ꤛꤥ꤭ꤟꤢ꤬ 3:21 - ลีเทส่อพ๊าอาเซ เร๊อ เห่ขุทวาลู๊

²¹ หม่าแน๊เรอ แกแย เด๊อ อา เม อาจ๊ออาเต เต๊เห่เนอ, อา แฮโต เด๊อ เตลี อา โอ่, เมเตเฮ๊เรอ แซ่ฮู๊ อู ปว๋า เตเพร เก่ แม๊เถอะ โลแร๊ เร๊อ อา เมเต เต๊เห่เนอ, อาโต เร๊อ จอแปแหร่ อาซิปล่อ อาเงเนอ, อา แฮโต เด๊อ เตลี โอ่.”

Eastern Kayah Shadaw Dialect

²¹ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤟꤢꤧ꤭ꤒꤥ꤭ ꤘꤣ ꤒꤢꤩ꤬ꤜꤤ꤭ ꤢ꤬ ꤥ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤢꤧꤟꤢꤨ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤜꤥ꤭ꤚꤢꤧ ꤔꤢꤧ ꤢ꤬ ꤗꤢꤩ꤬ꤒꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ꤒꤥ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤟꤢꤧ꤭ꤒꤥ꤭ ꤘꤣ ꤒꤢꤩ꤬ꤜꤤ꤭ ꤥ꤬꤯”

ꤛꤥ꤭ꤟꤢ꤬ 3:21 ပူးပေါင်းရင်းမြစ်များ

ꤛꤥ꤭ꤟꤢ꤬ 1:47

เบ๊อะเหย่ซู่ แม๊เถอะ คูนาธานาเอล แฮ เด๊อ ลูโอ่ เบ๊อะเนอ, อา เฮ๊ คูนาธานาเอล อาหรี่อาแก เน๊อ, “อา หม่า อิสราเอลพู๊ หม่าแหน่ เตเพร. อา แลโฮแลแห่ เกออู แตแค๋โต่.”

ꤛꤥ꤭ꤟꤢ꤬ 3:20

ล๋อ แกแย เด๊อ อา เม เตมู๊แหม่รีแจ่ เต๊เห่เนอ, อา ซิเถ่ เตลี เร๊อ อา แฮ เด๊อ เตลี อา โอ่ โต่, เมเตเฮ๊เรอ แกแย เด๊อ อา เม เตมู๊แหม่รีแจ่ เต๊เห่เนอ, อา ซิอิเช เร๊อ อา เตซื๊อเตโอ่หร่า เต๊เห่ โอ่โลแถ่ เร๊อ อา แฮโตโต่.

ꤛꤥ꤭ꤟꤢ꤬ 5:39

ซี แม๊ปูซิเง แลแค ลีเทส่อพ๊า เต๊เห่ เมเตเฮ๊เรอ ซี เตเน เร๊อ ซี เก่ แม๊เถอะ ซิปล่อเซอเพร ตูจูเพร เบ๊อะลี เออเนอเต๊เห่ อากู ปา. ลีเทส่อพ๊า เออเต๊เห่ เนอหม่า อา ข่าเฮ๊โล เป่เฮ๊อ ซิปล่อ เร๊อ แวหรี่แวแก เฮ๊อ.

ꤛꤥ꤭ꤟꤢ꤬ 7:17

แกแย เตเพรเพร เก่ ซิหยื่อ ลือเมโต จอแปแหร่ อาซิปล่อ เฮ๊เนอ, เตอิซว๊าอี๊แส่ เออเต๊เห่ เนอหม่า อา โอ่ เด๊อ จอแปแหร่ อา โอ่แฮ แอ? หม่าโต่เรอ แว เฮ๊เบ่ เกอเร๊อดื่อ เน๊อ แว เตอเรอฉว่าชอ แอ, เนอ อาเกล๊ ซิเง แหน่ แพ๊.

