ꤛꤥ꤭ꤟꤢ꤬ 7:39 - ลีเทส่อพ๊าอาเซ เร๊อ เห่ขุทวาลู๊

³⁹ เทอ เด๊อ อาเด๊อะ อู ซิปล่อเซอเพร เด๊อ แบ่เจ่ เหย่ซู่ เฮ๊ เออเนอหมา หม่า แหย่โยบูโพ๊แบ่เจ่ แพ๊. อูเปเป๋ เบ่เบ่ เด๊อ อา หยื่อเอ่ ลู เต๊เห่เนอ, อา เก่ พย๊าหนิ ปา. แบ่เจ่ เหย่ซู่ พย๊าหนิ แล๋ เตเตอเรอดุ เตอเรอทู โต่, เมเตเฮ๊เรอ อา เซอ ก๊อถ่อกาคยา เร๊อ อา กา กี๊แถ่ เด๊อ ม๊อขุ ล๋ายโต่. ฮู๊เนอเร๊อ จอแปแหร่ อา แหย่โยบูโพ๊ แฮโนโอ่ เด๊อ เหย่ซี ซิปล่อกู เตเพร่ว ล๋ายโต่.

Eastern Kayah Shadaw Dialect

³⁹ ꤓꤣꤧ꤭ ꤘꤣꤧ ꤢꤨ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤖꤢꤧ꤯ ꤢꤨ꤭ꤕꤢꤩ꤭ꤕꤢꤩ꤭꤮ ꤙꤢꤩ꤬ꤙꤢꤩ꤬ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤜꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤕꤢ꤭꤯ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤔ꤫ꤤ꤬ꤙꤢꤩ꤬ ꤜꤢ꤭ꤟꤤ ꤒꤢꤩ꤬ꤒꤣꤧ꤬ꤚꤣꤧ꤭ꤘꤢꤨ꤬ ꤒꤣꤧ꤬ꤚꤣꤧ꤭ꤓꤢꤨ꤭ ꤒꤥ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤞꤣꤧ꤭ ꤊꤣꤧ꤬ꤓꤢꤪ꤬ꤊꤢ꤬ꤋꤛꤢ꤭ ꤚꤣꤧ꤬ ꤢ꤬ ꤊꤢ꤬ ꤊꤣꤧ꤬ꤓꤢꤧ꤬ ꤘꤣ ꤗꤢꤪꤋꤢꤨ꤬ ꤜꤢ꤭ꤟꤤꤒꤥ꤬꤯ ꤟꤢꤨꤔꤣꤧ꤬ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤟꤢꤧ꤭ꤔꤥ꤭ꤥ꤬ ꤘꤣ ꤛꤢꤩ꤬ꤞꤤ꤭ ꤞꤤꤕꤜꤢꤪ꤬ꤊꤢꤨ꤭ ꤒꤣ꤬ꤖꤚꤢꤩ꤬ ꤜꤢ꤭ꤟꤤꤒꤥ꤬꤯

ꤛꤥ꤭ꤟꤢ꤬ 7:39 ပူးပေါင်းရင်းမြစ်များ

เพรโด่แนพู๊ เต๊เห่ 2:17

‘จอแปแหร่ เฮ๊ เน๊อ, เออ หม่า เต เด๊อ แว เก่ นอทวาแถ่ อา เบ๊อะม๊อเนอ เด๊อ คยาตื๊อดื่อเล๊อ ปา เต๊เห่เนอ เฮ๊อ. แว เก่ กลอตา แว แหย่โยบูโพ๊แบ่เจ่ เด๊อ แกแย เห่ขุพู๊ ล๋อ ปลี เต๊เห่ อาลู ปา. ซี พู๊เหมาะพู๊คู เต๊เห่ เก่ แด๊โฉ่โล หนื่ออื่อ แว เตหรี่เตแก เต๊เห่ ปา, ซี เพรคูพู๊เส่ เต๊เห่ เก่ แม๊เถอะลว๊า หนื่ออื่อ ปา, เร๊อ ซี โหมะเผระ เต๊เห่ เก่ โอ่เมอแหม่ลว๊า เต เต๊เห่ ปา.

