊อมู เนอ.”

ꤜꤢꤨꤊꤢ꤬ 1:34

เร๊อ เหมาะมารีย์ เฮ๊ฉื่อ เตเน่วม๊อขุ เน๊อ, “แว พู๊เส่ แพ๊เออ, แว เก่ โหมะดอ เร๊อ เก่ พู๊โอ่ แจ่ ฮู๊เต?”

ꤜꤢꤨꤊꤢ꤬ 1:36

เตเนโต่ดื่อ เน โป่แวโต๊โป่บู โหมะเอลีซาเบธ เนอ, อา โหมะเผระ ลาเฮ๊อ. อู เฮ๊ ลู เร๊อ อาโชพู๊ พู๊โอ่ แจ่ ปาโต่ เฮ๊อ ตื๊อดื่อเรอ, กู๊แหน่เออ อา โหมะดอ บาเฮ๊อ เลโซซว๊า เฮ๊อ.