ꤛꤥ꤭ꤟꤢ꤬ 5:44 - ลีเทส่อพ๊าอาเซ เร๊อ เห่ขุทวาลู๊

⁴⁴ ซี ซิหยื่อ ถู่เซ๊ หนิเร๊อ ลู เตเพร เร๊อ เตเพร ตื๊อดื่อเรอ ตือแพ๊ จอแปแหร่ เตเพร เก่ ถู่เซ๊หนิ ซี อาเงเนอ, ซี แม๊ปู เกอ แลแค อู โต่. ซี เก่ ถู่เซ๊ เกอเร๊อ คยาดื่อ ลู ฮู๊เออ เก่เฮ๊เรอ ซี จว๊า หยื่อเอ่ แจ่ แว ฮู๊เต?

Eastern Kayah Shadaw Dialect

⁴⁴ ꤞꤤ꤭ ꤞꤤꤛ꤫ꤢꤦ꤬ ꤓꤢꤨ꤬ꤞꤢꤩ ꤚꤣꤧꤘꤢꤦ꤬ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤒꤣꤧ꤬ꤘꤢꤦꤚꤣꤧ꤬ ꤒꤢꤦꤖꤢꤧ ꤡꤢꤪꤗꤣꤧ꤬ꤚꤢꤧ꤬ ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤓꤢꤨ꤬ꤞꤢꤩꤚꤣꤧ ꤞꤤ꤭ ꤢ꤬ꤑꤢꤩ꤭ꤔꤣꤧ꤬, ꤞꤤ꤭ ꤗꤢꤧꤕꤢꤨ꤭ ꤊꤣꤧ꤭ ꤜꤢ꤭ꤋꤢꤧ꤭ ꤢꤨ꤭ ꤒꤥ꤬꤯ ꤞꤤ꤭ ꤊꤢꤩ꤬ ꤓꤢꤨ꤬ꤞꤢꤩ ꤚꤣꤧꤘꤢꤦ꤬ ꤋꤛꤢ꤭ꤜꤢꤨ꤭ ꤟꤢꤨꤣꤧ꤭ ꤊꤢꤩ꤬ꤟꤢꤩꤚꤣꤧ꤬ ꤞꤤ꤭ ꤡꤝꤢ ꤛ꤫ꤢꤦ꤬ꤢꤩ꤬ ꤡ꤫ꤢꤧ꤬ ꤠꤢꤧ꤭ ꤟꤢꤨꤒꤢꤩ꤭?

ꤛꤥ꤭ꤟꤢ꤬ 5:44 ပူးပေါင်းရင်းမြစ်များ

ꤛꤥ꤭ꤟꤢ꤬ 12:43

เมเตเฮ๊เรอ, เหย่ซี ซิหยื่อ นอถู่เซ๊หนิ แลแค อาเหน่ เร๊อ แกแยเห่ขุพู๊ เนอ อาดุ เล๊อ เจ๊อ เร๊อ อา ซิหยื่อ นอถู่เซ๊หนิ อาเหน่ เร๊อ จอแปแหร่ เจ๊อ.

ꤚꤥꤗꤢꤩ꤬ 2:29

แกแยยิวพู๊ หม่าแหน่ เตเพร เนอหม่า, อา เบ่ ดื๊อ อาซิปล่อ เด๊อ อา หม่าเฮ๊อ แหย่โยบูโพ๊ แบ่เจ่ ถู่แหล่ เต๊เปล่แก ลูซิปล่อ เออเนอ. เตซว๊าเตแส่ เออเนอ อา ถู่แหล่ เต๊เปล่แก แจ่ ลูซิปล่อ โต่. แกแยเห่ขุพู๊ ถู่เซ๊แถ่ เกอ แกแย เด๊อ อา ดื๊อ อาซิปล่อ เนอ เต๊เห่ โต่ หม่าแน๊เรอ จอแปแหร่ ถู่เซ๊แถ่ เกอเร๊อ เหย่ซี.

