ꤛꤥ꤭ꤟꤢ꤬ 8:21 - ลีเทส่อพ๊าอาเซ เร๊อ เห่ขุทวาลู๊

²¹ แบ่เจ่ เหย่ซู่ เฮ๊ เป่ โป่ เหย่ซี เน๊อ, “แว เก่ เถ่จว๊าเฮ๊อ ปา, เร๊อ ซี เก่ แม๊ปูซื๊อ แว ปา. ซี เก่ เซอ ปา ตื๊อดื่อเรอ จอแปแหร่ ปลวาแก ซี เตซื๊อ เออเต๊เห่ โต่. เบ๊อะแว เหล่จว๊า เหล่โอ่เนอ ซี จว๊าแจ่โต่,” อา เฮ๊ เหย่ซี ฮู๊เนอ.

Eastern Kayah Shadaw Dialect

²¹ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩ ꤕ꤫ꤢꤩ꤬ ꤕ꤫ꤥ꤬ ꤛꤢꤩ꤬ꤞꤤ꤭ ꤔꤢꤧ, “ꤠꤢꤧ꤭ ꤊ꤫ꤢꤦ꤬ ꤓꤢꤩ꤬ꤡꤝꤢꤟꤣꤧ ꤕꤢ꤭, ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤗꤢꤧꤕꤢꤨ꤭ꤞꤢꤦ ꤠꤢꤧ꤭ ꤕꤢ꤭꤯ ꤞꤤ꤭ ꤊ꤫ꤢꤦ꤬ ꤞꤣꤧ꤭ ꤕꤢ꤭ ꤒꤣꤧ꤬ꤘꤢꤦꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤕꤜꤝꤢ꤭ꤊꤢꤧ꤭ ꤞꤤ꤭ ꤒꤢꤩ꤬ꤞꤢꤦ ꤣꤧ꤭ꤒꤣꤧ꤬ꤟꤢꤩ꤬ ꤒꤥ꤬꤯ ꤙꤣꤧ ꤠꤢꤧ꤭ ꤜ꤫ꤢꤩ꤬ꤡꤝꤢ ꤣꤧ꤭ꤒꤣ꤬ꤖꤥ꤬ꤔꤣꤧ꤬ ꤞꤤ꤭ ꤡꤝꤢꤡ꤫ꤢꤧ꤬ꤒꤥ꤬,” ꤢ꤬ ꤟꤢꤩ ꤛꤢꤩ꤬ꤞꤤ꤭ ꤟꤢꤨꤔꤣꤧ꤬꤯

ꤛꤥ꤭ꤟꤢ꤬ 8:21 ပူးပေါင်းရင်းမြစ်များ

ꤛꤥ꤭ꤟꤢ꤬ 7:34

ซี เก่ แม๊ปูซื๊อ แลแค แว ปา, หม่าแน๊เรอ ซี แม๊เถอะ แว โต่. เด๊อ แวเหล่โอ่ เออเนอ, ซี จว๊า แจ่ เกอ แว เตเพร่ว โต่.”

ꤛꤥ꤭ꤟꤢ꤬ 8:24

ฮู๊เนอเนอ, แว เฮ๊ ซี เน๊อ ซี เก่ เซอ ปา ตื๊อดื่อเรอ จอแปแหร่ ปลวาแก ซี เตซื๊อ เออเต๊เห่ โต่. แว เฮ๊ ซี เนอหม่า เออเฮ๊อ. แว หม่า อูเปเนอ แว แด๊โฉ่ เป่โทเฮ๊อ ซี เร๊อ ซี เก่ หยื่อเอ่โต่ เฮ๊เนอ, ซี เก่ เซอ ปา ตื๊อดื่อเรอ จอแปแหร่ ปลวาแก ซี เตซื๊อ เออเต๊เห่ โต่.”

ꤛꤥ꤭ꤟꤢ꤬ 13:33

“แวพู๊แวเลอ ซี, แว โอ่เต่อ งยาเกอปา เร๊อ ซี โต่เฮ๊อ. ซี เก่ แม๊ปูซื๊อ แว ปา. ฮู๊ แว เฮ๊โทเฮ๊อ แกแยยิวพู๊ ทวาดุทวาเต เต๊เห่เนอ, แว เก่ เฮ๊ เป่ โป่ ซี กู๊แหน่เออ เน๊อ เหล่โอ่ เด๊อ แว เตเร จว๊า เออเนอ, ซี จว๊าแจ่โต่.

