ꤛꤥ꤭ꤟꤢ꤬ 8:29 - ลีเทส่อพ๊าอาเซ เร๊อ เห่ขุทวาลู๊

²⁹ โทเร๊อ เพร เด๊อ อา นอแฮ แว เออเตเพรเนอ, อา โอ่เกอ เร๊อ แว. แว เมโต ลูซิปล่อ ปว๋า โตโพ๊ เจ๊อ อาขว่าอาคยา อา วี๊แก แว โต่.”

Eastern Kayah Shadaw Dialect

²⁹ ꤓꤥ꤭ꤚꤣꤧ꤬ ꤖꤚꤢꤩ꤬ ꤘꤣ ꤢ꤬ ꤔꤢꤪ꤭ꤟꤢꤧ꤭ ꤠꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤥ꤬ꤊꤣꤧ꤭ ꤔꤢꤧ ꤠꤢꤧ꤭꤯ ꤠꤢꤧ꤭ ꤗꤢꤩ꤬ꤒꤥ꤭ ꤜꤢꤨ꤭ꤞꤤꤕꤜꤢꤪ꤬ ꤕꤝꤢ꤭꤮ ꤒꤣ꤬ꤖꤥ ꤡꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤠꤤ꤭ꤊꤢꤧ꤭ ꤠꤢꤧ꤭ ꤒꤥ꤬꤯”

ꤛꤥ꤭ꤟꤢ꤬ 8:29 ပူးပေါင်းရင်းမြစ်များ

ꤛꤥ꤭ꤟꤢ꤬ 6:38

เมเตเฮ๊เรอ แว โอ่เด๊อ ม๊อขุ แฮแล เร๊อ แว แฮเม จู๋ ดื่อ แว ซิปล่อ ฮู๊เนอ หม่าโต่. แว แฮเม ฮู๊ เพร เด๊อ อา นอแฮ แว เออเตเพร อา เตซิหยื่อ เนอแพ๊.

ꤛꤥ꤭ꤟꤢ꤬ 16:32

หม่าแน๊เรอ เบ๊อะเด๊อ ซี เก่ แกล่โพร๊ แกล่แพร ลอ ปา, เร๊อ ซี เก่ กาเถ่ แลแค เด๊อ ซีหี่ เตเพร เร๊อ เตเพร เนอ, อา เก่ แฮโต่ ปา. เฮ๊ตาเต้า หม่า อา แฮโต่ เจ๊อเฮ๊อ. ซี ปว๋า เตเพร เก่ แด่โอ่แก ตื๊อดื่อ แว ปา. หม่าแน๊เรอ แว โอ่ตื๊อดื่อ หม่าโต่, เมเตเฮ๊เรอ แวเพ โอ่เกอ เร๊อ แว.

ꤛꤥ꤭ꤟꤢ꤬ 4:34

เหย่ซู่ เฮ๊ เหย่ซี เน๊อ, “แว เมโต เพร เด๊อ อา นอแฮ แว เออเตเพร อา เตซิหยื่อ เร๊อ แว เมโทแก เตเม เด๊อ อา เด๊อ แว เออเนอหมา หม่าเฮ๊อ แวเหล่เอ่ เฮ๊อ.

ꤛꤥ꤭ꤟꤢ꤬ 15:10

ซี เก่ หนิดา หยื่อเอ่ แว โหง่เฮ๊แก เออเต๊เห่ เฮ๊เนอหม่า ซี โอ่จิจือหมะ เฮ๊อ เด๊อ แว เตโม อากู เฮ๊อ. ซี เก่ เม ฮู๊เออ เฮ๊เนอหม่า อา แซ่เฮ๊อ เน๊อ แว หนิดา แวเพ อาโหง่ เร๊อ แว โอ่จิจือหมะ เด๊อ อา เตโมกู เออเนอ เฮ๊อ.

ꤛꤥ꤭ꤟꤢ꤬ 5:30

แบ่เจ่ เหย่ซู่ เฮ๊เป่แฮ โป่ เน๊อ, “แว เม จู๋ ดื่อ ฮู๊ แว ซิหยื่อ เม เนอหม่า อาหนิ โต่. แว เมจากาคยา ฮู๊ เพ จอแปแหร่ แด๊โฉ่ แว เนอ แพ๊. แว เต เมจากาคยา เนอหม่า อาโต แพ๊ เมเตเฮ๊เรอ แว เม จู๋ดื่อ แว ซิปล่อเนอ หม่าโต่. แว เมแพ๊ ฮู๊ เพร เด๊อ อา นอแฮแล แว เออเตเพร อา เตซิหยื่อ โอ่ เนอแพ๊.

ꤛꤥ꤭ꤟꤢ꤬ 8:16

หม่าแน๊เรอ แว เก่ เมจากาคยา อู เฮ๊เนอ, แว เก่ เมจากาคยา จ๊อจ๊อเตเต อู แพ๊, เมเตเฮ๊เรอ แว เมจากาคยา ตื๊อดื่อ เตเพร๊ หม่าโต่. แว เมโหร่ เต่อเกอ เร๊อ แวเพ เด๊อ อา นอแฮ แว เออเตเพร.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:1

แวพู๊แวเลอ ครี๊พู๊ ซี๋, แซ่ฮู๊ ซี เก่ เมปา แต่ เตซื๊อ แต่เหม่ อาเงเนอ, แว รา เป่เฮ๊อ ซี ฮู๊เนอ เฮ๊อ. หม่าแน๊เรอ แกแย เตเพรเพร เก่ เมเตซื๊อ เฮ๊เรอ, เป เพรจ๊อเพรเต เหย่ซู่ครี๊ เด๊อ อา กุยซิยอ เป่ เด๊อ เปเง เด๊อ เพ จอแปแหร่ อา โอ่ เนอ, อา โอ่ เตเพร.

