ꤜꤢꤨꤊꤢ꤬ 1:32 - ลีเทส่อพ๊าอาเซ เร๊อ เห่ขุทวาลู๊

³² อา หม่า แกแย เด๊อ อาบุ๊ยดุอาเตอเรอทู เตเพร ปา เร๊อ อู เก่ เอ๊ อา เร๊อ เตดุเตทู ตื๊อดื่อ จอแปแหร่ อาพู๊คู เตเพร ปา. แบ่เจ่ จอแปแหร่ เก่ เด๊อ ทวา อา เร๊อ จ๊อแผ่ เตเพร พู๊ อากลุยแล ดาวิด เนอ ปา.

Eastern Kayah Shadaw Dialect

³² ꤢ꤬ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤙꤝꤤꤘꤢꤨ꤬ꤢ꤬ꤒꤣꤧ꤬ꤚꤣꤧ꤭ꤓꤢꤨ꤭ ꤒꤣ꤬ꤖꤚꤢꤩ꤬ ꤕꤢ꤭ ꤚꤣꤧ꤬ ꤢꤨ꤭ ꤊ꤫ꤢꤦ꤬ ꤢꤩ ꤢ꤬ ꤔꤢꤧ ꤒꤢꤩ꤬ꤘꤢꤨ꤬ꤒꤢꤩ꤬ꤓꤢꤨ꤭ ꤒꤣꤧ꤬ꤘꤢꤦ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤒꤣ꤬ꤖꤚꤢꤩ꤬ ꤕꤢ꤭꤯ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧ ꤓꤝꤢ꤭ ꤢ꤬ ꤔꤢꤧ ꤡꤢꤪꤖꤢꤧ꤬ ꤒꤣ꤬ꤖꤚꤢꤩ꤬ ꤟꤢꤨ ꤢ꤬ꤊꤜꤝꤤ꤭ꤢ꤬ꤜꤢꤧ꤭ ꤋꤢꤨ꤭ꤘꤢ꤬ꤠꤤ꤬ ꤔꤣꤧ꤬ ꤕꤢ꤭꤯

ꤜꤢꤨꤊꤢ꤬ 1:32 ပူးပေါင်းရင်းမြစ်များ

ꤜꤢꤨꤊꤢ꤬ 1:35

เร๊อ เตเน่วม๊อขุ เฮ๊ฉื่อ อา เน๊อ, “แหย่โยบูโพ๊แบ่เจ่ เก่ แฮแล ดื่อ เด๊อ เนลู ปา. เร๊อ เตดุเตทู ตื๊อดื่อ จอแปแหร่ อา เตโพรเตเตอเรอ เก่โอ่เกอดื่อเนปา. เร๊อ เป๊เจ่พู๊เด๊ออาเกเรโอ่ เป๊เจ่ ปา เออเตเพรเนอ อาโพ๊แปละบูโพ๊ปา. เร๊อ อู เก่ เอ๊ ลู เร๊อ จอแปแหร่ อาพู๊คู ปา.

ꤗꤢ꤬ꤊꤢꤨ 5:7

เร๊อ อา เอ๊โทแถ่ เร๊อ อา เฮ๊ เน๊อ, “เตดุเตทู ตื๊อดื่อ จอแปแหร่ อาพู๊ เหย่ซู๋, เน เตเร แฮเม แคร๋ แว อิเต? แว กุยซิยอ เจ๊อ เน เด๊อ จอแปแหร่ อา เป๊เส่เง เนอ, เมจาเมจือ แต่ แว แต่เหม่ นี๋.”

