ꤛꤥ꤭ꤟꤢ꤬ 7:33 - ลีเทส่อพ๊าอาเซ เร๊อ เห่ขุทวาลู๊

³³ แบ่เจ่ เหย่ซู่ เฮ๊ เน๊อ, “แว โอ่เต่อ งยาเกอปา เร๊อ ซี โต่. งยาแต่โต่ ปาหม่า แว เก่ กาคยา คยาแซ๊ เด๊อ เพรนอแฮ แว เออเตเพร อา โอ่ เฮ๊อ.

Eastern Kayah Shadaw Dialect

³³ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩ ꤔꤢꤧ, “ꤠꤢꤧ꤭ ꤥ꤬ꤒ꤫ꤣ꤬ ꤑꤢ꤭ꤊꤣꤧ꤭ꤕꤢ꤬ ꤔꤢꤧ ꤞꤤ꤭ ꤒꤥ꤬꤯ ꤑꤢ꤭ꤒꤢꤧ꤬ꤒꤥ꤬ ꤕꤢ꤭ꤗꤢ꤬ ꤠꤢꤧ꤭ ꤊ꤫ꤢꤦ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤘꤣ ꤖꤚꤢꤩ꤬ꤔꤢꤪ꤭ꤟꤢꤧ꤭ ꤠꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤥ꤬ ꤟꤣꤧ꤯

ꤛꤥ꤭ꤟꤢ꤬ 7:33 ပူးပေါင်းရင်းမြစ်များ

ꤛꤥ꤭ꤟꤢ꤬ 16:5

“กู๊แหน่เนอ, แว เก่ กาเฮ๊อ เด๊อ เพร เด๊อะ อา นอแฮ แว เออเตเพร อา โอ่ เฮ๊อ. ‘เน เตเร จว๊าเบ๊อะโต๊โผ่เต ปาเนอ,’ ซี แด๊เฮอ แว เตเพร่ว โต่.

ꤛꤥ꤭ꤟꤢ꤬ 13:33

“แวพู๊แวเลอ ซี, แว โอ่เต่อ งยาเกอปา เร๊อ ซี โต่เฮ๊อ. ซี เก่ แม๊ปูซื๊อ แว ปา. ฮู๊ แว เฮ๊โทเฮ๊อ แกแยยิวพู๊ ทวาดุทวาเต เต๊เห่เนอ, แว เก่ เฮ๊ เป่ โป่ ซี กู๊แหน่เออ เน๊อ เหล่โอ่ เด๊อ แว เตเร จว๊า เออเนอ, ซี จว๊าแจ่โต่.

ꤛꤥ꤭ꤟꤢ꤬ 17:13

“แว แฮเฮ๊อ เด๊อ เนโอ่ กู๊แหน่ เฮ๊อ. แซ่ฮู๊ เหย่ซี เก่ โอ่เล๊อบา เร๊อ เตซิกอล๊อ แกแน อาเงเนอ, เบ๊อะแว โอ่ปา เบ๊อะเห่ขุเออ เบ๊อะเนอ, แว แด๊โฉ่โล เป่ เฮ๊อ เหย่ซี เร๊อ เตเออเต๊เห่ เฮ๊อ.

ꤛꤥ꤭ꤟꤢ꤬ 17:11

แว โอ่ ตื๊อดื่อ ปา เด๊อ เห่ขุเออ โต่, หม่าแน๊เรอ เหย่ซี เออเต๊เห่ เก่ โอ่ ตื๊อดื่อปา เด๊อ เห่ขุเออ ปา. แวเร๊อ, แว เก่ กาคยา คยาแซ๊ เด๊อ เนโอ่ ปา. เก๋อ เพ บูโพ๊! แซ่ฮู๊ เหย่ซี เก่ โอ่ลู เร๊อ ซิปล่อ เตเมเม๋ แพ๊ ฮู๊ แว เร๊อ เน โอ่ลู เร๊อ ซิปล่อ เตเมเม๋ แพ๊ อากูเนอ, ตอกอเตเก บี๊หนิดื่อ เหย่ซี เร๊อ เนมุย เด๊อ อาโพรอาฉว่าอาชอ, เนมุย เด๊อ เน เด๊อะ แว เออเนอ นี๋.

ꤛꤥ꤭ꤟꤢ꤬ 16:28

แว โอ่ เด๊อ เพโอ่ แฮ เร๊อ แว แฮแล เด๊อ เห่ขุเออ. กู๊แหน่เร๊อ แว เก่ เถ่กาแก เด๊อ เห่ขุเออ เร๊อ แว เก่ กาคยา คยาแซ๊ เด๊อ แวเพ อา โอ่.”

ꤛꤥ꤭ꤟꤢ꤬ 16:10

เมเตเฮ๊เรอ, แว เก่ กา เด๊อ เพ อา โอ่ ปา เร๊อ ซี แม๊เถอะ ปา แว โต่ อาขว่าอาคยา, แหย่โยบูโพ๊แบ่เจ่ เก่ เด๊อซิเงโปล เป่ เหย่ซี เร๊อ เตจ๊อเตเต อาแกล๊อาโกล ปา.

