ꤛꤥ꤭ꤟꤢ꤬ 8:46 - ลีเทส่อพ๊าอาเซ เร๊อ เห่ขุทวาลู๊

⁴⁶ แว เมเต เนอหม่า อา ซื๊อแพ๊ อา เฮ๊ เร๊อ อา ยูเบ๊ เนอหม่า เด๊อ ซีเกล เนอ อา โอ่เตเพรเพร แอ? แว เก่ เฮ๊เบ่เต เด๊อ อาหม่าอาจ๊อ เต๊เห่แพ๊ เก่เฮ๊เรอ หม่าเมเต เร๊อ ซี หยื่อเอ่ แว โต่.

Eastern Kayah Shadaw Dialect

⁴⁶ ꤠꤢꤧ꤭ ꤗꤢꤩ꤬ꤒꤢꤩ꤬ ꤔꤣꤧ꤬ꤗꤢ꤬ ꤢ꤬ ꤞꤢꤦꤖꤢꤧ ꤢ꤬ ꤟꤢꤩ ꤚꤣꤧ꤬ ꤢ꤬ ꤤ꤬ꤛꤢꤨ꤭ꤙꤢꤩ ꤔꤣꤧ꤬ꤗꤢ꤬ ꤘꤣ ꤞꤤ꤭ꤊꤜꤢꤩ꤭ ꤔꤣꤧ꤬ ꤢ꤬ ꤥ꤬ꤒꤣ꤬ꤖꤚꤢꤩ꤬ꤖꤚꤢꤩ꤬ ꤟꤢꤧ꤭? ꤠꤢꤧ꤭ ꤊꤢꤩ꤬ ꤟꤢꤩꤙꤢꤩ꤬ꤒꤢꤩ꤬ ꤘꤣ ꤢ꤬ꤗ꤫ꤢ꤬ꤢ꤬ꤡꤢꤪ ꤒꤣꤧ꤬ꤟꤢꤩ꤬ꤖꤢꤧ ꤊꤢꤩ꤬ꤟꤢꤩꤚꤣꤧ꤬ ꤗꤢ꤬ꤗꤢꤩ꤬ꤒꤢꤩ꤭ ꤚꤣꤧ꤬ ꤞꤤ꤭ ꤛ꤫ꤢꤦ꤬ꤢꤩ꤬ ꤠꤢꤧ꤭ ꤒꤥ꤬꤯

ꤛꤥ꤭ꤟꤢ꤬ 8:46 ပူးပေါင်းရင်းမြစ်များ

ꤟꤤꤙꤚꤢꤨ 4:15

เป เพรหลู่แต กู่กล๊อดุเล๊อ เออเตเพรเนอ, อา ซิเง เป เตอ๊าเจ่เหร่เจ่ เต๊เห่ เร๊อ อา ซิยอ เกอเร๊อ เป. เมเตเฮ๊เรอ อา แม๊เถอะ ป่อชิเต่อเบ่ น๊อเฮ๊อ เน๊อ เตอิลออี๊โหล่ ปว๋า เต๊อเจ่อ ฮู๊ เป แม๊เถอะ ป่อชิเต่อเบ่ เออเนอ หม่าแน๊เรอ อา เมซื๊อเกอ เต โต่.

ꤛꤥ꤭ꤟꤢ꤬ 14:30

แว เก่ เฮ๊เบ่ งยางยาเร๊อ ซี เนอหม่า เบ๊อะโอ่ เอ๊ ปาโต่เฮ๊อ. โลเน๊มู๊แหม่ กู่กล๊อ เด๊อ อา เป๊อ เห่ขุ เออเนอโตโดเนอ, อา เตเร แฮเฮ๊อ อา เตเตอเรอฉว่าชอ เออเนอ, อา เมเป่ เร๊อ แว โต่.

ꤛꤥ꤭ꤟꤢ꤬ 8:7

เหย่ซี ย๋อ แด๊เฮอ โทโท แด๊เฮอ แซ๊แซ๊ ลู อาขว่าอาคยา, อา ก๊อถ่อ เร๊อ อา เฮ๊ เหย่ซี เน๊อ, “แกแย เด๊อ ซีเกล เตเพรเพร เนอ, อา เก่ เฮ๊ เกอเร๊อ อาเหน่ เร๊อ อาเตซื๊อ โอ่โต่ เฮ๊เนอ, ต่า เหร่อเล๊อมอ เพรเหมาะ เออเตเพร เร๊อ หล่อ เนอ,” อา เฮ๊ ฮู๊เนอ.

ꤗꤢ꤬ꤊꤢꤨ 11:31

เร๊อ เหย่ซี เคร๊แขระ เร๊อลู เน๊อ, “เป เก่ เฮ๊ เน๊อ, ‘จอแปแหร่ เด๊อ ลู’ เฮ๊เรอ, อา เกล๊ แด๊เฮอ เร๊อ เฮ๊อ เป เนอ, เก่เฮ๊ฮู๊เนอเรอ ‘ซี หยื่อเอ่ อา โต่ เมเต?’ ฮู๊เนอ เฮ๊อ.

