ꤛꤥ꤭ꤟꤢ꤬ 4:10 - ลีเทส่อพ๊าอาเซ เร๊อ เห่ขุทวาลู๊

¹⁰ เหย่ซู่ เฮ๊ฉื่อ ลู เน๊อ, “เน เก่ ซิเงบย่า จอแปแหร่ อา เตเด๊อะครา เชหยู่ โทเรอ เพร เด๊อ อา กุยโอ เนเทอ เออเตเพร หม่า อูเป เนอ เน เก่ ซิเง โป่บย่า เฮ๊หม่า, เน เก่ กุยโอ แว เทอ ปา เร๊อ แว เก่ เด๊อะโอ เน เทอ เด๊อ อา เด๊อะ อู ซิปล่อเซอเพร เออเนอ ปา.”

Eastern Kayah Shadaw Dialect

¹⁰ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤔꤢꤧ꤬ ꤊꤢꤩ꤬ ꤞꤤꤑꤢꤩ꤭ꤙꤛꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤘꤣꤧꤋꤚꤢ꤭ ꤏꤢ꤭ꤛ꤫ꤢꤨ꤬ ꤓꤥ꤭ꤚꤣꤧ꤬ ꤖꤚꤢꤩ꤬ ꤘꤣ ꤢ꤬ ꤊꤝꤤ꤭ꤥ꤭ ꤔꤢꤧ꤬ꤓꤣꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤗꤢ꤬ ꤢꤨ꤭ꤕꤢꤩ꤭ ꤔꤣꤧ꤬ ꤔꤢꤧ꤬ ꤊꤢꤩ꤬ ꤞꤤꤑꤢꤩ꤭ ꤕ꤫ꤥ꤬ꤙꤛꤢ꤬ ꤟꤢꤩꤗꤢ꤬, ꤔꤢꤧ꤬ ꤊ꤫ꤢꤦ꤬ ꤊꤝꤤ꤭ꤥ꤭ ꤠꤢꤧ꤭ ꤓꤣꤧ꤭ ꤕꤢ꤭ ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤘꤣꤧꤥ꤭ ꤔꤢꤧ꤬ ꤓꤣꤧ꤭ ꤘꤣ ꤢ꤬ ꤘꤣꤧ ꤢꤨ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤣꤧ꤭ꤔꤣꤧ꤬ ꤕꤢ꤭꤯”

ꤛꤥ꤭ꤟꤢ꤬ 4:10 ပူးပေါင်းရင်းမြစ်များ

ꤛꤥ꤭ꤟꤢ꤬ 4:14

หม่าแน๊เรอ แกแย เด๊อ อา เก่ โอเทอ เด๊อ แว เด๊อะโอ อา ปา เออเนอ, อา ซิโอ ปา เทอ โตโพ๋ โต่. เทอ เด๊อ แว เก่ เด๊อะโอ อา ปา เออเนอ, อา เก่ ทวาแถ่ เทอเถ่ขุ เด๊อ ลูกู ปา. เร๊อ อา เก่ เด๊อะ ลู ซิปล่อเซอเพร ตูจูเพร ตาแลเคร๊ ปา.”

เตเด๊อะโลแถ่ 7:17

เมเตเฮ๊เรอ ซิหมิพู๊ โอ่ เด๊อ จ๊อแผ่ กู่แกล๊เท แถ่โล อากล๊าเมกู เนอโตโด เก่ เก่ เหย่ซี เร๊อ อา เก่ ซูจว๊า เหย่ซี เด๊อ เทอ เด๊อ อา เด๊อะ เหย่ซี ซิปล่อเซอเพร อา เทอเถ่ขุ เต๊เห่ อาโอ่ ปา. โทเรอ จอแปแหร่ เก่ ทื๊อซูแก เป่ เหย่ซี เป๊เส่เทอ ปว๊าเตเม๊ เจ๊อ ปา.”

เตเด๊อะโลแถ่ 21:6

เร๊อ อา เฮ๊ เน๊อ, “อา โทเฮ๊อ, แว หม่า อาเหร่อเล๊อ เร๊อ อาโหน่เล๊อ อู เฮ๊อ. แว หม่า อาแก่ช๊า เร๊อ อาตื๊อดื่อ เฮ๊อ เทอเถ่ขุ เด๊อ อา เด๊อะ ตูจูเพร เนอ อา โอ่ ต๊ออ่อ. แกแย เด๊อ อา ซิโอ เตเพรเพร เนอ, แว เก่ เด๊อะโอครา อา ปา.

ꤛꤥ꤭ꤟꤢ꤬ 3:16

“จอแปแหร่ โมเกอเร๊อ ลอ เจ๊อ แกแย เห่ขุพู๊ ล๋อปลี, ล๋อ แกแย เด๊อ อา หยื่อเอ่ อาพู๊คู เต๊เห่เนอ, แซ่ฮู๊ อา เก่ พย๊าหนิ ซิปล่อเซอเพร ตูจูเพร เร๊อ อา เตปย๊าเตแก แต่เหม่ เนอ, อา เด๊อะแลแก อาพู๊คู โอ่ ตื๊อ เตเพร เออเนอ เด๊อ แกแย เห่ขุพู๊ เต๊เห่ อาเงเฮ๊อ.

