ꤛꤥ꤭ꤟꤢ꤬ 5:23 - ลีเทส่อพ๊าอาเซ เร๊อ เห่ขุทวาลู๊

²³ เมเตเฮ๊เรอ, แซ่ฮู๊ แกแย ล๋อ ปลี เก่ เบ่หยื่อเบ่แหน่ อาพู๊คู ฮู๊ อู เบ่หยื่อเบ่แหน่ เพเนอ เร๊อ อา เด๊อะตา ลอ เต เมจากาคยา เด๊อ ลู กู๊ยากู. แกแย เด๊อ อา เบ่หยื่อเบ่แหน่ พู๊คู โต่ เต๊เห่เนอ, หม่าเฮ๊อ อา เบ่หยื่อเบ่แหน่ เพ เด๊อ อา นอแฮแล ลู เนอเตเพร โต่ เฮ๊อ.

Eastern Kayah Shadaw Dialect

²³ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤞꤢꤧꤟꤢꤨ ꤊꤣꤧ꤬ꤛꤢꤧ꤭ ꤜꤢꤪ꤭꤮ ꤕꤜꤤ꤭ ꤊ꤫ꤢꤦ꤬ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤟꤢꤨ ꤢꤨ꤭ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤖꤢꤩ꤭ꤔꤣꤧ꤬ ꤚꤣꤧ꤬ ꤢ꤬ ꤘꤣꤧꤒꤢ꤭ ꤜꤢꤪ꤭ ꤒꤢꤩ꤬ꤘꤣꤧꤡꤢ꤭ ꤘꤣ ꤜꤢꤨ꤭ ꤊꤣꤧ꤬ꤘꤢ꤭ꤊꤢꤨ꤭꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤖꤢꤨꤖꤚꤢꤩ꤬ꤋꤢꤨ꤭ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤗ꤫ꤢ꤬ꤟꤣꤧ ꤢ꤬ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤖꤢꤩ꤭ ꤘꤣ ꤢ꤬ ꤔꤢꤪ꤭ꤟꤢꤧ꤭ꤜꤢꤧ꤬ ꤜꤢꤨ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤒꤥ꤬ ꤟꤣꤧ꤯

ꤛꤥ꤭ꤟꤢ꤬ 5:23 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:23

แกแย เด๊อ อา วี๊แก พู๊คู เออเนอหม่า หม่าเฮ๊อ อา วี๊แก เพ จอแปแหร่ เฮ๊อ. แกแย เด๊อ อา เอ๊โมฉื่อ พู๊ คู เออเนอหม่า หม่าเฮ๊อ อาเอ๊โมฉื่อ เพ จอแปแหร่ เฮ๊อ.

ꤜꤢꤨꤊꤢ꤬ 10:16

เหย่ซู่ เฮ๊ อา โคเจ่ เช๊อซิเนอ เออเต๊เห่ เน๊อ, “แกแย เด๊อ อา หนิดา ซีโหง่ เต๊เห่ เนอหม่า หม่าเฮ๊อ อา หนิดา เฮ๊อ แวโหง่ เฮ๊อ. แกแย เด๊อ อา เท๊แตแอโชโม๊บิแก ซี เต๊เห่ เนอหม่า โชโม๊บิแกเฮ๊อ แว เฮ๊อ. เร๊อ แกแย เด๊อ อา โชโม๊บิแก แว เต๊เห่ เนอหม่า อา โชโม๊บิแก แกแย เด๊อ อา นอตาแล แว เออเนอ เตเพร เฮ๊อ.”

ยอห์น เนอบ่า ต๊าบ่า 1:9

แกแย เด๊อ อา โอ่หม่าโอ่กลอ เกออู เด๊อ ครี๊ อา เตอิซว๊าอี๊แส่ อากู โต่, เร๊อ อา ฉู่โนเล๊อ โป่ อา เตอิซว๊าอี๊แส่ เต๊เห่ เด๊อ ครี๊ อา เตอิซว๊าอี๊แส่ อากู เต๊เห่เนอ, จอแปแหร่ โอ่เกอ เร๊อ เหย่ซี โต่. แกแย เด๊อ อา โอ่หม่าโอ่กลอ เด๊อ ครี๊ อา เตอิซว๊าอี๊แส่ อากู เต๊เห่เนอ, เพเร๊อพู๊ ซิเนอลอ เก่ โอ่เกอ เร๊อ เหย่ซี แพ๊.

