ꤛꤥ꤭ꤟꤢ꤬ 7:19 - ลีเทส่อพ๊าอาเซ เร๊อ เห่ขุทวาลู๊

¹⁹ คูโมเสส เด๊อะเฮ๊อ ซี เตซว๊าเตแส่ แวเฮ๊โต่? หม่าแน๊เรอ ซี ลือครวาเม เกอ เตซว๊าเตแส่เตเพร๋ โต่. ซี แม๊ปู เมเซอ แว เมเต?”

Eastern Kayah Shadaw Dialect

¹⁹ ꤋꤢꤨ꤭ꤗꤢꤪꤎꤢꤧ ꤘꤣꤧꤟꤣꤧ ꤞꤤ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤠꤢꤧ꤭ꤟꤢꤩꤒ꤫ꤥ꤬? ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤜꤢꤦ꤬ꤋꤚꤝꤢ꤭ꤗꤢꤩ꤬ ꤊꤣꤧ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤞꤤ꤭ ꤗꤢꤧꤕꤢꤨ꤭ ꤗꤢꤩ꤬ꤞꤣꤧ꤭ ꤠꤢꤧ꤭ ꤗꤢꤩ꤬ꤒꤢꤩ꤭?”

ꤛꤥ꤭ꤟꤢ꤬ 7:19 ပူးပေါင်းရင်းမြစ်များ

ꤛꤥ꤭ꤟꤢ꤬ 1:17

จอแปแหร่ เด๊อะตา เตซว๊าเตแส่ เร๊อ คูโมเสส เร๊อ คูโมเสส เด๊อะตา แฮเง เน๊อ เป, ตื๊อดื่อเร๊อ เหย่ซู่ครี๊ หม่า หม่าเฮ๊อ แกแย เด๊อ อา เด๊อะตา เป่ เป เตบุ๊ยเตเตอเรอ เร๊อ เตหมะเตจ๊อ.

ꤛꤥ꤭ꤟꤢ꤬ 11:53

ฮู๊เนอเรอ, เป๊อแถ่ เบ๊อะเนอ เตอเนอ ตาเป่แฮ เร๊อ แกแย ทวา แกแยยิวพู๊ ทวาดุทวาเต เต๊เห่เนอ, อา แม๊ปู เครเมเซอ แลแค เฮ๊อ เหย่ซู่.

ꤛꤥ꤭ꤟꤢ꤬ 7:1

แบ่เจ่ เหย่ซู่ เฮ๊โท ฮู๊เออ เนอ, อา จว๊า เด๊อ กาลิลีเก่ เนอ, อา จว๊าเล ตอดอ โท ตอดอ เบ๊อะเนอ. แกแยยิวพู๊ ทวาดุทวาเต เต๊เห่ ย๋อ แม๊ปู เมเซอ ลู อาขว่าอาคยา, อา ซิหยื่อ จว๊า เด๊อ ยูดาห์ เก่กู โต่.

มัทธิว 12:14

หม่าแน๊เรอ ฟาริสี เต๊เห่ เถ่จว๊า ตาพาแก เร๊อ เหย่ซี จว๊าโอ่กู๊ เฮ๊เบ่ เกอเร๊อลู เน๊อ โตเบ่ เมเซอ เหย่ซู่ ฮู๊เตเนอ อาหรี่อาแก.

ꤊꤢ꤬ꤜꤢ꤬ꤒꤤ 6:13

เหย่ซี เด๊อ อา ดื๊อตีลี๊ เจ๊อพ๊า เนอเต๊เห่ เจ๊อ เร๊อ อา จูเอ่ เกออู เตซว๊าเตแส่ โต่. หม่าแน๊เรอ แซ่ฮู๊ เหย่ซี เก่ แด่แถ่โล แลแค อาซิปล่อ เร๊อ ซี ครวา ดื๊อตีลี๊ เป่ เกอ ลู พ๊า เออ อาคยา เนอเรอ, เหย่ซี ซิหยื่อ นอดื๊อตีลี๊ เกอ ซีพ๊า แพ๊.

