ꤛꤥ꤭ꤟꤢ꤬ 3:36 - ลีเทส่อพ๊าอาเซ เร๊อ เห่ขุทวาลู๊

³⁶ แกแย เด๊อ อา หยื่อเอ่แหน่ พู๊คู เออเตเพร เต๊เห่เนอ, อา พย๊าหนิ ซิปล่อเซอเพร ตูจูเพร. เร๊อ แกแย เด๊อ อา หนิดา เกออู โต่ เร๊อ อา หยื่อเอ่แหน่ เกออู พู๊คูเออ โต่ เต๊เห่เนอ, อา พย๊าหนิ เกออู ซิปล่อเซอเพรโต่. จอแปแหร่ อาเต เมจากาคยา ตาโอ่ เด๊อ แกแย เนอเต๊เห่ อาลู.”

Eastern Kayah Shadaw Dialect

³⁶ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤖꤢꤨꤖꤚꤢꤩ꤬ꤋꤢꤨ꤭ ꤣꤧ꤭ꤒꤣ꤬ꤖꤚꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤔ꤫ꤤ꤬ꤙꤢꤩ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬꤯ ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤘꤢ꤭ ꤊꤣꤧ꤭ꤢꤨ꤭ ꤒꤥ꤬ ꤚꤣꤧ꤬ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤊꤣꤧ꤭ꤢꤨ꤭ ꤖꤢꤨꤖꤚꤢꤩ꤬ꤋꤢꤨ꤭ꤣꤧ꤭ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤔ꤫ꤤ꤬ꤙꤢꤩ꤬ ꤊꤣꤧ꤭ꤢꤨ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤥ꤬꤯ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤘꤣꤧꤡꤢ꤭ ꤒꤢ꤭ ꤥ꤬ ꤘꤣ ꤊꤣꤧ꤬ꤛꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤜꤥ꤬꤯”

ꤛꤥ꤭ꤟꤢ꤬ 3:36 ပူးပေါင်းရင်းမြစ်များ

มัทธิว 25:46

“ฮู๊เนอเรอ เหย่ซี เก่ ข่าเบ่ เด๊อ เตเมจากาคยา ตูจูเพร ตาแลเคร๊ ปา, หม่าแน๊เรอ แกแย จ๊อเต เออเต๊เห่เนอ อา เก่ โนหนิ เด๊อ ม๊อขุ เร๊อ อาเก่ พย๊าหนิ ซิปล่อเซอเพร ตูจูเพรปา.”

ꤗꤢ꤬ꤊꤢꤨ 16:16

แกแย เด๊อ อา หยื่อเอ่ เตซิครือซิลอมีลา เออ เร๊อ อา เจอาเหน่ เร๊อ เทอ เตเพรเพร เนอ, อา เก่ พย๊าหนิ เตเมแลเปล๊กา ปา. หม่าแน๊เรอ แกแย เด๊อ อา หยื่อเอ่ โต่ เต๊เห่เนอ อา เก่ ข่าเบ่ เตเมจากาคยา ป๋า.

ꤜꤢꤨꤊꤢ꤬ 2:30

เน เตเมแลเปล๊กา เด๊อ เน ตี๊หรี่แตแร หนื่ออื่อ เป่ เน แกแย ปวาเพร อาเง เออเนอ, แว แม๊เถอะ เหน่กล่อ เจ๊อเฮ๊อ เด๊อ แวเป๊เส่ เฮ๊อ.

ꤜꤢꤨꤊꤢ꤬ 3:6

แกแย ปว๋า เตเพร เก่ แม๊เถอะ ลอ จอแปแหร่ นว๊าแถ่ เพรเมแลเปล๊กา แกแย เห่ขุ เออเนอ เตเพร ปา.’”

ꤛꤥ꤭ꤟꤢ꤬ 1:12

หม่าแน๊เรอ แกแย เด๊อ อา เอ๊ฉื่อ ลู เต๊เห่ เร๊อ อา หยื่อเอ่แหน่ ลู เต๊เห่เนอ, อา เด๊อะทวาแถ่ เหย่ซี เร๊อ จอแปแหร่ อา พู๊เหมาะ พู๊คู เต๊เห่.

ꤛꤥ꤭ꤟꤢ꤬ 10:28

แว เด๊อะ เหย่ซี ซิปล่อเซอเพร ตูจูเพร. อา เก่ เซอ ปา โตโพ๋ โต่. อู แฮ จุ่ยเถ่ แจ่ ปา เหย่ซี เด๊อ แว กู๊ยากู เตเพร่ว โต่.

