ꤛꤥ꤭ꤟꤢ꤬ 9:35 - ลีเทส่อพ๊าอาเซ เร๊อ เห่ขุทวาลู๊

³⁵ เบ๊อะเหย่ซู่ หนิโฮ เร๊อ อู เหว่เถ่แกเฮ๊อ แกแยเพ เป๊เส่คี๊ เออเตเพร เบ๊อะเนอ, แบ่เจ่ เหย่ซู่ จว๊าแม๊ปู แม๊เถอะ ลู เร๊อ อา เฮ๊ ลู เน๊อ, “เน หยื่อเอ่ แกแยพู๊คู แอ?”

Eastern Kayah Shadaw Dialect

³⁵ ꤙꤣꤧ ꤛꤢꤩ꤬ꤏꤛꤢꤨ ꤔ꤫ꤤ꤬ꤟꤥ꤭ ꤔꤢꤧ ꤢꤨ꤭ ꤠ꤫ꤢꤩ꤬ꤓꤢꤩ꤬ꤊꤢꤧ꤭ꤟꤣꤧ ꤊꤣꤧ꤬ꤛꤢꤧ꤭ ꤕꤣꤧꤞꤢꤩ꤬ꤋꤤ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤡꤝꤢꤗꤢꤧꤕꤢꤨ꤭ ꤗꤢꤧꤓ꤫ꤣꤧ꤬ ꤜꤢꤨ꤭ ꤚꤣꤧ꤬ ꤢ꤬ ꤟꤢꤩ ꤜꤢꤨ꤭ ꤔꤢꤧ, “ꤔꤢꤧ꤬ ꤛ꤫ꤢꤦ꤬ꤢꤩ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤟꤢꤧ꤭?”

ꤛꤥ꤭ꤟꤢ꤬ 9:35 ပူးပေါင်းရင်းမြစ်များ

ꤛꤥ꤭ꤟꤢ꤬ 20:31

หม่าแน๊เรอ อู ราโอ่ ลี เออต๊าบ่า หม่า แซ่ฮู๊ ซี เก่ หยื่อเอ่ เร๊อ เหย่ซู่ หม่า เพรเมแลเปล๊กา เมสิยาห์, อา หม่า จอแปแหร่ อาพู๊คู เตเพร, เร๊อ เด๊อ ซี หยื่อเอ่ ลู อาขว่าอาคยา, เร๊อ ซี เก่ พย๊าหนิ ซิปล่อเซอเพร อาเงเนอ, อู รา เป่ ซี แพ๊.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:13

เต เด๊อ แว รา เป่ ซี เออเนอหมา, แซ่ฮู๊ ซี เด๊อ อา หยื่อเอ่ จอแปแหร่ อาพู๊คู อามุย เออเต๊เห่ เก่ ซิเง เกอ เร๊อดื่อ ซีเหน่ เร๊อ ซี พย๊าหนิเฮ๊อ ซิปล่อเซอเพร ตูจูเพร แตแลเคร๊ เฮ๊อ. อาเงเนอเรอ, แว รา เป่ ซี แพ๊.

ꤛꤥ꤭ꤟꤢ꤬ 10:36

ฮู๊เนอเรอ เพ นว๊าแถ่ แว เร๊อ อา นอแฮแล แว เด๊อ เห่ขุเออ. เร๊อ เบ๊อะแว เฮ๊ เน๊อ, ‘แว หม่า จอแปแหร่ อาพู๊คู เตเพร’ เบ๊อะเนอ, ซี จว๊า เฮ๊โต่ แว เร๊อ แว เฮ๊ซื๊อ จอแปแหร่ ฮู๊เต?

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:20

แซ่ฮู๊ เป เก่ ซิเง เกอดื่อ อู จอแปแหร่ เด๊อ อาโต เออเตเพรเนอ, เป ซิเงเฮ๊อ เร๊อ จอแปแหร่ อาพู๊คูเออ แฮ เด๊อะ ซิเงโปล เป่ เฮ๊อ. เป เฮ๊อ. เป โอ่ เด๊อ จอแปแหร่ เด๊อ อาโต เออเตเพร เร๊อ อาพู๊คู เหย่ซู่ครี๊ เออเตเพร อากู เฮ๊อ. อา หม่า จอแปแหร่ เด๊อ อาโต เตเพร, โท๊โต่ จอแปแหร่ เด๊อ อา เด๊อะ อู ซิปล่อเซอเพร ตูจูเพร เตเพร.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:10