โครินธ์ อาเหร่อเล๊อ ต๊าบ่า 15:10

หม่าแน๊เรอ, เด๊อ แบ่เจ่ อาบุ๊ยอาเตอเรอ อาขว่าอาคยา, กู๊แหน่เรอ แว ทวาแถ่เฮ๊อ เพรโด่แนพู๊ เต๊เห่ เตเพรเฮ๊อ. เตบุ๊ยเตเตอเรอ เด๊อ จอแปแหร่ เด๊อะตา แว เออเนอ อา แกเด โต่. เมเตเฮ๊เรอ แว แอ๊จื๊อ จ่าเพรอจ่าหร่อ เม เล๊อ เจ๊อ เร๊อ เพรโด่แนพู๊ เต๊เห่ เด๊อ อาโร เต๊เห่ เจ๊อ. แว เมเบ๊ ฮู๊เออ เนอหม่า แวอ๊าแวเหร่ เร๊อดื่อ หม่าโต่. จอแปแหร่ อาบุ๊ยอาเตอเรอ เม เต่อเกอ เร๊อ แว อาขว่าอาคยา, แว เมเบ๊ ฮู๊เออ เนอแพ๊.

โครินธ์ เนอบ่า ต๊าบ่า 1:12

หม่าเมเตเรอ เป เฮ๊เบ่แถ่โล บื่อ เปโหง่ เฮ๊เรอ, เด๊อ เป ซิปล่อกูเออ เป ซิเง ตาเต เร๊อ เป เมซื๊อเมปล๊า, เป เฮ๊ซื๊อน๊อ อู เตเพร่ว โต่, โท๊โต่ เป แด่ จ๊อจื้อแพ๊ เป ซิปล่อสู่เทอ เด๊อ ซีขุ แพ๊. เป เมฮู๊เออ เนอหม่า หม่า เด๊อ จอแปแหร่ อาบุ๊ยอาเตอเรอ อา เตโพร อาขว่าอาคยา แพ๊, หม่าเด๊อ แกแย เห่ขุพู๊ อา เตลีแมลีเพ๊ อาขว่าอาคยา เนอ หม่าโต่.

ꤊꤢ꤬ꤜꤢ꤬ꤒꤤ 6:8

เมเตเฮ๊เรอ แกแย เด๊อ อา โหล่ตา สุ่ยเทอพ๊าหย่า อา เตซิหยื่อซิลอ เต๊เห่เนอ, อา เก่ เก๊ กาคยา เบ่น๊อ เกอเร๊อ คยาแซ๊ดื่อ เตปย๊าเตหลู่ เนอเต๊เห่ ปา. หม่าแน๊เรอ แกแย เด๊อ อา โหล่ตา เตครวาเมเกอ ฮู๊ แหย่โยบูโพ๊ แบ่เจ่ อา เตยูแกล๊ยูโกล ลู เต๊เห่เนอ, อา เก่ เก๊เบ่น๊อ เร๊อคยาแซ๊ดื่อ ซิปล่อเซอเพร ตูจูเพร ปา.

เอเฟซัส 5:9

เมเตเฮ๊เรอ, เตลี อา เตเส่เตโพ เต๊เห่ เนอหม่า หม่าเฮ๊อ ล๋อ เตตว่าเตแร๊, อาจ๊ออาเต เร๊อ ซิปล่อ จ๊อจื้อ เออเต๊เห่ เนอเฮ๊อ.

ฟีลิปปี 1:11

โท๊โต่ แว กุยจ๊อเบ เป่ เด๊อ ซีเง เนอ, เด๊อ เหย่ซู่ครี๊ อา เตโพรเตเตอเรอ ขว่าคยาเร๊อ, ซี เก่ เส่เถ่ แฮเง เกอ แลแค เตจ๊อเตเต อาเส่ เต๊เห่. เมเตเฮ๊เรอ เบ๊อะอู แม๊เถอะ ซี เส่เถ่ เตจ๊อเตเต อาเส่ เออเต๊เห่ เบ๊อะเนอ, อู เก่ แด่ดุหยื่อแหน่ จอแปแหร่, เร๊อ อู เก่ ถู่เซ๊แถ่หนิ ลู ปา.

