ꤛꤥ꤭ꤟꤢ꤬ 7:12 - ลีเทส่อพ๊าอาเซ เร๊อ เห่ขุทวาลู๊

¹² แกแย เบ๊หมู่ เต๊เห่ โด่แนโห่ โด่แนเซ๊ เอ๊แหน่เจ๊อ ลูหรี่ลูแก. เต๊เห่เห่เนอ, อา เฮ๊ แลแค เน๊อ, “อา หม่า แกแย แร๊ แพ๊.” อาโคโร เต๊เห่ เฮ๊ฉื่อ เน๊อ, “อาแร๊ หม่าโต่. อา แม๊ปู อี๊ลอแลโฮ อู แพ๊,” อา เฮ๊ แลแค ฮู๊เนอ.

Eastern Kayah Shadaw Dialect

¹² ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤒꤣꤧ꤬ꤟꤢꤩ꤬ ꤘꤥ꤬ꤔꤢꤧ꤭ꤟꤥ꤬ ꤘꤥ꤬ꤔꤢꤧ꤭ꤞꤝꤢꤩ ꤢꤩꤔꤢꤧ꤬ꤡꤣꤧ ꤜꤢꤨ꤭ꤚꤤ꤬ꤜꤢꤨ꤭ꤊꤢꤧ꤭꤯ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬, ꤢ꤬ ꤟꤢꤩ ꤜꤢ꤭ꤋꤢꤧ꤭ ꤔꤢꤧ, “ꤢ꤬ ꤗꤢ꤬ ꤊꤣꤧ꤬ꤛꤢꤧ꤭ ꤚꤢꤧ ꤖꤢꤧ꤯” ꤢ꤬ꤋꤥ꤭ꤚꤥ꤬ ꤒꤣꤧ꤬ꤟꤢꤩ꤬ ꤟꤢꤩꤏꤢꤦ꤬ ꤔꤢꤧ, “ꤢ꤬ꤚꤢꤧ ꤗ꤫ꤢ꤬ꤒꤥ꤬꤯ ꤢ꤬ ꤗꤢꤧꤕꤢꤨ꤭ ꤢꤩꤜꤢ꤬ꤜꤣꤧ꤬ꤟꤥ꤭ ꤢꤨ꤭ ꤖꤢꤧ,” ꤢ꤬ ꤟꤢꤩ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬꤯

ꤛꤥ꤭ꤟꤢ꤬ 7:12 ပူးပေါင်းရင်းမြစ်များ

ꤛꤥ꤭ꤟꤢ꤬ 9:16

ฟาริสี เต๊เห่ เฮ๊ เน๊อ, “อา หม่า อา โอ่ เด๊อ จอแปแหร่ อา โอ่ แฮ หม่าโต่, เมเตเฮ๊เรอ อา โด่ เกออู ม๊อเนอโด่ โต่ เน๋อ.” หม่าแน๊เรอ เต๊เห่เห่เนอ อา เฮ๊ แลแค เน๊อ, “เพรเตซื๊อพู๊ เตเพร จว๊าเม แจ่ โต่ เตโค๊ตีกลี๊ ฮู๊เออ เต๊เห่ ฮู๊เต?” ฮู๊เนอเร๊อ เหย่ซี ซิปล่อ ลูโค๊ ลอแคลู ตู๊หมู่ เร๊อ ตู๊หมู่.

ꤛꤥ꤭ꤟꤢ꤬ 7:47

เร๊อ ฟาริสี เต๊เห่ เฮ๊โตโมจู๊แก่ฉื่อ เหย่ซี เน๊อ, “หม่า อา อี๊หล่า หนิเกอ เจ๊อ เฮ๊อ ซี กอ?

ꤛꤥ꤭ꤟꤢ꤬ 7:32

เหย่ซี เฮ๊เบ่โห่ เฮ๊เบ่เซ๊ เกอเร๊อลู เร๊อ แบ่เจ่ เหย่ซู่ครี๊ อาหรี่อาแก คยา ฮู๊เออ เบ๊อะเนอ, ฟาริสี เต๊เห่ หนิโฮ เร๊อ เหย่ซี เน๊อ เพรหลู่แต ทวาดุทวาเต เต๊เห่ นอจว๊าปื่อ แบ่เจ่ เหย่ซู่ เร๊อ เกลอฮู๊ เด๊อ อา โอ่ป่อ เตหลู่แตโฮ เนอเต๊เห่.