เตเด๊อะโลแถ่ 3:7

“ราจว๊า ลีเออ เด๊อ วีฟีลาเดลเฟีย เพรหยื่อเอ่ตู๊หมู่ตอกล๊อ อา เตเน่วพู๊ อาโอ่ เนอ,” อา เฮ๊ แว ฮู๊เนอ. เร๊อ อา เฮ๊ เน๊อ, “เตหรี่เตแก เออเนอหม่า อา แฮ เด๊อ เพร เด๊อ อาบูโพ๊ อาจ๊ออาเต เออเตเพร อาโอ่. อา ปื่อหม่าโอ่ หนิ คุ๊ยดาวิด อาชอถิ. เบ๊อะอา บ๊าโม กู่ดา เบ๊อะเนอ, อู เมบี๊แจ่ เตเพร่ว โต่. เร๊อ เบ๊อะอา เมบี๊ เบ๊อะเนอ, อู บ๊าโมแจ่ เตเพร่ว โต่.

ꤜꤢꤨꤊꤢ꤬ 1:76

เพเศคาริยาห์ เฮ๊ อาพู๊ เน๊อ, “แวพู๊คู, อู เก่ เอ๊ เน เร๊อ เตดุเตทู ตื๊อดื่อ จอแปแหร่ อาเพรโพร เตเพรปา, เมเตเฮ๊เรอ เน เก่ แฮ ตี๊หรี่แตเเร หนื่ออื่อ เหร่อ เป่ แบ่เจ่ แกล๊เหล่จว๊า อาเง ปา.

มัทธิว 28:18

เร๊อ แบ่เจ่ เหย่ซู่ แฮ เด๊อ เหย่ซี โอ่ เร๊อ อา เฮ๊ เหย่ซี เน๊อ, “เตอเรอฉว่าชอ เด๊อ ม๊อขุ เบ่เบ่, เด๊อ เห่ขุเออเนอ เบ่เบ่, อู เด๊อะ ลอเฮ๊อ เน๊อ แว เฮ๊อ.

ꤚꤥꤗꤢꤩ꤬ 1:4

เด๊อ แหย่โยบูโพ๊ แบ่เจ่ อาขว่าอาคยา, เร๊อ เบ๊อะจอแปแหร่ เมเซอเพร กาคยา เป แบ่เจ่ เหย่ซู่ครี๊ เด๊อ เตเซอ เร๊อ อา เตโพรเตเตอเรอ เบ๊อะเนอ, อา เด๊อะโล เฮ๊อ ลู เร๊อ อา หม่า จอแปแหร่ อาพู๊คู เตเพร หม่าแหน่ เฮ๊อ.

เพรโด่แนพู๊ เต๊เห่ 2:30

โพดาวิด หม่า เพรโพร เตเพร. จอแปแหร่ อ๊อแล โทเฮ๊อ ลู เน๊อ เด๊อ อากลุยอาแล อาเกล เตเพรเนอ, จอแปแหร่ เก่ นอทวาแถ่ ลู เน๊อ คุ๊ย เด๊อ อากู๊เหล่ เออเนอ ปาเนอ, อา ซิเง แพ๊.

มัทธิว 1:1

ลีเออหม่า อา ราม๊าราแด เหย่ซู่ครี๊ อากลุยอาแล เด๊อ อา จิจือตา แฮเง ลู เต๊เห่ อาหรี่อาแก. อา หม่า อากลุยอาแล จิจือตาแล เด๊อ คุ๊ยดาวิด เร๊อ เพอับราฮัม.

เพรโด่แนพู๊ เต๊เห่ 16:17

อา ครวาจว๊าเกอ คูเปาโล เร๊อ เป เต๊เห่ เด๊อคยา เร๊อ, อา เอ๊โทแถ่ เน๊อ, “เพรคู เออเต๊เห่ หม่า จอแปแหร่ เด๊อ อาดุอาทู ตื๊อดื่อ เออเตเพร อาหลู่ เต๊เห่ เฮ๊อ. อา แด๊โฉ่โด่แน โล เป่ ซี เน๊อ จอแปแหร่ เมแลเปล๊ กา ซี อาหรี่อาแก เฮ๊อ.”