ฟีลิปปี 2:3

เบ๊อะซี เมเต เบ๊อะเนอ, แม๊ดุ เกอเร๊อดื่อ ตื๊อ ซี เตเพร อาเง แต่เหม่ นี๋, พย๊าดุพย๊าแถ่โล แต่ ซีเหน่ แต่เหม่, อู๊เตเต๋เบ่เบ่ แด่แลหนิ แลแค ซี ซิปล่อ เด๊อ เตเพร เร๊อ เตเพร อาเล นี๋, เร๊อ เตเนดุ เล๊อ อูโร เร๊อ ซีเหน่ เร๊อดื่อ นี๋.

มัทธิว 23:5

ล๋อ เหย่ซี เม เฮ๊อ เนอเต๊เห่ เนอ อา ซิหยื่อ นอแม๊เถอะ อู เร๊อ อาเหน่ แพ๊. เหย่ซี เช๊ แต๊บย่า แหล่ดุ ลีเทส่อพ๊าทอ เร๊อ อา จอ แลแค เด๊อ อา มาเท๊ลู เร๊อ อาปลา ลู. โท๊โต่ เหย่ซี ซิหยื่อ แซ๊ แลแค จาจวาทู เด๊อ อานุยทู เล๊อ เร๊อ อู เนอ เต๊เห่.

เปโตร อาเหร่อเล๊อ ต๊าบ่า 1:7

เร๊อ ซี เตหยื่อเตแหน่ เออเนอหมา อา หม่าแหน่ แอ? หม่า อา หม่าแหน่ โต่ แอ? เนอ, เตแป่เตเช เก่ ข่าเฮ๊โลปา. เท เด๊อ อา ปย๊าแจ่ เจ๊อ เออเนอ, อู เบ่ โต ทื๊อแม๊ ปา อา หมิ, ฮู๊เนออาขว่าอาคยา, ซี เตหยื่อเตแหน่ เด๊อ อางูดุงูชอ เล๊อ เร๊อ เทเออ, แซ่ฮู๊ อา เก่ เด๊อะโล เร๊อ เตหยื่อ หม่าแหน่ อาเงเนอ, อู โตเบ่ ทื๊อแม๊ เกอ ดื่อ อา ฮู๊เนอ. โทเรอ ช๋า เหย่ซู่ครี๊ แฮ เด๊อะโล แถ่เฮ๊อ อาเหน่ เคปาเนอ, ซี เก่ พย๊าหนิ เตถู่เซ๊แถ่, เตเตอเรอดุเตอเรอทู เน๊อ เตแด่ดุแด่ทู ซี ปา.

โครินธ์ อาเหร่อเล๊อ ต๊าบ่า 4:5

ฮู๊เนอเรอ เตเมจากาคยา เบ๊อะแฮเบ่ แต่ล๋ายโต่ เนอ, จว๊า เมจากาคยา แต่ อู เตเพร๊ แต่เหม่. โอ่ป่อ โต่ แลแค เด๊อ แบ่เจ่ แฮ เมจากาคยา อู ปา โตโพ๊ เนอ. เตโอ่โอ๊โอ่บี๊ เด๊อ เตคี๊ อากู เต๊เห่เนอ, อา เก่ เด๊อะแถ่โล ปา. เร๊อ แกแย อา เตเตเน ด๊อโอ๊ด๊อบี๊ เด๊อ อา นอเม โค๊ลู เต๊เห่เนอ, จอแปแหร่ เก่ เด๊อะโล ซิเง ปา. เบ๊อะเนอเค ปา เนอ, ฮู๊ แกแย เตเพร เร๊อ เตเพร เม เต เนอ, จอแปแหร่ เก่ ถู่เซ๊หนิ เหย่ซี ปา.