ꤛꤥ꤭ꤟꤢ꤬ 3:3

เหย่ซู่ เฮ๊ฉื่อ ลู เน๊อ, “แว แด๊โฉ่จ๊อจ๊อ เน, แกแย เด๊อ อา โอ่เป๊เจ่แลเซเต๊เปล่ คยาแซ๊ ตื๊อหื่อ โต่ เต๊เห่เนอ, อา แม๊เถอะเบ๊ จอแปแหร่ อาเทออาเก่ เตเพร่ว โต่.”

ꤛꤥ꤭ꤟꤢ꤬ 4:36

กู๊แหน่เออ เจ๊อ เบ่เบ่, เพรเก๊โบ๊ เตเพรเนอ อา พย๊าหนิ อาคว๊าอาเก่ เร๊อ อา แด่โอ่ปล๊อ เตเส่เตโพ เต๊เห่ เด๊อ อา หม่าเฮ๊อ ซิปล่อเซอเพร ตูจูเพร อาเง เออเนอ เฮ๊อ. ฮู๊เนอเร๊อ เพรช๊อโบ๊ เออ เร๊อ เพรเก๊โบ๊ เออ ซิเนอลอ เก่ ซิครือ โหร่ลอ ลู ปา.

ꤛꤥ꤭ꤟꤢ꤬ 5:24

“แว เฮ๊จ๊อจ๊อ ซี, แกแย เด๊อ อา หนิโฮ แว ลาโหง่ เออเรอ อา หยื่อเอ่แหน่ เพร เด๊อ อา นอแฮแล แว เออเตเพร เต๊เห่เนอ, อา พย๊าหนิ ซิปล่อเซอเพร ตูจูเพร เฮ๊อ. เร๊อ อา แม๊เถอะ เบ่น๊อปา เด๊อ เตเมจากาคยาโต่. อา จว๊า ตาลว๊าเบ๊ เฮ๊อ เร๊อ เตเซอ เร๊อ อา จว๊าโน เฮ๊อ เด๊อ เตเซอเพร อากูเฮ๊อ.

ꤛꤥ꤭ꤟꤢ꤬ 6:58

เออ หม่า เหล่เอ่ โอ่เด๊อ ม๊อขุ แฮ เฮ๊อ. ซีเพอซีโพ มู๋ หนู่เค เต๊เห่ เอ่ ค๊อมูมานา ตื๊อดื่อเรอ อา เซอ แลแค แพ๊. หม่าแน๊เรอ แกแย เด๊อ อา เอ่ เหล่เอ่ เด๊อ แว เฮ๊ เป่ ซี กู๊แหน่ เออเต๊เห่เนอ อา เก่ เซอเพร ตูจูเพร ปา.”

ꤛꤥ꤭ꤟꤢ꤬ 8:51

แว เฮ๊จ๊อจ๊อ ซี, แกแย เตเพรเพร เก่ อา จูเอ่ หนิดา แวโหง่ เฮ๊เนอ, อา เซอปา แตแค๋ โต่,” อา เฮ๊ เหย่ซี ฮู๊เนอ.

เพรโด่แนพู๊ เต๊เห่ 14:2

หม่าแน๊เรอ แกแยยิวพู๊ เด๊อ อา หยื่อเอ่ เกออู โต่ เต๊เห่เนอ, อา นอฉว่านอชอ แฉ่ครวา แกแยยิวพู๊ หม่าโต่ เต๊เห่ เด๊อ อา เก่ เท๊แตแอฉื่อแก แกแย เด๊อ อา หยื่อเอ่แลแค เนอเต๊เห่.

ꤚꤥꤗꤢꤩ꤬ 4:15

เมเตเฮ๊เรอ เตซว๊าเตแส่ หม่า อา เมซิปล่อดุ แถ่ จอแปแหร่. แกแย ลือเบ๊ เตซว๊าเตแส่ ปว๋า โตโพ๊ โต่ อาขว่าอาคยา, อา เมซิปล่อดุ แถ่ จอแปแหร่ เร๊อ อา เก่ เมจากาคยา เหย่ซี ปา. เตซว๊าเตแส่ เก่ โอ่โต่ เฮ๊เนอ, แกแย เตเพร่ว หม่า อา เมซื๊อ เตซว๊าเตแส่ โต่.

