ꤛꤥ꤭ꤟꤢ꤬ 6:2 - ลีเทส่อพ๊าอาเซ เร๊อ เห่ขุทวาลู๊

² แกแย เบ๊หมู่ ลอ แม๊เถอะ โทเฮ๊อ เตโค๊ตีกลี๊คยา เด๊อ แบ่เจ่ จว๊า เมโอ่เหม่ เป่ แกแยชุ๊ย แกแยเชเต๊เห่ อาขว่าอาคยา, เหย่ซี ครวา จว๊าปลูจว๊าเผ่ เกอ ลอ ลูคยา.

Eastern Kayah Shadaw Dialect

² ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤜꤢ꤭ ꤗꤢꤧꤓ꤫ꤣꤧ꤬ ꤓꤥ꤭ꤟꤣꤧ ꤒꤢꤩ꤬ꤋꤥꤒꤣꤧ꤬ꤊꤜꤤ ꤘꤣ ꤙꤢꤧ꤬ꤡꤢꤩ꤬ ꤡꤝꤢ ꤗꤢꤩ꤬ꤥ꤬ꤗ꤫ꤢꤩ꤬ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ꤏꤝꤤ ꤊꤣꤧ꤬ꤛꤢꤧ꤭ꤏꤢꤩ꤭ ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤛꤢꤩ꤬ꤞꤤ꤭ ꤋꤚꤝꤢ꤭ ꤡꤝꤢꤕꤜꤢꤨ꤬ꤡꤝꤢꤖꤢꤩ꤬ ꤊꤣꤧ꤭ ꤜꤢꤪ꤭ ꤜꤢꤨ꤭ꤋꤛꤢ꤭꤯

ꤛꤥ꤭ꤟꤢ꤬ 6:2 ပူးပေါင်းရင်းမြစ်များ

มัทธิว 12:15

แบ่เจ่ เหย่ซู่ ซิเง เหย่ซี อาเตเตเน มู๊แหม่ เร๊อ อา เถ่จว๊าแก เร๊อ เหล่โอ่ เบ๊อะเนอ แกแย ครวาปลูครวาเผ่ เกอลู ลูคยา เร๊อ อา แหย่โอ่เหม่ เป่ ลอปลี เจ๊อ อู เตชุ๊ยเตเช ปว๋า เตเพร เจ๊อ.

ꤛꤥ꤭ꤟꤢ꤬ 2:11

เหย่ซู่ เมโค๊ตีกลี๊ ลู เต โต๊โผ่หม่า เบ๊อะวีคานา, กาลิลีเก่ เออเนอเฮ๊อ, เร๊อ อา แด๊โฉ่ล๊อลี อา เตลี อาเตเค เบ๊อะเนอ. ฮู๊เนอเรอ อา โคเจ่ เต๊เห่ หยื่อเอ่แหน่ ลู.

ꤗꤢ꤬ꤊꤢꤨ 6:33

หม่าแน๊เรอ แกแย โอ่โร๊ลู เด๊อ อา แม๊เถอะ เหย่ซี จว๊า เออเนอเต๊เห่, อา ซิเง ตาเต แลแค เฮ๊อ เนอ เหย่ซู่ เร๊อ อา โคเจ่ เต๊เห่ หม่าแหน่เฮ๊อ อาคยา, เด๊อวีกูเนอ ปว๊าวี แกล่จว๊า กู๊โด่ เด๊อ โคขุ เร๊อ แกล่จว๊าโต่ เหร่อ เด๊อ เหย่ซู่ เร๊อ อา โคเจ่ เต๊เห่ อาเบ๊เง.

มัทธิว 14:14

เบ๊อะแบ่เจ่ เหย่ซู่ เถ่โคขุเออ เบ๊อะเนอ, อา แม๊เถอะ แกแย เบ๊หมู่ดุ จว๊า โอ่ป่อ โอ่หนื่ออื่อ เหร่อ ลอเฮ๊อ เด๊อ เงเฮ๊อ. เบ๊อะอา แม๊เถอะ เหย่ซี เนอ อา ซิยอ เกอเร๊อ เหย่ซี เร๊อ อา แหย่โอ่เหม่ เป่ลอ แกแยชุ๊ย เด๊อ เหย่ซีเกล เนอเต๊เห่.