เพรโด่แนพู๊ เต๊เห่ 2:33

จอแปแหร่ แด่ดุแด่ทู เหย่ซู่ เร๊อ อา แด่โอ่ ลู เด๊อ อากู๊ขุ จ๊อทว๊า ตากยา, เร๊อ ฮู๊ อาเพ จอแปแหร่ อ๊อแล โทเฮ๊อ เน๊อ อา เก่ เด๊อะ ลู แหย่โยบูโพ๊ เนอ อา เด๊อะเฮ๊อ ลู เฮ๊อ. เร๊อ เหย่ซู่ กลอตาแล๊ตา เฮ๊อ เต เด๊อ เน แม๊เถอะ หนิโฮเฮ๊อ กู๊แหน่เออ เนอเต๊เห่ เฮ๊อ.

เพรโด่แนพู๊ เต๊เห่ 2:4

เหย่ซี เล๊อบา ล๊อปลี เร๊อ แหย่โยบูโพ๊แบ่เจ่ ปว๋า เตเพร เร๊อ เหย่ซี เฮ๊เบ่เถ่ ลอ เน๊อ โหง่โค๊ตีกลี๊ ฮู๊ แหย่โยบูโพ๊แบ่เจ่ นอเฮ๊เบ่ เหย่ซี เนอเต๊เห่.

ꤛꤥ꤭ꤟꤢ꤬ 16:7

เก่ เฮ๊ ลอล๋อ โหง่ หม่า, แว จว๊าแก ซีเหล่ หม่า อาแร๊ เล๊อ เจ๊อ เด๊อ ซีเงเจ๊อ, เมเตเฮ๊เรอ แว เก่ จว๊า โต่ เฮ๊เนอ, เพรเมจว่า หม่าเฮ๊อ แหย่โยบูโพ๊แบ่เจ่ เออเตเพร แฮ เด๊อ ซีโอ่ โต่. หม่าแน๊เรอ แว เก่ จว๊า เฮ๊เนอ, แว เก่ นอแฮแล ลาติ ลู เด๊อ ซีโอ่ ปา.

ꤛꤥ꤭ꤟꤢ꤬ 12:16

เบ๊อะเนออาเค อา โคเจ่ เต๊เห่ ซิเงโปลแล เตเมทวาแถ่ อาโหง่แลช๊า เออเต๊เห่ ล๋ายโต่. เต เออเต๊เห่ เนอหม่า อา เม เล๊อบาแถ่เฮ๊อ เพรโพร อา เตเฮ๊หนื่ออื่อ มู๋ หนู่เค เต๊เห่เฮ๊อ. หม่าแน๊เรอ, เบ๊อะแบ่เจ่ เหย่ซู่ กากี๊แถ่ โทเฮ๊อ เด๊อ ม๊อขุ เบ๊อะเนอ, เหย่ซี ซิเงแถ่เบ่ โหน่แพ๊ เร๊อ อา เม เตเออเต๊เห่เนอ อา โตลอ เร๊อ เพรโพร อา เตเฮ๊หนื่ออื่อ มู๋หนู่เค เต๊เห่ เร๊อ อา โคเจ่ เต๊เห่ ซิเงแถ่ โต่เบ่ เร๊อ อา เมโต เป่ลอ ลู ฮู๊ เพรโพร เฮ๊หนื่ออื่อ เนอเต๊เห่.

ꤚꤥꤗꤢꤩ꤬ 8:9

หม่าแน๊เรอ, ซีเนอ, พ๊าหย่า อา เตซิหยื่อซิลอ มู๊แหม่ เป๊อหนิเกอ ซี โต่. จอแปแหร่ อา แหย่โยบูโพ๊ เก่ โอ่เซอเพร เด๊อ ซีเหน่ลู เฮ๊เรอ, อา แหย่โยบูโพ๊ แบ่เจ่ เออเนอ เก่ เป๊อหนิ ซี ปา. อูเปเป๋ เบ่เบ่, เด๊อ อา พย๊าหนิ เกออู ครี๊ อา แหย่โยบูโพ๊ โต่ เต๊เห่เนอ อา ทวา ครี๊ อาเต หม่าโต่.

