ꤛꤥ꤭ꤟꤢ꤬ 5:25 - ลีเทส่อพ๊าอาเซ เร๊อ เห่ขุทวาลู๊

²⁵ แว เฮ๊โฉ่จ๊อจ๊อ ซี, เบ๊อะเด๊อ แกแยเซอ เต๊เห่ เก่ หนิโฮ จอแปแหร่ อาพู๊คู โหง่, เร๊อ แกแย เด๊อ อา หนิโฮ เออเต๊เห่ เก่ เซอเพร ปา เนอ, อา เก่ แฮโต่ ปา. อา แฮโต่ เจ๊อเฮ๊อ กู๊แหน่ เฮ๊อ.

Eastern Kayah Shadaw Dialect

²⁵ ꤠꤢꤧ꤭ ꤟꤢꤩꤏꤥ꤬ꤡꤢꤪꤡꤢꤪ ꤞꤤ꤭, ꤏꤣꤧꤋꤢꤩ꤭ ꤘꤣ ꤊꤣꤧ꤬ꤛꤢꤧ꤭ꤞꤣꤧ꤭ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤟꤥ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤍ꤫ꤥ꤬, ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤟꤥ꤭ ꤣꤧ꤭ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤞꤣꤧ꤭ꤖꤚꤢꤩ꤬ ꤕꤢ꤭ ꤔꤣꤧ꤬, ꤢ꤬ ꤊ꤫ꤢꤦ꤬ ꤟꤢꤧ꤭ꤒ꤫ꤥ꤬ ꤕꤢ꤭꤯ ꤢ꤬ ꤟꤢꤧ꤭ꤒ꤫ꤥ꤬ ꤡꤣꤧꤟꤣꤧ ꤊꤢꤨꤔ꤫ꤢꤧ꤬ ꤟꤣꤧ꤯

ꤛꤥ꤭ꤟꤢ꤬ 5:25 ပူးပေါင်းရင်းမြစ်များ

ꤛꤥ꤭ꤟꤢ꤬ 5:28

“คย๊าอายื๊อ แลแค แต่เหม่, เมเตเฮ๊เรอ เบ๊อะเด๊อ แกแย โอ่เด๊อ โลกู ล๋อ ปลี เต๊เห่ เก่ หนิโฮ จอแปแหร่ อาพู๊คูเออ อาโหง่เนอ, อา เก่ แฮโต่ ปา.

เอเฟซัส 5:14

เต เด๊อ อา เด๊อะ แม๊เถอะโล ซิเง ตาเต แร๊ อู หม่า ตื๊อแพ๊ เตลี แพ๊. ฮู๊เนอเรอ อู เฮ๊ เน๊อ, “เพร โอ่เมอฉว่า, ซิเหน่เกอ เมอ อู, ก๊อถ่อกา เกอเมออู เด๊อ เตเซอ อา เหล่โอ่เออ เนอ. ครี๊ อา เตลีเออ เก่ เตเคตา เด๊อ เนโอ่ ปา.”

เอเฟซัส 2:5

เบ๊อะเนอเค เป จูเอ่ เกอ เจ๊อ อาโหง่ โต่, เป แซ่เจ๊อ เร๊อ แกแยเซอ เนอ เจ๊อ ตื๊อดื่อเรอ อา เด๊อะ เต่อเกอ เฮ๊อ เป เตโอ่เซอเพร อาอาเซ เร๊อ ครี๊ เฮ๊อ. จอแปแหร่ อาบุ๊ยดุอาเตอเรอทู อาขว่าอาคยาเร๊อ, เป พย๊าหนิเฮ๊อ เตแลเปล๊กา เฮ๊อ.

ꤛꤥ꤭ꤟꤢ꤬ 4:23

หม่าแน๊เรอ แกแย เด๊อ อา จ๊อเบ ชาเผร่แหน่ เจ๊อ เพ จอแปแหร่ เต๊เห่เนอ, ม๊อเนอม๊อเซ เด๊อ เหย่ซี เก่ จ๊อเบ เด๊อ แหย่โยตากยา เร๊อ เตอาจ๊ออาเต เนอ, อา เก่ แฮโต่ ปา. อา แฮโต่ เจ๊อ เฮ๊อ กู๊แหน่ เฮ๊อ. เมเตเฮ๊เรอ เพ จอแปแหร่ แม๊ปู แกแย เด๊อ อา จ๊อเบแถ่ ลู ฮู๊เนอ เต๊เห่ เฮ๊อ.