เอเฟซัส 2:1

เด๊อ อาเหร่อเค เนอหม่า, ซี ย๋อ หนิดา จูเอ่ เกออู จอแปแหร่ อาโหง่ โต่, ซี เม เตซื๊อ อาขว่าอาคยา, เด๊อ แหย่โย ตากยา เนอ, ซี แซ่เน๊อ แกแย เซอโทเฮ๊อ เนอเต๊เห่ เฮ๊อ.

ꤛꤥ꤭ꤟꤢ꤬ 12:35

เออโตโพ๊เรอ แบ่เจ่ เหย่ซู่ เฮ๊แก เกอเร๊อ อาเหน่ เน๊อ, “เตลี เออเนอ อา โอ่โก๊โป่ เร๊อ ซี เตอเปลอฮู๊ ปาแพ๊. เบ๊อะเตลี โอ่เกอปา เร๊อ ซี เบ๊อะเนอ, ตูรู๊ จว๊าเป่แฮ แลแค. เตคี๊ เก่ แฮโต่ คยา ซี ปา. แกแย จว๊า เด๊อ เตคี๊เกล เตเพรเนอ, อา จว๊าโต เบ๊อะเตเนอ, อา ซิเง เกอเร๊อ อาเหน่ โต่.

ꤛꤥ꤭ꤟꤢ꤬ 12:33

อา เฮ๊ ฮู๊เออ เนอหม่า อา ซิหยื่อ เด๊อะโล ซิเง เป่ อู เร๊อ อา เก่ เซอ ฮู๊เต ปา เนอแพ๊.

มัทธิว 25:46

“ฮู๊เนอเรอ เหย่ซี เก่ ข่าเบ่ เด๊อ เตเมจากาคยา ตูจูเพร ตาแลเคร๊ ปา, หม่าแน๊เรอ แกแย จ๊อเต เออเต๊เห่เนอ อา เก่ โนหนิ เด๊อ ม๊อขุ เร๊อ อาเก่ พย๊าหนิ ซิปล่อเซอเพร ตูจูเพรปา.”

มัทธิว 25:41

“โทเรอ อา เก่ เฮ๊ติ แกแย โอ่ เด๊อ อากู๊ขุ จ๊อจิ เต๊เห่ เน๊อ, ‘เถ่จว๊า ตาพาแก เร๊อ แว, ซี หม่า แกแย เด๊อ อา พย๊าหนิ เตอิชอมู๊แหม่ เต๊เห่, จว๊าโน เกอ แลแค เด๊อ อู ตี๊หรี่แตแร โอ่หนื่ออื่อ เป่ โลเน๊มู๊แหม่รีแจ่ กู่กล๊อ เนอโตโด เร๊อ อา โลเน๊โลหน่า เนอเต๊เห่ อาเง เด๊อ เหย่ซี เก่ จว๊าโอ่ เบ๊อะหมิ เด๊อ อา ปีเป่ โตโพ๋ โต่ เนอเต๊เผ่อากู เนอ.

มัทธิว 23:39

เร๊อ แว เฮ๊ ซี, ซี เก่ แม๊เถอะ ปา แว โต่เฮ๊อ, เร๊อ ช๋า ซี เฮ๊เฮ๊อ เน๊อ, ‘แกแย เด๊อ อา แฮ เด๊อ จอแปแหร่ อามุยกู เออเตเพรเนอ, อา เก่ พย๊าหนิ ดื่อเฮ๊อ เตเด๊อะบุ๊ยเด๊อะเตอเรอ นี๋’ ซี เฮ๊โทเฮ๊อ ฮู๊เนอ ปา เร๊อ ซี เก่ แม๊เถอะ คยาแซ๊ เนอ แวปา.”

ꤛꤥ꤭ꤟꤢ꤬ 7:36

โทเรอ อา เฮ๊ เน๊อ, ‘ซี เก่ แม๊ปู แว ปา ตื๊อดื่อเรอ ซี แม๊เถอะ แว โต่,’ อา เฮ๊ ฮู๊เนอ โทเรอ, อา เฮ๊ โป่ เน๊อ, ‘เด๊อ แว เหล่โอ่ เออเนอ, ซี จว๊า แจ่ เกอ แว โต่,’ อา เฮ๊ ฮู๊เนอหม่า อา ซิหยื่อ เฮ๊ อิเต แอ?” อา เฮ๊ เร๊อดื่อ ลู เตเพร เร๊อ เตเพร ฮู๊เนอ.