ฟีลิปปี 2:13

เมเตเฮ๊เรอ, แซ่ฮู๊ ซี เก่ ซิปล่อฉว่า ซิหยื่อ หนิดา ครวาเม เกอ ฮู๊ จอแปแหร่ อา เตซิหยื่อ เด๊อ อาแร๊ เต๊เห่ อาเงเนอ, อา เม เป่เฮ๊อ เต เด๊อ ซีกู ปว๋า โต๊โพ๊ เจ๊อ เฮ๊อ.

โคโลสี 1:29

ครี๊ อา เตโพรเตเตอเรอ เออ อา เมฉว่าเมชอ แหน่เจ๊อ เด๊อ แวกู แว ซิเล แถ่หนิ อา เตโพรเตเตอเรอ ฉว่าชอ เออ เร๊อ แว จ่าเพรอแอ๊จื๊อ เร๊อ แว ซิครือเมเฮ๊อ จอแปแหร่ อาเตแร เออเต๊เห่ เฮ๊อ.

เปโตร อาเหร่อเล๊อ ต๊าบ่า 1:22

กู๊แหน่เรอ เด๊อ ซี จูเอ่ เฮ๊อ จอแปแหร่ อา เตอิซว๊า อา เตหมะเตจ๊อ เต๊เห่ อาขว่าอาคยา, ซี เมโพ๊เมปลี เฮ๊อ ซี ซิปล่อ เร๊อ ซี ทวา เฮ๊อ แกแย เด๊อ อา โมหนิ หม่าแหน่ เจ๊อเฮ๊อ โป่แหว่ ครี๊พู๊ เออเต๊เห่ เฮ๊อ. เมฮู๊เนอเรอ โมลอ แคลูเน๊อ ซิปล่อซีเม เตเพร เร๊อ เตเพร นี๋.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:6

เก่ เป เฮ๊ เร๊อ เป แบ๊ซว๊าแบ๊โค เน๊อ อา หม่าแน๊เรอ เป เก่ โอ่เซอเพร แฮเง เด๊อ เตคี๊ ลอ อาเกล เร๊อ เป เก่ เม แฮเง ตื๊อดื่อ ปาแพ๊ เตซื๊อ เฮ๊เนอหม่า, เป หม่า แกแย แลโฮแลแห่ เร๊อ เป โอ่เซอเพร เด๊อ เตหมะเตจ๊อ อากู โต่.

ยอห์น โซบ่า ต๊าบ่า 1:11

แว โคแบ๊ซว๊า, เตมู๊แหม่รีแจ่ ฮู๊เนอ เต๊เห่เนอ แม๊บือแม๊ตู่ เกอ แต่ อู แต่เหม่ นี๋. แม๊บือแม๊ตู่ เกอดื่อ อู เต เด๊อ อาแร๊ เนอเต๊เห่ นี๋. แกแย เตเพรเพร เด๊อ อา เมเตแร๊ เนอ, อา หม่า จอแปแหร่ อาแกแย เตเพร เฮ๊อ. แกแย เด๊อ อา เม เตมู๊แหม่ เตเพรเพร เนอหม่า หม่าเฮ๊อ แกแย เด๊อ อา ซิเง ตาเต แต่เกอลา อู จอแปแหร่ โต่.

เตเด๊อะโลแถ่ 3:15

เน เม โทเฮ๊อ แคร๋ หม่าอิเตเนอ แว ซิเง แพ๊. เน แซ่เน๊อ เทอ เด๊อ อา กู่ เกออู โต่โต่, อา เตอเจ๊อ เกออู โต่โต่, แว ซิหยื่อ เร๊อ เน เก่ กู่ โต่หม่าแน๊ เน เก่ เตอเจ๊อ เนอแพ๊. แว ซิหยื่อ เฮ๊ เร๊อ เก่ ครวา แวคยา เร๊อ ครวาตาเต เก่ ซิหยื่อ ครวา โต่ เฮ๊เรอ ครวา แต่ ตีกี๋ แต่เหม่.