ꤛꤥ꤭ꤟꤢ꤬ 8:34 - ลีเทส่อพ๊าอาเซ เร๊อ เห่ขุทวาลู๊

³⁴ เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “แว เฮ๊จ๊อจ๊อ ซี, ล๋อ แกแย เด๊อ อา เม เตซื๊อ เนอเต๊เห่ หม่า อา ทวาเฮ๊อ เตซื๊อ หลู่เล๊เฮ๊อ.

Eastern Kayah Shadaw Dialect

³⁴ ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤛꤢꤩ꤬ꤞꤤ꤭ ꤔꤢꤧ, “ꤠꤢꤧ꤭ ꤟꤢꤩꤡꤢꤪꤡꤢꤪ ꤞꤤ꤭, ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ ꤒꤢꤩ꤬ꤞꤢꤦ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤢ꤬ ꤓꤝꤢ꤭ꤟꤣꤧ ꤒꤢꤩ꤬ꤞꤢꤦ ꤢ꤬ꤡ꤫ꤢꤦ꤬ꤟꤣꤧ꤯

ꤛꤥ꤭ꤟꤢ꤬ 8:34 ပူးပေါင်းရင်းမြစ်များ

ꤚꤥꤗꤢꤩ꤬ 6:16

ซี ซิเงเน๊อ แอ? เบ๊อะซี เด๊อะแล เฮ๊อ ซีเหน่ เด๊อ แกแย เตเพรเพร อา กู๊ยากู เร๊อ ซี เก่ ทวา เฮ๊อ ลู หลู่เล๊ เบ๊อะเนอ, ซี หนิดา อูโร อาโหง่ หม่า อา หนิปาโต่ เฮ๊อ. ซี เบ่ หนิดา แพ๊ตื๊อ อาโหง่ แพ๊, แวเฮ๊โต่? ฮู๊เนอเรอ เบ๊อะซี ทวา เตซื๊อ อาหลู่เล๊ เบ๊อะเนอ, อา เก่ ซูจว๊าแก ซี เด๊อ เตเซอ ปา. หม่าแน๊เรอ ซี เก่ หนิดา จอแปแหร่ อาโหง่ เฮ๊เรอ อา เก่ นอโอ่เซอเพร ซี เด๊อ ซี เก่ เมโต ลู ซิปล่อ ปา.

เปโตร เนอบ่า ต๊าบ่า 2:19

ซ๊าร๊า กลว่าแลโฮ อาเหน่ เออเต๊เห่เนอ, อา อ๊อแล เหย่ซี เร๊อ เหย่ซี เก่ พย๊าหนิ เตปาลา ปา, หม่าแน๊เรอ เหย่ซี เหน่แบ่เจ เร๊อดื่อ เนอ, อา ทวา เตมู๊แหม่รีแจ่ อา เหล่โกลเหล่แบ่ เต๊เห่ อาหลู่, เมเตเฮ๊เรอ เตอิเตเต๋ เบ่เบ่, อา ดา เป่เฮ๊อ เน เนอหม่า, อา ทวาเฮ๊อ เนแบ่เจ่ เฮ๊อ.

ꤚꤥꤗꤢꤩ꤬ 6:12

ฮู๊เนอเรอ, แซ่ฮู๊ ซี เก่ ครวาเม เกอ ปา แต่ เตซิหยื่อ ปาต๊าเปอเตอ มู๊แหม่ เต๊เห่ แต่เหม่เนอ, นอเป๊อหนิ ปา แต่ ซี เหน่กล่อ เด๊อ อา เซอแจ่ เออเนอ เร๊อ เตซื๊อ เออเนอ แต่เหม่ นี๋.

ꤚꤥꤗꤢꤩ꤬ 6:6

เมเตเฮ๊เรอ, แซ่ฮู๊ เตซื๊อ อา เตโพรเตเตอเรอ อาฉว่าอาชอ เออ เก่ เป๊อตี๊หรี่ ปา แต่ เป แต่เหม่, โท๊โต่ แซ่ฮู๊ เป เก่ ทวา ปา แต่ เตซื๊อ อาหลู่เล๊ แต่เหม่เนอ, ซี ซิเงเฮ๊อ เร๊อ เป เตโอ่เซอเพร อาเลอ เออเนอ, จอแปแหร่ มือเซอแถ่ เต่อเกอ โทเฮ๊อ เร๊อ ครี๊ เฮ๊อ.

ꤒꤤꤒꤢꤨ 3:3

เมเตเฮ๊เรอ เด๊อ เหร่อเคเนอ เป เต๊เห่ หม่า แกแยบูบย่า แกแย จูเอ่ เกออู โหง่ โต่ เต๊เห่. เป หม่า แกแย เด๊อ อา ครวาซื๊อเกอ แกแย แลโฮ เต๊เห่ อาคยา. เป ทวา โทเฮ๊อ แกแย เด๊อ อา ซิหยื่อซิลอ เมโม เกอเร๊อ เหน่ เต๊เห่ อาหลู่เล๊ เฮ๊อ. เป โอ่เซอเพร เมลอแก อาม๊อเนอม๊อเซ เนอ เป เม เตมู๊แหม่รีแจ่ เนอ เตซิค๊าซิเถ่ อู เต๊เห่ เฮ๊อ. โท๊โต่ อู ซิเถ่ เป เร๊อ เป ซิเถ่ฉื่อ อู.

