ꤛꤥ꤭ꤟꤢ꤬ 5:28 - ลีเทส่อพ๊าอาเซ เร๊อ เห่ขุทวาลู๊

²⁸ “คย๊าอายื๊อ แลแค แต่เหม่, เมเตเฮ๊เรอ เบ๊อะเด๊อ แกแย โอ่เด๊อ โลกู ล๋อ ปลี เต๊เห่ เก่ หนิโฮ จอแปแหร่ อาพู๊คูเออ อาโหง่เนอ, อา เก่ แฮโต่ ปา.

Eastern Kayah Shadaw Dialect

²⁸ “ꤋꤛꤢꤛꤢꤦ ꤜꤢ꤭ꤋꤢꤧ꤭ ꤒ꤫ꤢꤧ꤬ꤗꤢꤩ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤏꤣꤧꤋꤢꤩ꤭ ꤘꤣ ꤊꤣꤧ꤬ꤛꤢꤧ꤭ ꤥ꤬ꤘꤣ ꤜꤥ꤭ꤊꤢꤨ꤭ ꤜꤢꤪ꤭꤮ ꤕꤜꤤ꤭ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤟꤥ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ꤣꤧ꤭ ꤢ꤬ꤍ꤫ꤥ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤟꤢꤧ꤭ꤒ꤫ꤥ꤬ ꤕꤢ꤭꤯

ꤛꤥ꤭ꤟꤢ꤬ 5:28 ပူးပေါင်းရင်းမြစ်များ

เตเด๊อะโลแถ่ 20:12

เร๊อ แว แม๊เถอะ แกแย เด๊อ อามุย โลเทอโลเก่ เร๊อ แกแย เด๊อ อู เตเน ปีตี๊ ลู เร๊อ อา เซอโทเฮ๊อ เต๊เห่ ก๊อถ่อโอ่ เด๊อ จ๊อแผ่ กุแกล๊บูดุ แถ่โล เออ อาเป๊เส่เง เนอ. อู โบ๊โมแถ่ ลีเต๊เห่ โทเรอ อู โบ๊โมแถ่ ลี เด๊อ อาโร ต๊าบ่า เด๊อ อู เอ๊ เร๊อ ลีเซอเพร เออ. แกแยเซอ เออเต๊เห่เนอ, อู เมจากาคยา เหย่ซี ฮู๊ อา เมน๊อ โทเฮ๊อ เนอ เร๊อ ฮู๊ อู ราม๊าโอ่ เด๊อ ลีเออ อากูเนอ เต๊เห่.

ฟีลิปปี 3:21

เหย่ซู่ครี๊ เก่ ถู่แหล่แก เปเหน่กล่อ เด๊อ อา อ๊าเจ่เหร่เจ่. เร๊อ อา เซอแจ่ เออเนอ เร๊อ เตโพรเตเตอเรอ ปา, เร๊อ อา เก่ เมทวาแถ่คยา เปเหน่กล่อ เออเนอ ฮู๊ อาเหน่กล่อ เร๊อดื่อ เด๊อ อา โอ่ เร๊อ อา เตอเรอดุทู เออเนอ ปา. อา เพรโพรฉว่าชอ เด๊อ อา เมจว่า ลู เด๊อ อา เก่ เป๊อะเบ่ ลอ เตล๋อ ปลี เออเนอ, อา เก่ ถู่แหล่ เต๊เปล่แก ลอ เปเหน่กล่อ เออเต๊เห่ ปา.

โครินธ์ อาเหร่อเล๊อ ต๊าบ่า 15:22

แกแยเห่ขุพู๊ ปว๋า เตเพร อากลุยอาแล ตา กาแล แฮเง เด๊อ เป เพอาดัม อา โอ่ อาขว่าอาคยา, แกแย ปว๋า เตเพร เบ่ เซอ ลอ แพ๊. ฮู๊เนอเฮ๊อ, แกแย เด๊อ อา ทวา เฮ๊อ เตอเจ๋อแพ๊ เร๊อ ครี๊ เต๊เห่เนอ, ครี๊ เก่ เมเซอเพร กาคยา ลู ปา.