เพรโด่แนพู๊ เต๊เห่ 2:38

คูเปโตร เฮ๊ เป่ เหย่ซี เน๊อ, “แซ่ฮู๊ จอแปแหร่ เก่ ปลวาแก ซี เตซื๊อ เต๊เห่เนอ, ถู่แหล่แต๊แกละกา แลแค ซิปล่อ ปว๋า เตเพร เร๊อ เจ แลแค ซีเหน่ เร๊อ เทอ เด๊อ เหย่ซู่ครี๊ อามุย อากูเนอ, ตื๊อหม่า จอแปแหร่ เก่ เด๊อะ ซี เชหยู่ หม่าเฮ๊อ แหย่โยบูโพ๊แบ่เจ่ เออเนอ ปา.

ꤛꤥ꤭ꤟꤢ꤬ 20:22

อา เฮ๊โท ฮู๊เนอเร๊อ อา โอ๊จว๊า เด๊อ เหย่ซีขุ เร๊อ อา เฮ๊ เหย่ซี เน๊อ, “พย๊าฉื่อ แลแค แหย่โยบูโพ๊แบ่เจ่ เออ.

ꤛꤥ꤭ꤟꤢ꤬ 12:23

เร๊อ แบ่เจ่ เหย่ซู่ เฮ๊ เน๊อ, “เบ๊อะแฮโต่เฮ๊อ เด๊อ แกแยพู๊คูเออ เก่ พย๊าหนิเฮ๊อ เตเตอเรอดุ เตอเรอทู เฮ๊อ.

เอเฟซัส 4:30

เมซิเปล แต่ จอแปแหร่ อา แหย่โยบูโพ๊ แต่เหม่. จอแปแหร่ เด๊อ ซี แหย่โยบูโพ๊แบ่เจ่ เออเนอหมา, อา แซ่เฮ๊อ เร๊อ เมม๊าเมแด เต๊อเจ่อ เด๊อ ซี หม่า จอแปแหร่ อาเต เฮ๊อ. แหย่โยบูโพ๊แบ่เจ่ เออเนอ, อา เก่ โอ่เต่อ เร๊อ ซี โต่เด๊อ จอแปแหร่ แฮ เมแลเปล๊กา ซี ปา เนอเตอเนอ ปา.

โครินธ์ เนอบ่า ต๊าบ่า 3:8

เตซว๊าเตแส่ เออ อา เก่ แฮ เจ๊อ เร๊อ อา เตลีเตเค ฉว่าชอ บ๊าเออ เจ๊อ เก่เฮ๊เรอ เตอ๊อแล อาเซ เออเนอ อา เก่ ลีเตเค ฉว่าชอเล๊อ แหน่ เฮ๊อ เร๊อ เตซว๊าเตแส่ เออเนอ เฮ๊อ. เตอ๊อแล อาเซ เออเนอ อา เด๊อะเฮ๊อ เป แหย่โยบูโพ๊ แบ่เจ่ เด๊อ อา เด๊อะ เป เตเซอเพร เออเนอ เตเพร เฮ๊อ.

เพรโด่แนพู๊ เต๊เห่ 4:31

เบ๊อะเหย่ซี กุยจ๊อเบ โทเฮ๊อ เบ๊อะเนอ, เหล่โอ่ เบ๊อะเหย่ซี เหล่โอ่ปล๊อ เต่อลู เนอโต๊โผะ อา อาว๊าหรี่รือเจ๊อ เร๊อ เหย่ซี เล๊อบา ลอปลี เร๊อ แหย่โยบูโพ๊แบ่เจ่ ปว๋า เตเพร เร๊อ เหย่ซี ปว๋า เตเพร แด๊โฉ่โด่แน คือฮา เป่ แลแค อู เร๊อ จอแปแหร่ อาหรี่อาแก.