ฮู๊เนอเรอ แกแย เด๊อ อา หยื่อเอ่ จอแปแหร่ อาพู๊คู เออเต๊เห่เนอ, อา ซิเง ตาเต เจ๊อ เร๊อ จอแปแหร่ ข่าเฮ๊โล เออเนอหม่า อาโต หม่าแหน่ เจ๊อ. หม่าแน๊เรอ แกแย เด๊อ อา หยื่อเอ่ จอแปแหร่ โต่ เต๊เห่เนอ, อา เฮ๊ จอแปแหร่ เร๊อ แกแย แลโฮ, เมเตเฮ๊เรอ เด๊อ อา หยื่อเอ่ เกอ จอแปแหร่ ข่าเฮ๊โล เร๊อ อาพู๊คู อาหรี่อาแก เออเนอ โต่ อาขว่าอาคยา, อา เฮ๊ แลแค ฮู๊เนอ แพ๊.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:5

อูเป เตเพร เก่ เมเป่เบ๊ เห่ขุ อาเหล่โกล มู๊แหม่ เออเต๊เห่ เป? ตื๊อแพ๊ แกแย เด๊อ อา หยื่อเอ่ เร๊อ เหย่ซู่ เนอหม่า จอแปแหร่ อาพู๊คู เตเพร เนอเต๊เห่ เก่ เมเป่ ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:15

แกแย เตเพร เก่ เฮ๊โฉ่ เถ่โล เร๊อ เหย่ซู่ เนอ, จอแปแหร่ อาพู๊คู เตเพร เก่เฮ๊เนอหม่า จอแปแหร่ โอ่หม่าโอ่กลอ เฮ๊อ เด๊อ ลูเหน่กู เร๊อ อา โอ่หม่าโอ่กลอ เฮ๊อ เด๊อ จอแปแหร่ อากู เฮ๊อ.

ꤚꤥꤗꤢꤩ꤬ 10:20

เด๊อคยา เร๊อ เพรโพร อิสยาห์ เฮ๊คือเฮ๊ฮา เล๊อโป่ เจ๊อ เร๊อ อา เฮ๊ เน๊อ, “แกแยยิวพู๊ หม่าโต่ เด๊อ อา แอ๊จื๊อ แม๊ปูเกอ แว โต่ เต๊เห่เนอ, อา แม๊เถอะเฮ๊อ แว เฮ๊อ, เร๊อ แว โอ่โลแถ่ เป่ แกแยยิวพู๊ หม่าโต่ เต๊เห่ เด๊อ อา แม๊ปู แด๊เฮอเกอ แว โต่ เต๊เห่ เฮ๊อ.”

ꤚꤥꤗꤢꤩ꤬ 1:4

เด๊อ แหย่โยบูโพ๊ แบ่เจ่ อาขว่าอาคยา, เร๊อ เบ๊อะจอแปแหร่ เมเซอเพร กาคยา เป แบ่เจ่ เหย่ซู่ครี๊ เด๊อ เตเซอ เร๊อ อา เตโพรเตเตอเรอ เบ๊อะเนอ, อา เด๊อะโล เฮ๊อ ลู เร๊อ อา หม่า จอแปแหร่ อาพู๊คู เตเพร หม่าแหน่ เฮ๊อ.

เพรโด่แนพู๊ เต๊เห่ 9:20

เร๊อ โตโพ๊เรอ คูเซาโล เถ่จว๊า จ๊อจ๊อ เด๊อ ยูดาห์ เตจ๊อเบโฮ เต๊เห่ อากู เร๊อ อา จว๊าแด๊โฉ่โด่แน เป่ อู เร๊อ เหย่ซู่ หม่า จอแปแหร่ อาพู๊ เตเพร อาหรี่อาแก.

เพรโด่แนพู๊ เต๊เห่ 8:36

เร๊อ เบ๊อะเหย่ซี เออซิเนอ จว๊า เป่แฮ โป่ เด๊อ เง เบ๊อะเนอ, เหย่ซี จว๊าโต่ เด๊อ เทอเหล่โอ่ โต๊โผ่. เออโตโพ๊เรอ แกแย ทวา กู่กล๊อ เออเตเพรเนอ อา เฮ๊ ลู เน๊อ, “เทอ โอ่ เบ๊อะเออ ว๊า! แว เก่ ซิหยื่อ เจ แวเหน่ เร๊อ เทอ เฮ๊เนอหม๋า เตเมดี๊แด ตาตือ แวแกล๊ โอ่ เต๊อเจ่อเจ่อ แอ?”

