ꤛꤥ꤭ꤟꤢ꤬ 3:5 - ลีเทส่อพ๊าอาเซ เร๊อ เห่ขุทวาลู๊

⁵ เหย่ซู่ เฮ๊ฉื่อ ลู เน๊อ, “แว แด๊โฉ่จ๊อจ๊อ เน, แกแย เด๊อ อา โอ่เป๊เจ่แลเซเต๊เปล่ คยาแซ๊ เน๊อ เทอ เร๊อ จอแปแหร่ อาแหย่โยบูโพ๊ โต่ เต๊เห่เน๊อ, อา โนหนิ แจ่ เด๊อ จอแปแหร่ อาเทออาเก่กู โต่.

Eastern Kayah Shadaw Dialect

⁵ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤠꤢꤧ꤭ ꤟꤢꤩꤏꤥ꤬ꤡꤢꤪꤡꤢꤪ ꤔꤢꤧ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤖꤢꤨꤡ꤫ꤢꤩ꤬ꤜꤢꤧ꤬ ꤋꤛꤢ꤭ꤞꤢꤧ ꤔꤢꤧ ꤓꤣꤧ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤔꤥ꤭ꤔ꤫ꤤ꤬ ꤡ꤫ꤢꤧ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ꤊꤢꤨ꤭ ꤒꤥ꤬꤯

ꤛꤥ꤭ꤟꤢ꤬ 3:5 ပူးပေါင်းရင်းမြစ်များ

เพรโด่แนพู๊ เต๊เห่ 2:38

คูเปโตร เฮ๊ เป่ เหย่ซี เน๊อ, “แซ่ฮู๊ จอแปแหร่ เก่ ปลวาแก ซี เตซื๊อ เต๊เห่เนอ, ถู่แหล่แต๊แกละกา แลแค ซิปล่อ ปว๋า เตเพร เร๊อ เจ แลแค ซีเหน่ เร๊อ เทอ เด๊อ เหย่ซู่ครี๊ อามุย อากูเนอ, ตื๊อหม่า จอแปแหร่ เก่ เด๊อะ ซี เชหยู่ หม่าเฮ๊อ แหย่โยบูโพ๊แบ่เจ่ เออเนอ ปา.

เอเฟซัส 5:26

แซ่ฮู๊ อา เก่บูโพ๊หนิ อา เพรหยื่อเอ่ เออ ตู๊หมู่ตอกล๊อ เต๊เห่เนอ, อา เซอแก เป่ เจ๊อ เด๊อ เหย่ซี อาเง. เร๊อ อา ซู๊ปลีแกเฮ๊อ เหย่ซี เร๊อ เทอ เร๊อ อาลาอาโหง่ เออเนอ เฮ๊อ.

เปโตร อาเหร่อเล๊อ ต๊าบ่า 3:21

ซี เจ ซีเหน่ เร๊อ เทอ เออเนอหมา, อา เด๊อะโล แบ๊บือ เฮ๊อ เทอ เด๊อ เพโนอาห์ ทือเค เนอ เนอ, จอแปแหร่ เมแลเปล๊กา เฮ๊อ ซี กู๊แหน่เออ เนอแพ๊. ซี เจ ซีเหน่ เร๊อ เทอ เนอหม่า อา ซู๊ปลีแก เหน่กล่อ กู่เขร่อ เนอ หม่าโต่. หม่าแน๊เรอ, อาเจอูเทอ เออเนอหมา หม่าดื่อ เตอ๊อแล จอแปแหร่ เร๊อ ซี เก่ เม อาเต เด๊อ ซิปล่อ อาโพ๊อาแปละ อากู ฮู๊เนอแพ๊. เหย่ซู่ครี๊ ย๋อ เซอ เร๊อ อา เซอเพร กาคยา อาขว่าอาคยา, ซี เจ ซีเหน่ เร๊อ เทอ เนอหม่า อา เมแลเปล๊กา ซี แพ๊.