เพรโด่แนพู๊ เต๊เห่ 3:13

เพอับราฮับ, เพอิสอัด เร๊อ เพยาโคบ เต๊เห่ อา จอแปแหร่ เน๊อ เป โหมะเพเพอโพ เด๋อ หนู่เค เต๊เห่ อา จอแปแหร่ เด๊อะโล แถ่เฮ๊อ อา เตลีเตเค เนอ อาหลู่เล๊ เหย่ซู่ เออเนอ เฮ๊อ. หม่าแน๊เรอ ซี เด๊อะตาแก อา เด๊อ แกแย ทวาดุทวาเต เต๊เห่ อา กู๊ยากู เร๊อ เบ๊อะคุ๊ยปีลาต เจแม๊ โทเฮ๊อ เด๊อ อา เก่ ปลวาเถ่แก ลู เบ๊อะเนอ, ซี จูเกอ ลู โต่. เด๊อ คุ๊ย เออเตเพร อา เป๊เส่เงเนอ, ซี เคร๊ฉื่อ ตาปา เจ๊อ อู เจ๊อ.

ꤛꤥ꤭ꤟꤢ꤬ 17:5

เพ๋, ฮู๊ แว เตอเรอดุ เตอเรอทู โอ่เต่อเกอ เร๊อ เน เด๊อ เห่ขุ ทวาแถ่ แต่ล๋ายโต่ ปา เบ๊อะเนอ, เด๊อะคยามอ แว เตอเรอดุ เตอเรอทู เออเนอ เด๊อ เนเบ๊เส่เง กู๊แหน่เออ แต๋.”

ꤛꤥ꤭ꤟꤢ꤬ 14:13

เด๊อ แวขว่าแวคยา, เร๊อ แซ่ฮู๊ อู เก่ แม๊เถอะ แวเพ อาเตอเรอดุเตอเรอทู อาเงเนอ, ซี กุย เต อิเตเต๋ เบ่เบ่, ซี เก่ กุย เร๊อ แวมุย เฮ๊เนอ, แว เก่ เด๊อ ซี ปา.

ꤛꤥ꤭ꤟꤢ꤬ 7:12

แกแย เบ๊หมู่ เต๊เห่ โด่แนโห่ โด่แนเซ๊ เอ๊แหน่เจ๊อ ลูหรี่ลูแก. เต๊เห่เห่เนอ, อา เฮ๊ แลแค เน๊อ, “อา หม่า แกแย แร๊ แพ๊.” อาโคโร เต๊เห่ เฮ๊ฉื่อ เน๊อ, “อาแร๊ หม่าโต่. อา แม๊ปู อี๊ลอแลโฮ อู แพ๊,” อา เฮ๊ แลแค ฮู๊เนอ.

ꤛꤥ꤭ꤟꤢ꤬ 6:14

เบ๊อะแกแย เออเต๊เห่ แม๊เถอะโท แบ่เจ่ เหย่ซู่ เม เตโค๊ตีกลี๊คยา เออเต๊เห่ เบ๊อะเนอ, เหย่ซี เฮ๊ แลแค เน๊อ, “เพรโพร เด๊อ อา เตเร แฮแล เด๊อ เห่ขุเออ ปา อู เฮ๊ เนอหม่า อา หม่า แหน่ เฮ๊อ อา เฮ๊อ,” อา เฮ๊ แลแค ฮู๊เนอ.

ꤛꤥ꤭ꤟꤢ꤬ 1:33

เด๊อ อาเหร่อเค เนอหม่า แว ซิเงแต่ล๋าย เร๊อ อา หม่า แกแย ทวา ฮู๊เออเนอ เตเพร ล๋ายโต่, ตื๊อดื่อเรอ จอแปแหร่ เด๊อ อา นอ แว เด๊อ แว เก่ เจ เป่ อู เร๊อ เทอ เออเตเพรเนอ อา เฮ๊ แว เน๊อ, ‘ช๋า เนอปา เนอ, เก่ เน แม๊เถอะ แหย่โยบูโพ๊แบ่เจ่ แฮแล โอ่ เด๊อ แกแย เตเพร อาลู ปา เฮ๊เนอ อา หม่า หม่าเฮ๊อ แกแย เด๊อ อา เก่ เจ เป่ อู เร๊อ แหย่โยบูโพ๊แบ่เจ่ ปา เนอเตเพร เฮ๊อ.’

