ꤛꤥ꤭ꤟꤢ꤬ 4:21 - ลีเทส่อพ๊าอาเซ เร๊อ เห่ขุทวาลู๊

²¹ เหย่ซู่ เฮ๊ฉื่อ ลู เน๊อ, “เพรหม๋อ, หยื่อเอ่ แวเนอ, เบ๊อะเก่ แฮโต่เฮ๊อ เด๊อ ซี เก่ จ๊อเบแถ่ เพ จอแปแหร่ ปา. หม่าแน๊เรอ เบ๊อะโฉ่ เออเตเม อาลู เนอ เบ่เบ่, เด๊อ วีเยรูซาเล็ม อากู เออเนอ เบ่เบ่, อู โหล่แฮจ๊อเบ ปา เบ๊อะเนอ โต่เฮ๊อ.

Eastern Kayah Shadaw Dialect

²¹ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤖꤚꤢꤩ꤬ꤗꤢꤪ꤬꤮ ꤛ꤫ꤢꤦ꤬ꤢꤩ꤬ ꤠꤢꤧ꤭ꤔꤣꤧ꤬, ꤏꤣꤧꤋꤢꤩ꤭ ꤊ꤫ꤢꤦ꤬ ꤟꤢꤧ꤭ꤒ꤫ꤥ꤬ꤟꤣꤧ ꤘꤣ ꤞꤤ꤭ ꤊ꤫ꤢꤦ꤬ ꤡꤢꤪꤙꤢꤩ꤭ꤓꤢꤧ꤬ ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤕꤢ꤭꤯ ꤗꤢ꤬ꤔꤢꤧꤚꤣꤧ꤬ ꤙꤣꤧ ꤏꤥ꤬ ꤣꤧ꤭ꤒꤣ꤬ꤗꤢꤩ꤭ ꤢ꤬ꤜꤥ꤬ ꤔꤣꤧ꤬ ꤙꤢꤩ꤬ꤙꤢꤩ꤬, ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤢ꤬ꤊꤢꤨ꤭ ꤣꤧ꤭ꤔꤣꤧ꤬ ꤙꤢꤩ꤬ꤙꤢꤩ꤬, ꤢꤨ꤭ ꤜ꤫ꤥ꤬ ꤟꤢꤧ꤭ꤡꤢꤪꤙꤢꤩ꤭ ꤕꤢ꤬ ꤙꤣꤧꤔꤣꤧ꤬ ꤒ꤫ꤥ꤬ꤟꤣꤧ꤯

ꤛꤥ꤭ꤟꤢ꤬ 4:21 ပူးပေါင်းရင်းမြစ်များ

ทิโมธี อาเหร่อเล๊อ ต๊าบ่า 2:8

ฮู๊เนอ อาขว่าอาคยา เด๊อ เหล่โอ่ ปว๋า โต๊โผ่เนอ แว ซิหยื่อ เน๊อ ล๋อ เพรคู เต๊เห่ เก่ บ๊อแถ่ อากู๊ขุ บูโพ๊ เร๊อ กุยจ๊อเบเต เร๊อ เด๊อ อา เตกุยจ๊อเบ อากูเนอ, เตเคร๊เตแขระ, เต ซิปล่อดุ โส่เทอทู เต๊เห่เนอ อา โตเบ่ โอ่หนิ โต่.

เอเฟซัส 2:18

เด๊อ ครี๊ เม เป่ โทเฮ๊อ เด๊อ เปเง เร๊อ แหย่โยบูโพ๊แบ่เจ่ เตเพร่ว แพ๊ เมจว่า เป แฮเง เป อาขว่าอาคยา, ล๋อ เป แกแยยิวพู๊ เต๊เห่ เบ่เบ่, แกแยยิวพู๊ หม่าโต่ เต๊เห่ เบ่เบ่, เป แฮโนหนิ เฮ๊อ เด๊อ จอแปแหร่ อาเป๊เส่เง เฮ๊อ.