มัทธิว 8:1

เบ๊อะเหย่ซู่ โอ่ เด๊อ โฉ่ขุ เร๊อ อา กี๊ตาแล เบ๊อะเนอ, แกแย เต๊เห่ ครวาปลูครวาเผ่ เกอ ลอ ลูคยา.

มัทธิว 13:2

แกแย แฮโอ่ ตาวาปลูตาวาเผ่ ลอ ลู เร๊อ อา จว๊าโน โอ่แนโอ่ เด๊อ ส่อเกลอกู. แกแย เบ๊หมู่ เต๊เห่ ลาติ เร๊อ อา ก๊อถ่อโอ่ ลอปลี เด๊อ เทอดุซาวาทือ.

ꤗꤢ꤬ꤊꤢꤨ 1:45

หม่าแน๊เรอ อา เถ่จว๊า แด๊โฉ่โล เป่ ลอปลี อู อาคยา, เหย่ซู่ อาจว๊าโน โล๊ลี หนิปา อาเหน่ เด๊อ วีกู โต่. อา เบ่ จว๊าโอ่ แพ๊ เด๊อ วีกลอ เด๊อ เหล่โอ่โส่เคร เต๊เห่เนอ แพ๊. หม่าแน๊เรอ แกแย โอ่ เด๊อ เหล่โอ่ ปว๊า โต๊โผ่ แฮโต ลอ เด๊อ ลูโอ่.

ꤛꤥ꤭ꤟꤢ꤬ 2:23

เบ๊อะเหย่ซู่ โอ่ปา วี เยรูซาเล็ม ป่วยเตจว๊า ตา ลว๊า อูป่วยกู เบ๊อะเนอ, อู แม๊เถอะ อา เม เตโค๊ตีกลี๊ เนอเต๊เห่ อาขว่าอาคยา, อู หยื่อเอ่ โหร่แหน่เจ๊อ ลู.

ꤛꤥ꤭ꤟꤢ꤬ 3:2

เตเซเคเนอ คูนิโคเดมัส แฮ เด๊อ เหย่ซู่ โอ่ เร๊อ อา เฮ๊ ลู เน๊อ, “ซ๊าร๊า, เป ซิเง เร๊อ เน หม่า หม่า ซ๊าร๊า เด๊อ อา โอ่ เด๊อ จอแปแหร่ อา โอ่แฮแล เตเพร. เป ซิเง เร๊อ จอแปแหร่ เก่ โอ่เกอ เร๊อ แกแย เตเพรเพร โต่ เฮ๊เนอหม่า อา เมแจ่ เตโค๊ตีกลี๊ ฮู๊ เน เม เออเนอ เตเพร่ว โต่.”

ꤛꤥ꤭ꤟꤢ꤬ 6:14

เบ๊อะแกแย เออเต๊เห่ แม๊เถอะโท แบ่เจ่ เหย่ซู่ เม เตโค๊ตีกลี๊คยา เออเต๊เห่ เบ๊อะเนอ, เหย่ซี เฮ๊ แลแค เน๊อ, “เพรโพร เด๊อ อา เตเร แฮแล เด๊อ เห่ขุเออ ปา อู เฮ๊ เนอหม่า อา หม่า แหน่ เฮ๊อ อา เฮ๊อ,” อา เฮ๊ แลแค ฮู๊เนอ.