เตเด๊อะโลแถ่ 22:17

จอแปแหร่ อา แหย่โยบูโพ๊ เร๊อ เพรกาฉู่แด่ เพรเหมาะ เฮ๊ เน๊อ, “แฮเมอ แลแค.” ล๋อ แกแย เด๊อ อา หนิโฮ เต เออเต๊เห่เนอ, นอเฮ๊เกอ แลแค เหย่ซี เน๊อ, “แฮเมอ แลแค.” เร๊อ แกแย เด๊อ อา ซิโอเทอ เต๊เห่เนอ, แฮเมอ, แฮพย๊า โอ ครา แลแค เทอ เซอเพรเออ.

ꤚꤥꤗꤢꤩ꤬ 8:32

จอแปแหร่ เออเตเพรเนอ, อาพู๊ เร๊อ อาเหน่ เร๊อดื่อ เจ๊อ เร๊อ อา ซิโล เกอเร๊อ โต่. เร๊อ อา เด๊อะแลแก เจ๊อ อาพู๊ เด๊อ เป ล๋อ ปลี เต๊เห่ อาเง เจ๊อ. เก่ อา เด๊อะ ตาครา เจ๊อ เป เร๊อ อาพู๊คู เหย่ซู่ครี๊ เจ๊อ เก่เฮ๊เรอ, ล๋อ เต เด๊อ อา โอ่แก เด๊อ อาโร เต๊เห่เนอ, อา เก่ เด๊อ ตาคราโป่ เป ปา หม่าโต่ แอ?

โครินธ์ อาเหร่อเล๊อ ต๊าบ่า 10:4

โทเรอ เหย่ซี โอโหร่ ลอปลี ลู เทอ เด๊อ จอแปแหร่ เด๊อะ เหย่ซี เออเนอ เฮ๊อ. เทอ เด๊อ เหย่ซี โอ เออเนอหมา อา โอ่ เด๊อ หล่อกู เถ่. หล่อ เออเนอหมา หม่าเฮ๊อ เหย่ซู่ครี๊ เฮ๊อ. เหย่ซี จว๊า เบ๊อะเต๋ โต๊โผ่ เบ่เบ่ เนอ, เหย่ซู่ จว๊า เต่อเกอ เร๊อ เหย่ซี.

ꤛꤥ꤭ꤟꤢ꤬ 6:35

เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “แว หม่า เหล่เอ่ เด๊อ อา เด๊อะ อู ซิปล่อเซอ เพร เฮ๊อ. แกแย เด๊อ อา แฮโต เด๊อ แวโอ่ เนอ, อา ซิกู๊ซิวี ปา โตโพ๋ โต่. แกแย เด๊อ อา หยื่อเอ่ แว เนอ, อา ซิโอปา แตแค๋ โต่.

ꤛꤥ꤭ꤟꤢ꤬ 17:3

จอแปแหร่ หม่า ตื๊อ เน เตเพรแพ๊, เร๊อ แกแย เด๊อ อา ซิเง เน เร๊อ อา ซิเง เร๊อ แว หม่า เหย่ซู่ครี๊ เด๊อ เน ปลวาแฮ ลู เตเพร เต๊เห่ เนอหม่า หม่าเฮ๊อ เตซิเง เด๊อ อา เด๊อะ เหย่ซี ซิปล่อเซอเพร ตูจูเพร เฮ๊อ.

ꤛꤥ꤭ꤟꤢ꤬ 6:51

แว หม่า เหล่เอ่ เด๊อ อา เด๊อะอู ซิปล่อเซอเพร เร๊อ อา โอ่ เด๊อ ม๊อขุ ตาแล. อูเปเป๋ เบ่เบ่, อา เก่ เอ่ เหล่เอ่ เออเนอ, อา เก่ เซอเพร ตูจูเพร ปา. เหล่เอ่ เออเนอหมา หม่าเฮ๊อ แวหย่า เออเนอ เฮ๊อ. แซ่ฮู๊ แกแย เห่ขุพู๊ เก่ เซอเพร อาเงเนอ แว เด๊อะแลแก แว เหน่กล่อ เออ เด๊อ เหย่ซีเง เฮ๊อ.”

โครินธ์ เนอบ่า ต๊าบ่า 9:15

เป เก่ ถู่เซ๊แถ่ โหร่ลู จอแปแหร่ เด๊อ อา เด๊อะตา เป เชหยู่ หม่าเฮ๊อ อาพู๊คู เด๊อ อา งูดุงูชอ แหน่เจ๊อ เร๊อ เป เฮ๊แจ่ ปา เจ๊อ โต่ เออเนอ เตเพร โป๋.