ꤛꤥ꤭ꤟꤢ꤬ 4:23

หม่าแน๊เรอ แกแย เด๊อ อา จ๊อเบ ชาเผร่แหน่ เจ๊อ เพ จอแปแหร่ เต๊เห่เนอ, ม๊อเนอม๊อเซ เด๊อ เหย่ซี เก่ จ๊อเบ เด๊อ แหย่โยตากยา เร๊อ เตอาจ๊ออาเต เนอ, อา เก่ แฮโต่ ปา. อา แฮโต่ เจ๊อ เฮ๊อ กู๊แหน่ เฮ๊อ. เมเตเฮ๊เรอ เพ จอแปแหร่ แม๊ปู แกแย เด๊อ อา จ๊อเบแถ่ ลู ฮู๊เนอ เต๊เห่ เฮ๊อ.

มัทธิว 18:20

หม่าเมเตเฮ๊เนอ, แกแย ซิเนอ แพ๊ เบ่เบ่, ซิโซ แพ๊ เบ่เบ่, เหย่ซี เก่ โอ่เต่อโอ่ปล๊อ ลู เด๊อ แวมุย คยา เก่เฮ๊เรอ, แว เก่ โอ่เต่อ เกอตื่อ เร๊อ เหย่ซี ปา.”

เอเฟซัส 3:14

เด๊อ เตหรี่เตแก เออ อาขว่าอาคยาเร๊อ, แว แด๊งือ กุยจ๊อเบ เป่ ซี เด๊อ แวเพ อา เป๊เส่เง เจ๊อ.

ꤛꤥ꤭ꤟꤢ꤬ 16:32

หม่าแน๊เรอ เบ๊อะเด๊อ ซี เก่ แกล่โพร๊ แกล่แพร ลอ ปา, เร๊อ ซี เก่ กาเถ่ แลแค เด๊อ ซีหี่ เตเพร เร๊อ เตเพร เนอ, อา เก่ แฮโต่ ปา. เฮ๊ตาเต้า หม่า อา แฮโต่ เจ๊อเฮ๊อ. ซี ปว๋า เตเพร เก่ แด่โอ่แก ตื๊อดื่อ แว ปา. หม่าแน๊เรอ แว โอ่ตื๊อดื่อ หม่าโต่, เมเตเฮ๊เรอ แวเพ โอ่เกอ เร๊อ แว.

ꤛꤥ꤭ꤟꤢ꤬ 16:2

อู เก่ เหว่เถ่ แก ซี เด๊อ เตจ๊อเบโฮ เต๊เห่ อากลอ ปา. แกแย เด๊อ อา เมเซอ ซี เต๊เห่เนอ อา เตเน เกอเร๊อ อาเหน่ เน๊อ, ‘เป เม เฮ๊อ จอแปแหร่ อาเตเม เฮ๊อ,’ เบ๊อะฮู๊เออเนอ, อา เก่ แฮโต่ ปา.

ꤛꤥ꤭ꤟꤢ꤬ 5:28

“คย๊าอายื๊อ แลแค แต่เหม่, เมเตเฮ๊เรอ เบ๊อะเด๊อ แกแย โอ่เด๊อ โลกู ล๋อ ปลี เต๊เห่ เก่ หนิโฮ จอแปแหร่ อาพู๊คูเออ อาโหง่เนอ, อา เก่ แฮโต่ ปา.

เปโตร อาเหร่อเล๊อ ต๊าบ่า 1:17

เบ๊อะซี กุยจ๊อเบแถ่ จอแปแหร่ เบ๊อะเนอ, “เพ” ซี เอ๊ แลแค ลู ฮู๊เนอ. แกแย ปว๋า เตเพร เมโทเฮ๊อ เตอิเตเต๋ เบ่เบ่ เนอ, จอแปแหร่ เมจากาคยา จ๊อจ๊อเตเต แพ๊, อา แม๊ดุแม๊ปีตี๊ โต่. ฮู๊เนอเรอ เบ๊อะซี โอ่เซอเพร ปา ฮู๊ ซิเผระ เด๊อ เห่ขุเออ เบ๊อะเนอ, โอ่เซอเพร แลแค เด๊อ เตซิอิเซ แด่หยื่อแด่แหน่ จอแปแหร่ อากู นี๋.