ꤛꤥ꤭ꤟꤢ꤬ 1:25

เร๊อ เหย่ซี แฮ แด๊เฮอ โป่ คูยอห์น เน๊อ, “เน เก่ หม่า ครี๊ หม่าโต่โต่, เพรโพร เอลียาห์ หม่าโต่โต่, เพรโพร เด๊อ จอแปแหร่ อ๊อแล เด๊อ อา นอแฮ ลู เนอเตเพร หม่าโต่โต่ เก่เฮ๊เรอ เน จว๊า เจ เป่ โต่ อู เทอ เมเต?” เหย่ซี เฮ๊ ลู ฮู๊เนอ,

ꤛꤥ꤭ꤟꤢ꤬ 1:21

เหย่ซี แด๊เฮอ โป่ เน๊อ, “เก่ เมฮู๊เนอเรอ, เน หม่า อูเป? เน หม่า เพรโพร เอลียาห์ แอ?” เร๊อ คูยอห์น เฮ๊ฉื่อ เหย่ซี เน๊อ, “หม่าโต่.” โทเรอ เหย่ซี แด๊เฮอ โป่ เน๊อ, “เน หม่า เพรโพร เด๊อ จอแปแหร่ อ๊อแล เด๊อ อา เก่ นอแฮแล ลู ปา เนอเตเพร แอ?” เร๊อ อา เฮ๊ฉื่อ เน๊อ, “หม่าโต่”

ꤜꤢꤨꤊꤢ꤬ 24:49

เร๊อ แว เก่ นอตาแล เป่ ซี ฮู๊ แวเพ อ๊อแล หนื่ออื่อ โทเฮ๊อ เนอเต๊อเจ่อ เด๊อ ซีโหล่ ปา. หม่าแน๊เรอ ซี เก๊ พย๊าหนิ แต่ล๋าย เตเตอเรอฉว่าชอ เด๊อ อา โอ่ เด๊อ ม๊อขุเออ แฮแล แต่ล๋าย เด๊อ ซีเหน่ลูโต่ เนอ, ซี เบ่ โอ่ป่อตื๊อดื่อ เบ๊อะวีกู เออเนอ ปา.”

ꤜꤢꤨꤊꤢ꤬ 7:16

แกแย เบ๊หมู่ เออเต๊เห่ คย๊าอายื๊อ ลอปลี เจ๊อ เร๊อ ถู่เซ๊แถ่ แลแค จอแปแหร่ เร๊อ อา เฮ๊ แลแค เน๊อ, “เพรโพรดุ โอ่โลแถ่ เฮ๊อ เด๊อ เปเกล เตเพร เฮ๊อ” เร๊อ “จอแปแหร่ แฮแล เมจว่า เฮ๊อ อาแกแย เฮ๊อ.”

ꤜꤢꤨꤊꤢ꤬ 3:16

ฮู๊เนอ อาขว่าอาคยา, คูยอห์น เฮ๊ เหย่ซี ปว๋า เตเพร เน๊อ, “แว เจ ซี เร๊อ เทอ แพ๊, หม่าแน๊เรอ เพร เด๊อ อา เตอเรออาโพร ฉว่าชอ เล๊อเล๊อ เจ๊อ เร๊อ แว เตเพรเนอ อา เก่ แฮ ปา. แว ฉิโล๊ เป่แพ๊ อา แข่แด๊พ๊า เปลอ แพ๊ เน๋อ แว ต่า เร๊อ อา โต่. อา เก่ แฮ เจ ซี เร๊อ แหย่โยบูโพ๊แบ่เจ่ เร๊อ หมิ ปา

มัทธิว 16:14

เหย่ซี เฮ๊ฉื่อ ลู เน๊อ, “เต๊เห่เห่เรอ อา เฮ๊ เน๊อ เน หม่า เพรเจเทอ คูยอห์น, เต๊เห่เห่ ลาติ เร๊อ เนหม่า เพรโพร คูเอลียาห์, เต๊เห่เห่เรอ อา เฮ๊ เน๊อ เนหม่า เพรโพร คูเยเรมีย์, โต่หม่าเเน๊ เนหม่า เพรโพร โคดื่อ เด๊อ อาโร เต๊เห่ อาเกล เตเพรเพร แพ๊.”