เตเด๊อะโลแถ่ 3:1

“ราจว๊า ลีเออ เด๊อ วีซาร์ดิส เพรหยื่อเอ่ตู๊หมู่ตอกล๊อ อา เตเน่วพู๊ อาโอ่ เนอ,” อา เฮ๊ แว ฮู๊เนอ เร๊อ อา เฮ๊ เน๊อ, “เตหรี่เตแก เออเนอหม่า อา แฮ เด๊อ เพร เด๊อ อา เป๊อหนิ อา แหย่โยบูโพ๊ เออโซซว๊าเตเม เด๊อ อา เม จอแปแหร่ อาเตเม เออเต๊เห่ เร๊อ เส่เออ โซซว๊าเตเม อาโอ่. เน เมแคร๋ อิเต เนอหม่า แว ซิเง. เน โอ่เซอเพร จ๊อลา เร๊อ แว อู เฮ๊ ฮู๊เนอ หม่าแน๊เรอ เน ครวา แวคยา โต่, เน แซ่แพ๊เร๊อ แกแยเซอ.

ꤛꤥ꤭ꤟꤢ꤬ 8:47

จอแปแหร่ อาพู๊อาเลอ เต๊เห่ เนอหม่า อา ซิครือซิลอ หนิดา จอแปแหร่ อาโหง่. หม่าแน๊เรอ ซี หม่า จอแปแหร่ พู๊เหมาะพู๊คู เต๊เห่ หม่าโต่ อาขว่าอาคยา, ซี หนิดา ลูโหง่ โต่.”

โคโลสี 2:13

เบ๊อะซี หยื่อเอ่ แตแล๋ เหย่ซู่ครี๊ โต่ เบ๊อะเนอ, เด๊อ ซี เตซื๊อ อาขว่าอาคยาเร๊อ, ซี แซ่เน๊อ แกแยเด๊อ อาเซอ เด๊อ แหย่โย ตากยา เฮ๊อ. โท๊โต่ ซี แลเปล๊เถ่เบ๊ เน๊อ ซี เหล่โกล เมเตซื๊อ อา เพรโพรฉว่าชอ เออเนอ โต่. หม่าแน๊เรอ กู๊แหน่เออ จอแปแหร่ เม ก๊อถ่อเซอเพร กาคยา เต่อเกอ เฮ๊อ ซี เน๊อ ครี๊ เฮ๊อ. จอแปแหร่ ปลวาแก ลอเฮ๊อ เป เตซื๊อ ล๋อ ปลี เฮ๊อ

เอเฟซัส 2:1

เด๊อ อาเหร่อเค เนอหม่า, ซี ย๋อ หนิดา จูเอ่ เกออู จอแปแหร่ อาโหง่ โต่, ซี เม เตซื๊อ อาขว่าอาคยา, เด๊อ แหย่โย ตากยา เนอ, ซี แซ่เน๊อ แกแย เซอโทเฮ๊อ เนอเต๊เห่ เฮ๊อ.

ꤚꤥꤗꤢꤩ꤬ 6:4

ฮู๊เนอ อาขว่าอาคยา เบ๊อะเป เจเทอ เบ๊อะเนอ, อา แซ่เฮ๊อ เร๊อ เป เซอ เต่อเกอ เฮ๊อ เร๊อ ครี๊ เฮ๊อ, เร๊อ อู โล๊ ตาเต่อเกอ เฮ๊อ เป เร๊อ ครี๊ เด๊อ โลกู เฮ๊อ. เด๊อ เปเพ จอแปแหร่ อา เตเตอเรอดุทู โพร อาขว่าอาคยา, ฮู๊ อา เมเซอเพร กาคยา คยาแซ๊ ครี๊ เด๊อ เตเซอ อากูเนอ, อา เก่ เด๊อะ โอ่เซอเพร เกอ เป เออเต๊เห่ เร๊อ เตเซอเพร อาเซ ปา.

ꤛꤥ꤭ꤟꤢ꤬ 8:43

แว เฮ๊ เป่ ซี เร๊อ ซี จว๊า ซิเงโปล เจ๊อ ตีกี๋ โต่ เร๊อ หม่า อา เม เจ๊อ ฮู๊เต? ซี ซิเงโปล โต่ หม่าเมเตเฮ๊เรอ ซี ซิหยื่อ หนิดา เจ๊อแหน่ แวโหง่ ตีกี๋ โต่.

ꤛꤥ꤭ꤟꤢ꤬ 5:21

ฮู๊ แวเพ เมเซอเพร กาคยา แกแย เด๊อ อา เซอ เร๊อ อา เด๊อ อู ซิปล่อเซอเพร เนอ, อาพู๊คูเออ อา เก่ เด๊อะเป่ เกออู ซิปล่อเซอเพร เด๊อ อา ซิปล่อโอ่ ซิหยื่อ เด๊อะ เป่ อู เนอเต๊เห่ ปา.

ꤜꤢꤨꤊꤢ꤬ 15:24

เมเตเฮ๊เรอ อา หม่า อาแซ่เน๊อ แวพู๊คู เด๊อ อา เซอโทเฮ๊อ เตเพร, เร๊อ อา เซอเพร กาคยา คยาแซ๊ เออเตอเนอ เฮ๊อ. อา หม่า อาแซ่เน๊อ แวพู๊คู เด๊อ อา โอ่เหม่ เร๊อ แม๊เถอะ กาคยา คยาแซ๊ เฮ๊อ อา เออเตอเนอ เตเพร เนอเฮ๊อ.’ ฮู๊เนอเรอ เหย่ซี เป๊อแถ่ เมป่วยเมลา, โตโครแต๊แขระ เอ่โอ โหร่ลอ ลู.