เพรโด่แนพู๊ เต๊เห่ 6:14

เป หนิโฮ อา เฮ๊ เร๊อ วีนาซาเร็ธ แบ่เจ่เหย่ซู่ เออ เก่ เมตาพรอแก เตหลู่เเตโฮ เออเนอ ปา เร๊อ อา เก่ ถู่แหล่ เต๊เปล่แก เป เหล่โกลเหล่แบ่ เด๊อ คูโมเสส เด๊อะโอ่แก โทเฮ๊อ เป เออเนอเต๊เห่ ปา,” อา เฮ๊ ฮู๊เนอ.

ꤛꤥ꤭ꤟꤢ꤬ 14:6

เร๊อ แบ่เจ่ เหย่ซู่ เฮ๊ฉื่อ ลู เน๊อ, “แว หม่า แกล๊ เน๊อ เตหม่า เตจ๊อ เร๊อ เตเซอเพร เฮ๊อ. แว ทวา เป่เฮ๊อ อู แกล๊จว๊า เด๊อ เพ อา โอ่ อาขว่าอาคยา, อูเปเป๋ เบ่เบ่, อา เก่ จว๊า เต่อ เร๊อ แว โต่ เฮ๊เนอ, อา จว๊าโต่ แจ่ เด๊อ เพ อา โอ่ เตเพร่ว โต่.

ꤛꤥ꤭ꤟꤢ꤬ 5:25

แว เฮ๊โฉ่จ๊อจ๊อ ซี, เบ๊อะเด๊อ แกแยเซอ เต๊เห่ เก่ หนิโฮ จอแปแหร่ อาพู๊คู โหง่, เร๊อ แกแย เด๊อ อา หนิโฮ เออเต๊เห่ เก่ เซอเพร ปา เนอ, อา เก่ แฮโต่ ปา. อา แฮโต่ เจ๊อเฮ๊อ กู๊แหน่ เฮ๊อ.

ꤜꤢꤨꤊꤢ꤬ 21:24

อู เก่ เมเซอ เหย่ซี เต๊เห่เห่ เร๊อ เน๊ ปา, เร๊อ เต๊เห่เห่เนอ, อู เก่ ปื่อจุ่ยจว๊าแก เหย่ซี เด๊อ เก่ปว๊าเต๊เก่ เด๊อ เห่ขุ เออเนอ ปา. แกแยยิวพู๊ หม่าโต่ เต๊เห่ เก่ เมจาเมจือ เป่เอ่ เป่โอ วีเยรูซาเล็ม เต๊เห่ ปา. เร๊อ อา เก่ เป๊อ โต่เด๊อ เหย่ซี แกแยยิวพู๊ หม่าโต่ เต๊เห่ เบ๊อะเล๊อแถ่บาแถ่ เฮ๊อ โตโพ๊ ปา.

มัทธิว 28:19

เมฮู๊เนอเรอ, แว เฮ๊ซี๋ จว๊า แลแค เด๊อ แกแย เมว เจ่อ เต๊เห่ อาโอ่, เร๊อ จว๊า เมทวาแถ่ เหย่ซี เน๊อ แว โคเจ่ นี๋. จว๊า เจ เป่ แลแค เหย่ซี เทอ เร๊อ เพ อามุย, พู๊คู อามุย เร๊อ แหย่โยบูโพ๊แบ่เจ่ อามุย นี๋.

เตเด๊อะโลแถ่ 21:22

เด๊อ วีกูเนอ แว แม๊เถอะ เตหลู่เเตโฮ โอ่ เตเม๋ โต่, เมเตเฮ๊เรอ แบ่เจ่ จอแปแหร่ เด๊อ อา แจ่เต ล๋อ ปลี เออเตเพร เร๊อ ซิหมิพู๊ เนอโตโด อา โอ่ แลแค เฮ๊อ เบ๊อะเนอ เร๊อ อู จ๊อเบแถ่ เฮ๊อ เหย่ซี อาขว่าอาคยา, เตหลู่เเตโฮ โหล่ ปาโต่.