ꤜꤢꤨꤊꤢ꤬ 11:13

ซี หม่า แกแย เด๊อ อา จามู๊แหม่ เต๊เห่แพ๊ ตื๊อดื่อเรอ ซี ซิเง เด๊อะเอ่ ซีพู๊ซีเลอ เต๊เห่ เร๊อ เตเด๊อ อาแร๊ เต๊เห่ เจ๊อ เก่เฮ๊เรอ, เตเนแม๊มอ แลแค ซีเพ เด๊อ ม๊อขุ เออเตเพรเนอ, อา เก่ เด๊อ หม่าแหน่ เป่ เจ๊อ แกแย เด๊อ อา กุยแถ่ ลู แหย่โยบูโพ๊แบ่เจ่ เออเนอ ปา.”

เอเฟซัส 2:8

เมเตเฮ๊เรอ, เด๊อ ซี หยื่อเอ่ ครี๊ เร๊อ จอแปแหร่ อาบุ๊ยอาเตอเรอดุทู แหน่เจ๊อ เด๊อ ซีขุเออ อาขว่าอาคยา, อา เมแลเปล๊กา เฮ๊อ ซี เฮ๊อ. เด๊อ ซี แหน่แบ่เจ่ เร๊อดื่อ ลอ แอ๊จื๊อแอ๊เหร่ ขว่าคยา เร๊อ ซี พย๊าหนิ เตแลเปล๊กา หม่าโต่. เออ หม่า จอแปแหร่ เด๊อะตาครา แพ๊ ซี แพ๊.

โครินธ์ อาเหร่อเล๊อ ต๊าบ่า 1:30

จอแปแหร่ เมทวาแถ่ โต่เฮ๊อ ซี เน๊อ เหย่ซู่ครี๊ เตอเจ๋อ โต เฮ๊อ. อา เมทวา เป่ เฮ๊อ ซี เต๊อะเจ้อ แพ๊ เน๊อ ครี๊ เออเนอ, อา เก่ ทวาแถ่ เฮ๊อ เป เตลีแมลีเพ๊ เฮ๊อ. เด๊อ ครี๊ อาขว่าอาคยาเร๊อ, จอแปแหร่ แด่ เฮ๊อ เป ฮู๊ แกแยจ๊อแกแยเต เต๊เห่เนอ เฮ๊อ. โท๊โต่ เป ทวาแถ่ เฮ๊อ จอแปแหร่ อาแกแย บูโพ๊ เร๊อ ครี๊ ปลวาเถ่ ปาลา เฮ๊อ เป เน๊อ เตซื๊อ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:20

แซ่ฮู๊ เป เก่ ซิเง เกอดื่อ อู จอแปแหร่ เด๊อ อาโต เออเตเพรเนอ, เป ซิเงเฮ๊อ เร๊อ จอแปแหร่ อาพู๊คูเออ แฮ เด๊อะ ซิเงโปล เป่ เฮ๊อ. เป เฮ๊อ. เป โอ่ เด๊อ จอแปแหร่ เด๊อ อาโต เออเตเพร เร๊อ อาพู๊คู เหย่ซู่ครี๊ เออเตเพร อากู เฮ๊อ. อา หม่า จอแปแหร่ เด๊อ อาโต เตเพร, โท๊โต่ จอแปแหร่ เด๊อ อา เด๊อะ อู ซิปล่อเซอเพร ตูจูเพร เตเพร.

ꤛꤥ꤭ꤟꤢ꤬ 16:3

อา จว๊า เมโต่ แลแค ฮู๊เออ เมเตเฮ๊เรอ เหย่ซี ซิเงน๊อ เพ โตโพ๋ โต่, โทเรอ อา ซิเงน๊อ แว โตโพ๋ โต่.

เพรโด่แนพู๊ เต๊เห่ 9:11

เร๊อ แบ่เจ่ เฮ๊ ลู เน๊อ, “โอ่ ตี๊หรี่แตแร มอ เนเหน่ เร๊อ จว๊า มอ เด๊อ แกล๊ เนอโตโบ เด๊อ อู เอ๊ อามุย เร๊อ แกล๊จ๊อ เฮ๊เนอ โตโบ เนอ. เร๊อ จว๊า แด๊เฮอ มอ วีทาร์ซัสพู๊ เด๊อ อามุย เร๊อ คูเซาโล เด๊อ คูยูดาส อาหี่กู เนอ. กู๊แหน่เรอ อา กุยจ๊อเบ เฮ๊อ เต.

ꤟꤤꤙꤚꤢꤨ 6:4

แกแย เด๊อ อา วีแก อาเตหยื่อ เต๊เห่เนอ เหย่ซี ถู่แหล่เต๊เปล่ กาคยา แจ่ ปา อาซิปล่อ แตแค๋ โต่. เด๊อ เนอเค, เหย่ซี ซิเง โทเฮ๊อ จอแปแหร่ อา เตหมะเตจ๊อ เต๊เห่ เฮ๊อ. เหย่ซี แม๊เถอะ ซิเงแฮเบ่น๊อ โทเฮ๊อ จอแปแหร่ อาเชหยู่ เร๊อ อา พย๊าหนิโหร่ เกอโทเฮ๊อ แหย่โยบูโพ๊ แบ่เจ่ เร๊อ แกแย เด๊อ อาโรเต๊เห่ เฮ๊อ.