ꤛꤥ꤭ꤟꤢ꤬ 6:61 - ลีเทส่อพ๊าอาเซ เร๊อ เห่ขุทวาลู๊

⁶¹ อา โคเจ่ เต๊เห่ ตามวาเตเล แลแค ฮู๊เออเนอ อา ซิเง อาขว่าอาคยา, อา เฮ๊ เหย่ซี เน๊อ, “แว เฮ๊ ฮู๊เออ เร๊อ ซี ซิปล่อปย๊า ลอ แลแค เร๊อ แว เตอิซว๊า เออเต๊เห่ แอ?

Eastern Kayah Shadaw Dialect

⁶¹ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤒꤣꤧ꤬ꤗꤝꤢ꤭ꤒꤣꤧ꤬ꤜꤢꤩ꤭ ꤜꤢ꤭ꤋꤢꤧ꤭ ꤟꤢꤨꤣꤧ꤭ꤔꤣꤧ꤬ ꤢ꤬ ꤞꤤꤑꤢꤩ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤠꤢꤧ꤭ ꤟꤢꤩ ꤟꤢꤨꤣꤧ꤭ ꤚꤣꤧ꤬ ꤞꤤ꤭ ꤞꤤꤕꤜꤢꤪ꤬ꤕꤛꤢ ꤜꤢꤪ꤭ ꤜꤢ꤭ꤋꤢꤧ꤭ ꤔꤢꤧ ꤠꤢꤧ꤭ ꤒꤢꤩ꤬ꤤ꤬ꤞꤝꤢ ꤣꤧ꤭ꤒꤣꤧ꤬ꤟꤢꤩ꤬ ꤟꤢꤧ꤭?

ꤛꤥ꤭ꤟꤢ꤬ 6:61 ပူးပေါင်းရင်းမြစ်များ

ꤛꤥ꤭ꤟꤢ꤬ 6:64

หม่าแน๊เรอ เด๊อ ซีเกล เนอ, แกแย เด๊อ อา หยื่อเอ่ เกออู โต่เนอ อา โอ่ เต๊เห่.” เมเตเฮ๊เรอ แบ่เจ่ เหย่ซู่ ซิเง ปา เจ๊อ เด๊อ อาแก่ช๊า เนอ, เด๊อ เหย่ซีเกล เนอ อา หยื่อเอ่ ลู โต่, เร๊อ อา เก่ อิเซตาแก ลู ปาเนอ อา โอ่เตเพรเนอ, อา ซิเง เร๊อ อา เฮ๊ เหย่ซี ฮู๊เนอ แพ๊.

เตเด๊อะโลแถ่ 2:23

แว เก่ เมเซอแก เต่อเกอ อา โคเจ่ เต๊เห่ ปาปา. ฮู๊เนอเรอ เพรหยื่อเอ่ตู๊หมู่ตอกล๊อ ปวาตู๊หมู่ เก่ ซิเง เร๊อ แว หม่า เพร เด๊อ อา ซิเง อู ปว๋า เตเพร อา เหล่เตเน เร๊อ อา เตซิหยื่อซิลอ เต๊เห่ เนอ ปา. ซี เตเพร เน๊อ เตเพร เมโท ลอแคร๊เฮ๊อ ฮู๊เต เนอ, แว เก่ เด๊อะเลอ กาคยาฉื่อ ซี ฮู๊ ซี เมโท เนอเต๊เห่ ปา.

ꤟꤤꤙꤚꤢꤨ 4:13

ล๋อ เตทวาแถ่ เต๊เห่เนอ, อา โอ่ว๊าโอ๊บี๊ แจ่ แน๊ จอแปแหร่ โต่. เด๊อ อาเบ๊เงเนอ, อาแซ่เน๊อ เป โอ่กาโกล ลอปลี ปว๋า เตเพร แพ๊. เป เมโทเฮ๊อ เตเต๊เห่เน๊อ, เร๊อ เป เตเน โทเฮ๊อ เตเต๊เห่เนอ, อา แม๊เถอะ ซิเง ล๋อ ปลี เจ๊อ. เป เบ่ แฮ แด๊โฉ่ แถ่โล ลอ อา ปว๊า เต๊อเจ่อ ปา.

ꤛꤥ꤭ꤟꤢ꤬ 21:17

โทเรอ อา แด๊เฮอ โป่ ลู โซโพ๊โตโพ๊ เน๊อ, “เพยอห์น อาพู๊คู คูซีโมน, เน โม แว แอ?” แบ่เจ่ เหย่ซู่ ย๋อ แด๊เฮอ ลู เน๊อ, “เน โม แว แอ?” เนอ โซโพ๊เฮ๊อ อาขว่าอาคยา, อา โม ลูซิปล่อ โต่. เร๊อ อา เฮ๊ฉื่อ ลู เน๊อ, “แบ่เจ่, เน ซิเง ลอ เตปว๊าเต๊อเจ่อ, แว โม เน เนอหม่า เน ซิเง เฮ๊อ,” อา เฮ๊ ลู ฮู๊เนอ, เร๊อ แบ่เจ่ เหย่ซู่ เฮ๊ ลู เน๊อ, “แม๊ โบ่เอ่โบ่โอหนิ แว ซิหมิ เนอเต๊เห่ นี๋.

มัทธิว 11:6

อู เป๊เป๋ เบ่เบ่ เด๊อ อา เท๊ฉื่อ แวโต่, หยื่อเอ่ แว อา เก่ พย๊าหนิ หม่าแหน่ เจ๊อ เตเด๊อะบุ๊ยเด๊อะเตอเรอ เฮ๊อ.”

มัทธิว 17:27

หม่าแน๊เรอ แซ่ฮู๊ เหย่ซี เก่ ซิปล่อดุ แต่ เป แต่เหม่เนอ, จว๊าบี๊มอ เต๊ว เด๊อ กาลิลี อาเทออ่อกู เน. เต๊วฮู๊ เด๊อ อา หนิ เหร่อเล๊อ เต๊เบ่เนอ, โบแอ แม๊ เด๊อ อาแกกู เนอ นี๋. เน เก่ แม๊เถอะ รือหย่า เต๊เบ่ ปา. พย๊า รือเออ เร๊อ จว๊าเด๊อะ เน๊อ เนเง เน๊อ แวเง เน๊อ เตหลู่แตโฮ อาหมู่อาร๊า อาเงเนอ.”

ꤛꤥ꤭ꤟꤢ꤬ 16:19

แบ่เจ่ เหย่ซู่ ซิเง เด๊อ เหย่ซี ซิหยื่อ แด๊เฮอ ลู เตหรี่เตแก เออ อาขว่าอาคยา, เร๊อ อา เฮ๊ เหย่ซี เน๊อ, “แว เฮ๊ เป่ ซี เน๊อ, ‘งยาแต๋โต่ ปาหม่า ซี แม๊เถอะน๊อ ปา แว โต่ เฮ๊อ, หม่าแน๊เรอ งยาแต๋โต่ คยาแซ๊ ปาหม่า ซี แม๊เถอะ คยาแซ๊ แว ปา,’ เออเนอ แว ซิ เฮ๊ อาโหง่แลช๊า อิเตเนอ ซี แด๊เฮอ เกอเร๊อ แคลู เตเพร เร๊อ เตเพร แวเฮ๊โต่?