ฟีลิปปี 2:14

แซ่ฮู๊ ซี เก่ ทวาแถ่ แกแย อาโพ๊อาแปละ เร๊อ อู เหล่แด่ เตซื๊อ เด๊อ ซีลู เก่ โอ่ ปา แต่เหม่, โท๊โต่ แซ่ฮู๊ ซี เก่ ทวาดื่อ จอแปแหร่ อา พู๊เหมาะพู๊คู เด๊อ อาเตซื๊อ โอ่ โต่ เต๊เห่, เร๊อ เบ๊อะซี โอ่เซอเพร เด๊อ แกแย มู๊แหม่ จ๊อเตโต่ เออเต๊เห่ อาเกล เอออาเค, แซ่ฮู๊ ซี เก่ ลีเตเคแถ่ เป่ อู ฮู๊ เฉ่เต๊เห่ เด๊อ เห่ขุต๊าบ่า เอออาเงเนอ, ซี เมเต อิเตเต๋ เบ่เบ่, ตามวาเตเล เคร๊แขะ แต่ แลแค แต่เหม่ นี๋.

ꤚꤥꤗꤢꤩ꤬ 5:7

แกแย เตเพร เก่ ข่าเซอ เป่ แกแยจ๊อแกแยเต อาเง เตเพร เฮ๊เนอหม่า, อาแก แหน่เจ๊อ. หม่าแน๊เรอ แกแยแร๊ หม่าแหน่ เตเพร อาเง เฮ๊เนอ, ตาแร๋ หม่า เพร ข่าเซอบื่อ เด๊อ อาเง เนอหม่า อา โอ่ แพ๊ เก่.

เพรโด่แนพู๊ เต๊เห่ 11:24

คูบารนาบัส หม่า แกแย เด๊อ อาแร๊ เร๊อ อา เล๊อบา เร๊อ แหย่โยบูโพ๊แบ่เจ่ เตเพร. เร๊อ อา หม่า แกแย เด๊อ อา เตหยื่อเตแหน่ ชอ เตเพร. เร๊อ อา เมจว่า เอ๊ เป่ลา อู เร๊อ อู หยื่อเอ่แลแค เอ๊ลา แบ่เจ่.

ꤛꤥ꤭ꤟꤢ꤬ 7:52

เหย่ซี เฮ๊ฉื่อ ลู เน๊อ, “เน หม่า กาลิลี เก่พู๊ แพ๊แพ๊. แม๊ปู จว๊ารว๊า กาคยา คยาแซ๊ มอ ลีเทส่อพ๊า, เน เก่ แม๊เถอะ ซิเง เร๊อ เพรโพร เนอเตเพร โอ่แถ่ เด๊อ กาลิลีเก่ กูปา หม่าโต่.”

ꤛꤥ꤭ꤟꤢ꤬ 6:14

เบ๊อะแกแย เออเต๊เห่ แม๊เถอะโท แบ่เจ่ เหย่ซู่ เม เตโค๊ตีกลี๊คยา เออเต๊เห่ เบ๊อะเนอ, เหย่ซี เฮ๊ แลแค เน๊อ, “เพรโพร เด๊อ อา เตเร แฮแล เด๊อ เห่ขุเออ ปา อู เฮ๊ เนอหม่า อา หม่า แหน่ เฮ๊อ อา เฮ๊อ,” อา เฮ๊ แลแค ฮู๊เนอ.

ꤜꤢꤨꤊꤢ꤬ 23:50

แกแย เด๊อ อามุย เร๊อ คูโยเซฟ โอ่ เตเพร. อา โอ่ เด๊อ วีอาริมาเธีย, ยูดาห์เก่กู. อา หม่า แกแยแร๊, แกแยจ๊อจื้อ เด๊อ อา โอ่ป่อแม๊ชือ จอแปแหร่ อาเทออาเก่ เก่ แฮ ปา เตเพร. อา หม่า อา โอ่ป่าเต่อเกอ เร๊อ แกแย ทวาดุ อาตู๊หมู่ตอกล๊อกู เตเพร ตื๊อดื่อเรอ เบ๊อะอู อ๊อแล ลอ เร๊อ อู เก่ เมจากาคยา เหย่ซู่ เบ๊อะเนอ, อา อ๊อแล ป่าเต่อ เกออู โต่.

