ꤛꤥ꤭ꤟꤢ꤬ 6:51 - ลีเทส่อพ๊าอาเซ เร๊อ เห่ขุทวาลู๊

⁵¹ แว หม่า เหล่เอ่ เด๊อ อา เด๊อะอู ซิปล่อเซอเพร เร๊อ อา โอ่ เด๊อ ม๊อขุ ตาแล. อูเปเป๋ เบ่เบ่, อา เก่ เอ่ เหล่เอ่ เออเนอ, อา เก่ เซอเพร ตูจูเพร ปา. เหล่เอ่ เออเนอหมา หม่าเฮ๊อ แวหย่า เออเนอ เฮ๊อ. แซ่ฮู๊ แกแย เห่ขุพู๊ เก่ เซอเพร อาเงเนอ แว เด๊อะแลแก แว เหน่กล่อ เออ เด๊อ เหย่ซีเง เฮ๊อ.”

Eastern Kayah Shadaw Dialect

⁵¹ ꤠꤢꤧ꤭ ꤗꤢ꤬ ꤏꤢꤩ꤬ꤢꤩ꤬ ꤘꤣ ꤢ꤬ ꤘꤣꤧꤢꤨ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤚꤣꤧ꤬ ꤢ꤬ ꤥ꤬ ꤘꤣ ꤗꤢꤪꤋꤢꤨ꤬ ꤟꤢꤧ꤭ꤜꤢꤧ꤬꤯ ꤢꤨ꤭ꤕꤢꤩ꤭ꤕꤢꤩ꤭꤮ ꤙꤢꤩ꤬ꤙꤢꤩ꤬, ꤢ꤬ ꤊꤢꤩ꤬ ꤢꤩ꤬ ꤏꤢꤩ꤬ꤢꤩ꤬ ꤣꤧ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤕꤢ꤭꤯ ꤏꤢꤩ꤬ꤢꤩ꤬ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤠꤢꤧ꤭ꤛꤢ꤬ ꤣꤧ꤭ꤔꤣꤧ꤬ ꤟꤣꤧ꤯ ꤞꤢꤧꤟꤢꤨ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤊ꤫ꤢꤦ꤬ ꤞꤣꤧ꤭ꤖꤚꤢꤩ꤬ ꤢ꤬ꤑꤢꤩ꤭ꤔꤣꤧ꤬ ꤠꤢꤧ꤭ ꤘꤣꤧꤜꤢꤧ꤬ꤊꤢꤧ꤭ ꤠꤢꤧ꤭ ꤔ꤫ꤢꤩ꤬ꤊꤜ꤫ꤢꤪ꤬ ꤣꤧ꤭ ꤘꤣ ꤛꤢꤩ꤬ꤞꤤ꤭ꤑꤢꤩ꤭ ꤟꤣꤧ꤯”

ꤛꤥ꤭ꤟꤢ꤬ 6:51 ပူးပေါင်းရင်းမြစ်များ

ꤜꤢꤨꤊꤢ꤬ 22:19

โทเร๊อ เหย่ซู่ พย๊า ค๊อมู เร๊อ อา เฮ๊บุ๊ยเฮ๊เตอเรอแถ่ จอแปแหร่ โทเรอ อา บิกยา ค๊อมู เร๊อ อา เด๊อะตา เร๊อ เหย่ซี. เร๊อ อา เฮ๊ เหย่ซี เน๊อ, “เออ หม่า แว เหน่กล่อ เด๊อ แว เด๊อะแลแก เด๊อ ซีเง เนอเฮ๊อ. เอ่ แลแค เออ เร๊อ เตเนแถ่ โต่แว นี๋.”

ꤛꤥ꤭ꤟꤢ꤬ 6:33

เมเตเฮ๊เรอ จอแปแหร่ อาเหล่เอ่ หม่าแหน่ หม่า อา โอ่ เด๊อ ม๊อขุ ตาแล เร๊อ อา เด๊อะเป่ แกแย เห่ขุพู๊ ซิปล่อเซอเพร เนอเตเพร เฮ๊อ,” อา เฮ๊ เหย่ซี ฮู๊เนอ.

