ꤛꤥ꤭ꤟꤢ꤬ 5:30 - ลีเทส่อพ๊าอาเซ เร๊อ เห่ขุทวาลู๊

³⁰ แบ่เจ่ เหย่ซู่ เฮ๊เป่แฮ โป่ เน๊อ, “แว เม จู๋ ดื่อ ฮู๊ แว ซิหยื่อ เม เนอหม่า อาหนิ โต่. แว เมจากาคยา ฮู๊ เพ จอแปแหร่ แด๊โฉ่ แว เนอ แพ๊. แว เต เมจากาคยา เนอหม่า อาโต แพ๊ เมเตเฮ๊เรอ แว เม จู๋ดื่อ แว ซิปล่อเนอ หม่าโต่. แว เมแพ๊ ฮู๊ เพร เด๊อ อา นอแฮแล แว เออเตเพร อา เตซิหยื่อ โอ่ เนอแพ๊.

Eastern Kayah Shadaw Dialect

³⁰ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤟꤢꤧ꤭ꤑꤢꤩ꤭ ꤕ꤫ꤥ꤬ ꤔꤢꤧ, “ꤠꤢꤧ꤭ ꤗꤢꤩ꤬ ꤡꤢꤨ꤮ ꤘꤢꤦ꤬ ꤟꤢꤨ ꤠꤢꤧ꤭ ꤞꤤꤛ꤫ꤢꤦ꤬ ꤗꤢꤩ꤬ ꤔꤣꤧ꤬ꤗꤢ꤬ ꤢ꤬ꤔ꤫ꤤ꤬ ꤒꤥ꤬꤯ ꤠꤢꤧ꤭ ꤘꤣꤧꤡꤢ꤭ ꤟꤢꤨ ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤟꤢꤩꤏꤥ꤬ ꤠꤢꤧ꤭ ꤔꤣꤧ꤬ ꤖꤢꤧ꤯ ꤠꤢꤧ꤭ ꤒꤢꤩ꤬ꤘꤣꤧꤡꤢ꤭ ꤔꤣꤧ꤬ꤗꤢ꤬ ꤢ꤬ꤒꤥ꤭ ꤖꤢꤧ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤠꤢꤧ꤭ ꤗꤢꤩ꤬ ꤡꤢꤨ꤮ ꤘꤢꤦ꤬ ꤠꤢꤧ꤭ ꤞꤤꤕꤜꤢꤪ꤬ꤔꤣꤧ꤬ ꤗ꤫ꤢ꤬ꤒꤥ꤬꤯ ꤠꤢꤧ꤭ ꤗꤢꤩ꤬ꤖꤢꤧ ꤟꤢꤨ ꤖꤚꤢꤩ꤬ ꤘꤣ ꤢ꤬ ꤔꤢꤪ꤭ꤟꤢꤧ꤭ꤜꤢꤧ꤬ ꤠꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤥ꤬ ꤔꤣꤧ꤬ꤖꤢꤧ꤯

ꤛꤥ꤭ꤟꤢ꤬ 5:30 ပူးပေါင်းရင်းမြစ်များ

ꤛꤥ꤭ꤟꤢ꤬ 6:38

เมเตเฮ๊เรอ แว โอ่เด๊อ ม๊อขุ แฮแล เร๊อ แว แฮเม จู๋ ดื่อ แว ซิปล่อ ฮู๊เนอ หม่าโต่. แว แฮเม ฮู๊ เพร เด๊อ อา นอแฮ แว เออเตเพร อา เตซิหยื่อ เนอแพ๊.

ꤛꤥ꤭ꤟꤢ꤬ 5:19

ฮู๊เนอเรอ, เหย่ซู่ เฮ๊ฉื่อ เหย่ซี เน๊อ, “แว เฮ๊จ๊อจ๊อ ซี, พู๊คูเออ อา เม จู๋ ดื่อ ฮู๊ อา ซิหยื่อเม เนอหม่า อาหนิ โต่. อา เมแพ๊ ฮู๊ อา แม๊เถอะ อาเพ จอแปแหร่ เมเนอ เต๊เห่ แพ๊. เพ เมเต อิเต๊ เบ่เบ่, อา พู๊คู เม เกอดื่อ ฮู๊เนอ.

ꤛꤥ꤭ꤟꤢ꤬ 4:34

เหย่ซู่ เฮ๊ เหย่ซี เน๊อ, “แว เมโต เพร เด๊อ อา นอแฮ แว เออเตเพร อา เตซิหยื่อ เร๊อ แว เมโทแก เตเม เด๊อ อา เด๊อ แว เออเนอหมา หม่าเฮ๊อ แวเหล่เอ่ เฮ๊อ.

ꤛꤥ꤭ꤟꤢ꤬ 14:10

แว โอ่เกอ เด๊อ เพกู เร๊อ เพ โอ่เกอ เด๊อ แวกู เนอหม่า, เน หยื่อเอ่ แหน่โต่ แอ? แว เฮ๊เบ่ ซี เออเนอหมา, แวโหง่ เกอ เร๊อดื่อ หม่าโต่. แว เม เต เออเต๊เห่ เนอหม่า เพ เด๊อ อา โอ่ เด๊อ แวกูเออ เตเพร เมหนิ ลอปลี แพ๊.

มัทธิว 26:39

อา จว๊า เป่แฮโป่ เด๊อ เง ตี๊กิแพ๊ เร๊อ อา โอ่เมอ โตโกลตา เด๊อ เห่ขุ เร๊อ อา กุยจ๊อเบ เร๊อ อา เฮ๊ เน๊อ, “เก๋อ เพ เก่ หม่าแน๊เรอ เน เก่ พย๊า ตาพาแก เป่ แว เบหล่อ เตจาเตจือ เออเต๊เบ่ เด๊อแวโอ่ หม่า อาหนิ แพ๊ หม่าแน๊เรอ แว ซิหยื่อ เม จู๊ ดื่อ แว ซิปล่อ โต่ จู๊ ดื่อแพ๊ เน ซิ ปล่อ นี๋.”