โครินธ์ อาเหร่อเล๊อ ต๊าบ่า 6:11

เด๊อ ซีเกล เต๊เห่เห่ เนอ, เด๊อ เนอเค หม่า อา ทวา โทเฮ๊อ แกแยจา แกแยมู๊แหม่ แซ่เน๊อ เนอเฮ๊อ หม่าแน๊เรอ จอแปแหร่ ซู๊ปลีแก โทเฮ๊อ ซี เตซื๊อ เฮ๊อ. เร๊อ กู๊แหน่เออ ซี ทวา เฮ๊อ จอแปแหร่ อาเต เฮ๊อ. เด๊อ แบ่เจ่ เหย่ซู่ครี๊ เร๊อ จอแปแหร่ อา แหย่โยบูโพ๊ อาขว่าอาคยาเร๊อ, กู๊แหน่เออ, จอแปแหร่ แด่เฮ๊อ ซี ฮู๊ แกแยจ๊อแกแยเต เต๊เห่เนอ เฮ๊อ.

มัทธิว 3:11

“เด๊อ ซี ถู่แหล่แต๊แกละ ซีซิปล่อ อาขว่าอาคยา, แว เจ ซี เร๊อ เทอ. หม่าแน๊เรอ แกแย โอ่เตเพร เด๊อ อา เตอเรอฉว่าชอ เล๊อ เจ๊อ เน๊อ แว เตเพรเนอ อา เก่ แฮ เด๊อ แวคยา ปา. อา เก่ เจ ซี เร๊อ แหย่โยบูโพ๊ แบ่เจ่ เร๊อ หมิ ปา. แว กู๊กลอแพ๊ อาแข่แด๊พ๊า เน๋อ อา ต่าเร๊อ แว โต่.

ꤛꤥ꤭ꤟꤢ꤬ 3:3

เหย่ซู่ เฮ๊ฉื่อ ลู เน๊อ, “แว แด๊โฉ่จ๊อจ๊อ เน, แกแย เด๊อ อา โอ่เป๊เจ่แลเซเต๊เปล่ คยาแซ๊ ตื๊อหื่อ โต่ เต๊เห่เนอ, อา แม๊เถอะเบ๊ จอแปแหร่ อาเทออาเก่ เตเพร่ว โต่.”

ꤗꤢ꤬ꤊꤢꤨ 16:16

แกแย เด๊อ อา หยื่อเอ่ เตซิครือซิลอมีลา เออ เร๊อ อา เจอาเหน่ เร๊อ เทอ เตเพรเพร เนอ, อา เก่ พย๊าหนิ เตเมแลเปล๊กา ปา. หม่าแน๊เรอ แกแย เด๊อ อา หยื่อเอ่ โต่ เต๊เห่เนอ อา เก่ ข่าเบ่ เตเมจากาคยา ป๋า.

โครินธ์ อาเหร่อเล๊อ ต๊าบ่า 2:12

จอแปแหร่ เด๊อะเป อา แหย่โยบูโพ๊, เร๊อ แหย่โยบูโพ๊ แบ่เจ่ เออเนอ, อา แฮ เด๊อ แกแยเห่ขุพู๊ อา โอ่ เนอ หม่าโต่. แซ่ฮู๊ เป เก่ ซิเงโปล ลอ เต เด๊อ จอแปแหร่ เด๊อะตาครา เป เออเต๊เห่ อาเงเนอ, เป พย๊าหนิเฮ๊อ แหย่โยบูโพ๊ แบ่เจ่ เด๊อ อา แฮ เด๊อ จอแปแหร่ อา โอ่ เออเนอ เฮ๊อ.