ꤛꤥ꤭ꤟꤢ꤬ 20:28

“แว แบ่เจ่, แว จอแปแหร่,” คูโธมัส เฮ๊ฉื่อ ลู ฮู๊เนอ.

ꤛꤥ꤭ꤟꤢ꤬ 11:27

“อ่อ, แว หยื่อเอ่ ว๊า, แบ่เจ่,” อา เฮ๊ฉื่อ ฮู๊เนอ. “แว หยื่อเอ่ หม่าแหน่ เจ๊อ เร๊อ เน หม่า เมสิยาห์ หม่าเฮ๊อ เพรเมแลเปล๊กา หม่าเฮ๊อ จอแปแหร่ อา พู๊เพรคู เด๊อ อา เตเร แฮ เด๊อ เห่ขุ เออเตเพร เนอเฮ๊อ.”

ꤛꤥ꤭ꤟꤢ꤬ 6:69

เป หยื่อเอ่ เร๊อ เป ซิเง เร๊อ เน หม่า จอแปแหร่ อา แกแยบูโพ๊พู๊ เตเพร, เร๊อ อา นอแฮแล เน เฮ๊อ.”

ꤛꤥ꤭ꤟꤢ꤬ 5:14

อาเนอเนอ, เหย่ซู่ แม๊เถอะ คยาแซ๊ อา เด๊อ เตหลู่แตโฮกู เร๊อ อา เฮ๊ ลู เน๊อ, “หนิดา, แว เฮ๊ เน, กู๊แหน่เออ เน เตชุ๊ย โอ่เหม่เฮ๊อ. แซ่ฮู๊ เน เก่ แม๊เถอะเบ่ ปา แต่ เน๊อ เต เด๊อ อาจา เล๊อ เจ๊อ เร๊อ เออ ปา แต่เหม่เนอ เมปา แต่ เตซื๊อ แต่เหม่ นี๋.”

ꤛꤥ꤭ꤟꤢ꤬ 3:36

แกแย เด๊อ อา หยื่อเอ่แหน่ พู๊คู เออเตเพร เต๊เห่เนอ, อา พย๊าหนิ ซิปล่อเซอเพร ตูจูเพร. เร๊อ แกแย เด๊อ อา หนิดา เกออู โต่ เร๊อ อา หยื่อเอ่แหน่ เกออู พู๊คูเออ โต่ เต๊เห่เนอ, อา พย๊าหนิ เกออู ซิปล่อเซอเพรโต่. จอแปแหร่ อาเต เมจากาคยา ตาโอ่ เด๊อ แกแย เนอเต๊เห่ อาลู.”

ꤛꤥ꤭ꤟꤢ꤬ 1:34

เตทวาแถ่ ฮู๊เออเนอ, แว แม๊เถอะ โทเฮ๊อ อาขว่าอาคยา, แว เฮ๊โฉ่จ๊อ เป่เฮ๊อ ซี เร๊อ อา หม่า จอแปแหร่ อาพู๊คู หม่าแหน่ เตเพร เฮ๊อ.”

ꤛꤥ꤭ꤟꤢ꤬ 1:18

อู แม๊เถอะน๊อ จอแปแหร่ เตเพร่ว โต่ ตื๊อดื่อเร๊อ, อาพู๊คู โอ่ตื๋อ เตเพรเออ, อา หม่า จอแปแหร่ เฮ๊อเฮ๊อ เร๊อ อา โอ่เต่อเกอ เร๊อ อาเพ เออ เด๊อะโลแถ่เฮ๊อ เป่ เร๊อ จอแปแหร่ เฮ๊อ.

ꤗꤢ꤬ꤊꤢꤨ 1:1

เออ หม่า เตซิครือมีลา อา แกช๊า เด๊อ อา แด๊โฉ่โล จอแปแหร่ อาพู๊คู เหย่ซู่ครี๊ อาหรี่อาแก.

มัทธิว 16:16

คูซีโมน เปโตร เฮ๊ฉื่อ ลู เน๊อ, “เน หม่า ครี๊ เด๊อ อา เมแลเปล๊ กา อู เตเพรเฮ๊อ. เนหม่า อา ทวา จอแปแหร่ เด๊อ อา เซอเพร เตเพร อาพู๊คู.”