มัทธิว 11:27

เร๊อ จอแปแหร่ เหย่ซู่ เฮ๊ เหย่ซี เน๊อ, “แวเพ เด๊อะตาลอ เฮ๊อ แว เตปว๋า เต๊อะเจ่อ เฮ๊อ. แกแย ซิเง แว เตเพร๊โต่, ซิเงตื๊อแพ๊ แวเพ จอแปแหร่ เตเพรเพร แพ๊” เร๊อ แกแย เด๊อ อา ซิ เง เพ จอแปแหร่ เนอหม่า ตื๊อแพ๊ อา พู๊ เพรคู เน๊อ แกแย เด๊อพู๊ คู นว๊า แถ่ลู เด๊อ อา เก่ เด๊อะโล เป่ ลู เนอ เต๊เห่ แพ๊.

ꤟꤤꤙꤚꤢꤨ 1:6

เบ๊อะจอแปแหร่ นอกี๊ตาเฮ๊อ อาพู๊คู แหว่เพร่ว เด๊อ เห่ขุ เบ๊อะเนอ, อา เฮ๊ เน๊อ, “จอแปแหร่ อา เตเน่วพู๊ ล๋อ ปลี เบ่ จ๊อเบแถ่ พู๊คูเออ,” อา เฮ๊ ฮู๊เนอ.

เอเฟซัส 6:24

จอแปแหร่ เก่ เด๊อะโล เป่ดื่อ อาบุ๊ยอาเตอเรอ เร๊อ แกแย เด๊อ อา โม แบ่เจ่ เหย่ซู่ครี๊ เนอเต๊เห่ เร๊อ อาเตโม เด๊อ อาตื๊อดื่อ แจ่โต่ เออเนอ นี๋.

เปโตร เนอบ่า ต๊าบ่า 3:18

หม่าแน๊เรอ, ดุแถ่ แฮเงโป่ แลแค เด๊อ เตบุ๊ยดุเตอเรอทู อากู เร๊อ เด๊อ เตซิเง เพร เด๊อ อา เมแลเปล๊กา เป หม่าดื่อ เป แบ่เจ่ เหย่ซู่ครี๊ เออ อากู นี๋. กู๊แหน่เออ ตาแฮเงเนอ, อู เก่ ถู่เซ๊แถ่ ดื่อ เป แบ่เจ่ เหย่ซู่ครี๊ ตูจูเพร แตแลเคร๊ นี๋. อาเมน.

ꤚꤥꤗꤢꤩ꤬ 8:9

หม่าแน๊เรอ, ซีเนอ, พ๊าหย่า อา เตซิหยื่อซิลอ มู๊แหม่ เป๊อหนิเกอ ซี โต่. จอแปแหร่ อา แหย่โยบูโพ๊ เก่ โอ่เซอเพร เด๊อ ซีเหน่ลู เฮ๊เรอ, อา แหย่โยบูโพ๊ แบ่เจ่ เออเนอ เก่ เป๊อหนิ ซี ปา. อูเปเป๋ เบ่เบ่, เด๊อ อา พย๊าหนิ เกออู ครี๊ อา แหย่โยบูโพ๊ โต่ เต๊เห่เนอ อา ทวา ครี๊ อาเต หม่าโต่.

โครินธ์ อาเหร่อเล๊อ ต๊าบ่า 10:31

ฮู๊เนอเรอ, แว เก่ เฮ๊ฉื่อโปล เป่ เหย่ซี เนอ, ซี เม อิเตเต๋ เบ่เบ่, ซีเอ่ซีโอ อิเตเต๋ เบ่เบ่, เม เด๊อ อู เก่ ถู่เซ๊แถ่ แลแค จอแปแหร่ อาเง เนอ.