มัทธิว 21:25

เพรเจเทอ คูยอห์น เจเป่ อู เหน่ เร๊อ เทอเออ เนอ หม่า, หม่า จอแปแหร่ เด๊อะ ลู เตอเรอฉว่าชอ แอ? หม่าอูเป เด๊อะ ยอห์น อาเตอเรอฉว่าชอ? หม่าโต่เรอ แกแย เห่ขุพู๊ เด๊อะ ลู แอ?” เร๊อ เหย่ซี เฮ๊ เกอเร๊อลู เน๊อ, “เป เบ่ เฮ๊ เน๊อ, ‘จอแปแหร่ เด๊อะ ลู’ เก่เฮ๊เรอ, อา เกล๊ แด๊เฮอ แหน่ เฮ๊อ เป เน๊อ, ‘เก่เฮ๊ฮู๊เนอเรอ ซี หยื่อเอ่ ลู โต่ เมเต?’

เปโตร อาเหร่อเล๊อ ต๊าบ่า 2:22

“อา เม เตซื๊อ เตอเจ๋อ โต่. อู หนิโฮน๊อ เร๊อ อา เฮ๊เบ่ แลโฮ เตเพร่ว โต่.”

ꤟꤤꤙꤚꤢꤨ 7:26

ฮู๊เนอเรอ, เหย่ซู่ หม่า เพรหลู่แต กู่กล๊อดุเล๊อ เตเพร เด๊อ อา เมเล๊อบา เป่ ลอ ล๋อ เป เตโหล่ เต๊เห่. อา หม่า อา บูโพ๊, อาเตซื๊อ โอ่โต่, อาซิปล่อ อาโพ๊อาแปละ. จอแปแหร่ แด่โอ่ข่อ ตาพา โค๊ดื่อ ลู เร๊อ เพรเมเตซื๊อ เต๊เห่, เร๊อ อา เด๊อะโอ่เฮ๊อ ลู เด๊อ เหล่โอ่ แถ่โลเล๊ออู โต๊โผ่ เฮ๊อ.

โครินธ์ เนอบ่า ต๊าบ่า 5:21

ครี๊เนอ อาเตซื๊อ โอ่ เต๊อเจ๋อ โต่. หม่าแน๊เรอ, แซ่ฮู๊ อา เก่ ปล๊าลีแก เป่ เป เตซื๊อ อาโหน่อาฉู่ เต๊เห่ อาเงเนอ, จอแปแหร่ นอข่าเซอ ลู เด๊อ เป เตซื๊อ อาเง. เด๊อ ครี๊ เม เป่ เฮ๊อ เป ฮู๊เนอ อาขว่าอาคยา, เป เก่ ทวาแถ่ เฮ๊อ เตเต๊อเจ๋อ แพ๊เน๊อ ครี๊ เฮ๊อ เร๊อ, จอแปแหร่ เก่ แด่จ๊อแด่เต เฮ๊อ เป เด๊อ อาเป๊เส่เง ปา.

ꤛꤥ꤭ꤟꤢ꤬ 18:37

คุ๊ยปีลาต เฮ๊ ลู เน๊อ, “เก่ เฮ๊ฮู๊เนอ เฮ๊เรอ เน ทวา คุ๊ย เตเพร เฮ๊อ เนอ?” อา แด๊เฮอ ลู ฮู๊เนอ. แบ่เจ่ เหย่ซู่ เฮ๊ฉื่อ ลู เน๊อ, “แว หม่า คุ๊ย เตเพร หม่าแหน่ ฮู๊ เน เฮ๊ เนอเฮ๊อ. แซ่ฮู๊ แว เก่ เฮ๊โฉ่เป่ อู เร๊อ เตหมะเตจ๊อ เนอเรอ, แว แฮ อากาโอ่พู๊เจแล เด๊อ เห่ขุเออ เฮ๊อ. ล๊อ แกแย โอ่เกอ เด๊อ เตหมะเตจ๊อ ตากยา เต๊เห่เนอ อา เก่ หนิดา แวโหง่ ปา” อา เฮ๊ ฮู๊เนอ.

ꤛꤥ꤭ꤟꤢ꤬ 16:8

เบ๊อะแหย่โยบูโพ๊แบ่เจ่ แฮโต่เฮ๊อ ปา เบ๊อะเนอ, อา เก่ เด๊อซิเง เป่ แกแย เห่ขุพู๊ เต๊เห่ เร๊อ เหย่ซี เม เตซื๊อ ปา, โทเรอ อา เก่ เด๊อซิเง เป่ โป่ เหย่ซี เร๊อ เตจ๊อเตเต อาแกล๊ ปา. โท๊โต่, อา เก่ เด๊อซิเง เป่เกอโป่ เหย่ซี เร๊อ จอแปแหร่ เก่ เมจากาคยา เหย่ซี ปา.

ꤛꤥ꤭ꤟꤢ꤬ 15:10

ซี เก่ หนิดา หยื่อเอ่ แว โหง่เฮ๊แก เออเต๊เห่ เฮ๊เนอหม่า ซี โอ่จิจือหมะ เฮ๊อ เด๊อ แว เตโม อากู เฮ๊อ. ซี เก่ เม ฮู๊เออ เฮ๊เนอหม่า อา แซ่เฮ๊อ เน๊อ แว หนิดา แวเพ อาโหง่ เร๊อ แว โอ่จิจือหมะ เด๊อ อา เตโมกู เออเนอ เฮ๊อ.

ꤛꤥ꤭ꤟꤢ꤬ 8:47

จอแปแหร่ อาพู๊อาเลอ เต๊เห่ เนอหม่า อา ซิครือซิลอ หนิดา จอแปแหร่ อาโหง่. หม่าแน๊เรอ ซี หม่า จอแปแหร่ พู๊เหมาะพู๊คู เต๊เห่ หม่าโต่ อาขว่าอาคยา, ซี หนิดา ลูโหง่ โต่.”