ꤚꤥꤗꤢꤩ꤬ 5:9

เป ทวาเฮ๊อ แกแยจ๊อแกแยเต เด๊อ จอแปแหร่ อา เป๊เส่เง เร๊อ ครี๊ อาสุ่ย ขว่าคยา เฮ๊อ. ฮู๊เนอเรอ ครี๊ เก่ เมแลเปล๊กา หม่าแหน่ เจ๊อ เป เร๊อ จอแปแหร่ อา เตเมจากาคยา เออเนอ ปา.

ꤚꤥꤗꤢꤩ꤬ 8:1

ฮู๊เนอเรอ กู๊แหน่เออ, แกแย เด๊อ อา ทวาแถ่เฮ๊อ เตอเจ๋อ โต เร๊อ เหย่ซู่ครี๊ เต๊เห่เนอ, จอแปแหร่ เมจากาคยา ปา ลู แตแค๋ โต่ เฮ๊อ.

ꤊꤢ꤬ꤜꤢ꤬ꤒꤤ 3:10

หม่าแน๊เรอ แกแย เด๊อ อา ซิเลแถ่ เร๊อดื่อ เตซว๊าเตแส่ เด๊อ อา เก่ พย๊าหนิ เตจ๊อเตเต อาเง เต๊เห่เนอ, จอแปแหร่ เก่ มือ เหย่ซี ปา. เมเตเฮ๊เนอเรอ ลีเทส่อพ๊ากู เฮ๊ เน๊อ, “แกแย เตเพรเพร เด๊อ อา โอ่เซอเพร ครวาลือเม เกอ เตซว๊าเตแส่ อาคยา ปวาตามา โต่ เตเพรเนอ, จอแปแหร่ เก่ เมจากาคยา อา ปา,” อา เฮ๊ ฮู๊เนอ.

เอเฟซัส 5:6

นออิลออี๊โหล่ แต่ ซีเหน่ เร๊อ แกแย เด๊อ อา เฮ๊เบ่แลโฮ เร๊อ อาโหง่แลช๊า โอ่โต่ เต๊เห่เนอ แต่เหม่ นี๋. แกแย เด๊อ อา เม เตมู๊แหม่รีแจ่ ฮู๊เนอ เต๊เห่, เร๊อ อา หนิดา เกอ อู จอแปแหร่ อาโหง่ โต่ เต๊เห่เนอ, จอแปแหร่ เก่ ซิปล่อดุ เหย่ซี ปา เร๊อ อา เก่ เมเมจากาคยาเหย่ซี ปา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:10

โทเรอ จอแปแหร่ อาพู๊คู เหย่ซู่ เด๊อ อาเพ เม ก๊อถ่อ เซอเพร กาคยา คยาแซ๊ ลู เด๊อ เตเซอ เออเตเพร เก่ แฮแล คยาแซ๊ เด๊อ ม๊อขุ ปาเนอ, ซี โอ่ป่อแม๊ชือ แลแค ฮู๊เต เนอ เหย่ซี เฮ๊ ลอปลี เป่ เป. เหย่ซู่ หม่า เพร เมแลเปล๊กา เฮ๊อ เป เร๊อ จอแปแหร่ อา เตซิปล่อดุ เด๊อ อา เก่ เมจากาคยา อู ปา เออเนอ เตเพร อา กู๊ยากู เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:9

จอแปแหร่ นว๊าแถ่ เป เร๊อ เป เก่ ข่าเบ่ อา เตซิปล่อดุ อาเตเมจากาคยา เออเนอ หม่าโต่. เด๊อ เป แบ่เจ่ เหย่ซู่ครี๊ ขว่าคยาเรอ, อา นว๊าแถ่ เป เร๊อ เป เก่ พย๊าหนิ ลาเฮ๊อ เตเมแลเปล๊กา เออเนอแพ๊.