ꤚꤥꤗꤢꤩ꤬ 6:22

หม่าแน๊เรอ กู๊แหน่เออ จอแปแหร่ ฉิย๊า ปลวาเถ่จว๊าแก เฮ๊อ ซี เด๊อ เตซื๊อเตปล๊า อาหลู่เล๊ เฮ๊อ. เร๊อ ซี ทวาเฮ๊อ จอแปแหร่ อาหลู่เล๊ เด๊อ อาเซ เต๊เห่ เฮ๊อ. เด๊อ ซี ทวาเฮ๊อ ฮู๊เออ อาขว่าอาคยา, อา หนิบุ๊ยหนิเตอเรอ เด๊อ ซีเง หม่า หม่าเฮ๊อ อา ซูจว๊า ซี เด๊อ เตโอ่เซอเพร บูโพ๊ อา แกล๊เดกู เออเนอ เฮ๊อ. เร๊อ เด๊อ เป โอ่เซอเพร บูโพ๊ เฮ๊อ อาขว่าอาคยา, อา หนิบุ๊ย เฮ๊อ เด๊อ ซิเง หม่า หม่าเฮ๊อ ซี พย๊าหนิ ซิปล่อเซอเพร ตูจูเพร เออเนอ เฮ๊อ.

ꤛꤥ꤭ꤟꤢ꤬ 16:14

เด๊อ อา แฮ แด๊โฉ่โล เป่ ซี เร๊อ ล๋อ อา หนิโฮ เต เด๊อ แวโอ่ เนอเต๊เห่ อาขว่าอาคยา, อา เก่ เด๊อะ โล แว เตอเรอดุ เตอเรอทู ปา.

โครินธ์ อาเหร่อเล๊อ ต๊าบ่า 6:19

ซี เหน่กล่อ เออเนอหมา แหย่โยบูโพ๊ แบ่เจ่ เด๊อ จอแปแหร่ เด๊อะแล เป่ ซี เออเตเพร อาเหล่โอ่ อา เตหลู่เเตโฮ เนอหม่า ซี ซิเง โต่ แอ? เมเตเฮ๊เรอ จอแปแหร่ พรี งูดุ โทเฮ๊อ ซี อาขว่าอาคยา, ซี เหน่กล่อ เออเนอ ซี เตเร๊อดื่อ หม่า ปา โต่ เฮ๊อ. อา ทวาแถ่ เฮ๊อ จอแปแหร่ อาเต เฮ๊อ. ฮู๊เนอเรอ นอเอ่ แลแค ซี เหน่กล่อ เออเนอ เด๊อ จอแปแหร่ อาลีอาเตเค อาเงเนอ นี๋.

มัทธิว 12:21

เก่ปว๊า เต๊เก่, เมวเจอะ ปว๊าเต๊อเจ่อ เก่ ซิเล แถ่หนิ อา ปา.”

ทิโมธี เนอบ่า ต๊าบ่า 1:12

เมฮู๊เนอเรอ เด๊อ เตเออเต๊เห่ อาขว่าอาคยา, แว ข่าเบ่เฮ๊อ เตเออ เต๊เห่ เฮ๊อ. หม่าแน๊เรอ แว ซิเตเร โต่, เมเตเฮ๊เรอ, แว ซิเงเฮ๊อ เพร เด๊อ แว หยื่อเอ่ อา เออเตเพร เฮ๊อ. โทเรอ แว หยื่อเอ่เฮ๊อ เน๊อ เต เด๊อ อา เด๊อะแล เด๊อ แว กู๊ยากู เออเต๊เห่เนอ, อา เก่ โอ่ป่อหม่า หนิโต่เร๊อดื่อ เด๊อ ม๊อเนอ ตื๊อดื่อปา เนอเตอเนอ ปา.