ꤛꤥ꤭ꤟꤢ꤬ 8:28

เด๊อ เหย่ซี ซิเงโปลโต่ อาขว่าอาคยา แบ่เจ่ เหย่ซู่ เฮ๊ เหย่ซี เน๊อ, “ช๊า ซี มือเซอแถ่ แกแยพู๊คู หม่า แวเออ เด๊อ อี๊ถื่อดีเต่ เบ๊อะเนอปา, ซี เก่ ซิเงเนอ เร๊อ แว หม่า แกแย เด๊อ แว แด๊โฉ่โล โทเป่เฮ๊อ ซี เนอเตเพร ปา. โท๊โต่ ซี เก่ ซิเงแฮ เร๊อ แว เม จู๊ ดื่อ แว ซิปล่อ หม่าโต่, เร๊อ แว เฮ๊เบ่แพ๊ เต เด๊อ แวเพ อิซว๊าอี๊แส่ แว เนอเต๊เห่ แพ๊ เนอ ซี ซิเงดื่อ ปา.

ꤚꤥꤗꤢꤩ꤬ 15:3

เมเตเฮ๊เรอ, ครี๊ อาเหน่แบ่เจ่ เร๊อดื่อ เจ๊อ เรอ อา ลือเมโม เกอเร๊อ อาเหน่ โต่. โท๊โต่ ลีเทส่อพ๊ากู เฮ๊ เน๊อ, “เต เด๊อ อู เป๊อเจ่ออิแช๊ เน เต๊เห่เนอ, อา แฮเบ่ เกอเฮ๊อ แว เฮ๊อ.”

ꤛꤥ꤭ꤟꤢ꤬ 8:50

แว ซิหยื่อ นอถู่เซ๊ อู เร๊อ แวเหน่ ฮู๊เนอ หม่าโต่. หม่าแน๊เรอ จอแปแหร่ หม่า เพร เด๊อ อา ซิหยื่อ ถู่เซ๊หนิ แว. เพร เด๊อ อา เก่ เมจากาคยา อู ปาเนอหม่า อา เฮ๊อ.

ꤛꤥ꤭ꤟꤢ꤬ 8:42

เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “ซีเพ เก่ หม่าแหน่ จอแปแหร่ เฮ๊เรอ ซี โมหนิเกอ แว เกอเกอ, เมเตเฮ๊เรอ แว โอ่ เด๊อ ลูโอ่ แฮ เร๊อ กู๊แหน่เออ แว แฮโอ่ เบ๊อะเออแพ๊เออ. แว แฮ จู๋ ดื่อ แว ซิปล่อ หม่าโต่, แวเพ นอแฮ แว แพ๊.

ꤛꤥ꤭ꤟꤢ꤬ 17:4

แว เม เป่ โทลอ เฮ๊อ เน เตเม เด๊อ เน นอเม แว เนอเต๊เห่ อาขว่าอาคยา, แว เด๊อะ โล เฮ๊อ เน เตอเรอดุ เตอเรอทู เด๊อ เห่ขุ เออเนอ เฮ๊อ.

ꤛꤥ꤭ꤟꤢ꤬ 18:11

เร๊อ แบ่เจ่ เหย่ซู่ เฮ๊ คูเปโตร เน๊อ, “แรโน ดว้าแก เน เน๊ เด๊อ อาโกล่กู เนอ เตจาเตจือ อาเบหล่อ เด๊อ แวเพ นอโอ แวเออ เนอหม่า, แว โต โอ แหน่ โต่ แอ?”

เห่ขุทวาลู่ 18:25

เน โตเบ่ เมเซอ เต่อ เพรจ๊อเพรเต เนอเต๊เห่ เน๊อ เพรมู๊แหม่รีแจ่ เนอเต๊เห่ โต่. เน เก่ เม ฮู๊เออ เฮ๊หม่า, เน เมจากาคยา แซ่แก เพรจ๊อเพรเต เนอเต๊เห่ เน๊อ เพรมู๊แหม่รีแจ่ เนอเต๊เห่ เฮ๊อ, เนเม ฮู๊เนอ แตแค๋ โต่. เน หม่า เพร เด๊อ อา เมจากาคยา จ๊อเต เด๊อ เห่ขุ ซีบ่า ลอ อาขว่าอาคยา, เน เบ่ เมโตเมเบ่ แหน่ แพ๊.”

ꤚꤥꤗꤢꤩ꤬ 2:5

เมเตเฮ๊เรอ เน หม่า แกแย กู่กล๊อเพรอซิปล่อชอ แหน่เจ๊อ เตเพร, ฮู๊เนอเรอ ช๋า จอแปแหร่ ซิปล่อดุ เร๊อ อา เก่ เมจากาคยา เต จ๊อจ๊อเตเต โอ่โลแถ่เฮ๊อ ปา เบ๊อะเนอ, อา เก่ ซิปล่อ ดุเล๊อ เน ปา. เร๊อ อา เก่ เมจากาคยา จาเล๊อ เน ปา.

ꤚꤥꤗꤢꤩ꤬ 2:2

เป ซิเง เร๊อ จอแปแหร่ เมจากาคยา จ๊อเต แพ๊ แกแย เด๊อ อา เม เตซื๊อ ฮู๊เนอเต๊เห่ แพ๊,