ꤛꤥ꤭ꤟꤢ꤬ 3:33 - ลีเทส่อพ๊าอาเซ เร๊อ เห่ขุทวาลู๊

³³ แกแย เด๊อ อา หนิดา พย๊าฉื่อ ลู เตเฮ๊โฉ่โล เต๊เห่เนอ, อา หยื่อเอ่ ตาเต แลแค เร๊อ จอแปแหร่ หม่า อาหม่าอาจ๊อ.

Eastern Kayah Shadaw Dialect

³³ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤘꤢ꤭ ꤖꤛꤢꤏꤢꤦ꤬ ꤜꤢꤨ꤭ ꤒꤢꤩ꤬ꤟꤢꤩꤏꤥ꤬ꤜꤥ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤛ꤫ꤢꤦ꤬ꤢꤩ꤬ ꤒꤢ꤭ꤒꤢꤩ꤬ ꤜꤢ꤭ꤋꤢꤧ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤗꤢ꤬ ꤢ꤬ꤗ꤫ꤢ꤬ꤢ꤬ꤡꤢꤪ꤯

ꤛꤥ꤭ꤟꤢ꤬ 3:33 ပူးပေါင်းရင်းမြစ်များ

ꤟꤤꤙꤚꤢꤨ 6:17

แกแย เด๊อ อา พย๊าหนิเฮ๊อ จอแปแหร่ อา เตอ๊อแล เต๊เห่เนอ, จอแปแหร่ ซิหยื่อ นอซิเง ตาเต เหย่ซี เน๊อ ฮู๊ จอแปแหร่ อ๊อแล โทเฮ๊อ เหย่ซีเนอ, อา เก่ เม เล๊อบา ฮู๊เนอ ปา, อา ถู่แหล่ เต๊เปล่โค๊ ปาโต่ อาขว่าอาคยา, เด๊อ อา เตอ๊อแล อากูเนอ, อา แบ โนป่าหนิ อาโหง่ เบ๊อะเนอ.

เอเฟซัส 1:13

ซี เร๊อ, เบ๊อะซี หนิโฮ เกอ เตหมะเตจ๊อ, เตซิครือมีลา เด๊อ อา เมแลเปล๊กา ซี อาหรี่อาแก เบ๊อะเนออาเค, ซี หยื่อเอ่ เร๊อ ซี ทวาแถ่ เตเตอเจ๋อ โต เร๊อ ครี๊ เฮ๊อ. เด๊อ ซี หยื่อเอ่ ครี๊ อาขว่าอาคยา, อา เด๊อะแล ซี แหย่โยบูโพ๊แบ่เจ่ เด๊อ อา เฮ๊แก หนื่ออื่อ โทเฮ๊อ เออเนอ เฮ๊อ. แหย่โยบูโพ๊แบ่เจ่ เออเนอ อา แซ่เฮ๊อ เร๊อ เมม๊าเมแด เต๊อเจ่อ เด๊อ อา เด๊อะโล เร๊อ ซี ทวาเฮ๊อ จอแปแหร่ อาแกแย เฮ๊อ.

โครินธ์ เนอบ่า ต๊าบ่า 1:22

โท๊โต่, จอแปแหร่ เมม๊าเมแด เป เออเนอ, อา เด๊อะโล เฮ๊อ เร๊อ เป ทวา เฮ๊อ อาแกแย เฮ๊อ. อา เด๊อะตา เป แหย่โยบูโพ๊ แบ่เจ่ เออเนอหมา อา เมม๊าเมแด เฮ๊อ เป เฮ๊อ. โทเรอ แหย่โยบูโพ๊ แบ่เจ่ เออเนอ, อา แฮโน โอ่เซอเพร เด๊อ เป ซิปล่อกู เร๊อ อา เฮ๊จว่า เป่เกอ เป เร๊อ จอแปแหร่ เก่ เมเล๊อเมบาแถ่ เป่ ลอ เป อา เตอ๊อแล เนอเต๊เห่ ปา.

โครินธ์ เนอบ่า ต๊าบ่า 1:18

ฮู๊ จอแปแหร่ เฮ๊เบ่จ๊อ เต เนอ, แว เฮ๊เบ่จ๊อ แซ่เกอดื่อ ฮู๊ อา เนอแพ๊. ช๊าปา เร๊อ “อ่อ,” ช๊าปา เร๊อ “โต่,” แว เฮ๊ เกออู ฮู๊เนอ แตแค๋ โต่.

ꤛꤥ꤭ꤟꤢ꤬ 6:27

จ่าเพรอ แรเป่ เต เหล่เอ่เหล่โอ เด๊อ อา โนโส่ อา ซอปย๊า แจ่ เนอเต๊เห่ อาเง แต่เหม่. จ่าเพรอ แรเป่ เหล่เอ่เหล่โอ เด๊อ อา เก่ เด๊อะ ซี ซิปล่อเซอเพร ตูจูเพร เออเต๊เห่ อาเงเนอ. แกแยเห่ขุ พู๊คูเออ, อา เก่ เด๊อะ อู เหล่เอ่ ฮู๊เนอ เต๊เห่ ปา, เมเตเฮ๊เรอ เพ จอแปแหร่ เด๊อะโล เฮ๊อ เร๊อ อา ซิปล่อโอ่ เฮ๊อ ลู เฮ๊อ.”