ꤛꤥ꤭ꤟꤢ꤬ 1:13

เหย่ซี ทวาแถ่ แจ่ จอแปแหร่ อา พู๊เหมาะ พู๊คู ฮู๊ แกแย เหล่โกล กาโอ่เป๊เจ่แล เกอเร๊อดื่อเนอ หม่าโต่. หม่าโต่เรอ ฮู๊ สุ่ยเทอ พ๊า หย่า พู๊โอ่หนิ ฮู๊เนอ เต๊เห่ หม่าโต่. โทเรอ ฮู๊ โหมะเพ โอ่เมอเต่อลู เร๊อ อาพู๊ โอ่ เกอเร๊อดื่อ เนอ หม่าโต่โต่. หม่าดื่อ เหย่ซี ทวาแถ่ แจ่ จอแปแหร่ อา พู๊ ฮู๊ จอแปแหร่ อาซิปล่อ โอ่เกอ เร๊อดื่อ เนอแพ๊.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:1

อูเป๋ เตเพร เบ่เบ่ อา เก่ หยื่อเอ่ เร๊อ เหย่ซู่ หม่า ครี๊ เฮ๊เนอ, อา ทวาเฮ๊อ จอแปแหร่ อาพู๊อาเลอ เตเพรเฮ๊อ, โท๊โต่ อูเป๋ เตเพร เบ่เบ่ อา เก่ โมเร๊อ เพ เนอหม่า, อา โมเร๊อ เกอดื่อเฮ๊อ อาพู๊อาเลอ เต๊เห่ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:29

ซี ซิเง เร๊อ ครี๊ หม่า แกแยจ๊อแกแยเต เตเพร. ฮู๊เนอเรอ ซี โตเบ่ ซิเง เร๊อ แกแย เด๊อ อา เมโตเตเต๊เห่ เนอหม่า, หม่าเฮ๊อ จอแปแหร่ อาพู๊อาเลอ เต๊เห่ เฮ๊อ.

ꤊꤢ꤬ꤜꤢ꤬ꤒꤤ 6:15

แกแย ดื๊อตีลี๊พ๊า เต๊เห่ เบ่เบ่, อา ดื๊อตีลี๊ เกออู โต่ เต๊เห่ เบ่เบ่, อา โหล่ดุ เน๊อ เตอเจ๋อโต่. เตเด๊อ อา โหล่ดุเล๊ออู เนอหม่า ทวาแถ่ จอแปแหร่ อาแกแย เออเนอ แพ๊.

ꤚꤥꤗꤢꤩ꤬ 14:17

เมเตเฮ๊เรอ, จอแปแหร่ อาเทออาเก่กู เนอ, เหล่เอ่เหล่โอ หม่า เต เด๊อ อา โหล่ดุเล๊ออู หม่าโต่. เต เด๊อ อา โหล่ดุเล๊อ อู หม่า, เตจ๊อเตเต, เตโอ่โส่โอ่เคร, เร๊อ เตซิครือซิลอ เด๊อ แหย่โยบูโพ๊ แบ่เจ่ เด๊อะ เป เออเต๊เห่ เนอแพ๊.

มัทธิว 28:19

เมฮู๊เนอเรอ, แว เฮ๊ซี๋ จว๊า แลแค เด๊อ แกแย เมว เจ่อ เต๊เห่ อาโอ่, เร๊อ จว๊า เมทวาแถ่ เหย่ซี เน๊อ แว โคเจ่ นี๋. จว๊า เจ เป่ แลแค เหย่ซี เทอ เร๊อ เพ อามุย, พู๊คู อามุย เร๊อ แหย่โยบูโพ๊แบ่เจ่ อามุย นี๋.

มัทธิว 18:3

เร๊อ อา เฮ๊ เหย่ซี เน๊อ, “แว เฮ๊จ๊อจ๊อ ซี๋, ซี เก่ ถู่แหล่ เต๊เปล่ ซี ซิปล่อ โต่, ซี เก่ ทวาแถ่ แซ่เน๊อ เป๊เจ่ฮู๊ เออเต๊เห่ โต่, ซี โนหนิ แจ่ เด๊อ ม๊อขุ เทอเลเก่กู แตแค๋ โต่.