ꤛꤥ꤭ꤟꤢ꤬ 3:13

แกแย แถ่โต่น๊อ เด๊อ ม๊อขุ เนอ อา โอ่ เตเพร่ว โต่. แกแยเห่ขุ อาพู๊คู เด๊อ อา โอ่ เด๊อ ม๊อขุ แฮแล เออเตเพร แถ่โต่ ตื๋อ ดื่อ แพ๊.

ꤒꤤꤒꤢꤨ 2:14

แซ่ฮู๊ อา เก่ เมแลเปล๊กา เป เด๊อ เตมู๊แหม่รีแจ่ ล๋อ ปลี เต๊เห่ อากู, โท๊โต่ แซ่ฮู๊ อา เก่ เม อาโพ๊อาแปละ กา เป เร๊อ เป เก่ ทวาแถ่ อาแกแย, โท๊โต่ เป เก่ ซิปล่อฉว่า เมเต เด๊อ อาแร๊ เต๊เห่ อาเงเนอ, อา ข่าเซอ เป่ เฮ๊อ อาซิปล่อ เด๊อ เปเง เฮ๊อ.

มัทธิว 20:28

แกแย พู๊คู, แฮ เด๊อ เห่ขุเออ อาพย๊า ฉื่อ เป เมเป่ อา เนอ หม่าโต่. หม่าแน๊เรอ อาเก่ เมเป่ อู เงแพ๊. แซ่ฮู๊ แกแย เก่ แลเปล๊ กา อาเง เนอ, อา เด๊อ แล แก อา ซิปล่อ เซอเพร เด๊อ เหยซี อาเง เฮ๊อ.”

ꤟꤤꤙꤚꤢꤨ 10:20

แบ่เจ่ เหย่ซู่ ข่าเซอ อาซิปล่อ เด๊อ เปเง อาขว่าอาคยา, อา บ๊าโม เป่ เฮ๊อ เปแกล๊ อาเซ เด๊อ อา เด๊อ เป ซิปล่อเซอเพร เออโตโบ. แกล๊ เออโตโบเนอ, อา จว๊าโน ตาลว๊า เบ๊เฮ๊อ เร๊อ อู จ่อตาตือ อิเก บ่าดุ เด๊อ อา หม่าเฮ๊อ ครี๊ อาเหน่กล่อ เออต๊าบ่าเนอ เฮ๊อ, เร๊อ อา จว๊าโต่เฮ๊อ เด๊อ จอแปแหร่ อา โอ่ เฮ๊อ.

โครินธ์ เนอบ่า ต๊าบ่า 5:21

ครี๊เนอ อาเตซื๊อ โอ่ เต๊อเจ๋อ โต่. หม่าแน๊เรอ, แซ่ฮู๊ อา เก่ ปล๊าลีแก เป่ เป เตซื๊อ อาโหน่อาฉู่ เต๊เห่ อาเงเนอ, จอแปแหร่ นอข่าเซอ ลู เด๊อ เป เตซื๊อ อาเง. เด๊อ ครี๊ เม เป่ เฮ๊อ เป ฮู๊เนอ อาขว่าอาคยา, เป เก่ ทวาแถ่ เฮ๊อ เตเต๊อเจ๋อ แพ๊เน๊อ ครี๊ เฮ๊อ เร๊อ, จอแปแหร่ เก่ แด่จ๊อแด่เต เฮ๊อ เป เด๊อ อาเป๊เส่เง ปา.