ꤚꤥꤗꤢꤩ꤬ 2:10

หม่าแน๊เรอ จอแปแหร่ เก่ เด๊อะเป่ แกแย เด๊อ อา เม เตแร๊ ล๋อ ปลี เนอเต๊เห่ เร๊อ, เตเตอเรอดุ เตอเรอทู, เตถู่เซ๊หนิ ลู เร๊อ ซิปล่อ ตู๊จู่เตอเจ๊อ ปา. อา เก่ เด๊อะ เหร่อเล๊อ แกแยยิวพู๊ เนอเต๊เห่ ปา, โทปาเรอ อา เก่ เด๊อะโน แกแยยิวพู๊ หม่าโต่ เนอเต๊เห่ เด๊อ คยา ปา.

ꤚꤥꤗꤢꤩ꤬ 2:7

แกแย เต๊เห่เห่ เนอ, อา เด๊อะโล อา เตซิหยื่อ หม่าแหน่ เน๊อ จอแปแหร่ เก่ ถู่เซ๊แถ่ หนิ เหย่ซี ปา. เร๊อ อา เก่ เด๊อะ ลู เตอเรอดุเตอเรอทู ปา, โท๊โต่ อา เก่ เด๊อะ เหย่ซี เตเซอเพร เด๊อ อา เซอแจ่ปาโต่ เออเนอ ปา อา แม๊ชือ แลแค ฮู๊เนอเรอ เหย่ซี แอ๊จื๊อแอ๊เหร่ เม แฮเง ตื๊อดื่อ แลแค เตแร๊. ฮู๊เนอเรอ จอแปแหร่ เก่ เด๊อะ ซิปล่อเซอเพร ตูจูเพร เออเนอ เร๊อ แกแย ฮู๊เนอเต๊เห่ ปา.

ꤜꤢꤨꤊꤢ꤬ 19:17

“เร๊อ อา เฮ๊ ลู เน๊อ, ‘อาแร๊ แหน่เจ๊อ! เน หม่า หลู่เล๊ เด๊อ อาแร๊ เตเพร! เน เมจ๊อ เน๊อ แว เด๊อ เน เตปีตี๊ เออเต๊เห่ อาขว่าอาคยา, แว เก่ นอเป๊อ เน เร๊อ วี อาวีเช๊อ ปา.’

ꤡꤛꤢꤩ꤭ꤗꤢ꤬ꤎꤣ꤬ 2:1

แว โป่แหว่ ซี๋, ซี หม่า แกแย เด๊อ อา หยื่อเอ่แหน่ แบ่เจ่ เหย่ซู่ครี๊ เด๊อ อาโอ่ เน๊อ เตเตอเรอดุเตอเรอทู เตเพร เต๊เห่. ฮู๊เนอ อาขว่าอาคยา, ซี โตเบ่ แม๊ดุ แม๊ปีตี๊ หนิ อู เตเพร่ว โต่.

ꤟꤤꤙꤚꤢꤨ 3:12

แว โป่แหว่ ซี๋, รอ เกอ เร๊อ ดื่อ แลแค ซีเหน่ นี๋. แด่ มู๊แหม่รีแจ่ แลแค แต่ ซี ซิปล่อ แต่เหม่, ซี แด่ ซี ซิปล่อ เน๊อ ซี หยื่อเอ่ เกออู จอแปแหร่ เด๊อ อา เซอเพร เออเตเพร โต่, ซี จว๊า ตาพาแก ดื่อ ซีเง ฮู๊เนอ เต๊เห่เนอ เม แต่ แลแค แต่ เตเพร่ว แต่เหม่ นี๋.

โครินธ์ เนอบ่า ต๊าบ่า 10:18

เมเตเฮ๊เนอ, แกแย เด๊อ อา ถู่เซ๊ เกอเร๊อดื่อ อาเหน่ เต๊เห่เนอ, แบ่เจ่ ซิปล่อโอ่ ลู โต่, แบ่เจ่ ซิปล่อโอ่ แพ๊ตื๊อ แกแย เด๊อ แบ่เจ่ ถู่เซ๊ เกอเร๊อดื่อ ลู เร๊อ อาเหน่ เนอเต๊เห่ แพ๊.