โครินธ์ เนอบ่า ต๊าบ่า 13:14

เป แบ่เจ่ เหย่ซู่ครี๊ อาบุ๊ยอาเตอเรอ, เพ จอแปแหร่ อาเตโม เร๊อ แหย่โยบูโพ๊ แบ่เจ่ อา เตแบ๊ซว๊าแบ๊โค เออเนอ, อา เก่ โอ่ เกอ ดื่อ เร๊อ ซี ปว๋า เตเพร นี๋.

โครินธ์ เนอบ่า ต๊าบ่า 5:19

เป ซิหยื่อ เฮ๊เนอหม่า ฮู๊เตเฮ๊เนอ, เด๊อ ครี๊ อาขว่าอาคยาเร๊อ จอแปแหร่ เมทวาแถ่ เฮ๊อ แกแยเห่ขุพู๊ ปว๋า เตเพร เร๊อ อา โคแบ๊ซว๊า เฮ๊อ. จอแปแหร่ แด่ ปา แกแย แกแยเห่ขุพู๊ เต๊เห่ อา เตเมซื๊อ โต่ เฮ๊อ. เร๊อ อา เด๊อะตาแก เฮ๊อ เป เตเมเออ เด๊อ เป เก่ จว๊า แด๊โฉ่โด่แน โล เป่ อู เร๊อ จอแปแหร่ เมทวากาคยา คยาแซ๊ เฮ๊อ แกแยเห่ขุพู๊ เต๊เห่ เร๊อ อา โคแบ๊ซว๊า เฮ๊อ.

โครินธ์ เนอบ่า ต๊าบ่า 1:9

เร๊อ เป แด่ เร๊อ เป เซอ เจ๊อ เฮ๊อ หม่าเมเตเรอ เป เบ่จว๊า ข่าจาข่าจือ โต่ ฮู๊เออ เมเตเฮ๊เรอ, แซ่ฮู๊ เป เก่ หยื่อเอ่แล เกอเร๊อ แต่ เปเหน่ แต่เหม่, เร๊อ เป เก่ หยื่อเอ่ แพ๊ตื๊อ จอแปแหร่ เด๊อ อา เม เซอเพรกา อู เด๊อ เตเซอ เออเนอ เตเพร อาเงเนอ, เป เบ่ ข่าเบ่แหน่ เต ฮู๊เออ แพ๊.

โครินธ์ อาเหร่อเล๊อ ต๊าบ่า 1:3

เปเพ จอแปแหร่ เน๊อ เป แบ่เจ่ เหย่ซู่ครี๊ เก่ เด๊อะ ดื่อ ซี เตบุ๊ยเตเตอเรอ เน๊อ ซิปล่อ ตู๊จู่เตอเจ๊อ นี๋.

ꤛꤥ꤭ꤟꤢ꤬ 14:1

แบ่เจ่ เหย่ซู่ เฮ๊ เหย่ซี เน๊อ, “ซิปล่อกู่ ซิปล่อแก แลแค แต่เหม่ นี๋. หยื่อเอ่ แลแค จอแปแหร่ เร๊อ หยื่อเอ่เกอ แลแค แว นี๋.

มัทธิว 10:37

“แกแย เตเพรเพร เด๊อ อา โมเกอเร๊อ เล๊อ อาโหมะอาเพ เร๊อ แว เฮ๊เนอ, อา ต่า เกอ เร๊อ แว โต่. แกแย เตเพรเพร เด๊อ อา โมหนิเกอเร๊อ เล๊อ อา พู๊เหมาะพู๊คู เร๊อ แว เฮ๊เนอ, อา ต่า เกอ เร๊อ แว โต่.

โครินธ์ เนอบ่า ต๊าบ่า 5:14

ครี๊ อาเตโม เมเป่แก เฮ๊อ เป อาขว่าอาคยา, เป โอ่เซอเพร เป่ เด๊อ จอแปแหร่ อาเง ฮู๊เออ เฮ๊อ. เป ซิเง เร๊อ ครี๊ เซอ เป่ เด๊อ แกแย ปว๋า เตเพร อาเง อาโหง่แลช๊า หม่า หม่าเฮ๊อ แกแย ปว๋า เตเพร เซอ เต่อเกอ เฮ๊อ เร๊อ ครี๊ เฮ๊อ.