เปโตร อาเหร่อเล๊อ ต๊าบ่า 2:4

แฮ แลแค เด๊อ แบ่เจ่ โอ่เออ, อา หม่า อาแซ่เน๊อ หล่อเซอเพร เตเม เด๊อ อู เตเน ลู เร๊อ อางูอาพรี โอ่โต่. เร๊อ อู วีแก แก ลู หม่าแน๊เรอ จอแปแหร่ นว๊าพย๊าแถ่ คยาแซ๊ ลู เร๊อ อางูดุงูชอ แหน่เจ๊อ เด๊อ ลูเง.

เอเฟซัส 5:2

ซี โต โอ่เซอเพร แลแค ฮู๊เต เฮ๊เนอหม่า, โมหนิเร๊อ แลแค อูโร ปว๋า เตอเนอ แซ่เน๊อ ครี๊ โม หนิเกอเร๊อ เป เร๊อ อา ข่าเซอ อาซิปล่อ เด๊อ เปเง เนอ นี๋. โท๊โต่ ครี๊ หลู่แถ่ อา ซิปล่อเซอเพร เด๊อ จอแปแหร่ อา เป๊เส่เง แซ่เน๊อ เตโนมื๊อโนชือ เด๊อ อาโต จอแปแหร่ อาซิปล่อ เออเนอ เฮ๊อ.

ꤛꤥ꤭ꤟꤢ꤬ 3:16

“จอแปแหร่ โมเกอเร๊อ ลอ เจ๊อ แกแย เห่ขุพู๊ ล๋อปลี, ล๋อ แกแย เด๊อ อา หยื่อเอ่ อาพู๊คู เต๊เห่เนอ, แซ่ฮู๊ อา เก่ พย๊าหนิ ซิปล่อเซอเพร ตูจูเพร เร๊อ อา เตปย๊าเตแก แต่เหม่ เนอ, อา เด๊อะแลแก อาพู๊คู โอ่ ตื๊อ เตเพร เออเนอ เด๊อ แกแย เห่ขุพู๊ เต๊เห่ อาเงเฮ๊อ.

ꤛꤥ꤭ꤟꤢ꤬ 1:29

เด๊อคยา เตอเนอเนอ, คูยอห์น แม๊เถอะ เหย่ซู่ แฮ เด๊อ อา โอ่ เร๊อ อา เฮ๊ เน๊อ, “แม๊มอ, จอแปแหร่ อาซิหมิพู๊ เด๊อ อา พย๊าวีแกแก แกแย เห่ขุพู๊ อา เตซื๊อเตโอ่หร่า เต๊เห่ เออเนอ เตเพร.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:14

เป แม๊เถอะน๊อ โทเฮ๊อ, เร๊อ เป แด๊โฉ่โล เป่ เฮ๊อ อูโร เต๊เห่ เน๊อ แซ่ฮู๊ จอแปแหร่ อาพู๊คูเออ เก่ แฮ ทวาเป่ อู เพรเมแลเปล๊กา แกแย เห่ขุพู๊ เต๊เห่ อาเงเนอ, เพ จอแปแหร่ นอแฮแลเฮ๊อ ลู เด๊อ เห่ขุ เออเนอ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:10

เตโม อาโหง่แลช๊า หม่าแหน่ หม่า จอแปแหร่ โม เป เร๊อ แซ่ฮู๊ เป เตซื๊อเตปล๊า ล๋อ ปลี เก่ ปลวาแก อาเงเนอ, อา นอแฮแล ข่าเซอ อาพู๊คู เด๊อเป เง. หม่าแน๊เรอ เป เตโม จอแปแหร่ เนอ อาดุ แซ่เน๊อ อาเตโม เป เออเนอ โต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:2

แซ่ฮู๊ จอแปแหร่ เก่ ปลวาแก เป เตซื๊อเตปล๊า เออเนอเร๊อ ครี๊ ข่าเซอโทเฮ๊อ อาซิปล่อ เฮ๊อ. หม่าแน๊เรอ ตื๊อแพ๊ เป เตซื๊อเตปล๊า ตื๊อดื่อ อาเงเนอ หม่าโต่, อา ปลวาแก โต่เป่เกอดื่อ ล๋อ เห่ขุพู๊ เต๊เห่ อา เตซื๊อเตปล๊า.