ꤛꤥ꤭ꤟꤢ꤬ 14:26

หม่าแน๊เรอ, เพ เก่ นอแฮ เป่ ซี เพรเมจว่า ซี แหย่โยบูโพ๊แบ่เจ่ เร๊อ แวมุย ปา. อา เก่ อิซว๊าอี๊แส่ เป่ ซี เตล๋อ ปลี ปา, โท๊โต่ ล๋อ เต เด๊อ แว เฮ๊โทเฮ๊อ ซี เต๊เห่เนอ, อา เก่ เด๊อซิเง กาคยา คยาแซ๊ ซี ปา.

มัทธิว 21:11

แกแย เบ๊หมู่เออ เฮ๊ฉื่อ เน๊อ, “อา หม่า เหย่ซู่. อา หม่า เพรโพรโอ่ เด๊อ วีนาซาเร็ธ, กาลิลีเก่ เตเพร.”

ꤛꤥ꤭ꤟꤢ꤬ 8:54

เร๊อ แบ่เจ่ เหย่ซู่ เฮ๊กาคยาฉื่อ เหย่ซี เน๊อ, “แว เก่ ถู่เซ๊ เกอเร๊อ แวเหน่ เก่เฮ๊เรอ แว เตถู่เซ๊ เออเนอ, เหล่หยื่อเอ่ ซิเลหนิ เร๊อ เตอเจ๋อ โต่. แวเพ เด๊อ ซี เฮ๊ เกอเร๊อ เน๊อ ซี จอแปแหร่ เออเตเพรเนอ, อา หม่า เพรเมลี เมเตเค แว เฮ๊อ.

ꤛꤥ꤭ꤟꤢ꤬ 16:14

เด๊อ อา แฮ แด๊โฉ่โล เป่ ซี เร๊อ ล๋อ อา หนิโฮ เต เด๊อ แวโอ่ เนอเต๊เห่ อาขว่าอาคยา, อา เก่ เด๊อะ โล แว เตอเรอดุ เตอเรอทู ปา.

ꤛꤥ꤭ꤟꤢ꤬ 17:1

แบ่เจ่ เหย่ซู่ เฮ๊โท ฮู๊เออ เร๊อ อา แม๊แถ่ เด๊อ ม๊อขุ เร๊อ อา กุยจ๊อเบ เร๊อ อา กุย ฮู๊เออ, “เพ๋, เบ๊อะแฮโต่เฮ๊อ. แซ่ฮู๊ แว เก่ เด๊อะโล เป่ อู เน เตอเรอดุ เตอเรอทู เนอ, เด๊อะมอ แว หม่า เฮ๊อ เน พู๊คูเออ อา เตอเรอดุ เตอเรอทู นี๋.

เพรโด่แนพู๊ เต๊เห่ 19:2

เร๊อ อา แด๊เฮอ เหย่ซี เน๊อ, “เบ๊อะซี หยื่อเอ่แหน่เอ่เต เบ๊อะเนอ, ซี พย๊าหนิ โทเกอเฮ๊อ แหย่โยบูโพ๊แบ่เจ่ แอ?” เร๊อ เหย่ซี เฮ๊ฉื่อ ลู เน๊อ, “เป พย๊าหนิ น๊อเกอ ล๋ายโต่. โทเร๊อ แหย่โยบูโพ๊แบ่เจ่ โอ่ เฮ๊เน๊อ, เป หนิโฮน๊อ เกอ เจ๊อ อู โตโพ๋ โต่.”