ꤛꤥ꤭ꤟꤢ꤬ 14:19

เตอเปลอฮู๊ อากูเนอ, แกแย เห่ขุพู๊ เต๊เห่ แม๊เถอะ ปา แว โต่. หม่าแน๊เรอ ซีเนอ, ซี เก่ แม๊เถอะ แว ปา. แว เซอเพร อาขว่าอาคยาเร๊อ ซี เก่ เซอเพร เกอ ปาปา.

ꤛꤥ꤭ꤟꤢ꤬ 13:3

แบ่เจ่ เหย่ซู่ ซิเงดื่อเฮ๊อ เร๊อ อาเพ เด๊อะตา โทลอเฮ๊อ ลู เตโพรเตเตอเรอ ฉว่าชอ เด๊อ เตล๋อ ปลี อาขุ เฮ๊อ. อา ซิเง เร๊อ อา โอ่ เด๊อ จอแปแหร่ โอ่แฮ เร๊อ อา เก่ กาคยา คยาแซ๊ เด๊อ จอแปแหร่ อา โอ่ ปา.

ꤛꤥ꤭ꤟꤢ꤬ 13:1

เบ๊อะป่วยเตจว๊า ตา ลว๊า เบ่แต่ ล๋ายโต่ เบ๊อะเนอ, แบ่เจ่ เหย่ซู่ ซิเงเฮ๊อ เร๊อ เบ๊อะเด๊อ อา เก่ เบ่ วี๊แก เห่ขุ เร๊อ อา เบ่ กา เด๊อ อาเพโอ่ เนอ อา แฮโต่เฮ๊อ. เร๊อ อา โมหนิเร๊อ อา โคเจ่ เด๊อ อา โอ่ เด๊อ เห่ขุ เออเต๊เห่ ปว๋า โตโพ๊ เจ๊อ. อา โม โต่ เจ๊อ เหย่ซี เด๊อ อา ตื๊อดื่อ เจ๊อ.

ꤗꤢ꤬ꤊꤢꤨ 16:19

แบ่เจ่ เหย่ซู่ เฮ๊เบ่โท เร๊อ อา โคเจ่ เต๊เห่ เร๊อ จอแปแหร่ เอ๊กา กาแถ่แก ลู เด๊อ ม๊อขุ เร๊อ อา แถ่โอ่แนโอ่ เด๊อ จอแปแหร่ อากู๊ขุ จ๊อทว๊า ตากยา.

ꤛꤥ꤭ꤟꤢ꤬ 9:4

เบ๊อะเหมาะคี๊ ล๋ายโต่ เนอ, เป เบ่ เม เป่ เพร เด๊อ อา นอแฮ แว เออเตเพร อาเตเม. เหมาะคี๊ เร๊อ อู เมแจ่ ปา เตเพร่ว โต่ เนอ, อา เก่ แฮโต่ ปา.

ꤛꤥ꤭ꤟꤢ꤬ 14:12

แว เฮ๊จ๊อจ๊อ ซี, แกแย เด๊อ อา หยื่อเอ่ แว เต๊เห่เนอ, อา เก่ เมเต เด๊อ แว เมโทเฮ๊อ เออเนอเต๊เห่ ปา. แว เตเร จว๊าเฮ๊อ เด๊อ เพ อา โอ่ อาขว่าอาคยา, อา เก่ เมดุ เมแหล่ เมเอ๊เล๊อ เล๊อปา เจ๊อ เร๊อ เออเต๊เห่ ปา.

ꤛꤥ꤭ꤟꤢ꤬ 14:28

“ซี หนิโฮ โทเฮ๊อ แว เฮ๊ ซี เน๊อ, ‘แว จว๊าแก ซีเหล่ ปา ตื๊อดื่อเรอ แว เก่ กาโตเกอ คยาแซ๊ ซี ปา.’ แว เซเร จว๊า เด๊อ เพ อา โอ่ ปา, แว เฮ๊ ซี ฮู๊เออเนอ, ซี เก่ โม แว เฮ๊เรอ ซี ซิครือ แพ๊, เมเตเฮ๊เรอ แวเพ เนอ อาดุเล๊อ เร๊อ แว.

ꤛꤥ꤭ꤟꤢ꤬ 20:17

เร๊อ แบ่เจ่ เหย่ซู่ เฮ๊ ลู เน๊อ, “ปื่อ แต่ แว เหม่, เมเตเฮ๊เรอ แว กา เด๊อ แวเพ โอ่ ล๋ายโต่. จว๊า เด๊อ แว โป่แหว่ เนอเต๊เห่ อา โอ่ เร๊อ จว๊าเฮ๊ เป่ เหย่ซี เน๊อ, ‘แว เก่ กากี๊แถ่ เด๊อ แวเพ หม่า อาหม่าหม่า, เหย่ซี อาเพ หม่า อาหม่าหม่า, แว จอแปแหร่ หม่า อาหม่าหม่า, เหย่ซี จอแปแหร่ หม่า อาหม่าหม่า เออเตเพร อา โอ่ปา,’” อา เฮ๊ ลู ฮู๊เนอ.