ꤛꤥ꤭ꤟꤢ꤬ 1:14

แกแย เด๊อ อู เอ๊ อา เร๊อ เตลาเตโหง่ เออเตเพรเนอ, อา แฮทวา ฮู๊ แกแย เนอ เร๊อ อา แฮ โอ่เซอเพร เฮ๊อ เด๊อ เปเกล. เป แม๊เถอะเฮ๊อ อา เตเตอเรอดุ เตอเรอทู. จอแปแหร่ อาพู๊คู ย๊อโอ่ตื้อ เตเพรแพ๊ อาขว่าอาคยา, อา พย๊าหนิ ลอปลี เจ๊อ เตเตอเรอดุ เตอเรอทู เออ เด๊อ อาเพโอ่ เจ๊อ. อา หม่า แกแย เด๊อ อา เล๊อบา เร๊อ เตบุ๊ยเตเตอเรอ เร๊อ เตหมะเตจ๊อ เตเพร.

เอเฟซัส 5:25

เวซี๋, ฮู๊ ครี๊ โม หนิเกอเร๊อ อา เพรหยื่อเอ่ตู๊หมู่ตอกล๊อ เร๊อ อา เด๊อะแลแก เจ๊อ อาซิปล่อ เด๊อ เพรหยื่อเอ่ เออ ตู๊หมู่ตอกล๊อ เต๊เห่ อาเงเนอ, โมหนิ แลแค ซีเม นี๋.

โครินธ์ เนอบ่า ต๊าบ่า 5:19

เป ซิหยื่อ เฮ๊เนอหม่า ฮู๊เตเฮ๊เนอ, เด๊อ ครี๊ อาขว่าอาคยาเร๊อ จอแปแหร่ เมทวาแถ่ เฮ๊อ แกแยเห่ขุพู๊ ปว๋า เตเพร เร๊อ อา โคแบ๊ซว๊า เฮ๊อ. จอแปแหร่ แด่ ปา แกแย แกแยเห่ขุพู๊ เต๊เห่ อา เตเมซื๊อ โต่ เฮ๊อ. เร๊อ อา เด๊อะตาแก เฮ๊อ เป เตเมเออ เด๊อ เป เก่ จว๊า แด๊โฉ่โด่แน โล เป่ อู เร๊อ จอแปแหร่ เมทวากาคยา คยาแซ๊ เฮ๊อ แกแยเห่ขุพู๊ เต๊เห่ เร๊อ อา โคแบ๊ซว๊า เฮ๊อ.

ꤛꤥ꤭ꤟꤢ꤬ 7:38

อูเปเป๋ เบ่เบ่, เด๊อ อา หยื่อเอ่ แวเนอ, ฮู๊ ลีเทส่อพ๊ากู เฮ๊ เนอ, เทอ เด๊อ อา เด๊อะอู ซิปล่อเซอเพร อาเทอแล เออเนอ, อา เก่ ทุ๊ยเถ่ เด๊อ ลูกู ปา.”

ꤛꤥ꤭ꤟꤢ꤬ 3:14

แซ่ฮู๊ แกแย ปว๋า เตเพร เด๊อ อา หยื่อเอ่แหน่ แว เต๊เห่, เก่ พย๊าหนิ ซิปล่อเซอเพร ตูจูเพร ตาแลเคร๊ อาเงเนอ, แว เด๊อะ อา หม่าดื่อเฮ๊อ แกแยพู๊คู เออ อู เก่ ช๊อแถ่ เกอดื่อ แว ฮู๊ คูโมเสส มู๋ หนู่เค จอแถ่ หรู่ตีลีแบ แหย่โย เด๊อ อี๊ถื่อลู เร๊อ อา ช๊อแถ่ อา เด๊อ เก่เชเทอแก หล่อตาม๊าขุ เนอ ปา.