เอเฟซัส 2:2

เบ๊อะเนออาเค, ซี ครวาเมเกอ เห่ขุ อา เตมู๊แหม่รีแจ่ เต๊เห่. ซี หนิดา จูเอ่ เกอ แพ๊ โลเน๊มู๊แหม่ กู่กล๊อ เด๊อ อา เป๊อหนิ โลเน๊โลหน่า เด๊อ ม๊อเล เต๊เห่ อาโหง่. โลเน๊มู๊แหม่รีแจ่ กู่กล๊อ เออเนอ, อา เป๊อหนิปา แกแย เด๊อ อา หนิดา เกออู จอแปแหร่ อาโหง่ โต่ เนอเต๊เห่.

ꤚꤥꤗꤢꤩ꤬ 7:25

แว เฮ๊บุ๊ยเฮ๊เตอเรอ จอแปแหร่, เมเตเฮ๊เรอ เด๊อ เป แบ่เจ่ เหย่ซู่ครี๊ อาขว่าอาคยาเร๊อ, อา เมแลเปล๊กา เฮ๊อ แว เฮ๊อ. ฮู๊เนอเรอ เตเมทวาแถ่ อาเหน่ เร๊อ แว หม่า ฮู๊เตเฮ๊เร๊อ แว ซิปล่อ เออเนอ, อา ซิหยื่อ เม โชชื่อ แพ๊ จอแปแหร่ อา เตซว๊าเตแส่ หม่าแน๊เรอ แวพ๊าแวหย่า อา เตซิหยื่อซิลอ เออเนอ อา เม โชชื่อแพ๊ เต เด๊อ อาเหล่โกล เมโป๊เนอ เตซื๊อ เออเนอเต๊เห่ แพ๊.

ꤚꤥꤗꤢꤩ꤬ 8:21

หม่าแน๊เรอ ล๋อ เตแบ๊ตา เออเต๊เห่เนอ, อา แม๊ชือ ปาเนอ, แซ่ฮู๊ อา เก่เซอเก่ซอ โต่ เนอ, จอแปแหร่ เก่ เมแลเปล๊กา เหย่ซี ปา เร๊อ อา เก่ เด๊อ เหย่ซี เตปาลา เร๊อ เตเตอเรอดุทู เด๊อ อาแซ่เน๊อ อาพู๊ เออเต๊เห่ ปา.

ꤚꤥꤗꤢꤩ꤬ 7:14

เป ซิเง เร๊อ จอแปแหร่ อา แหย่โยบูโพ๊ เด๊อะตา เป เตซว๊าเตแส่ เออเต๊เห่ หม่าแน๊เรอ แว หม่า แกแย เห่ขุพู๊ เด๊อ อา เซอแจ่ เตเพร แพ๊. แว หม่า อาแซ่เน๊อ หลู่เล๊ เด๊อ อู อิเช จว๊าแก ลู เน๊อ อา เก่ จว๊าทวา เป่ เตซื๊อเตปล๊า แบ่เจ่ เออเตเพร อาหลู่เล๊ แพ๊.

เพรโด่แนพู๊ เต๊เห่ 8:23

เมเตเฮ๊เรอ แว แม๊เถอะ เร๊อ เน ซิปล่อ เนอ อา บาตีปี๊ เจ๊อ เร๊อ เตซิเถ่ซิฮา เร๊อ เน เตซื๊อเตโอ่หร่า จอกลอหม่า เน แซ่เจ๊อเร๊อ อู ตา เด๊อ ทอกู เตเพรเนอ เจ๊อ.”

ꤛꤥ꤭ꤟꤢ꤬ 3:3

เหย่ซู่ เฮ๊ฉื่อ ลู เน๊อ, “แว แด๊โฉ่จ๊อจ๊อ เน, แกแย เด๊อ อา โอ่เป๊เจ่แลเซเต๊เปล่ คยาแซ๊ ตื๊อหื่อ โต่ เต๊เห่เนอ, อา แม๊เถอะเบ๊ จอแปแหร่ อาเทออาเก่ เตเพร่ว โต่.”

มัทธิว 5:18

แว เฮ๊จ๊อจ๊อ ซี, ม๊อขุ เร๊อ เห่ขุ ตาพรอแก ตื๊อดื่อเรอ, ลีปล่อ เด๊อ อา ปีตี๊เล๊ออู ตอปล๊อ เบ่เบ่, ลีปล่อ เมม๊าเมแด เด๊อ อา ปีตี๊เล๊อ ตอปล๊อ เนอเบ่เบ่, ตีกี๋ หม่า อา เบ่ โอ่เหม่แก หนิ โต่. ล๋อ ลีเออ เต๊เห่ เฮ๊หนื่ออื่อ เนอ อา เบ่ เล๊อบา เหร่อ ลอ.