เพรโด่แนพู๊ เต๊เห่ 2:36

“ฮู๊เนอ อาขว่าอาคยา, อิสราเอล อากลุยอาแล ล๋อ ปลี ซี๋, ซี เบ่ ซิเง ตาเต เร๊อ เหย่ซู่ เด๊อ ซี มือเซอ แถ่ อา เด๊อ อี๊ถื่อดีเต่ลู เออเตเพรเนอ, จอแปแหร่ เด๊อะทวาแถ่ เฮ๊อ ลู เร๊อ อา หม่า แบ่เจ่ หม่า อาหม่าหม่า, ครี๊ หม่า อาหม่าหม่า เฮ๊อ,” คูเปโตร เฮ๊ ฮู๊เนอ.

ꤛꤥ꤭ꤟꤢ꤬ 12:34

แกแย เบ๊หมู่ เฮ๊ฉื่อ เน๊อ, “เป หนิโฮน๊อ เตซว๊าเตแส่ เฮ๊ เร๊อ ครี๊เนอ อา เบ่ โอ่เซอเพร ตูจูเพร ว๊า, เร๊อ เน จว๊า เฮ๊โต่ เน๊อ, ‘อู เบ่ มือเซอแถ่ แกแยพู๊คูเออ เด๊อ อี๊ถื่อดีเต่ลู’ ฮู๊เต? ‘แกแยพู๊คู’ หม่า อูเป?” อา เฮ๊ แลแค ฮู๊เนอ.

ꤛꤥ꤭ꤟꤢ꤬ 6:69

เป หยื่อเอ่ เร๊อ เป ซิเง เร๊อ เน หม่า จอแปแหร่ อา แกแยบูโพ๊พู๊ เตเพร, เร๊อ อา นอแฮแล เน เฮ๊อ.”

ꤗꤢ꤬ꤊꤢꤨ 14:61

หม่าแน๊เรอ เหย่ซู่ โอ่แด๊ต๊ากลว่า เป อู แพ๊, อา เฮ๊เบ่ กาคยาฉื่อ อู ตือมื๋อ โต่. เร๊อ เพรหลู่แต กู่กล๊อดุเล๊อ เออเตเพร แด๊เฮอ โป่ คยาแซ๊ ลู เน๊อ, “เน หม่า จอแปแหร่ เด๊อ อู ถู่เซ๊แถ่หนิ ลู เออเตเพร อาพู๊เพรคู ครี๊ เด๊อ อา เมแลเปล๊ อู เนอ เตเพร แอ?”

เพรโด่แนพู๊ เต๊เห่ 7:48

“หม่าแน๊เร๊อ จอแปแหร่ เด๊อ อาดุเล๊อ เออเตเพรเนอ หี่ เด๊อ แกแย เม เร๊อ อากู๊ขุ เนอ อา โอ่โต่. ฮู๊ เพรโพร เตเพร เฮ๊หนื่ออื่อ เน๊อ,

มัทธิว 3:11

“เด๊อ ซี ถู่แหล่แต๊แกละ ซีซิปล่อ อาขว่าอาคยา, แว เจ ซี เร๊อ เทอ. หม่าแน๊เรอ แกแย โอ่เตเพร เด๊อ อา เตอเรอฉว่าชอ เล๊อ เจ๊อ เน๊อ แว เตเพรเนอ อา เก่ แฮ เด๊อ แวคยา ปา. อา เก่ เจ ซี เร๊อ แหย่โยบูโพ๊ แบ่เจ่ เร๊อ หมิ ปา. แว กู๊กลอแพ๊ อาแข่แด๊พ๊า เน๋อ อา ต่าเร๊อ แว โต่.