ꤛꤥ꤭ꤟꤢ꤬ 3:36

แกแย เด๊อ อา หยื่อเอ่แหน่ พู๊คู เออเตเพร เต๊เห่เนอ, อา พย๊าหนิ ซิปล่อเซอเพร ตูจูเพร. เร๊อ แกแย เด๊อ อา หนิดา เกออู โต่ เร๊อ อา หยื่อเอ่แหน่ เกออู พู๊คูเออ โต่ เต๊เห่เนอ, อา พย๊าหนิ เกออู ซิปล่อเซอเพรโต่. จอแปแหร่ อาเต เมจากาคยา ตาโอ่ เด๊อ แกแย เนอเต๊เห่ อาลู.”

ꤛꤥ꤭ꤟꤢ꤬ 5:24

“แว เฮ๊จ๊อจ๊อ ซี, แกแย เด๊อ อา หนิโฮ แว ลาโหง่ เออเรอ อา หยื่อเอ่แหน่ เพร เด๊อ อา นอแฮแล แว เออเตเพร เต๊เห่เนอ, อา พย๊าหนิ ซิปล่อเซอเพร ตูจูเพร เฮ๊อ. เร๊อ อา แม๊เถอะ เบ่น๊อปา เด๊อ เตเมจากาคยาโต่. อา จว๊า ตาลว๊าเบ๊ เฮ๊อ เร๊อ เตเซอ เร๊อ อา จว๊าโน เฮ๊อ เด๊อ เตเซอเพร อากูเฮ๊อ.

ꤛꤥ꤭ꤟꤢ꤬ 6:35

เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “แว หม่า เหล่เอ่ เด๊อ อา เด๊อะ อู ซิปล่อเซอ เพร เฮ๊อ. แกแย เด๊อ อา แฮโต เด๊อ แวโอ่ เนอ, อา ซิกู๊ซิวี ปา โตโพ๋ โต่. แกแย เด๊อ อา หยื่อเอ่ แว เนอ, อา ซิโอปา แตแค๋ โต่.

ꤛꤥ꤭ꤟꤢ꤬ 6:41

“แว หม่า เหล่เอ่ โอ่เด๊อ ม๊อขุ แฮแล,” แบ่เจ่ เหย่ซู่ ย๋อ เฮ๊ ฮู๊เนอ อาขว่าอาคยา, แกแยยิวพู๊ เต๊เห่ ตามวาเตเล ลอปลี ลู.

ꤛꤥ꤭ꤟꤢ꤬ 6:47

แว เฮ๊จ๊อจ๊อ ซี, แกแย เด๊อ อา หยื่อเอ่ แว เตเพรเพร เนอ, อา เก่ พย๊าหนิเฮ๊อ ซิปล่อเซอเพร ตูจูเพร เฮ๊อ.

ꤛꤥ꤭ꤟꤢ꤬ 6:48

แว หม่า เหล่เอ่ เด๊อ อา เด๊อะ อู ซิปล่อเซอเพร.

ꤛꤥ꤭ꤟꤢ꤬ 6:50

หม่าแน๊เรอ, เหล่เอ่ โอ่ เด๊อ ม๊อขุ แฮแล แว เฮ๊ ซี เนอหม่า, อา โอ่ เบ๊อะเออ. อูเปเป๋ เบ่เบ่, อา เก่ เอ่ เหล่เอ่ เออ เฮ๊เนอหม่า, อา เซอ ปาโต่.

ꤛꤥ꤭ꤟꤢ꤬ 11:26

เมเตเฮ๊เรอ แกแย เด๊อ อา หยื่อเอ่ แว เต๊เห่เนอ, อา เก่ พย๊าหนิ ซิปล่อเซอเพร ตูจูเพร ปา, อา เซอปา โตโพ๋ โต่. เหมาะมารธา, แว เฮ๊เออ, เน หยื่อเอ่ แอ?”