ꤊꤢ꤬ꤜꤢ꤬ꤒꤤ 3:19

จอแปแหร่ จว๊าเด๊อะตา โต่ เป เตซว๊าเตแส่ เมเต? แกแย ย๋อ เมเตซื๊อ อาขว่าอาคยา, อา เด๊อะตา เป แพ๊. เตซว๊าเตแส่ เออเนอ, อา โอ่หม่าโอ่กลอ เง โต่เด๊อ เพ อับราฮัม อากลุยอาลุ๊ย แฮโต่เนอ. เพ อับราฮัม อากลุยอาลุ๊ย เด๊อ จอแปแหร่ อ๊อแลแก เนอเตเพร หม่า หม่าเฮ๊อ เหย่ซู่ครี๊ เออเนอเฮ๊อ. จอแปแหร่ เด๊อะตา เตซว๊าเตแส่ เออ เด๊อ ม๊อขุเตเน่วพู๊ อา กู๊ยากู. เร๊อ ม๊อขุเตเน่วพู๊ เด๊อะตา แฮเง เด๊อ คูโมเสส เร๊อ คูโมเสส เด๊อะตา แฮเง เด๊อ แกแย อา โอ่. คูโมเสส หม่า เพรแรเต เด๊อ อากล๊าเมกู เตเพร แพ๊.

เพรโด่แนพู๊ เต๊เห่ 7:38

คูโมเสส หม่า แกแย เตเพร เด๊อ อา โอ่เต่อโอ่ปล๊อ เต่อโร๊ ลอ เร๊อ เปเพอเปโพ เด๊อ เก่เชเทอแก หล่อตาม๊าขุ เนอเตเพร เฮ๊อ. อา โอ่เตอเกอ เร๊อ เป โหมะเพเพอโพ เด๋อ งย๊าเค เต๊เห่ เร๊อ เตเน่วม๊อขุพู๊ เด๊อ อา เฮ๊เบ่ เกอเร๊อ ลู เด๊อ ซีนายโฉ่ขุ เนอเตเพร เฮ๊อ. โทเรอ อา หม่า แกแย เตเพร เด๊อ อา พย๊าหนิ จอแปแหร่ อาลาอาโหง่ เด๊อ อา เซอเพร เออเต๊เห่ เร๊อ อา เก่ เด๊อะแล แฮเง เป่ เร๊อ เป เออเต๊เห่ เนอ เฮ๊อ.

ꤛꤥ꤭ꤟꤢ꤬ 10:39

เหย่ซี ซิหยื่อ ปื่อ ลู ตื๊อดื่อเรอ อา เถ่จว๊า ตาพาแก เหย่ซีเหล่.

ꤛꤥ꤭ꤟꤢ꤬ 7:25

วีเยรูซาเล็ม พู๊ เต๊เห่เห่ เฮ๊ เน๊อ, “แกแยยิวพู๊ ทวาดุทวาเต แม๊ปู เมเซอ ลู เนอหม่า อา เฮ๊อ แอ?

ꤛꤥ꤭ꤟꤢ꤬ 5:45

“เตเน แต่ แว เร๊อ แกแย เตเพร เด๊อ อา เก่ แด่ ซี เตซื๊อ เด๊อ เพ อา เป๊เส่เง เนอปา แต่เหม่. คูโมเสส เด๊อ ซี แม๊ชือ ซิเล เกอเร๊อ ลู เนอเตเพร, เก่ แด่ ซี เตซื๊อ ปา.