โครินธ์ อาเหร่อเล๊อ ต๊าบ่า 16:22

อูเปเป๋ เบ่เบ่, เด๊อ อา โมเร๊อ แบ่เจ่ โต่ เนอ, เตอิชอฮามู๊แหม่ เก่ เบ่ดื่อ ลู นี๋. “มารานาส่า” เก๋อ เป แบ่เจ๋! แฮเมอ นี๋.

ꤚꤥꤗꤢꤩ꤬ 15:12

เพรโพร อิสยาห์ เฮ๊ โป่ คยาแซ๊ เน๊อ, “เพเจสซี อากลุยอาแล เก่ แฮ โอ่โลแถ่ เตเพร ปา, เร๊อ อา เก่ เป๊อหนิ แกแยยิวพู๊ หม่าโต่ เต๊เห่ ปา. แกแยยิวพู๊ หม่าโต่ เต๊เห่ เก่ แม๊ชือ แลแค ลู ปา.”

ꤚꤥꤗꤢꤩ꤬ 1:7

โคแบ๊ซว๊าโม เด๊อ อา โอ่ เด๊อ วีโรม อากู ซี, จอแปแหร่ โม เกอเร๊อ ซี, โท๊โต่ อา เอ๊ เฮ๊อ ซี เด๊อ ซี เก่ ทวาแถ่ อาแกแย เร๊อดื่อ เฮ๊อ. แว ราจว๊า เป่ลอ ซี ลีเออต๊าบ่า. เปเพ จอแปแหร่ เร๊อ เป แบ่เจ่ เหย่ซู่ครี๊ เก่ เด๊อะดื่อ ซี เตบุ๊ยเตเตอเรอ เร๊อ เตตู๊จุเตอเจ๊อ นี๋.

ꤛꤥ꤭ꤟꤢ꤬ 17:10

ล๋อ อา โอ่ เร๊อ แว เต๊เห่เนอ, เนเต่ เฮ๊อ, เร๊อ ล๋อ อา โอ่ เร๊อ เน เต๊เห่เนอหม่า, แวเต่ เฮ๊อ. แว พย๊าหนิ แฮเง เตเตอเรอดุ เตอเรอทู เด๊อ เหย่ซีโอ่.

มัทธิว 28:19

เมฮู๊เนอเรอ, แว เฮ๊ซี๋ จว๊า แลแค เด๊อ แกแย เมว เจ่อ เต๊เห่ อาโอ่, เร๊อ จว๊า เมทวาแถ่ เหย่ซี เน๊อ แว โคเจ่ นี๋. จว๊า เจ เป่ แลแค เหย่ซี เทอ เร๊อ เพ อามุย, พู๊คู อามุย เร๊อ แหย่โยบูโพ๊แบ่เจ่ อามุย นี๋.

เปโตร เนอบ่า ต๊าบ่า 1:1

เป จอแปแหร่ เร๊อ เพรเมแลเปล๊กา เป แบ่เจ่ เหย่ซู่ครี๊ เออเตเพร อา เตจ๊อเตเต อาขว่าอาคยา, ซี หม่า แกแย เต๊เห่ เด๊อ อา พย๊าหนิ เกอดื่อเฮ๊อ เตหยื่อเตแหน่ เด๊อ อาแซ่เน๊อ เป เออเต๊เห่ เฮ๊อ. เร๊อ แว ราจว๊าเป่ ซี ลีเออ. แว หม่า คูซีโมน เปโตร, เร๊อ แว ทวาดื่อ เหย่ซู่ครี๊ อาหลู่ เร๊อ อา เพรโด่แน เตเพร.

มัทธิว 15:8

‘แกแย เออเต๊เห่ เบ่หยื่อ เบ่แหน่ แลแค แว เน๊อ อากู๊อู่แพ๊, หม่าแน๊เรอ อาซิปล่อ เนอหม่า อา โอ่ตาพายา เร๊อ แว แพ๊.