ꤛꤥ꤭ꤟꤢ꤬ 5:27 - ลีเทส่อพ๊าอาเซ เร๊อ เห่ขุทวาลู๊

²⁷ เร๊อ อา หม่า แกแยเห่ขุ พู๊คู อาขว่าอาคยา, จอแปแหร่ เด๊อะตาเกอ เฮ๊อ อา เตอเรอฉว่าชอ เด๊อ อา เก่ เมจากาคยา เกออู เฮ๊อ.

Eastern Kayah Shadaw Dialect

²⁷ ꤚꤣꤧ꤬ ꤢ꤬ ꤗꤢ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤒꤢ꤭ꤊꤣꤧ꤭ ꤟꤣꤧ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤘꤣ ꤢ꤬ ꤊ꤫ꤢꤦ꤬ ꤘꤣꤧꤡꤢ꤭ ꤊꤣꤧ꤭ꤢꤨ꤭ ꤟꤣꤧ꤯

ꤛꤥ꤭ꤟꤢ꤬ 5:27 ပူးပေါင်းရင်းမြစ်များ

เพรโด่แนพู๊ เต๊เห่ 10:42

เร๊อ อา เฮ๊แก โป่ เป เร๊อ เป เก่ จว๊า แด๊โฉ่โด่แน เป่ อู เร๊อ เตซิครือซิลอมีลา, โทเรอ เป เก่ จว๊า ข่าเฮ๊โล เป่ อู เร๊อ อา หม่า แกแย เตเพร เด๊อ จอแปแหร่ นว๊าแถ่ ลู เร๊อ อา หม่า อา เก่ ทวา เป่แกแย เซอเพร เต๊เห่ เร๊อ แกแยเซอ เต๊เห่ อา เพร เมจากาคยา ปา.

เพรโด่แนพู๊ เต๊เห่ 17:31

เมเตเฮ๊เรอ, อา แด่หม่าแด่กลอ โทเฮ๊อ ม๊อเนอม๊อเซ เด๊อ อา เก่ เมโตเต จ๊อจ๊อเตเต ลอ เจ๊อ เห่ขุต๊าบ่า ปา. จอแปแหร่ นว๊าแถ่ โทเฮ๊อ เพรเมโตเต เตเพร เฮ๊อ. เร๊อ อา เด๊อะโล เป่ โทเฮ๊อ อูปว๋า เตเพร เร๊อ อาเตข่าเฮ๊โล เฮ๊อ. เร๊อ อา เตข่าเฮ๊โล เออ อาหรี่อาแก หม่า หม่าเฮ๊อ อา เมก๊อถ่อ เซอเพร กาคยา คยาแซ๊ แกแย เนอเตเพร เด๊อ เตเซอ เออเนอเฮ๊อ.”

ꤛꤥ꤭ꤟꤢ꤬ 5:22

เพ อาเหน่แบ่เจ่ เร๊อดื่อ อา เมจากาคยา อู เตเพร่ว โต่. อา เด๊อะตา เล๊อบา ล๋อเต เมจากาคยา เต๊เห่ เด๊อ อาพู๊คู กู๊ยากู เฮ๊อ.

เปโตร อาเหร่อเล๊อ ต๊าบ่า 3:22

เหย่ซู่ครี๊ กา กี๊แถ่เฮ๊อ เด๊อ ม๊อขุ เร๊อ อา กา โอ่แนโอ่ เด๊อ จอแปแหร่ อากู๊ขุ จ๊อทว๊า ตากยา เฮ๊อ. เร๊อ อา เป๊อตี๊หรี่ ลอ เตเน่วพู๊ เต๊เห่ เร๊อ เตเตอเรอฉว่าชอ เต๊เห่, เร๊อ เตโพรเตเตอเรอ เต๊เห่ เฮ๊อ.

โครินธ์ อาเหร่อเล๊อ ต๊าบ่า 15:25

เมเตเฮ๊เรอ ครี๊ เบ่ เป๊อ โต่ เต ช๋า จอแปแหร่ เมเป่ ลอหล่าตี๊กลิ โทลอเฮ๊อ เพร เด๊อ อา ซิเถ่ ครี๊ เออเต๊เห่เนอ, เร๊อ อา แด่ตา ลอ เฮ๊อ เหย่ซี เด๊อ ครี๊ อา กู๊โด่เล เฮ๊อ ปา.

มัทธิว 9:6

หม่าแน๊เรอ แซ่ฮู๊ ซีเก่ ซิเง แลแค เน๊อ เด๊อ เห่ขุ เออเนอ, แว อาโอ่ เร๊อ เตอเรอฉว่าชอ เด๊อ แว ปลวาแกเบ๊ อู เตซื๊อเตปล๊า เต๊เห่ อาเง เนอเรอ แว เก่ เด๊อะโล เป่ ซี,” อา เฮ๊ แกแยเพ เซอชิกยา เออเตเพร เน๊อ, “ก๊อถ่อ ถู่ลูหนิ เน เหล่เมอเด๊เนอ เร๊อ กามอ เด๊อ เน หี่เนอ.”

ꤛꤥ꤭ꤟꤢ꤬ 9:39

เร๊อ แบ่เจ่ เหย่ซู่ เฮ๊ ลู เน๊อ, “แซ่ฮู๊ แกแย เห่ขุพู๊ เต๊เห่ เก่ แม๊เถอะ แล เกอเร๊อ อาเตซื๊อ อาเงเนอเนอ, แว แฮแล เด๊อ เห่ขุเออ เฮ๊อ. แกแย เด๊อ อาแซ่เน๊อ แกแย เป๊เส่คี๊ เร๊อ อา ซิเงเกอ จอแปแหร่ อา เตหม่า เตจ๊อโต่ เต๊เห่เนอ, แว เก่ เมลี กา เหย่ซี เป๊เส่ ปา. หม่าแน๊เรอ แกแย เด๊อ อา เฮ๊ แล เกอเร๊อ อาเหน่ เน๊อ แว ซิเง โทเฮ๊อ จอแปแหร่ อา เตหมะเตจ๊อ เต๊เห่เนอ, อา เก่ ทวา แซ่เน๊อ แกแย เป๊เส่คี๊ เนอเต๊เห่ ปา.”

ꤟꤤꤙꤚꤢꤨ 1:2

หม่าแน๊เรอ ม๊อเนอ เด๊อ คยา ตื๊อดื่อ เออเต๊เห่เนอ, อา เฮ๊เบ่ตา แฮเง เป เร๊อ อา พู๊เพรคู เฮ๊อ. จอแปแหร่ นอแบ๊ตา แฮเง อาพู๊คู เน๊อ เห่ขุ ม๊อขุ เน๊อ เตล๋อ ปลี. เด๊อ คยา ตื๊อดื่อ ปาเนอ, ล๋อ เตเออเต๊เห่ แซ่ฮู๊ อา เก่ ทวา ลอ ลูเต ปา เนอเรอ จอแปแหร่ นว๊าแถ่เฮ๊อ ลู เฮ๊อ.