ꤛꤥ꤭ꤟꤢ꤬ 3:7

เด๊อ แว เฮ๊ เป่ เน เน๊อ, ‘ซี โตเบ่ กาโอ่เซเต๊เปล่ โป่ โตโพ๊,’ ฮู๊เออเนอ อาขว่าอาคยาเร๊อ, คย๊ายื๊อ แต่เหม่.

ꤛꤥ꤭ꤟꤢ꤬ 5:20

เมเตเฮ๊เรอ, เพ โมหนิเกอเร๊อ อาพู๊คู เร๊อ อา เด๊อะโล ลู ล๋อ เต เด๊อ อา เม เร๊อ อาเหน่ เนอเต๊เห่. อาเพ เก่ เด๊อะโล ลู แรเต เด๊อ อาดุเล๊อ ปา เจ๊อ เร๊อ เออเต๊เห่ ปา เร๊อ ซี เก่ คย๊าอายื๊อ แหน่เจ๊อ ปา.

ꤛꤥ꤭ꤟꤢ꤬ 4:21

เหย่ซู่ เฮ๊ฉื่อ ลู เน๊อ, “เพรหม๋อ, หยื่อเอ่ แวเนอ, เบ๊อะเก่ แฮโต่เฮ๊อ เด๊อ ซี เก่ จ๊อเบแถ่ เพ จอแปแหร่ ปา. หม่าแน๊เรอ เบ๊อะโฉ่ เออเตเม อาลู เนอ เบ่เบ่, เด๊อ วีเยรูซาเล็ม อากู เออเนอ เบ่เบ่, อู โหล่แฮจ๊อเบ ปา เบ๊อะเนอ โต่เฮ๊อ.

เพรโด่แนพู๊ เต๊เห่ 3:12

คูเปโตร แม๊เถอะ เหย่ซี เร๊อ อา เฮ๊ เหย่ซี เน๊อ, “แว โคแบ๊ซว๊า อิสราเอลพู๊ ซี๋, ซี จว๊า อาคย๊าอายื๊อ แลแค เตเม เออเต๊อเจ่อ อาเหล่ เมเต? ซี จว๊า แม๊โอ่แต่ โต่ ลอ เป เมเต? แกแย เออเตเพร จว๊าแจ่ เออเนอหมา ซี เตเน แลแค เน๊อ เป เม เป่ อา เน๊อ เปเตโพรเตเตอเรอ เนอ แอ? ซี เตเน แลแค เน๊อ หม่า แกแย บูโพ๊ เต๊เห่ อาขว่าอาคยา ฮู๊เนอ แอ?

ꤛꤥ꤭ꤟꤢ꤬ 4:23

หม่าแน๊เรอ แกแย เด๊อ อา จ๊อเบ ชาเผร่แหน่ เจ๊อ เพ จอแปแหร่ เต๊เห่เนอ, ม๊อเนอม๊อเซ เด๊อ เหย่ซี เก่ จ๊อเบ เด๊อ แหย่โยตากยา เร๊อ เตอาจ๊ออาเต เนอ, อา เก่ แฮโต่ ปา. อา แฮโต่ เจ๊อ เฮ๊อ กู๊แหน่ เฮ๊อ. เมเตเฮ๊เรอ เพ จอแปแหร่ แม๊ปู แกแย เด๊อ อา จ๊อเบแถ่ ลู ฮู๊เนอ เต๊เห่ เฮ๊อ.

ꤛꤥ꤭ꤟꤢ꤬ 5:25

แว เฮ๊โฉ่จ๊อจ๊อ ซี, เบ๊อะเด๊อ แกแยเซอ เต๊เห่ เก่ หนิโฮ จอแปแหร่ อาพู๊คู โหง่, เร๊อ แกแย เด๊อ อา หนิโฮ เออเต๊เห่ เก่ เซอเพร ปา เนอ, อา เก่ แฮโต่ ปา. อา แฮโต่ เจ๊อเฮ๊อ กู๊แหน่ เฮ๊อ.

เพรโด่แนพู๊ เต๊เห่ 24:15

แว เตแม๊ชือ เด๊อ จอแปแหร่ อากู เนอหม่า อาแซ่เน๊อ เหย่ซี เนอแพ๊แพ๊. แว หยื่อเอ่ แม๊ชือ เร๊อ แกแยแร๊ เบ่เบ่, แกแยจา เบ่เบ่, อา เก่ ก๊อถ่อ เซอเพร กาคยา แลแค ปา.