ꤛꤥ꤭ꤟꤢ꤬ 6:22

ช๋าป่าโร เตอเนอเนอ, แกแย เบ๊หมู่ เด๊อ อา โอ่แก เด๊อ เทออ่อดุ แบ๊เร ตากยา เต๊เห่ ซิเง เร๊อ เด๊อ ป่าเฮ๊เนอเค เนอ ส่อเกลอ โอ่แกแพ๊ เต๊เบ่ แพ๊. เร๊อ แบ่เจ่ อา โคเจ่ เต๊เห่ แถ่แด๊หนิ แลแค ส่อเกลอ เนอเต๊เบ่ เร๊อ อา เถ่จว๊า เกอเร๊อดื่อ แลแค แพ๊. แกแย เบ๊หมู่ เต๊เห่ ซิเง เร๊อ แบ่เจ่ เหย่ซู่ แถ่แด๊จว๊า เต่อเกอ เร๊อ อา โคเจ่ เนอเต๊เห่ โต่, เหย่ซี เถ่จว๊า เกอเร๊อดื่อ แลแค แพ๊.

ꤛꤥ꤭ꤟꤢ꤬ 6:26

แบ่เจ่ เหย่ซู่ เฮ๊ฉื่อ เหย่ซี เน๊อ, “แว เฮ๊จ๊อจ๊อ ซี, ซี แม๊เถอะ แว เม เตโค๊ตีกลี๊คยา เร๊อ ซี แม๊ปู แว หม่าโต่. ซี เอ่ก๊อ ค๊อมู เร๊อ ซี แม๊ปู แว แพ๊.

ꤛꤥ꤭ꤟꤢ꤬ 6:30

ฮู๊เนอเร๊อ เหย่ซี แด๊เฮอ ลู เน๊อ, “แซ่ฮู๊ เป เก่ แม๊เถอะ เตโค๊ตีกลี๊คยา เร๊อ เป เก่ หยื่อเอ่ อาเงเนอ, เน เก่ เด๊อะโล เป่ เป เตโค๊ตีกลี๊ อิเตเต ปา? เน เก่ เม เป่ เป หม่าอิเตปา เออ?

ꤛꤥ꤭ꤟꤢ꤬ 11:47

ฮู๊เนอเรอ เพรหลู่แต ทวาดุทวาเต เต๊เห่ เร๊อ ฟาริสี เต๊เห่ เอ๊ปล๊อ แกแยยิวพู๊ ทวาดุทวาเต เด๊อ อาโร เต๊เห่ เร๊อ โอ่กู๊โอ่แก๊ เกอเร๊อลู. เร๊อ เหย่ซี เฮ๊ เน๊อ, “เป เก่ เมฮู๊เต เออ? แกแย เออเตเพร เมโล เป่ อู เตโค๊ตีกลี๊คยา โร๊ลู เฮ๊อ.

ꤛꤥ꤭ꤟꤢ꤬ 12:18

เหย่ซี หนิโฮ แลแค เน๊อ แบ่เจ่ เหย่ซู่ เม อาโค๊ตีกลี๊ เป่ อู เตเออ อาขว่าอาคยา, เหย่ซี เถ่จว๊า แม๊ปลูแม๊เผ่ ลู เร๊อ เตหรี่เตแก เออ อาขว่าอาคยา เฮ๊อ.

ꤛꤥ꤭ꤟꤢ꤬ 12:37

แบ่เจ่ เหย่ซู่ เด๊อะโล เป่ เจ๊อ เหย่ซี ล๊อ เตเม อาโค๊ตีกลี๊ เออเต๊เห่ เด๊อ เหย่ซี เป๊เส่เง เจ๊อ ตื๊อดื่อเรอ อา หยื่อเอ่ ปาแหน่แล ลู โต่โต่.

ꤛꤥ꤭ꤟꤢ꤬ 20:30

แบ่เจ่ เหย่ซู่ เด๊อะโล เป่ เตเม อาโค๊ตีกลี๊ เด๊อ อา โคเจ่ เต๊เห่ อาเป๊เส่เง เด๊อ อู ราม๊าโน เต่อ เบ๊อะลี เออต๊าบ่า อากู โต่ เต๊เห่เนอ, อา โอ่เอ๊ลา ปา เจ๊อ.