ꤜꤢꤨꤊꤢ꤬ 6:35

โตเบ่ เมหนิ ฮู๊เนอ โต่! โมหนิเรอ แกแย เด๊อ อา ซิเถ่ ซี เนอเต๊เห่ เร๊อ เมแร๊ เหย่ซี เนอ, เด๊อะบ่อ เต เร๊อ แม๊ชือ พย๊าหนิ กาคยา เต เตเต๊อเจ๋อ แต่เหม่. ซี เก่ เมฮู๊เนอ เฮ๊เรอ จอแปแหร่ เก่ เด๊อะบุ๊ยเด๊อะเตอเรอ ตาป่อตาเป เจ๊อ ซี ปา. ซี เก่ เด๊อะบ่อ อู เร๊อ ซี เก่ แม๊ชือ พย๊าหนิ กาคยา คยาแซ๊ เต เตอเจ๋อ โต่ เฮ๊เนอหม่า, อู เก่ แม๊เถอะ ซี เร๊อ เตดุเตทูตื๊อดื่อ จอแปแหร่ อาพู๊ ซีเต๊เห่ ปา. เมเตเฮ๊เรอ จอแปแหร่ เมแร๊ฉื่อ แกแย เด๊อ อา ซิเง ฉื่อ เกอ อูบุ๊ยอูเตอเรอ โต่ เนอเต๊เห่ เร๊อ แกแย เด๊อ อาจาอาจือตื๊อดื่อ ดื่อเง เนอเต๊เห่.

ꤜꤢꤨꤊꤢ꤬ 3:16

ฮู๊เนอ อาขว่าอาคยา, คูยอห์น เฮ๊ เหย่ซี ปว๋า เตเพร เน๊อ, “แว เจ ซี เร๊อ เทอ แพ๊, หม่าแน๊เรอ เพร เด๊อ อา เตอเรออาโพร ฉว่าชอ เล๊อเล๊อ เจ๊อ เร๊อ แว เตเพรเนอ อา เก่ แฮ ปา. แว ฉิโล๊ เป่แพ๊ อา แข่แด๊พ๊า เปลอ แพ๊ เน๋อ แว ต่า เร๊อ อา โต่. อา เก่ แฮ เจ ซี เร๊อ แหย่โยบูโพ๊แบ่เจ่ เร๊อ หมิ ปา

ꤜꤢꤨꤊꤢ꤬ 1:15

อา หม่า อา เก่ ทวา ดุ เด๊อ จอแปแหร่ อา เป๊เส่เง ปา เตเพร. แท๊ทือเส่เทอแย เบ่เบ่, เทอเผร่ เบ่เบ่ อา โตเบ่ เอ่โอหนิ เตอเจ๋อ โต่. อา เก่ เล๊อบา เร๊อ แหย่โยบูโพ๊แบ่เจ่ เด๊อ อา โหมะฮ๊อกู เบ๊อะเนอ เจ๊อ ปา.

มัทธิว 12:42

เบ๊อะเมจากาคยา อาม๊อเนอ ปา เตอเนอเนอ, เก่ เด๊อ ชิแล ตากยา อาคุ๊ยโหมะ เหมาะเชบา เก่ ก๊อถ่อ เต่อเกอ เร๊อ แกแย เด๊อ อา เซอเพร กู๊แหน่เออ ตือทือ เต๊เห่ ปา, เร๊อ เก่ แด่เตซื๊อ เด๊อ เหย่ซี เออเต๊เห่ อาเหน่ลู ปา, เมเตเฮ๊เร๊อ แซ่ฮู๊ คุ๊ยโหมะ เหมาะเชบา โอ่เด๊อ อายา อาแฮ ซิหยื่อหนิดา คุ๊ยซาโลมอน อา เตอิซว๊าอี๊แส่ เตลีแม เออเต๊เห่ อาเงเนอ, อา โอ่ เจ๊อ เด๊อ เก่ ยา เด๊อ อาโร เต๊เก่ ตื๊อดื่อเรอ อา แฮ เจ๊อ. เร๊อ แวเฮ๊ ซี, แกแย เด๊อ อาดุเล๊อ เจ๊อ เน๊อ คุ๊ยซาโลมอน เนอ อา อาโอ่ เบ๊อะเออ เตเพร, หม่าแน๊เรอ ซี หยื่อเอ่โต่.