ꤜꤢꤨꤊꤢ꤬ 9:60

เหย่ซู่ เฮ๊ฉื่อ ลู เน๊อ, “แกแยเซอ เออเต๊เห่เนอ, นอโล๊ เกอเร๊อดื่อ เร๊อ แกแย เด๊อ อา หนิดา เกอจอแปแหร่อาโหง่โต่ เด๊ออาแซ่ เร๊อ แกแยเซอ เด๊อ แหย่โยตาคยา เนอเต๊เห่. หม่าแน๊เรอ เนเออ, จว๊า แด๊โฉ่โด่แน เป่เหร่อ อู เร๊อ จอแปแหร่ อาเทอ เก่ อาหรี่อาแก.”

ꤛꤥ꤭ꤟꤢ꤬ 4:21

เหย่ซู่ เฮ๊ฉื่อ ลู เน๊อ, “เพรหม๋อ, หยื่อเอ่ แวเนอ, เบ๊อะเก่ แฮโต่เฮ๊อ เด๊อ ซี เก่ จ๊อเบแถ่ เพ จอแปแหร่ ปา. หม่าแน๊เรอ เบ๊อะโฉ่ เออเตเม อาลู เนอ เบ่เบ่, เด๊อ วีเยรูซาเล็ม อากู เออเนอ เบ่เบ่, อู โหล่แฮจ๊อเบ ปา เบ๊อะเนอ โต่เฮ๊อ.

ꤜꤢꤨꤊꤢ꤬ 15:32

หม่าแน๊เรอ เน โป่เพรคู เออเนอ อาแซ่เน๊อ อา เซอโทเฮ๊อ เร๊อ กู๊แหน่เออ อา เซอเพร กาคยา เนอเฮ๊อ, อาแซ่เน๊อ อา โอ่เหม่ เร๊อ แม๊เถอะ กาคยา คยาแซ๊ อา เออเตอเนอ เนอเฮ๊อ อาขว่าอาคยา, เป โตเบ่ เมป่วยเมลา เกอเร๊อ อา, เร๊อ เป โตเบ่ ซิครือซิลอ โอ่ปล๊อโอ่ปลูโหร่ลู กอกอ.’”

ꤛꤥ꤭ꤟꤢ꤬ 17:1

แบ่เจ่ เหย่ซู่ เฮ๊โท ฮู๊เออ เร๊อ อา แม๊แถ่ เด๊อ ม๊อขุ เร๊อ อา กุยจ๊อเบ เร๊อ อา กุย ฮู๊เออ, “เพ๋, เบ๊อะแฮโต่เฮ๊อ. แซ่ฮู๊ แว เก่ เด๊อะโล เป่ อู เน เตอเรอดุ เตอเรอทู เนอ, เด๊อะมอ แว หม่า เฮ๊อ เน พู๊คูเออ อา เตอเรอดุ เตอเรอทู นี๋.

ꤛꤥ꤭ꤟꤢ꤬ 13:1

เบ๊อะป่วยเตจว๊า ตา ลว๊า เบ่แต่ ล๋ายโต่ เบ๊อะเนอ, แบ่เจ่ เหย่ซู่ ซิเงเฮ๊อ เร๊อ เบ๊อะเด๊อ อา เก่ เบ่ วี๊แก เห่ขุ เร๊อ อา เบ่ กา เด๊อ อาเพโอ่ เนอ อา แฮโต่เฮ๊อ. เร๊อ อา โมหนิเร๊อ อา โคเจ่ เด๊อ อา โอ่ เด๊อ เห่ขุ เออเต๊เห่ ปว๋า โตโพ๊ เจ๊อ. อา โม โต่ เจ๊อ เหย่ซี เด๊อ อา ตื๊อดื่อ เจ๊อ.

ꤛꤥ꤭ꤟꤢ꤬ 6:60

เหย่ซี หนิโฮ แบ่เจ่ เหย่ซู่ เฮ๊ฮู๊เนอ เน๊อ, อา โคเจ่ โอ่โร๊ลู เฮ๊ แลแค เน๊อ, “อา เตอิซว๊า เออ อาแหย่ แหน่เจ๊อ. อูเป เตเพร เตเร หยื่อเอ่พย๊าฉื่อ เบ๊เกอ อา เตอิซว๊าเออ เป?”

ꤛꤥ꤭ꤟꤢ꤬ 9:27

“แว เฮ๊ เป่โทเฮ๊อ ซี เร๊อ ซี หนิดา โต่. ซี ซิหยื่อ หนิโฮ คยาแซ๊ เมเต? ซี ซิหยื่อ ทวากาเกอ อา โคเจ่ แอ?” อา เฮ๊ฉื่อ เหย่ซี ฮู๊เนอ.