ꤟꤤꤙꤚꤢꤨ 10:29

ฮู๊เนอเรอ ซี เตเน แม๊มอ แกแย เด๊อ อา เฮ๊ โตโมเต๊เก่ จอแปแหร่ อาพู๊คู เออเต๊เห่, เร๊อ อา วีแก ลู เต๊เห่เนอ, จอแปแหร่ เก่ เมจากาคยา จาเล๊อแหน่ เหย่ซี ปา. โทเรอ ครี๊ ข่าเซอ อาซิปล่อ เร๊อ อา เด๊อะทวาแถ่ เฮ๊อ จอแปแหร่ อา เตอ๊อแล อาเซ เออเนอเฮ๊อ เร๊อ ครี๊ ซู๊ปลีแก เฮ๊อ เป เน๊อ อาสุ่ย เฮ๊อ. ฮู๊เนอเรอ แกแย เด๊อ อา แด่ งูดุงูชอ เกอ ครี๊ อาสุ่ย โต่ เต๊เห่เนอ, จอแปแหร่ เก่ เมจากาคยา จาเล๊อ เหย่ซี ปา. โท๊โต่ แกแย เออเต๊เห่เนอ อา เฮ๊ มู๊แหม่รีแจ่ แหย่โยบูโพ๊ แบ่เจ่ เด๊อ อา เด๊อะ เหย่ซี เตบุ๊ยเตเตอเรอ เออเตเพร อาขว่าอาคยา, จอแปแหร่ เก่ เมจากาคยา เล๊อ เจ๊อ เหย่ซี เร๊อ แกแย เด๊อ อา เมซื๊อ คูโมเสส อา เตซว๊าเตแส่ เนอเต๊เห่ ปา.

ꤟꤤꤙꤚꤢꤨ 2:3

ฮู๊เนอเรอ, กู๊แหน่เออ เป เก่ แด่หยื่อ เกออู เตเมแลเปล๊กา อาดุอาแย เออ โต่ เฮ๊เรอ จอแปแหร่ เก่ เมจากาคยา หม่าแหน่ เจ๊อ เป ปา. จอแปแหร่ อา เตเมแลเปล๊กา อาแกล๊อาโกล เออเนอ, แบ่เจ่ อาเหน่กล่อ เร๊อดื่อ แด๊โฉ่โด่แน โล เหร่อเล๊อ เป่ อู เฮ๊อ. เร๊อ แกแย เด๊อ อา หนิโฮ ลู เฮ๊เออ เต๊เห่เนอ อา เฮ๊โฉ่โปล เป่ แฮเง เป่ เน๊อ เตเมแลเปล๊กา เตหรี่เตแก เออเต๊เห่ เนอหม่า อา หม่าแหน่ เจ๊อ ฮู๊เนอ.

ꤟꤤꤙꤚꤢꤨ 3:18

เบ๊อะจอแปแหร่ เฮ๊ตาแก เหย่ซี เน๊อ, เทอเก่ เด๊อ แว เด๊อะ เหย่ซี เร๊อ อา เหล่โอ่โก๊ เตเบ๊ซิพร๊า อาเง เนอโต๊โผะ หม่า อา โน หนิน๊อ ปาโต่ อา เฮ๊ ลู เนอเต๊เห่ หม่า อูเป? อา เฮ๊ตาแก โหง่เออ เนอหม่า, อา เฮ๊เฮ๊อ แกแย เด๊อ อา หนิดา ลูโหง่ โต่ เนอเต๊เห่ เฮ๊อ.

ꤟꤤꤙꤚꤢꤨ 3:19

ฮู๊เนอเรอ เด๊อ เหย่ซี หยื่อเอ่โต่ อาขว่าอาคยา, เหย่ซี โนหนิ ปา เก่ เนอต๊าบ่า โต่ เนอหม่า เป ซิเงโปล ลอ ดื่อเฮ๊อ.

เตเด๊อะโลแถ่ 21:8

หม่าแน๊เรอ แกแย เด๊อ อา โต๊โหร่ เต๊เห่, แกแย เด๊อ อาจ๊อ เร๊อ อา เตหยื่อเตแหน่ โต่ เต๊เห่, แกแย เด๊อ อาซิปล่อ มู๊แหม่ เต๊เห่, แกแย เด๊อ อา เมเซอ แกแย เต๊เห่, แกแย เด๊อ อา จว๊าซื๊อ เพรเหมาะเพรคู เต๊เห่, แกแย เด๊อ อา ทวา โลเน๊มู๊แหม่รีแจ่ ซ๊าร๊า เอ่อูแหย่โย เต๊เห่, แกแย เด๊อ อา จ๊อเบ เตแหย่โย เต๊เห่, เร๊อ แกแย เด๊อ อา แลโฮ อู เต๊เห่เนอ อาเหล่โอ่เหล่แบ่ หม่าเฮ๊อ หมิเผ่ เด๊อ อา หม่า เตเซอ เนอโพ๊โตโพ๊ เด๊อ อู ชื๊ออือ อา เร๊อ หย่าซู๊แบ เออเต๊เผ่ เนอ เฮ๊อ.”