เปโตร อาเหร่อเล๊อ ต๊าบ่า 1:2

เพ จอแปแหร่ นว๊าแถ่ หนิ ซี ฮู๊ อา เตเตเนหนื่ออื่อ เร๊อดื่อเนอ เร๊อ จอแปแหร่ อา แหย่โยบูโพ๊ เมบูโพ๊แถ่ ซี, แซ่ฮู๊ ซี เก่ หนิดา เหย่ซู่ครี๊ อาโหง่ เร๊อ เด๊อ อาสุ่ย อาขว่าอาคยา, อา เก่ เมโพ๊เมปลี เป่ ซี. เตบุ๊ยเตเตอเรอ เร๊อ เตเพรอาดือ เก่ โอ่เล๊อะโอ่บา ดื่อ เร๊อ ซี นี๋.

เพรโด่แนพู๊ เต๊เห่ 3:19

แซ่ฮู๊ จอแปแหร่ เก่ ปลวาแก ซีเตซื๊อ เนอเร๊อ, ถู่แหล่แต๊แกละกา แลแค ซี ซิปล่อ เร๊อ กี่กย๊า กาคยา คยาแซ๊ แลแค เด๊อ จอแปแหร่ อา โอ่. ซี เก่ เมฮู๊เนอ เฮ๊เรอ ช๋า ม๊อเนอโตม๊อเนอเบ่ เฮ๊อ ปาเนอ แบ่เจ่ จอแปแหร่ อา เด๊อะอ๊าเด๊อะเหร่ คยา ซี ปา.

ꤜꤢꤨꤊꤢ꤬ 13:3

แว เฮ๊ ซี, เหย่ซี เตซื๊อเตปล๊าโอ่เอ๊เล๊อ เร๊อ ซี หม่าโต่. ซี เบ่เบ่, ซี เก่ ถู่แหล่เต๊เปล่กาคยา เกอ แลแค ซี ซิปล่อ โต่ เฮ๊เนอหม่า, ซี เก่ อาเซอ เกอ ลอ ปว๋า เตเพร ปา.

มัทธิว 5:20

ฮู๊เนอเร๊อ แว เฮ๊จ๊อจ๊อ ซี, ซี เก่จ๊อเก่เตเล๊อ เร๊อ เพรอิซว๊า เตซว๊าเตแส่ อาซ๊าร๊า เออเต๊เห่ เร๊อ ฟาริสี เออเต๊เห่ โต่ เฮ๊เนอหม่า, ซี โนเบ๊ แจ่ เด๊อ ม๊อขุ เทอเลเก่กู ตีกี๋ โต่.”

ꤚꤥꤗꤢꤩ꤬ 8:2

เมเตเฮ๊เรอ เด๊อ เป ทวาแถ่ เฮ๊อ ลู เตอเจ๋อ โต เน๊อ เหย่ซู่ครี๊ เฮ๊อ อาขว่าอาคยา, จอแปแหร่ อา แหย่โยบูโพ๊ เม เป่เฮ๊อ เปแกล๊ เด๊อ อาเซ โตโบ เฮ๊อ. โทเรอ อา เมแลเปล๊กา เฮ๊อ แว เร๊อ เตซื๊อ อาเหล่โกล เมโป๊เนอ เด๊อ อา ซูจว๊าเฮ๊อ แว เด๊อ เตเซอ เด๊อ แหย่โย ตากยา เออ อากู เนอเฮ๊อ.

ꤜꤢꤨꤊꤢ꤬ 13:24

“แอ๊จื๊อ จว๊าแม๊ปูโน แลแค เด๊อ กู่ดา อาอิ เนอตูกู, เมเตเฮ๊เรอ, แกแย เต๊เห่ แอ๊จื๊อจว๊าแม๊ปูโน โรแหน่เจ๊อ ตื๊อดื่อเรอ อา โนเบ๊ แลแค โต่.

ꤜꤢꤨꤊꤢ꤬ 13:5

อาหม่าโต่, แว เฮ๊ ซี, ซี เออเต๊เห่ เบ่เบ่, ซี เก่ ถู่แหล่แต๊แกละแลแค ซีซิปล่อ โต่ เฮ๊เนอหม่า, ซี เก่ เซอเกอ ลอ ปว๋า เตเพร ปา.”