ꤜꤢꤨꤊꤢ꤬ 23:47

โรมัน เกลอฮู๊เตเย กู่กล๊อ เออเตเพร แม๊เถอะ เตเมอาเหน่ เออเต๊เห่ เร๊อ อา ถู่เซ๊แถ่ จอแปแหร่ เร๊อ อา เฮ๊ เน๊อ, “แกแย เออเตเพร หม่า แกแยจ๊อ แกแยเต หม่าแหน่ เจ๊อ แหน่ เฮ๊อ!”

ꤜꤢꤨꤊꤢ꤬ 18:19

เหย่ซู่ แด๊เฮอ ลู เน๊อ, “เน จว๊าเอ๊ โต่ แว เด๊อ ซ๊าร๊าแร๊ เมเต? แกแยแร๊ โอ่ เตเพร่ว โต่, อา โอ่ แพ๊ตื่อ จอแปแหร่ เตเพรแพ๋.

ꤜꤢꤨꤊꤢ꤬ 7:16

แกแย เบ๊หมู่ เออเต๊เห่ คย๊าอายื๊อ ลอปลี เจ๊อ เร๊อ ถู่เซ๊แถ่ แลแค จอแปแหร่ เร๊อ อา เฮ๊ แลแค เน๊อ, “เพรโพรดุ โอ่โลแถ่ เฮ๊อ เด๊อ เปเกล เตเพร เฮ๊อ” เร๊อ “จอแปแหร่ แฮแล เมจว่า เฮ๊อ อาแกแย เฮ๊อ.”

ꤜꤢꤨꤊꤢ꤬ 6:45

แกแยแร๊ เตเพรเนอ อา เฮ๊เบ่เถ่ แพ๊ เตแร๊ โอ่ เด๊อ ลู ซิปล่อกู เนอเต๊เห่ แพ๊. แกแยจาแกแยมู๊แหม่ เตเพรเนอ, อา เฮ๊เบ่เถ่ แพ๊ เตมู๊แหม่รีแจ่ โอ่ เด๊อ ลู ซิปล่อกู เนอเต๊เห่ แพ๊. แกแย เนอ อา ซิปล่อกู โอ่บา ตาป่อตาเป ฮู๊เต๊เนอ อากู๊อู่ ครวา เฮ๊เบ่เถ่ เกอ ฮู๊เนอแพ๊.

มัทธิว 27:63

เร๊อ เหย่ซี จว๊า เฮ๊ ลู เน๊อ, “คุ๊ย, เป เตเนหม่า ปา เร๊อ เบ๊อะเพแลโฮดุ เนอเตเพร โอ่เซอ เพรปา เบ๊อะเนอ, อา เฮ๊ เน๊อ, ‘โซเนอโทปา เนอ, แว เก่ ก๊อถ่อเซอเพร กาคยา ปา,’ อาเฮ๊ฮู๊เนอ.

มัทธิว 21:46

เร๊อ เหย่ซี แม๊ปู แลแค แกล๊ เด๊อ อา เตเร ปื่อ เหย่ซู่ หม่าแน๊เรอ เหย่ซี ซิอิเช แกแย เบ๊หมู่ เนอเต๊เห่ อาเหล่, แกแย เบ๊หมู่ เต๊เห่ ย๋อ หยื่อเอ่ แลแค เน๊อ เหย่ซู่ หม่า เพรโพร เตเพร อาขว่าอาคยา, อาปื่อ บื่อ ลูโต่.

มัทธิว 10:25

โคเจ่ เตเพร เก่ แจ่ บ๊า อาซ๊าร๊า เนอ, เร๊อ หลู่ เตเพร เก่ แจ่ บ๊า อาแบ่เจ่ เนอ เฮ๊หม่า โป่เฮ๊อ. แว ทวา เจ๊อ หี่กู่กล๊อ เตเพร เร๊อ เหย่ซี เก่ เอ๊ แว เร๊อ โลเน๊โลหน่า อา กู่กล๊อดุ เด๊อ อามุย เร๊อ เบเอลเซบูล เออ เก่เฮ๊เรอ ซี เด๊อ อา ทวา แพ๊ หี่พู๊แพพู๊ เต๊เห่เนอ, อา เก่ เอ๊ จา เอ๊ มู๊แหม่ เล๊อ ปา เจ๊อ ซีมุย ปา.