ꤛꤥ꤭ꤟꤢ꤬ 8:26

แว เก่ เฮ๊ ซีหรี่อาแก เฮ๊เนอหม่า, อา เหล่เฮ๊ โอ่เอ๊ลูปา, โท๊โต่ แว เหล่แด่ ซี เตซื๊อ เนอ, อา โอ่เอ๊ลูปาปา. หม่าแน๊เรอ โหง่ เด๊อ แว เฮ๊ เป่ แกแย เห่ขุพู๊ เออเต๊เห่ เนอหม่า หม่าแพ๊ แว หนิโฮ เด๊อ เพร เด๊อ อา นอแฮ แว เออเนอ เตเพร อา โอ่ เร๊อ เต เด๊อ อา เฮ๊ เต๊เห่ เนอหม่า อา โตแพ๊,” อา เฮ๊ฉื่อ เหย่ซี ฮู๊เนอ.

ꤚꤥꤗꤢꤩ꤬ 4:11

อา ดื๊อตีลี๊พ๊า เนอหม่า อาเนอ เด๊อ คยา แพ๊. เบ๊อะอา ดื๊อตีลี๊ แต่ลา พ๊า โต่ เบ๊อะเนอ, เด๊อ อาเตหยื่อ อาขว่าอาคยา, จอแปแหร่ แด่เฮ๊อ อา ฮู๊ แกแยจ๊อแกแยเต เตเพรเฮ๊อ. ฮู๊เนอเรอ อา เมม๊าเมแดแก ลู เร๊อ เตดื๊อตีลี๊พ๊า ฮู๊เนอ เต๊อเจ่อ แพ๊. ฮู๊เนอเรอ แกแย เด๊อ อา ดื๊อตีลี๊ เกอ เจ๊ออู พ๊า โต่ หม่าแน๊เรอ, อา หยื่อเอ่ จอแปแหร่ เต๊เห่เนอ, เพอับราฮัม ทวา เป่ ลอ แกแย ฮู๊เนอ เต๊เห่ อาเพ เฮ๊อ. ฮู๊เนอ อาขว่าอาคยา, จอแปแหร่ แด่จ๊อแด่เต เกอเฮ๊อ เหย่ซี เฮ๊อ.

ꤚꤥꤗꤢꤩ꤬ 15:28

ฮู๊เนอเรอ ช๋า แว เด๊อะแก โทเฮ๊อ รือ เด๊อ เหย่ซี กู๊ยากู ปาเนอ, โทเรอ ช๋า แว ซิเง ตาเตเฮ๊อ เร๊อ เหย่ซี พย๊าหนิ โทเฮ๊อ รือ ปา เบ๊อะเนอ, แว เก่ เถ่จว๊า เด๊อ สเปนเก่ ปา, เร๊อ แว เก่ โน โอ่เล โก๊ล๊าเกอ ซี เบ๊อะเนอ ปา.

โครินธ์ อาเหร่อเล๊อ ต๊าบ่า 9:2

แกแย อาโร เต๊เห่ แด่เกอ แว ฮู๊ เพรโด่แนพู๊ เต๊เห่ เตเพร โต่ หม่าแน๊เรอ ซี เร๊อ ซี โตเบ่ แด่ แว ฮู๊ เพรโด่แนพู๊ เต๊เห่ เตเพรเนอ. เมเตเฮ๊เรอ ซี เร๊อ ครี๊ ทวาแถ่ เฮ๊อ ลู เต๊อเจ๊อ แพ๊ อาขว่าอาคยา, ซี เด๊อะโล ตาเต เฮ๊อ เร๊อ แว หม่า เพรโด่แนพู๊ เต๊เห่ อา หม่าแหน่ เจ๊อ เฮ๊อ เตเพร เฮ๊อ.

เอเฟซัส 4:30

เมซิเปล แต่ จอแปแหร่ อา แหย่โยบูโพ๊ แต่เหม่. จอแปแหร่ เด๊อ ซี แหย่โยบูโพ๊แบ่เจ่ เออเนอหมา, อา แซ่เฮ๊อ เร๊อ เมม๊าเมแด เต๊อเจ่อ เด๊อ ซี หม่า จอแปแหร่ อาเต เฮ๊อ. แหย่โยบูโพ๊แบ่เจ่ เออเนอ, อา เก่ โอ่เต่อ เร๊อ ซี โต่เด๊อ จอแปแหร่ แฮ เมแลเปล๊กา ซี ปา เนอเตอเนอ ปา.

ทิโมธี เนอบ่า ต๊าบ่า 2:19

หม่าแน๊เรอ อู เม โกโยแจ่ เน๊อ จอแปแหร่ อา เตแก่ช๊า อาหม่าอากลอ เออเนอ โต่. เด๊อ เตแก่ช๊า เออ อาโอ่เนอ อู ราโอ่ เน๊อ, “แบ่เจ่ ซิเง เกอเร๊อดื่อ อาแกแย” เร๊อ “แกแย ปว๋า เตเพร เด๊อ อา เฮ๊ เร๊อ แว หม่า แบ่เจ่ อาแกแย เต๊เห่เนอหม่า, อา โตเบ่ ตีรี๊ จว๊าโค๊แก อาเหน่ เร๊อ เตซื๊อ เออเนอ.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:10

เก่ เป เฮ๊ เร๊อ เป เมน๊อ เตซื๊อ โตโพ๋โต่ เฮ๊เนอหม่า เป นอทวา จอแปแหร่ แซ่เน๊อ แกแย แลโฮแลแห่ เต เตเพร เร๊อ อาลาอาโหง่ โอ่ เด๊อ เปกู ตือมื๋อ โต่.