ꤛꤥ꤭ꤟꤢ꤬ 5:18

เด๊อ เหย่ซู่ เฮ๊เบ่ โหง่ ฮู๊เออ อาขว่าอาคยา, แกแยยิวพู๊ ทวาดุทวาเต เต๊เห่ เหล่ แอ๊จื๊อ แม๊ปูเมเซอ ฉว่าเล๊อ โป่ เร๊อ เด๊อ อาเหร่อเค เนอ. หม่า แพ๊ดื่อ อา เม ตาลว๊าตาแก โต โอ่โก๊ ม๊อเนอโด่ อา เตซว๊าเตแส่ ตื๊อดื่อ เออเนอ หม่าโต่, อา ย๋อ เฮ๊ โป่ เร๊อ จอแปแหร่ หม่าอาเพ เร๊อดื่อ เร๊อ อา เบ่ ครือแนหนิ อาเหน่ เร๊อ จอแปแหร่ อาขว่าอาคยา, เหย่ซี แม๊ปู เมเซอ ลู แพ๊.

ꤛꤥ꤭ꤟꤢ꤬ 5:16

ฮู๊เนอ อาขว่าอาคยา, เหย่ซู่ ย๋อ เม เตเออเต๊เห่ เด๊อ ม๊อเนอโด่ ขว่าคยา, แกแยยิวพู๊ ทวาดุทวาเต เต๊เห่ เป๊อแถ่ เมซู๊ช๊าแฮ ลู.

ꤗꤢ꤬ꤊꤢꤨ 3:6

ฟาริสีพู๊ เต๊เห่ เถ่จว๊า ตาพาแก เร๊อ โตโพ๊โต เหย่ซี จว๊าโอ่ปล๊อ เต่อเร๊อ แกแย เด๊อ อา ครอ ครวา คุ๊ยเฮโรด คยา เนอเต๊เห่ เร๊อ เหย่ซี จว๊า โอ่ปล๊อ เฮ๊เบ่ ส่อพ๊อเบ่ลู เร๊อ โตเม เมเซอ เหย่ซู่ ฮู๊เต อาคยา.

ꤗꤢ꤬ꤊꤢꤨ 3:4

โทเรอ อา แด๊เฮอ เหย่ ซี เน๊อ, “เป เตซว๊าเตแส่ เฮ๊ เป่ เร๊อ เบ๊อะแกแยยิวพู๊ อา ม๊อเนอโด่ อาคยาเนอหม่า, เป โตเบ่ เมจว่า อู แอ? หม่าโต่หม่า เป โตเบ่ เมจาเมจือ อู แอ? เป โตเบ่ เมแลเปล๊กา แกแย เตเพรเพร อาซิปล่อ เซอเพร แอ? หม่าโต่เรอ เป โตเบ่ เมเซอ อู แอ?” หม่าแน๊เรอ เหย่ซี แด๊ต๊ากลว่า ลอปลี แพ๊.

มัทธิว 21:38

“หม่าแน๊เรอ เบ๊อะเพรเมเอ่ โก๊ เอ่เพร๊ เออเต๊เห่ แม๊เถอะ ลู เบ๊อะเนอ, เหย่ซี เฮ๊ เกอเร๊อลู เน๊อ, ‘อา หม่า เพร เด๊อ อา พย๊าหนิ อู่เจเต๊เหย่ เนอเตเพร เฮ๊อ, จว่า! จว๊าเมเซอแก ลู โป๋, เร๊อ เป เก่ พย๊า แกเผ่ อา อูเจเต๊เหย่ ปา,’ อา เฮ๊ แลแค ฮู๊เนอ.

ꤗꤢ꤬ꤊꤢꤨ 11:18

เพรหลู่แต ทวาดุทวาเต เต๊เห่ เร๊อ เพรอิซว๊า เตซว๊าเตแส่ อาซ๊าร๊า เต๊เห่ หนิโฮ เหย่ซู่ เฮ๊ ฮู๊เออ เร๊อ เหย่ซี แม๊ปู แกล๊ เด๊อ อา เก่ แม๊ปูเมเซอ เหย่ซู่. แกแย ตู๊หมู่ดุ เต๊เห่ ย๋อ อาคย๊าอายื๊อ ลอปลี เหย่ซู่ อา เตอิซว๊าอี๊แส่ อาคยา, เหย่ซี ทวา ทวาดุทวาเต เนอเต๊เห่ ซิอิเช แลแค เหย่ซู่ อาเหล่.