มัทธิว 19:24

แว เฮ๊ โป่ ซี๋, ตีซิโบดุ โตโด เตเร ปย๊าโน เด๊อ เท๊หลิกูเนอ อายู เล๊อปา เจ๊อ เร๊อ แกแย ดุแหย่แถ่เซ เตเพร เตเร โน เด๊อ ม๊อขุ เทอเลเก่กู เนอ เจ๊อ.”

มัทธิว 21:31

“พู๊เพรคู เออซิเนอเนอ, อา หนิดา อา เพ เต เบ๊อะเต เตเพรเต?” เร๊อ เหย่ซี เฮ๊ฉื่อ ลู เน๊อ, “อาดุ เตเพร.” เร๊อ แบ่เจ่ เฮ๊ เหย่ซี เน๊อ, “แว เฮ๊จ๊อจ๊อ ซี, เพรกุยอาหมู่อาร๊า เร๊อ แม๊เผ่โหมะ จว๊าโน เผ่แก เฮ๊อ ซี เด๊อ ม๊อขุ เฮ๊อ.

ꤗꤢ꤬ꤊꤢꤨ 9:47

เป๊เส่ปล่อ เก่ นอเม เร๊อ เตซื๊อ เฮ๊เรอ ก๊ออูเถ่แก เร๊อ วีแก แก อาเนอ เป๊เส่ปล่อ โอ่แพ๊ ตากยา เร๊อ เน กาโนเบ๊ เด๊อ ม๊อขุ เนอ อาแร๊เล๊อ ปา เจ๊อ เร๊อ เป๊เส่ปล่อ โอ่ปวาโอ่ดวา ลอเนอโค๊ เร๊อ อู เบ่ วีตาแก เน เด๊อ ปอรากยากู ปาเนอ เจ๊อ.

ꤗꤢ꤬ꤊꤢꤨ 10:14

เหย่ซู่ แม๊เถอะ เหย่ซี เมฮู๊เนอเรอ อา ซิปล่อดุ เหย่ซี เร๊อ อา เฮ๊ เหย่ซี เน๊อ, “ปลวาแฮ พู๊เจ่ฮู๊ เนอเต๊เห่ เด๊อ แว โอ่เออ. เมตาตือ แต่ เหย่ซี แต่เหม่, เมเตเฮ๊เรอ จอแปแหร่ อาเทออาเก่ เนอหมา แกแย เด๊อ อา แด่หยว่า อาซิปล่อ แซ่เน๊อ พู๊เจ่ฮู๊เออเนอเต๊เห่ อาเตเฮ๊อ.

ꤛꤥ꤭ꤟꤢ꤬ 3:4

คูนิโคเดมัส แด๊เฮอ ลู เน๊อ, “แกแย ดุเผร่เฮ๊อ เตเพรเนอ. อา จว๊า กาโอ่เซเต๊เปล่ แจ่ คยาแซ๊ ฮู๊เต? อา กา กาโน คยาแซ๊ เด๊อ อา โหมะฮ๊อกู เร๊อ อา กาโอ่เซเต๊เปล่ เนอโพ๊เนอ หม่า อา แจ่ ปาแหน่ แอ?”

โครินธ์ อาเหร่อเล๊อ ต๊าบ่า 15:50

โคแบ๊ซว๊า ซี๋, กู๊แหน่เออ แว ซิหยื่อ เฮ๊ เป่ ซี เร๊อ เปเหน่กล่อ พ๊าหย่า เด๊อ อา โอ่ เร๊อ สุ่ย เร๊อ เทอ เออเนอ อา จว๊าโน โอ่เซอเพรแจ่ เด๊อ จอแปแหร่ อาเทออาเก่ โต่. เมเตเฮ๊เรอ เปเหน่กล่อ เด๊อ อาซออาปย๊าแก แจ่ ตูจูเพร เออเนอ, อา โอ่เซอเพร ข่า งยาเบ๊ ตูจูเพร โต่.