ทิโมธี เนอบ่า ต๊าบ่า 4:17

หม่าแน๊เรอ แซ่ฮู๊ แกแยยิวพู๊ หม่าโต่ เต๊เห่ เก่ หนิโฮน๊อ เกอ เตซิครือมีลา อาเงเนอเรอ, แบ่เจ่ โอ่เกอ เน๊อ แว เร๊อ อา เด๊อะ แว เตอ๊าเตเหร่ เร๊อ แว แด๊โฉ่โล เล๊อบา เป่โท เหย่ซี เฮ๊อ. ฮู๊เนอเรอ แว แลเปล๊ เถ่แกเฮ๊อ เออเนอหมา อา แซ่เจ๊อเร๊อ แว แลเปล๊ เถ่แก เด๊อ แอ๊ซี แกกู เจ๊อ.

ꤛꤥ꤭ꤟꤢ꤬ 14:31

แซ่ฮู๊ แกแย เห่ขุพู๊ เก่ ซิเงแฮ แลแค เร๊อ แว เพ อาเงเนอ, แว เม โตตื๊อแพ๊ ฮู๊ เพ เอ๊แฮ แว โหง่ เนอเต๊เห่ แพ๊. “จว๊า! เป เถ่จว๊าเฮ๊อ โป๊!”

ꤛꤥ꤭ꤟꤢ꤬ 17:4

แว เม เป่ โทลอ เฮ๊อ เน เตเม เด๊อ เน นอเม แว เนอเต๊เห่ อาขว่าอาคยา, แว เด๊อะ โล เฮ๊อ เน เตอเรอดุ เตอเรอทู เด๊อ เห่ขุ เออเนอ เฮ๊อ.

มัทธิว 17:5

เบ๊อะอา เฮ๊เบ่ ปาแพ๊ เบ๊อะเนอ, อ๊อโหล่ อู ตาบา อู ตาบี๊แก เหย่ซี เร๊อ โหง่พราเถ่ ตือมือ เด๊อ อ๊อโหล่ อากู เน๊อ, “เออ หม่า แวพู๊ เด๊อ แว โมหนิเกอเร๊อ อา เร๊อ แว ซิปล่อโอ่ เกอเร๊อ อา เตเพร, หนิดา แลแค อาโหง่ นี๋.”

มัทธิว 3:17

โทเรอ โหง่พราเถ่ ตือมือ เด๊อ ม๊อขุเนอ เร๊อ อา เฮ๊ เน๊อ, “เออเตเพร หม่า แวพู๊คู เด๊อ แว โมหนิเกอเร๊อ อา โท๊โต่ แวพู๊ เด๊อ แว แม๊ดุ เกอเร๊อ อา เตเพร.”

ꤟꤤꤙꤚꤢꤨ 4:15

เป เพรหลู่แต กู่กล๊อดุเล๊อ เออเตเพรเนอ, อา ซิเง เป เตอ๊าเจ่เหร่เจ่ เต๊เห่ เร๊อ อา ซิยอ เกอเร๊อ เป. เมเตเฮ๊เรอ อา แม๊เถอะ ป่อชิเต่อเบ่ น๊อเฮ๊อ เน๊อ เตอิลออี๊โหล่ ปว๋า เต๊อเจ่อ ฮู๊ เป แม๊เถอะ ป่อชิเต่อเบ่ เออเนอ หม่าแน๊เรอ อา เมซื๊อเกอ เต โต่.

ꤟꤤꤙꤚꤢꤨ 7:26

ฮู๊เนอเรอ, เหย่ซู่ หม่า เพรหลู่แต กู่กล๊อดุเล๊อ เตเพร เด๊อ อา เมเล๊อบา เป่ ลอ ล๋อ เป เตโหล่ เต๊เห่. อา หม่า อา บูโพ๊, อาเตซื๊อ โอ่โต่, อาซิปล่อ อาโพ๊อาแปละ. จอแปแหร่ แด่โอ่ข่อ ตาพา โค๊ดื่อ ลู เร๊อ เพรเมเตซื๊อ เต๊เห่, เร๊อ อา เด๊อะโอ่เฮ๊อ ลู เด๊อ เหล่โอ่ แถ่โลเล๊ออู โต๊โผ่ เฮ๊อ.

ทิโมธี เนอบ่า ต๊าบ่า 4:22

แบ่เจ่ เก่ โอ่เกอดื่อ เร๊อ เน นี๋. เตบุ๊ยเตเตอเรอ เก่ โอ่เกอดื่อ เน๊อ ซี ล๋อ ปลี นี๋.

มัทธิว 3:15

เหย่ซู่ เฮ๊ฉื่อ ลู เน๊อ, “กู๊แหน่ เรอ ตูรู๊ เจ เป่ มอ แว, เมเตเฮ๊เรอ เป โตเบ่ เมเล๊อบา ลอ ล๋อ จอแปแหร่ อา เตซิหยื่อ นอเม เป เนอเต๊เห่,” อา เฮ๊ เร๊อ คูยอห์น ซิปล่อโอ่ เจ เป่ ลู.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:22

โท๊โต่ เป ย๋อ จูเอ่ อาโหง่เฮ๊แก เร๊อ เป ย๋อ เมโต ลูซิปล่อ อาขว่าอาคยา, เป กุย เต อิเตเต๋ เบ่เบ่ เนอ, เป เก่ พย๊าหนิ เต เด๊อ อา โอ่ เนอเต๊เห่ ปา.