มัทธิว 14:33

เบ๊อะเนออาเค แกแย โอ่ เด๊อ ส่อเกลอกู เนอเต๊เห่ จ๊อเบแถ่ แบ่เจ่ แบ่เจ่เหย่ซู่ เร๊อ อา เฮ๊ เน๊อ, “แน หม่า จอแปแหร่ อาพู๊คู เตเพร หม่าแหน่แหน่ เน เฮ๊อ.”

มัทธิว 4:3

เบ๊อะเนออาเค โลเน๊มูแหม่ กู่กล๊อ แฮ เด๊อ ลูโอ่ เร๊อ อา เฮ๊ ลู เน๊อ, “เน เก่ หม่า จอแปแหร่ อาพู๊ เตเพร เฮ๊เรอ, นอตาหล่อ เออเต๊เห่ เร๊อ นอทวาแถ่ อา เร๊อ ค๊อมู เนอ.”

ꤛꤥ꤭ꤟꤢ꤬ 9:22

เบ๊อะเนอเค เนอ, แกแยยิวพู๊ ทวาดุทวาเต เต๊เห่ ซิปล่อ ส่อพ๊อเบ่ ลอ ลู เนอ, แกแย เตเพรเพร ดาเฮ๊เฮ๊อ เร๊อ เหย่ซู่ หม่า เมสิยาห์ หม่าเฮ๊อ เพรเมแลเปล๊กา เฮ๊เนอหม่า, เหย่ซี เหว่เถ่แก เจ๊อ แกแย เด๊อ อา เฮ๊ ฮู๊เนอ เตเพร เด๊อ เตจ๊อเบ โฮกลอ อาขว่าอาคยา, อาโหมะอาเพ เต๊เห่ ซิอิเช แกแยยิวพู๊ ทวาดุทวาเต เต๊เห่ อาเหล่ เนอ, อา เฮ๊ แลแค เน๊อ เป ซิเงเกอ โต่, อา เฮ๊ ฮู๊เนอ แพ๊.

ꤛꤥ꤭ꤟꤢ꤬ 9:34

ฟาริสี เต๊เห่ เฮ๊ฉื่อ กาคยา ลู เน๊อ, “เน เตซื๊อดุปา เจ๊อ เด๊อ เน เด๊อะโอ่เป๊เจ่แล ปาเจ๊อ เร๊อ เน จว๊า อิซว๊า กาคยา เป่ เป ฮู๊เต?” อา เฮ๊ ลู ฮู๊เนอเร๊อ อา เหว่เถ่แก ลู เด๊อ เตจ๊อเบ โฮกลอ.

ยอห์น โซบ่า ต๊าบ่า 1:10

ฮู๊เนอ อาขว่าอาคยา, ช๋า แว แฮโต่ ปา เร๊อ แว เก่ เฮ๊โลแถ่ เป่ ซี เน๊อ ล๋อ อา เมซื๊อ โทเฮ๊อ เนอเต๊เห่ ปา. อา แด๊ เปแหย่โย เร๊อ อา เฮ๊ มู๊แหม่รีแจ่ เป, โท๊โต่ เบ๊อะโป่แหว่ เต๊เห่ แฮโต่ จว๊าโต่เกอ อา เบ๊อะ เบ๊อะเนอ, อา เอ๊ฉื่อ เกอ เหย่ซี โต่. โท๊โต่ แกแย เด๊อ อา ซิหยื่อ เอ๊ฉื่อ โป่แหว่ เออเต๊เห่เนอ อา เมดู๊แด ตาตือ เร๊อ อา เหว่เถ่แก อู เด๊อ เหย่ซี เพรหยื่อเอ่ตู๊หมู่ตอกล๊อ อากลอ เจ๊อ.

เพรโด่แนพู๊ เต๊เห่ 8:37

(คูฟีลิป เฮ๊ฉื่อ ลู เน๊อ, “เน เก่ หยื่อเอ่ ซิกอล๊อแกแน หม่าแหน่ เหย่ซู่ครี๊ เฮ๊เนอหม่า, เน เจ เนเหน่ เร๊อ เทอ หม่า อาหนิ แพ๊.” อา เฮ๊ ลู เร๊อ อา เฮ๊ฉื่อคยา เน๊อ, “เหย่ซู่ครี๊ หม่า จอแปแหร่ อาพู๊คู หม่าแหน่ เนอหม่า แว หยื่อเอ่” อา เฮ๊ฉื่อ ฮู๊เนอ)