ꤛꤥ꤭ꤟꤢ꤬ 17:3

จอแปแหร่ หม่า ตื๊อ เน เตเพรแพ๊, เร๊อ แกแย เด๊อ อา ซิเง เน เร๊อ อา ซิเง เร๊อ แว หม่า เหย่ซู่ครี๊ เด๊อ เน ปลวาแฮ ลู เตเพร เต๊เห่ เนอหม่า หม่าเฮ๊อ เตซิเง เด๊อ อา เด๊อะ เหย่ซี ซิปล่อเซอเพร ตูจูเพร เฮ๊อ.

ꤛꤥ꤭ꤟꤢ꤬ 8:43

แว เฮ๊ เป่ ซี เร๊อ ซี จว๊า ซิเงโปล เจ๊อ ตีกี๋ โต่ เร๊อ หม่า อา เม เจ๊อ ฮู๊เต? ซี ซิเงโปล โต่ หม่าเมเตเฮ๊เรอ ซี ซิหยื่อ หนิดา เจ๊อแหน่ แวโหง่ ตีกี๋ โต่.

ꤛꤥ꤭ꤟꤢ꤬ 3:20

ล๋อ แกแย เด๊อ อา เม เตมู๊แหม่รีแจ่ เต๊เห่เนอ, อา ซิเถ่ เตลี เร๊อ อา แฮ เด๊อ เตลี อา โอ่ โต่, เมเตเฮ๊เรอ แกแย เด๊อ อา เม เตมู๊แหม่รีแจ่ เต๊เห่เนอ, อา ซิอิเช เร๊อ อา เตซื๊อเตโอ่หร่า เต๊เห่ โอ่โลแถ่ เร๊อ อา แฮโตโต่.

ꤛꤥ꤭ꤟꤢ꤬ 5:41

“แว แม๊ปู เด๊อ อู เก่ ถู่เซ๊แถ่หนิ แว อาเงเนอ หม่าโต่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:6

ซี เบ่เบ่, แกแย เด๊อ อาโร เต๊เห่เนอ เบ่เบ่, แซ่ฮู๊ อา เก่ ถู่เซ๊ หนิเกอ เป เร๊อ เป เม ฮู๊เนอ หม่าโต่.

ทิโมธี อาเหร่อเล๊อ ต๊าบ่า 1:17

แกแย ปว๋า เตเพร เก่ ถู่เซ๊แถ่ ดื่อ คุ๊ย เด๊อ อา เป๊อตี๊หรี่เต ตูจูเพร ตาแลเคร๊ เร๊อ อา เซอแจ่โต่ เออเตเพร นี๋. อา หม่า จอแปแหร่ เด๊อ อู แม๊เถอะแจ่ ลู โต่. จอแปแหร่ หม่าตื๊อ อา เตเพร แพ๊. แกแย ปว๋า เตเพร เก่ แด่ดุแด่ทูดื่อ อา, อู เก่ เมลีเมเตเค แถ่ดื่อ อา ปว๊าตือทือ นี๋. อาเมน.

ꤛꤢꤨꤘꤢ꤬ 1:25

เป เก่ แด่ดุแด่ทู โหร่ลู จอแปแหร่ โป๊! จอแปแหร่ หม่า อา โอ่ ตื๊อ อา เตเพร แพ๊. เพร เด๊อ อา เมแลเปล๊กา เป หม่า ตื๊อ อา เตเพร แพ๊. เด๊อ เหย่ซู่ครี๊ อาขว่าอาคยาเร๊อ, เตเตอเรอดุเตอเรอทู, เตลี เตเตเค อาตว่า อาแร๊, เตโพรเตเตอเรอ เร๊อ เตเตอเรอฉว่าชอ เออเต๊เห่เนอ, อา เก่ โอ่เกอดื่อ เร๊อ จอแปแหร่ เป๊อแถ่ เด๊อ เตเต๊อเจ๋อ โอ่ ทวาแถ่ ล๋ายโต่ เบ๊อะเนอ, โต่กู๊แหน่, เร๊อ ตาแฮเง ตูจูเพรเง แตแลเคร๊ นี๋, อาเมน.